კონკურის „რუსეთის ლიდერები“

კონკურსში „რუსეთის ლიდერები“ 11 ათასი კაცი მიიღებს მონაწილეობას

26
(განახლებულია 22:24 04.06.2021)
კონკურსის გამარჯვებულები რუსეთის ფედერაციის მოქალაქეობას მიიღებენ გამარტივებული სქემით და ერთი მილიონი რუბლის საგანმანათლებლო გრანტსაც დაეუფლებიან.

თბილისი, 4 ივნისი — Sputnik. საერთაშორისო კონკურსში „რუსეთის ლიდერები“ მონაწილეობის მისაღებად განაცხადი 150 ქვეყნის 11 ათასმა მოქალაქემ წარადგინა, განაცხადა რუსეთის პრეზიდენტის ადმინისტრაციის ხელმძღვანელის პირველმა მოადგილემ სერგეი კირიენკომ.

ყველაზე მეტი განაცხადი ყაზახეთის, ბელარუსის, უკრაინის, ყირგიზეთის, უზბეკეთის, მოლდოვისა და სომხეთის მოქალაქეებმა წარადგინეს. მათ შორის არიან: მეცნიერები, პედაგოგები, მედიასაშუალებების ხელმძღვანელები და საზოგადო მოღვაწეები.

ვის შეუძლია მონაწილეობა

კონკურსი „რუსეთის ლიდერების“ მიზანია პერსპექტიული ხელმძღვანელების მოძიება და მხარდაჭერა. მასში მონაწილეობა შეუძლიათ როგორც რუსეთის ფედერაციის, ისე უცხოეთის სახელმწიფოთა 18-დან 55 წლამდე ასაკის მოქალაქეებს.

კონკურსის მონაწილეებმა რამდენიმე ეტაპი უნდა გაიარონ: დისტანციური, კომპიუტერული ტესტირება, რეგიონული ფინალი და სუპერფინალი.

გამარჯვების პრეტენდენტებს მართვის ორწლიანი (არანაკლებ) გამოცდილება უნდა ჰქონდეთ. ამასთან უცხოელები ასევე უნდა იყვნენ მზად რუსეთში, ან რუსეთის ფედერაციის სახელმწიფო ორგანოების წარმომადგენლობებში, რუსეთის კომერციული და არაკომერციული ორგანიზაციების უცხოეთის ქვედანაყოფებში ცხოვრებისა და მუშაობისთვის.

ჯილდოები

ტრეკის გამარჯვებულებს შეუძლიათ გამარტივებული სქემით მიიღონ რუსეთის მოქალაქეობა. კონკურსის სუპერფინალში გასულები ერთი მილიონი რუბლის ოდენობის საგანმანათლებლო გრანტის მფლობელები გახდებიან. ტრეკის ფინალისტები კი რუსეთში ბინადრობის უფლებას მიიღებენ.

სუპერფინალის გამარჯვებულები შეძლებენ მონაწილეობა მიიღონ სასწავლო პროგრამაში რუსეთის სახელისუფლებო ორგანოებისა და ბიზნეს-საზოგადოების წამყვან ხელმძღვანელებთან ერთად.

ტრეკის წარმატებული მონაწილეები რუსეთის საკადრო რეზერვის ნაწილი ხდებიან.

ტრეკის შედეგები რუსული პრესის 22-ე მსოფლიო კონგრესზე დაჯამდება, რომელიც 2022 წლის მარტში გაიმართება.

„რუსეთის ლიდერების“ საერთაშორისო მიმართულება სააგენტო Baltnews-ის შეფ-რედაქტორის მოადგილის ალინა გერლინიას ინიციატივით დაარსდა. მან ერთ-ერთ ღონიძიებაზე, რომელშიც ვლადიმირ პუტინი მონაწილეობდა, წინადადებით მიმართა პრეზიდენტს, კონკურსში ცალკე სპეციალიზაცია დანერგილიყო უცხოეთის მოქალაქეებისთვის, მათ შორის, რუსეთის უმაღლესების კურსდამთავრებულებისთვის, და ასევე გამარტივებულიყო რუსეთის მოქალაქეობის მიღება ნიჭიერი ადამიანებისთვის. პრეზიდენტმა ინიციატივას მხარი დაუჭირა.

კონკურსის ისტორია

„რუსეთის ლიდერების“ პირველი კონკურსი 2017-2018 წლებში ჩატარდა. მაშინ განაცხადი დაახლოებით ორასმა მსურველმა წარადგინა, რომელთაგან 103 კაცი გახდა გამარჯვებული.

მეორე სეზონი 2018-2019 წლებში გაიმართა და საერთაშორისო გახდა. მასზე 227 ათასი განაცხადი იყო წარდგენილი 68 ქვეყნიდან. გაიმარჯვა 104-მა კონკურსანტმა.

