Sputnik V

კირილ დმიტრიევი: EMA-ს „სპუტნიკ V“-ს მიმართ კრიტიკული შენიშვნები არ აქვს

29
(განახლებულია 19:01 04.06.2021)
რუსული კოვიდ-ვაქცინა „სპუტნიკ V“ ამ დროისათვის ეტაპობრივი ექსპერტიზის პროცედურას გადის ევროპის წამლის სააგენტოში.

თბილისი, 4 ივნისი — Sputnik. ევროპის წამლის სააგენტოს (ЕМА) რუსული კოვიდ-ვაქცინა „სპუტნიკ V“-ს კვლევისას არ გამოუვლენია კრიტიკული შენიშვნები არც წარმოებისა და არც კლინიკურ ნაწილებში, განაცხადა რუსეთის პირდაპირი ინვესტიციების ფონდის ხელმძღვანელმა კირილ დმიტრიევმა ბრიფინგზე. აღნიშნულის თაობაზე წერს საინფორმაციო სააგენტო РИА Новости.

დმიტრიევმა განსაკუთრებით აღნიშნა ორგანიზაციის ტექნიკური სპეციალისტების პროფესიონალიზმი მუშაობის პროცესში.

„ცალკე აღნიშვნას იმსახურებს EMA-ს ტექნიკური ნაწილის მუშაობა, რომელსაც ჯერ არ გამოუვლენია არსებითი კრიტიკული შენიშვნები, და ასევე მთელი რიგი პოლიტიკური გამონათქვამები, რომლებსაც სპუტნიკ V“-ს საწინააღმდეგო სადეზინფორმაციო კამპანიის ფარგლებში ვხედავთ“, — განაცხადა ფონდის ხელმძღვანელმა.

მისი თქმით, რუსული პრეპარატის რეგისტრაციის ვადა სააგენტოზეა დამოკიდებული.

დმიტრიევს იმედი აქვს, რომ სამუშაო პროცესი პოლიტიზებული არ იქნება.

რუსეთის ჯანდაცვის სამინისტრომ გასული წლის აგვისტოში დაარეგისტრირა პრეპარატი „სპუტნიკ V“ — მსოფლიოში პირველი ვაქცინა COVID-19-ის წინააღმდეგ. ვაქცინა გამალეის ეპიდემიოლოგიისა და მიკრობიოლოგიის სამეცნიერო ცენტრში შეიქმნა. ამ დროისათვის მისი გამოყენება ნებადართულია მსოფლიოს 66 ქვეყანაში.

„სპუტნიკ V“ ადამიანის ადენოვირუსულ ვექტორებზეა შემუშავებული, რომლებიც კარგადაა შესწავლილი და შემოწმებული. გამალეის ცენტრის ინფორმაციით, 3,8 მილიონი ვაქცინირებულის მონაცემების ანალიზის თანახმად, პრეპარატის ეფექტურობამ 97,6% შეადგინა. ეს იმაზე მეტია, ვიდრე სამედიცინო ჟურნალ The Lancet-ში მანამდე გამოქვეყნებული მონაცემები (91,6%).

რუსული ვაქცინა 4 მარტიდან გადის ეტაპობრივი ექსპერტიზის პროცედურას ЕМА-ში, რომელმაც ევროპის ბაზარზე ვაქცინების გამოყენების ნებართვა უნდა გასცეს. მანამდე ორგანიზაციაში განაცხადეს, რომ „სპუტნიკ V“-ს შემოწმების გრაფიკს რუსეთში საინსპექციო შემოწმებების შემდეგ გამოაქვეყნებდნენ.

