Twitter

„როსკომნადზორი“: Twitter-ს ჯერ კიდევ არ წაუშლია 500 აკრძალული მასალა

20
(განახლებულია 19:54 11.06.2021)
რუსეთის კანონმდებლობით, ინტერნეტ-პლატფორმის ადმინისტრაცია ვალდებულია ერთი დღე-ღამის განმავლობაში შეზღუდოს წვდომა არასანდო კონტენტზე.

თბილისი, 11 ივნისი − Sputnik. სოციალურმა ქსელმა Twitter-მა წვდომა არ შეუზღუდა დაახლოებით 500 აკრძალულ პოსტს, იუწყება РИА Новости „როსკომნადზორზე“ დაყრდნობით. 

„2015 წლიდან პლატფორმიდან არ წაშლილა 6 ათასზე მეტი აკრძალული მასალა. სოციალური ქსელების ტრაფიკის შენელების კუთხით მიღებული ზომების შემდეგ წაუშლელი რჩება 490 მასალა. აკრძალული მასალების წაშლის საშუალო დრო 129-დან 8 დღე-ღამემდე შემცირდა“, − ნათქვამია რელიზში.

გარდა ამისა, უწყებამ გამოავლინა რუსული მედიასაშუალებებისა და საინფორმაციო რესურსების ცენზურის 11 შემთხვევა, რომელთა შორის არიან: Russia Today, Sputnik, РИА Новости, ასევე რუსი მომხმარებლებისა და პროექტების („რუსეთის ლიდერები“, ვაქცინა „სპუტნიკ V“ და სხვ.) რამდენიმე აკაუნტი. ამასთან, პერსონალური მონაცემების დამუშავება ჯერ კიდევ არ არის ლოკალიზებული.

„შედგენილია ათი პროტოკოლი ადმინისტრაციული სამართალდარღვევების შესახებ. დღეისათვის სასამართლოებს ყველა პროტოკოლი აქვთ განხილული, ჯარიმების საერთო რაოდენობა აკრძალული ინფორმაციის წაუშლელობისთვის 27,9 მლნ რუბლს შეადგენს. მონაცემთა ლოკალიზაციის შესახებ რუსეთის კანონმდებლობის მოთხოვნების დაუცველობისთვის − 4 მილიონი რუბლი“, − ნათქვამია განცხადებაში.

რუსეთის კანონმდებლობით, ინტერნეტ-პლატფორმის ადმინისტრაცია ვალდებულია ერთი დღე-ღამის განმავლობაში შეზღუდოს წვდომა არასანდო კონტენტზე. წინააღმდეგ შემთხვევაში მოსალოდნელია ჯარიმა 3-დან 8 მილიონ რუბლამდე. განმეორებითი დარღვევისთვის ჯარიმა კომპანიის წლიური ბრუნვის ერთი მეათედიდან ერთ მეხუთედამდე იზრდება. ასევე გათვალისწინებულია ტრაფიკის შენელება ან სრული შეზღუდვა.

„როსკომნადზორში“ ხაზი გაუსვეს, რომ ხსენებული ზომები ინფორმაციული სუვერენიტეტისა და გამჭვირვალობის პრინციპს ეფუძნება და მთლიანობაში „ბევრად უფრო ტოლერანტულია, ვიდრე ანალოგიური რეგულაციები ბევრ უცხოურ ქვეყანაში, აშშ-ის ჩათვლით“.

მაგალითად, აშშ-ში მოქმედი კანონი უცხოური აგენტების რეგისტრაციის შესახებ (Foreign Agents Registration Act, FARA) ჯერ კიდევ 1938 წელს მიიღეს ნაცისტურ პროპაგანდასთან ბრძოლის ფონზე, თუმცა ის დღემდე მოქმედებს. მას არამკაფიო ფორმულირებები ახასიათებს. მაგალითად, „პოლიტიკურში“ FARA მოიაზრებს ნებისმიერ საქმიანობას, რომელსაც შეუძლია გავლენა მოახდინოს ამერიკული უწყების ან თანამდებობის პირის მუშაობაზე“, − აცხადებენ უწყებაში.

აშშ-ში უცხოელი აგენტებისადმი მოთხოვნა მარეგულირებელმა „უფრო ფართოდ“ შეაფასა, ვიდრე ეს რუსეთშია: იუსტიციის სამინისტროში რეგისტრაციისა და ფინანსური ანგარიშების ჩაბარების გარდა, ორგანიზაციებმა საკუთარ მასალებს მარკირება უნდა გაუკეთონ და წარმოადგინონ ცნობები თავიანთი მუშაობის ყველა ასპექტის თაობაზე, ხელისუფლების წარმომადგენლებთან კონტაქტების დეტალურად აღწერის ჩათვლით.