მესამე სეზონში 234 ათასი კაცი მონაწილეობდა და 106-მა კონკურსანტმა გაიმარჯვა.

აღნიშნული კონკურსი არის ფლაგმანი პროექტი პლატფორმისა „რუსეთი — შესაძლებლობების ქვეყანა“, რომელსაც ახალგაზრდობის მსოფლიო ფესტივალზე ჩაეყარა საფუძველი სოჭში 2017 წელს ვლადიმირ პუტინის ინიციატივით. პლატფორმა აერთიანებს საგანმანათლებლო, საკადრო და სოციალურ პროექტებს, რომლებიც ხელს უწყობს მოქალაქეთა თვითრეალიზაციასა და საზოგადოებრივი ინიციატივების პოპულარიზაციას.

26
თემები:
რუსეთი დღეს (887)
ჟენევის სამიტი

ჯენ პსაკი: ჟენევის სამიტს ვაშინგტონის ანტირუსული სანქციების პოლიტიკა არ შეუცვლია

10
(განახლებულია 14:50 21.06.2021)
მანამდე აშშ-ის პრეზიდენტის მრჩეველმა განაცხადა, რომ ვაშინგტონი ახალ სანქციებს ამზადებს მოსკოვის წინააღმდეგ.

თბილისი, 21 ივნისი − Sputnik. აშშ-ისა და რუსეთის პრეზიდენტების ჟენევის სამიტს არაფერი შეუცვლია ვაშინგტონის ანტირუსული სანქციების პოლიტიკაში, განაცხადა თეთრი სახლის პრეს-მდივანმა ჯენ პსაკიმ.

აღნიშნულის თაობაზე წერს გამოცემა New York Times.

„კანონი მოითხოვს, რომ განვაგრძოთ ქიმიური იარაღის გამოყენებასთან დაკავშირებული სანქციების მიზნების განხილვა“, − განაცხადა ჯენ პსაკიმ.

მანამდე აშშ-ის პრეზიდენტის მრჩეველმა ეროვნული უშიშროების საკითხებში ჯეიკ სალივანმა გაავრცელა ინფორმაცია, რომ ვაშინგტონი ახალ სანქციებს ამზადებს მოსკოვის წინააღმდეგ ალექსეი ნავალნის სიტუაციასთან დაკავშირებით და ამასთან გეგმავს განაგრძოს ზეწოლა იმ კომპანიებზე, რომლებიც „ჩრდილოეთის ნაკადი-2“-ის მშენებლობაში იღებენ მონაწილეობას.

ჯენ პსაკის თქმით, მნიშვნელობა არ აქვს, როდის გააკეთა სალივანმა ზემოთ ნახსენები განცხადება, ვინაიდან სანქციების კუთხით 16 ივნისის სამიტის შემდეგ „არაფერი არ შეცვლილა“.

აშშ-ში რუსეთის ელჩმა ანატოლი ანტონოვმა გააკრიტიკა ამერიკელი პარტნიორების განზრახვა და აღნიშნა, რომ ეს ის სიგნალი არ არის, რომელიც პრეზიდენტების სამიტზე გაისმა.

აშშ-ის და რუსეთის პრეზიდენტების ჯო ბაიდენისა და ვლადიმირ პუტინის პირველი შეხვედრა ჟენევაში 16 ივნისს გაიმართა. სამიტის დასრულების შემდეგ რუსეთის ლიდერმა განაცხადა, რომ ამერიკელ კოლეგასთან სტრატეგიული სტაბილურობის თაობაზე კონსულტაციების დაწყებაზე შეთანხმდა.

გარდა ამისა, სახელმწიფოთა მეთაურებმა ერთობლივი განცხადება გაავრცელეს, რომელშიც ნათქვამია, რომ რუსეთი და აშშ ადასტურებენ იმ პრინციპის ერთგულებას, რომლის თანახმადაც ბირთვულ ომში გამარჯვებული არ არსებობს და ის არასდროს არ უნდა მოხდეს.

10
თემები:
საერთაშორისო პანორამა
ეპიდსიტუაცია ინდოეთში

რითაა საშიში კორონავირუსის ინდური შტამი - „სპუტნიკV"-ს შემქმნელის თვალსაზრისი

39
(განახლებულია 18:51 20.06.2021)
კორონავირუსის ინდური შტამი მეტად აგრესიულია, ის აჩქარებს დაავადების დამძიმებას, განაცხადა ალექსანდრ გინცბურგმა.

თბილისი, 20 ივნისი - Sputnik. ვაქცინა „სპუტნიკV" იცავს კორონავირუსის ყველა დღეისათვის ცნობილი შტამისგან, განაცხადა გამალეის ეპიდემიოლოგიისა და მიკრობიოლოგიის სამეცნიერო ცენტრის დირექტორმა ალექსანდრ გინცბურგმა.