29
თემები:
რუსეთი დღეს (881)
ფოტო კონკურსიდან

სტენინის სახელობის ფოტოკონკურსმა 2021 წლის შორტ-ლისტი გამოაქვეყნა

12
(განახლებულია 21:53 16.06.2021)
გამარჯვებულების გამოსავლენად კონკურსის ჟიურიმ 70 ქვეყნიდან წარდგენილი დაახლოებით 4,5 ათასი ნამუშევარი დაათვალიერა

თბილისი, 16 ივნისი – Sputnik. ანდრეი სტენინის ხსოვნისადმი მიძღვნილი ახალგაზრდა ფოტორეპორტიორების კონკურსის ჟიურიმ (https://stenincontest.ru), რომელიც მსოფლიოს ტიტულოვანი ფოტოგრაფებისა და ფოტოექსპერტებისგან შედგება, 2021 წლის ლაურეატები გამოაცხადა.

გამარჯვებულების გამოსავლენად ჟიურიმ დაახლოებით 4,5 ათასი ნამუშევარი დაათვალიერა. ლაურეატების შორტ-ლისტი კონკურსის რუსულ (http://stenincontest.ru) და ინგლისურ (http://stenincontest.com) საიტებზე გამოქვეყნდა.

შორტ-ლისტში 17 ქვეყნის წარმომადგენლები არიან შესული. მათ შორის: ჩინეთის, დიდი ბრიტანეთის, გერმანიის, ესპანეთის, საბერძნეთი, ეგვიპტის, ინდოეთის, თურქეთისა და სხვ. (http://stenincontest.ru). შორტ-ლისტში პირველად მოხვდნენ ახალგაზრდა ფოტოგრაფები ინდონეზიიდან, მექსიკიდან და კანადიდან.

2021 წლის კონკურსის ლაურეატების ნამუშევრების თემები ასახავს მოვლენათა ლენტას, რომლებმაც მსოფლიოს ახალი ამბების ტრაფიკები „ააფეთქა“ გასულ წელს. მთავ თემებს შორისაა: მაისის საპროტესტო აქციები მინეაპოლისში, ეკოლოგიური კატასტროფა, რომელიც აფრიკასა და აზიაში კალიების უდიდეს შემოსევას მოჰყვა, COVID-19-ის პანდემია, რომელმაც მილიონობით ადამიანის სიცოცხლე შეიწირა მთელ მსოფლიოში.

ანდრეი სტენინის სახელობის კონკურსის კურატორმა, Россия сегодня-ს ვიზუალური პროექტების სამსახურის ხელმძღვანელმა ოქსანა ოლეინიკმა, 2021 წლის ფოტოების თავისებირებების შეფასებისას განაცხადა:

„გასული წელი, რომლის მოვლენები აისახა კიდეც ჩვენი ლაურეატების ნამუშევრებში, რთული იყო. ამითაც განისაზღვრება ჟიურის მიერ შერჩეული ფოტოების უმეტესობის ნერვი და დრამატულობა. კონკურსის მონაწილეები უბრალოდ კი არ აფიქსირებენ პრობლემას, არამედ მათ სურთ, რომ ფოტოგრაფიის მეშვეობით მნახველი საუბარში გამოიწვიონ, ერთად გააცნობიერონ პრობლემა და ერთად მონახონ მისი გადაჭრის გზები. და ჩვენი აზრით, ახალგაზრდა ფოტოგრაფებს ეს ბრწყინვალედ გამოსდით“.

ვინ მიიღებს ანდრეი სტენინის სახელობის კონკურსის მთავარ ჯილდოს - გრან-პრის, და ასევე როგორ განაწილდება საპრიზო ადგილები კონკურსის ნომინაციაში, სექტემბერში გახდება ცნობილი და შედეგები გამოქვეყნდება საიტებზე - stenincontest.ru და stenincontest.com.

კონკურსის გეგმებში ასევე შედის გამარჯვებულების ტრადიციული როუდ-შოუს დაწყება მსოფლიოს ქალაქებში წლის ბოლომდე.