ამასთან აღნიშნული კანონის დარღვევისთვის სასჯელი ამერიკელ პარტნიორებს უფრო მკაცრი აქვთ − ხუთ წლამდე პატიმრობა ან ჯარიმა 10 ათას დოლარამდე ოდენობით, მუშაობის აკრძალვა, ხოლო უცხოელებისთვის − დეპორტაცია (რუსეთში ძირითადად ჯარიმებია).

2016 წლიდან FARA-ს დევნის მსხვერპლი გახდნენ არხი Russia Today და სააგენტო Sputnik.

20
თემები:
რუსეთი დღეს (887)
ჟენევის სამიტი

ჯენ პსაკი: ჟენევის სამიტს ვაშინგტონის ანტირუსული სანქციების პოლიტიკა არ შეუცვლია

10
(განახლებულია 14:50 21.06.2021)
მანამდე აშშ-ის პრეზიდენტის მრჩეველმა განაცხადა, რომ ვაშინგტონი ახალ სანქციებს ამზადებს მოსკოვის წინააღმდეგ.

თბილისი, 21 ივნისი − Sputnik. აშშ-ისა და რუსეთის პრეზიდენტების ჟენევის სამიტს არაფერი შეუცვლია ვაშინგტონის ანტირუსული სანქციების პოლიტიკაში, განაცხადა თეთრი სახლის პრეს-მდივანმა ჯენ პსაკიმ.

აღნიშნულის თაობაზე წერს გამოცემა New York Times.

„კანონი მოითხოვს, რომ განვაგრძოთ ქიმიური იარაღის გამოყენებასთან დაკავშირებული სანქციების მიზნების განხილვა“, − განაცხადა ჯენ პსაკიმ.

მანამდე აშშ-ის პრეზიდენტის მრჩეველმა ეროვნული უშიშროების საკითხებში ჯეიკ სალივანმა გაავრცელა ინფორმაცია, რომ ვაშინგტონი ახალ სანქციებს ამზადებს მოსკოვის წინააღმდეგ ალექსეი ნავალნის სიტუაციასთან დაკავშირებით და ამასთან გეგმავს განაგრძოს ზეწოლა იმ კომპანიებზე, რომლებიც „ჩრდილოეთის ნაკადი-2“-ის მშენებლობაში იღებენ მონაწილეობას.

ჯენ პსაკის თქმით, მნიშვნელობა არ აქვს, როდის გააკეთა სალივანმა ზემოთ ნახსენები განცხადება, ვინაიდან სანქციების კუთხით 16 ივნისის სამიტის შემდეგ „არაფერი არ შეცვლილა“.

აშშ-ში რუსეთის ელჩმა ანატოლი ანტონოვმა გააკრიტიკა ამერიკელი პარტნიორების განზრახვა და აღნიშნა, რომ ეს ის სიგნალი არ არის, რომელიც პრეზიდენტების სამიტზე გაისმა.

აშშ-ის და რუსეთის პრეზიდენტების ჯო ბაიდენისა და ვლადიმირ პუტინის პირველი შეხვედრა ჟენევაში 16 ივნისს გაიმართა. სამიტის დასრულების შემდეგ რუსეთის ლიდერმა განაცხადა, რომ ამერიკელ კოლეგასთან სტრატეგიული სტაბილურობის თაობაზე კონსულტაციების დაწყებაზე შეთანხმდა.

გარდა ამისა, სახელმწიფოთა მეთაურებმა ერთობლივი განცხადება გაავრცელეს, რომელშიც ნათქვამია, რომ რუსეთი და აშშ ადასტურებენ იმ პრინციპის ერთგულებას, რომლის თანახმადაც ბირთვულ ომში გამარჯვებული არ არსებობს და ის არასდროს არ უნდა მოხდეს.

10
თემები:
საერთაშორისო პანორამა
ეპიდსიტუაცია ინდოეთში

რითაა საშიში კორონავირუსის ინდური შტამი - „სპუტნიკV"-ს შემქმნელის თვალსაზრისი

39
(განახლებულია 18:51 20.06.2021)
კორონავირუსის ინდური შტამი მეტად აგრესიულია, ის აჩქარებს დაავადების დამძიმებას, განაცხადა ალექსანდრ გინცბურგმა.

თბილისი, 20 ივნისი - Sputnik. ვაქცინა „სპუტნიკV" იცავს კორონავირუსის ყველა დღეისათვის ცნობილი შტამისგან, განაცხადა გამალეის ეპიდემიოლოგიისა და მიკრობიოლოგიის სამეცნიერო ცენტრის დირექტორმა ალექსანდრ გინცბურგმა.