„ანტისხეულები, რომლებიც „სპუტნიკV"-ს გამოყენების შედეგად გამომუშავდება, იცავს ყველა დღეისათვის ცნობილი შტამისგან, დაწყებული ბრიტანულით, დამთავრებული ინდური, „დელტას“ შტამით“, - განაცხადა გინცბურგმა.

სპეციალისტმა ასევე დაახასიათა „ინდური შტამი“, რომელიც ამჟამად რუსეთში ცირკულირებს.

მან აღნიშნა, რომ ეს შტამი მეტად აგრესიულ სურათს ქმნის: უჰანის შტამთან შედარებით დაავადება მიმდინარეობს გაცილებით „ელვისებურად“.

„ის უფრო აგრესიულია. მსუბუქი სიმპტომატიკიდან დაავადების მძიმე ფორმებში გადასვლის დროს ამცირებს. ამის შედეგად საკუთარი ანტისხეულების შესაძლო გამომუშავებისთვის საჭირო დრო მცირდება“, - განაცხადა გინცბურგმა.

ინდური შტამი (კორონავირუსის დელტა-ვარიანტი) უკვე 80-ზე მეტ ქვეყანაშია აღმოჩენილი და გავრცელებასთან ერთად მუტაციას განიცდის.

გამალეის ცენტრში შექმნილი „სპუტნიკV" მსოფლიოში პირველი რეგისტრირებული კორონავირუსის საწინააღმდეგო ვაქცინაა. ამჟამად რუსეთში რეგისტრირებულია კიდევ სამი პრეპარატი: „ეპივაკკორონა“, „კოვივაკი“ და „სპუტნიკ ლაიტი“.

39

აქციის დაშლა ბათუმში: ადგილობრივები პოლიციას დაუპირისპირდნენ - ვიდეო

0
აჭარის მთავრობის სახლთან გამართულ აქციაზე პოლიციასთან დაპირისპირების შედეგად მინიმუმ შვიდი ადამიანი დააკავეს, იუწყება აჭარის ტელევიზია. იხილეთ Sputnik-საქართველოს ვიდეოში კადრები შემთხვევის ადგილიდან

საპროტესტო აქციის მონაწილეები ითხოვდნენ შვიდი სპორტსმენის გათავისუფლებას, რომლებსაც ბრალად ედებათ აპრილში ნამახვან-ჰესის მშენებლობის წინააღმდეგ საპროტესტო აქციის ორგანიზება და მასში მონაწილეობა.

მომიტინგეებმა მთავრობის სახლთან კარვების გაშლა სცადეს, თუმცა პოლიციამ ამის საშუალება არ მისცა. დაკავებულებს შორის არის „ერთიანი ნაციონალური მოძრაობის“ წევრი ბონდო თედორაძე. ერთ-ერთი დემონსტრანტი, რომელიც შეუძლოდ გახდა, სასწრაფო დახმარების ბრიგადამ წაიყვანა.

მომიტინგეები მიიჩნევენ, რომ 12 აპრილს აქციაზე მომხდარი ინციდენტი პროვოკაცია იყო. ისინი სპორტსმენების დაკავებას, რომელთა შორისაც არიან თავისუფალი სტილით მოჭიდავეები ფირუზ და რევაზ წულუკიძეები, პოლიტიკურს უწოდებენ.

გამოძიებით დადგინდა, რომ ბრალდებულებმა 12 აპრილს აქციის დროს სხეულის დაზიანება მიაყენეს აქციის სამ მონაწილეს, ასევე დააზიანეს ავტომობილი, რომელიც ერთ-ერთ დაზარალებულს ეკუთვნოდა.

ექვსი სპორტსმენი - ძმები ფირუზ და რეზო წულუკიძეები, ძმები თამაზ და თორნიკე ჭელიძეები, ირაკლი და გელა ჭელიძეები, 15 აპრილს ბათუმში დააკავეს. რამდნეიმე დღის შემდეგ დააკავეს ელდარ ანთაძეც.

აღძრულია სისხლის სამართლის საქმე „ჯგუფური ძალადობის ორგანიზებისა და მასში მონაწილეობის“ მუხლით. დანაშაული ისჯება ოთხიდან ექვს წლამდე თავისუფლების აღკვეთით.

თავად ბრალდებულდა ვერსიის თანახმად, აქციაზე მათთან მივიდა უცნობი მამაკაცი, რომელმაც პროვოკაციული შეკითხვები დაუსვა, შემდეგ კი შეურაცხყოფა მიაყენა, რის შემდეგაც ხელჩართული ბრძოლა დაიწყო.

0