სერგეი ლავროვი

ლავროვი: SWIFT-ის სისტემიდან რუსეთის გათიშვის წინადადება ახალი არ არის

55
რუსეთის საგარეო საქმეთა მინისტრმა აღნიშნა, რომ შეიძლება შეიქმნას ისეთი ვითარება, როდესაც დასავლეთი სრულიად უსაფუძვლოდ მიიღებს არამართლზომიერ გადაწყვეტილებებს.

თბილისი, 31 მაისი - Sputnik. გადახდის სისტემა SWIFT-დან რუსეთის გათიშვის წინადადება ახალი არ არის, უცნობია, რას გადაწყვეტს დასავლეთი, განაცხადა რუსეთის საგარეო საქმეთა მინისტრმა სერგეი ლავროვმა.

 „ეს წინადადება ახალი არ არის“, - აღნიშნა ლავროვმა პრესკონფერენციაზე. მისი სიტყვებით, მსგავსი მოწოდებები „უკვე რამდენიმე თვეა, ან შეიძლება, რამდენიმე წელიცაა, გაისმის, როდესაც რუსეთის დასჯის დამატებითი შესაძლებლობების ძიებისას ამ თემასაც ახსენებენ ხოლმე“.

  • SWIFT - გადახდისა და მონაცემთა გაცვლის ბანკთაშორისი სისტემაა, რომელშიც მსოფლიოს თითქმის ყველა ქვეყნის 11 ათასზე მეტი უდიდესი ორგანიზაციაა ჩართული. პრესაში რეგულარულად ჩნდება ცნობები, რომ რუსეთი შეიძლება გათიშონ სისტემიდან და ეს იქნება დასავლეთის ერთ-ერთი ყველაზე მკაცრი სანქცია.

„არ ვიცი, კონკრეტულად რა გადაწყვეტილებებს მიიღებენ დასავლეთის ქვეყნები, SWIFT-ის მფლობელები, და რა ბერკეტებს, ზეწოლის რა მეთოდებს შეიძლება იყენებდნენ მათ მიმართ“, - აღნიშნა მინისტრმა.

„თუ ასეთი გადაწყვეტილება მიღებული იქნება ზოგიერთ დასავლურ დედაქალაქში, ჩვენ ვხელმძღვანელობთ იმით, რომ ესაა სისტემა, რომელიც დიდი ხნის განმავლობაში ემსახურებოდა და კვლავაც ემსახურება მრავალი ქვეყნის, მათ შორის, ევროკავშირის, სხვა დასავლური ქვეყნების, რუსეთის ფედერაციის და სხვათა ეკონომიკურ კავშირებს, ეკონომიკურ ინტერესებს“, - დასძინა ლავროვმა.

დიპლომატის თქმით, ევროკავშირსა და დასავლეთს არაერთხელ დაუმტკიცებია კონკრეტული საქმით, რომ არასაიმედო პარტნიორია და შეიძლება არსებობდეს ვითარება, როდესაც სრულიად უსაფუძვლოდ მიღებული იქნება არამართლზომიერი გადაწყვეტილებები.

ამის მიუხედავად, SWIFT-ის სისტემიდან რუსეთის გათიშვა არც ისე მარტივია. ევროკავშირის საგარეო საქმეთა და უსაფრთხოების საკითხებში უმაღლესი კომისრის ჟოზეფ ბორელის თქმით, SWIFT - ეს არის საერთაშორისო კერძო ორგანიზაცია. ამ თვალსაზრისით ევროკავშირს არ გააჩნია მისგან რუსეთის გათიშვის კომპეტენცია.

SWIFT -ის სისტემიდან რუსეთის გათიშვის რისკების საპასუხოდ რუსეთში შეიქმნა საფინანსო შეტყობინებების გაცვლის საკუთარი სისტემა, რომელსაც, ბოლო მონაცემებით, უკვე 23 უცხოური ორგანიზაცია შეუერთდა სომხეთიდან, ბელარუსიდან, ყაზახეთიდან, ყირგიზეთიდან, გერმანიიდან და შვეიცარიიდან.

55
ფოტო კონკურსიდან

სტენინის სახელობის ფოტოკონკურსმა 2021 წლის შორტ-ლისტი გამოაქვეყნა

4
(განახლებულია 21:53 16.06.2021)
გამარჯვებულების გამოსავლენად კონკურსის ჟიურიმ 70 ქვეყნიდან წარდგენილი დაახლოებით 4,5 ათასი ნამუშევარი დაათვალიერა

თბილისი, 16 ივნისი – Sputnik. ანდრეი სტენინის ხსოვნისადმი მიძღვნილი ახალგაზრდა ფოტორეპორტიორების კონკურსის ჟიურიმ (https://stenincontest.ru), რომელიც მსოფლიოს ტიტულოვანი ფოტოგრაფებისა და ფოტოექსპერტებისგან შედგება, 2021 წლის ლაურეატები გამოაცხადა.