„ანტისხეულები, რომლებიც „სპუტნიკV"-ს გამოყენების შედეგად გამომუშავდება, იცავს ყველა დღეისათვის ცნობილი შტამისგან, დაწყებული ბრიტანულით, დამთავრებული ინდური, „დელტას“ შტამით“, - განაცხადა გინცბურგმა.

სპეციალისტმა ასევე დაახასიათა „ინდური შტამი“, რომელიც ამჟამად რუსეთში ცირკულირებს.

მან აღნიშნა, რომ ეს შტამი მეტად აგრესიულ სურათს ქმნის: უჰანის შტამთან შედარებით დაავადება მიმდინარეობს გაცილებით „ელვისებურად“.

„ის უფრო აგრესიულია. მსუბუქი სიმპტომატიკიდან დაავადების მძიმე ფორმებში გადასვლის დროს ამცირებს. ამის შედეგად საკუთარი ანტისხეულების შესაძლო გამომუშავებისთვის საჭირო დრო მცირდება“, - განაცხადა გინცბურგმა.

ინდური შტამი (კორონავირუსის დელტა-ვარიანტი) უკვე 80-ზე მეტ ქვეყანაშია აღმოჩენილი და გავრცელებასთან ერთად მუტაციას განიცდის.

გამალეის ცენტრში შექმნილი „სპუტნიკV" მსოფლიოში პირველი რეგისტრირებული კორონავირუსის საწინააღმდეგო ვაქცინაა. ამჟამად რუსეთში რეგისტრირებულია კიდევ სამი პრეპარატი: „ეპივაკკორონა“, „კოვივაკი“ და „სპუტნიკ ლაიტი“.

39

აქციის დაშლა ბათუმში: ადგილობრივები პოლიციას დაუპირისპირდნენ - ვიდეო

0
აჭარის მთავრობის სახლთან გამართულ აქციაზე პოლიციასთან დაპირისპირების შედეგად მინიმუმ შვიდი ადამიანი დააკავეს, იუწყება აჭარის ტელევიზია. იხილეთ Sputnik-საქართველოს ვიდეოში კადრები შემთხვევის ადგილიდან

საპროტესტო აქციის მონაწილეები ითხოვდნენ შვიდი სპორტსმენის გათავისუფლებას, რომლებსაც ბრალად ედებათ აპრილში ნამახვან-ჰესის მშენებლობის წინააღმდეგ საპროტესტო აქციის ორგანიზება და მასში მონაწილეობა.

მომიტინგეებმა მთავრობის სახლთან კარვების გაშლა სცადეს, თუმცა პოლიციამ ამის საშუალება არ მისცა. დაკავებულებს შორის არის „ერთიანი ნაციონალური მოძრაობის“ წევრი ბონდო თედორაძე. ერთ-ერთი დემონსტრანტი, რომელიც შეუძლოდ გახდა, სასწრაფო დახმარების ბრიგადამ წაიყვანა.

მომიტინგეები მიიჩნევენ, რომ 12 აპრილს აქციაზე მომხდარი ინციდენტი პროვოკაცია იყო. ისინი სპორტსმენების დაკავებას, რომელთა შორისაც არიან თავისუფალი სტილით მოჭიდავეები ფირუზ და რევაზ წულუკიძეები, პოლიტიკურს უწოდებენ.

გამოძიებით დადგინდა, რომ ბრალდებულებმა 12 აპრილს აქციის დროს სხეულის დაზიანება მიაყენეს აქციის სამ მონაწილეს, ასევე დააზიანეს ავტომობილი, რომელიც ერთ-ერთ დაზარალებულს ეკუთვნოდა.

ექვსი სპორტსმენი - ძმები ფირუზ და რეზო წულუკიძეები, ძმები თამაზ და თორნიკე ჭელიძეები, ირაკლი და გელა ჭელიძეები, 15 აპრილს ბათუმში დააკავეს. რამდნეიმე დღის შემდეგ დააკავეს ელდარ ანთაძეც.

აღძრულია სისხლის სამართლის საქმე „ჯგუფური ძალადობის ორგანიზებისა და მასში მონაწილეობის“ მუხლით. დანაშაული ისჯება ოთხიდან ექვს წლამდე თავისუფლების აღკვეთით.

თავად ბრალდებულდა ვერსიის თანახმად, აქციაზე მათთან მივიდა უცნობი მამაკაცი, რომელმაც პროვოკაციული შეკითხვები დაუსვა, შემდეგ კი შეურაცხყოფა მიაყენა, რის შემდეგაც ხელჩართული ბრძოლა დაიწყო.

0