კონკურსის შესახებ

ანდრეი სტენინის სახელობის ფოტოჟურნალისტიკის საერთაშორისო კონკურსი, რომელიც საინფორმაციო სააგენტო Россия сегодня-ს ორგანიზებით იუნესკოს საკითხთა რუსეთის კომიტეტის ეგიდით ტარდება, მიზნად ისახავს ახალგაზრდა ფოტორეპორტიორების მხარდაჭერას და თანამედროვე ფოტოჟურნალისტიკისადმი საზოგადოების ყურადღების მიპყრობას. ეს არის ადგილი ახალგაზრდა, ნიჭიერი, საზრიანი და ყველაფერ ახლისადმი გახსნილი ფოტოგრაფებისთვის, სადაც ისინი საზოგადოებას ყურადღებას ამახვილებინებენ ადამიანებსა და მათ გარშემო მიმდინარე მოვლენებზე.

2021 წელს კონკურსის გენერალური საინფორმაციო პარტნიორები არიან: საინფორმაციო და ახალი ამბების პორტალი Вести.Ru, სახელმწიფო ტელეარხი Россия-Культура. კონკურსის საერთაშორისო საინფორმაციო პარტნიორები არიან: საინფორმაციო სააგენტო და რადიო Sputnik, საინფორმაციო სააგენტო Askanews, მედიაჰოლდინგი Independent Media, საინფორმაციო სააგენტო Notimex, ახალი ამბების სააგენტო ANA, ტელეარხი და პორტალი RT, Shanghai United Media Group (SUMG), გაზეთების — China Daily და The Paper-ის, ასევე მედიაქსელ Al Mayadeen-ის ინტერნეტ-პორტალები, საინფორმაციო სააგენტო Prensa Latina, საინფორმაციო სააგენტო News1, ინტერნეტ-პორტალი DBW, ახალი ამბების პორტალი Brasil247.

დარგობრივი პარტნიორების სტატუსში კონკურსს მხარს უჭერენ: ჟურნალი National Geographic რუსეთი, პორტალები Russian Photo და Photo-study.ru, ფოტოსკოლა Академия фотографии, საინფორმაციო პორტალი YOung JOurnalists, ჟურნალი Fotoargenta, ფოტოჟურნალისტიკის კლუბი „ნიუ დელი“, ჟურნალები Enfoque Visual და LF Magazine, საერთაშორისო პარტნიორია ფესტივალი PhotON.

12
ვლადიმირ პუტინი

პუტინმა ჟენევაში თვითმფრინავის ტრაპთან დახვედრაზე უარი თქვა

68
(განახლებულია 16:47 16.06.2021)
სამიტის ადგილს სამხედროები იცავენ. იქ ასევე განთავსებულია საზენიტო სისტემა „ერლიკონ GDF-005“ – ავტომატიზებული კომპიუტერული იარაღი, რომელიც ჰაერსაწინააღმდეგო თავდაცვისთვისაა განკუთვნილი.

თბილისი, 16 ივნისი — Sputnik. რუსეთის პრეზიდენტმა ვლადიმირ პუტინმა უარი თქვა შვეიცარიის ხელისუფლებასთან აეროპორტში პროტოკოლურ შეხვედრაზე, იუწყება Tribune de Genève.

პუტინი ჟენევას დღეს ეწვევა აშშ-ის პრეზიდენტ ჯო ბაიდენთან შესახვედრად.

ჟენევის მერის ფრედერიკუ პერლეს განცხადებით, რუსეთის პრეზიდენტმა საერთოდ უარი თქვა თვითმფრინავის ტრაპთან შვეიცარიის ხელისუფლების წარმომადგენლების დახვედრაზე და მიუხედავად იმისა, რომ კანტონის ხელმძღვანელობა ამ შეხვედრისთვის ემზადებოდა, მაღალი რანგის სტუმრის სურვილს აასრულებს.

როგორც გამოცემა წერს, გუშინ ჟენევის საუნივერსიტეტო ჰოსპიტალში უშიშროების სამსახურის თანამშრომლები იყვნენ მისული მეძებარი ძაღლებით და ინტენსიური თერაპიის განყოფილებაში საწოლების ნაწილი გამიჯნეს.