გამარჯვებულების გამოსავლენად ჟიურიმ დაახლოებით 4,5 ათასი ნამუშევარი დაათვალიერა. ლაურეატების შორტ-ლისტი კონკურსის რუსულ (http://stenincontest.ru) და ინგლისურ (http://stenincontest.com) საიტებზე გამოქვეყნდა.

შორტ-ლისტში 17 ქვეყნის წარმომადგენლები არიან შესული. მათ შორის: ჩინეთის, დიდი ბრიტანეთის, გერმანიის, ესპანეთის, საბერძნეთი, ეგვიპტის, ინდოეთის, თურქეთისა და სხვ. (http://stenincontest.ru). შორტ-ლისტში პირველად მოხვდნენ ახალგაზრდა ფოტოგრაფები ინდონეზიიდან, მექსიკიდან და კანადიდან.

2021 წლის კონკურსის ლაურეატების ნამუშევრების თემები ასახავს მოვლენათა ლენტას, რომლებმაც მსოფლიოს ახალი ამბების ტრაფიკები „ააფეთქა“ გასულ წელს. მთავ თემებს შორისაა: მაისის საპროტესტო აქციები მინეაპოლისში, ეკოლოგიური კატასტროფა, რომელიც აფრიკასა და აზიაში კალიების უდიდეს შემოსევას მოჰყვა, COVID-19-ის პანდემია, რომელმაც მილიონობით ადამიანის სიცოცხლე შეიწირა მთელ მსოფლიოში.

ანდრეი სტენინის სახელობის კონკურსის კურატორმა, Россия сегодня-ს ვიზუალური პროექტების სამსახურის ხელმძღვანელმა ოქსანა ოლეინიკმა, 2021 წლის ფოტოების თავისებირებების შეფასებისას განაცხადა:

„გასული წელი, რომლის მოვლენები აისახა კიდეც ჩვენი ლაურეატების ნამუშევრებში, რთული იყო. ამითაც განისაზღვრება ჟიურის მიერ შერჩეული ფოტოების უმეტესობის ნერვი და დრამატულობა. კონკურსის მონაწილეები უბრალოდ კი არ აფიქსირებენ პრობლემას, არამედ მათ სურთ, რომ ფოტოგრაფიის მეშვეობით მნახველი საუბარში გამოიწვიონ, ერთად გააცნობიერონ პრობლემა და ერთად მონახონ მისი გადაჭრის გზები. და ჩვენი აზრით, ახალგაზრდა ფოტოგრაფებს ეს ბრწყინვალედ გამოსდით“.

ვინ მიიღებს ანდრეი სტენინის სახელობის კონკურსის მთავარ ჯილდოს - გრან-პრის, და ასევე როგორ განაწილდება საპრიზო ადგილები კონკურსის ნომინაციაში, სექტემბერში გახდება ცნობილი და შედეგები გამოქვეყნდება საიტებზე - stenincontest.ru და stenincontest.com.

კონკურსის გეგმებში ასევე შედის გამარჯვებულების ტრადიციული როუდ-შოუს დაწყება მსოფლიოს ქალაქებში წლის ბოლომდე.

კონკურსის შესახებ

ანდრეი სტენინის სახელობის ფოტოჟურნალისტიკის საერთაშორისო კონკურსი, რომელიც საინფორმაციო სააგენტო Россия сегодня-ს ორგანიზებით იუნესკოს საკითხთა რუსეთის კომიტეტის ეგიდით ტარდება, მიზნად ისახავს ახალგაზრდა ფოტორეპორტიორების მხარდაჭერას და თანამედროვე ფოტოჟურნალისტიკისადმი საზოგადოების ყურადღების მიპყრობას. ეს არის ადგილი ახალგაზრდა, ნიჭიერი, საზრიანი და ყველაფერ ახლისადმი გახსნილი ფოტოგრაფებისთვის, სადაც ისინი საზოგადოებას ყურადღებას ამახვილებინებენ ადამიანებსა და მათ გარშემო მიმდინარე მოვლენებზე.

2021 წელს კონკურსის გენერალური საინფორმაციო პარტნიორები არიან: საინფორმაციო და ახალი ამბების პორტალი Вести.Ru, სახელმწიფო ტელეარხი Россия-Культура. კონკურსის საერთაშორისო საინფორმაციო პარტნიორები არიან: საინფორმაციო სააგენტო და რადიო Sputnik, საინფორმაციო სააგენტო Askanews, მედიაჰოლდინგი Independent Media, საინფორმაციო სააგენტო Notimex, ახალი ამბების სააგენტო ANA, ტელეარხი და პორტალი RT, Shanghai United Media Group (SUMG), გაზეთების — China Daily და The Paper-ის, ასევე მედიაქსელ Al Mayadeen-ის ინტერნეტ-პორტალები, საინფორმაციო სააგენტო Prensa Latina, საინფორმაციო სააგენტო News1, ინტერნეტ-პორტალი DBW, ახალი ამბების პორტალი Brasil247.

დარგობრივი პარტნიორების სტატუსში კონკურსს მხარს უჭერენ: ჟურნალი National Geographic რუსეთი, პორტალები Russian Photo და Photo-study.ru, ფოტოსკოლა Академия фотографии, საინფორმაციო პორტალი YOung JOurnalists, ჟურნალი Fotoargenta, ფოტოჟურნალისტიკის კლუბი „ნიუ დელი“, ჟურნალები Enfoque Visual და LF Magazine, საერთაშორისო პარტნიორია ფესტივალი PhotON.

4
ვლადიმირ პუტინი

პუტინმა ჟენევაში თვითმფრინავის ტრაპთან დახვედრაზე უარი თქვა

65
(განახლებულია 16:47 16.06.2021)
სამიტის ადგილს სამხედროები იცავენ. იქ ასევე განთავსებულია საზენიტო სისტემა „ერლიკონ GDF-005“ – ავტომატიზებული კომპიუტერული იარაღი, რომელიც ჰაერსაწინააღმდეგო თავდაცვისთვისაა განკუთვნილი.

თბილისი, 16 ივნისი — Sputnik. რუსეთის პრეზიდენტმა ვლადიმირ პუტინმა უარი თქვა შვეიცარიის ხელისუფლებასთან აეროპორტში პროტოკოლურ შეხვედრაზე, იუწყება Tribune de Genève.

პუტინი ჟენევას დღეს ეწვევა აშშ-ის პრეზიდენტ ჯო ბაიდენთან შესახვედრად.

ჟენევის მერის ფრედერიკუ პერლეს განცხადებით, რუსეთის პრეზიდენტმა საერთოდ უარი თქვა თვითმფრინავის ტრაპთან შვეიცარიის ხელისუფლების წარმომადგენლების დახვედრაზე და მიუხედავად იმისა, რომ კანტონის ხელმძღვანელობა ამ შეხვედრისთვის ემზადებოდა, მაღალი რანგის სტუმრის სურვილს აასრულებს.

როგორც გამოცემა წერს, გუშინ ჟენევის საუნივერსიტეტო ჰოსპიტალში უშიშროების სამსახურის თანამშრომლები იყვნენ მისული მეძებარი ძაღლებით და ინტენსიური თერაპიის განყოფილებაში საწოლების ნაწილი გამიჯნეს.

აღინიშნება, რომ ეს სამიტისთვის სამზადისის ფარგლებში მოხდა, ვინაიდან დელეგაციებს არა მარტო უსაფრთხოების უზრუნველყოფა, არამედ სამედიცინო მხარდაჭერაც შეიძლება დასჭირდეთ.

აშშ-ის და რუსეთის პრეზიდენტების — ჯო ბაიდენისა და ვლადიმირ პუტინის გაფართოებული შეხვედრა ადგილობრივი დროით 13:35 საათზე დაიწყება (15:35 თბილისის დროით). შეხვედრამდე 10 წუთით ადრე პრეზიდენტები შვეიცარიის პრეზიდენტ გი პარმელენთან ერთობლივ ფოტოს გადაიღებენ. 18:40 საათზე (თბილისის დროით) შეხვედრის მეორე რაუნდი დაიწყება.

სამიტის ადგილს სამხედროები იცავენ. იქ ასევე განთავსებულია საზენიტო სისტემა „ერლიკონ GDF-005“. ეს ავტომატიზებული კომპიუტერული იარაღია, რომელიც მცირე სიშორის ჰაერსაწინააღმდეგო თავდაცვის ფუნქციას ასრულებს.

65
თემები:
საერთაშორისო პანორამა