აღინიშნება, რომ ეს სამიტისთვის სამზადისის ფარგლებში მოხდა, ვინაიდან დელეგაციებს არა მარტო უსაფრთხოების უზრუნველყოფა, არამედ სამედიცინო მხარდაჭერაც შეიძლება დასჭირდეთ.

აშშ-ის და რუსეთის პრეზიდენტების — ჯო ბაიდენისა და ვლადიმირ პუტინის გაფართოებული შეხვედრა ადგილობრივი დროით 13:35 საათზე დაიწყება (15:35 თბილისის დროით). შეხვედრამდე 10 წუთით ადრე პრეზიდენტები შვეიცარიის პრეზიდენტ გი პარმელენთან ერთობლივ ფოტოს გადაიღებენ. 18:40 საათზე (თბილისის დროით) შეხვედრის მეორე რაუნდი დაიწყება.

სამიტის ადგილს სამხედროები იცავენ. იქ ასევე განთავსებულია საზენიტო სისტემა „ერლიკონ GDF-005“. ეს ავტომატიზებული კომპიუტერული იარაღია, რომელიც მცირე სიშორის ჰაერსაწინააღმდეგო თავდაცვის ფუნქციას ასრულებს.

68
თემები:
საერთაშორისო პანორამა

ბაიდენის პრეს-კონფერენცია სკანდალით დასრულდა - ვიდეო

0
აშშ-ის ლიდერმა ერთ-ერთ ჟურნალისტს განუცხადა, რომ, რადგან მას არ ესმოდა პრეზიდენტის ნათქვამი, ის შეუსაბამო საქმიანობითაა დაკავებული

პრეზიდენტ ჯო ბაიდენს რუსეთის ლიდერ ვლადიმერ პუტინთან მოლაპარაკებების შემაჯამებელ პრეს-კონფერენციაზე CNN-ის ჟურნალისტ კეიტლინ კოლინზთან უთანხმოება მოუვიდა. მედიის წარმომადგენლებთან შეხვედრის განრიგი თეთრი სახლის პრეს-სამსახურმა გამოაქვეყნა.

ჟურნალისტებთან შეხვედრის მიწურულს, როდესაც ბაიდენი უკვე წასვლას აპირებდა, კოლინზმა მას ჰკითხა: „დარწმუნებული ბრძანდებით, რომ პუტინი საკუთარ ქცევებს შეცვლის?“

ბაიდენი დაბრუნდა და უპასუხა: არ ვარ დარწმუნებული, რომ შეცვლის საკუთარ ქცევებს. რას აკეთებდით მთელი ამ დროის განმავლობაში, როდესაც ვთქვი, რომ დარწმუნებული ვარ?..

ჟურნალისტი მას კვლავ ჩაეძია: დიახ, მაგრამ, მისი ქცევა არ შეცვლილა, და პრეს-კონფერენციაზე, თქვენთან ერთად რამდენიმე საათის განმავლობაში ის უარყოფდა კიბერშეტევებში საკუთარ როლს, მან ასევე ნაკლები ყურადღება დაუთმო ადამიანის უფლებების დარღვევის მნიშვნელობას, უარი თქვა ალექსეი ნავალნის სახელის თქმაზეც. მაშასე, რამდენად კონსტრუქციული იყო ეს შეხვედრა, როგორც ეს პრეზიდენტმა პუტინმა თქვა?

ბაიდენი: თუ ეს არ გესმით, ესე იგი თქვენთვის შეუფერებელ საქმიანობას ეწევით.“

ტელეარხ CNN-ის ცნობით, პრეზიდენტმა ჟურნალისტს მოგვიანებით ბოდიში მოუხადა.

კოლინზმა მას მიუგო, რომ ბოდიში აუცილებელი არ იყო, ვინაიდან შეკითხვების დასმა მის საქმიანობის ძირითადი ნაწილია.

0