ქართული დისპორის ფორუმი მოსკოვში

რუსეთში 12 მაისი ქართული დიასპორის დღედ გამოცხადდა

31
ამ დღის დაფუძნების ინიციატივა ეკუთვნის აღორძინებისა და რუსეთ-საქართველოს ურთიერთობების განვითარების ფონდისა და რუსეთში ქართული ნაციონალურ-კულტურული ავტონომიის ხელმძღვანელ დავით ცეცხლაძეს.

თბილისი, 31 მაისი - Sputnik. რუსეთში ქართული დიასპორის დღედ 12 მაისი გამოცხადდა, აღნიშნულია რუსეთში ქართული ნაციონალურ-კულტურული ავტონომიის ვებგვერდზე განთავსებულ განცხადებაში.

გადაწყვეტილება მიღებულ იქნა რუსეთში ქართული დიასპორის ფორუმის ფარგლებში, რომელიც მოსკოვში 20-21 მაისს ჩატარდა. ღონისძიებაში მონაწილეობა მიიღეს რუსეთში რეგიონული ქართული დიასპორების ხელმძღვანელებმა.

ამ დღის დაფუძნების ინიციატივა ეკუთვნის აღორძინებისა და რუსეთ-საქართველოს ურთიერთობების განვითარების ფონდისა და რუსეთში ქართული ნაციონალურ-კულტურული ავტონომიის ხელმძღვანელ დავით ცეცხლაძეს. ფორუმის მონაწილეებმა მხარი დაუჭირეს ინიციატივას და შესაბამის რეზოლუციასაც მოაწერეს ხელი.

12 მაისი შემთხვევით არ შეურჩევიათ. სწორედ ამ დღეს, 2020 წელს, კორონავირუსის პანდემიის აფეთქებისას, რუსეთ-საქართველოს ურთიერთობების განვითარების ფონდთან გაიხსნა თანამემამულეთა მხარდაჭერის შტაბი, რომელმაც მიზნად დაისახა რთულ მდგომარეობაში მყოფი ოჯახების ჰუმანიტარული დახმარება. მოგვიანებით შტაბი თანამემამულეთა მხარდაჭერის ცენტრად გარდაიქმნა. 

ამ დროისთვის რუსეთში ქართული დიასპორა სომხურ და აზერბაიჯანულ დიასპორებს რიცხოვნობით ჩამორჩება. ამას 2002 და 2010 წლებში ჩატარებული აღწერები და ასევე არაოფიციალური მონაცემები მოწმობს.

თუ 2010 წლის აღწერით, რუსეთში 603.070 აზერბაიჯანელი ცხოვრობდა, იმავე აღწერის თანახმად, ქართველების რაოდენობა მხოლოდ 157.803 იყო. ამასთან, შეინიშნება მათი რიცხოვნობის კლების ტენდენცია, ვინაიდან უფრო ადრინდელი, 2002 წლის აღწერის თანახმად, მათი რაოდენობა 197.934 იყო.

არაოფიციალური შეფასებებით კი მათი რიცხვი 300-500 ათასს შედგენს. ყველაფრის მიუხედავად, რუსეთში ქართული დიასპორა აქტიური, წარმომადგენლობითი და შესამჩნევია.

31
თვითმფრინავი Let L-410-ის ჩამოვარდნა კუზბასში

რუსეთში თვითმფრინავის ავარიული დაშვების შედეგად რამდენიმე ადამიანი დაიღუპა

49
(განახლებულია 12:44 19.06.2021)
ბოლო მონაცემებით, დაიღუპა 4 ადამიანი, დაშავდა 15 პირი. გავრცელებული ინფორმაცით, დაღუპულია ორი ინსტრუქტორი-პარაშუტისტი და ორი პილოტი.

თბილისი, 19 ივნისი — Sputnik. L-410 ტიპის თვითმფრინავმა რუსეთის კემეროვოს ოლქში ავარიული დაჯდომა განახორციელა, იუწყება РИА Новости.

ბოლო მონაცემებით, დაიღუპა 4 ადამიანი, დაშავდა 15 პირი. დაშავებულებიდან 5 ადამიანის მდგომარეობა მძიმეა, 8 პირის მდგომარეობა საშუალო სიმძიმისაა. ორი ადამიანი მსუბუქად არის დაშავებული.

კემეროვოს საოლქო სამედიცინო ცენტრის ექიმის მონაცემებით, დაღუპულია ორი ინსტრუქტორი-პარაშუტისტი და ორი პილოტი.

დასავლეთ-ციმბირის სატრანსპორტო პროკურატურის ინფორმაციით, ავარიის მიზეზი ერთ-ერთი ძრავის გამორთვა გახდა, რის შედეგადაც დაშვებისას თვითმფრინავი ხეებს გამოედო.

წინასწარი მონაცემებით, ბორტზე იმყოფებოდა 19 ადამიანი - 17 პარაშუტისტი და ეკიპაჟის ორი წევრი.

თვითმფრინავის დაშვების ადგილზე ოპერატიული შტაბი შეიქმნა. ადგილზე იმყოფებიან კემეროვოს ოლქის გუბერნატორის მოადგილეები, რეგიონის ჯანდაცვის მინისტრი.

დაღუპულების და დაშავებულების შესახებ მონაცემები ზუსტდება.

 

49
არქტიკა

გახდება თუ არა არქტიკა აშშ-სა და რუსეთს შორის გადატვირთვის საბაბი?

44
(განახლებულია 20:53 18.06.2021)
ამ დროისათვის რუსეთი თავმჯდომარეობს არქტიკულ საბჭოს, რომლის სხდომაც ივნისის ბოლოს გაიმართება

თბილისი, 18 ივნისი - Sputnik. მოსკოვსა და ვაშინგტონს არქტიკაში თანამშრონლობა შეუძლიათ, ასეთი განცხადება გააკეთა რუსეთის პრეზიდენტმა ვლადიმირ პუტინმა აშშ-ის ლიდერ ჯო ბაიდენთან შეხვედრის შემდეგ.

ორ ქვეყანას შორის ამ რეგიონში თანამშრომლობის აღდგენა ხელს შეუწყობს სახელმწიფოთა დაახლოებას. ამასთან რუსეთს შეუძლია, განიმტკიცოს პოზიციები პლანეტის ამ ნაწილში, მიაჩნიათ ჟურნალ „რუსული არქტიკის“ ექსპერტებს.

არქტიკული საბჭოს კომიტეტის თავმჯდომარე ნიკოლაი კორჩუნოვს მიაჩნია, რომ რუსეთსა და აშშ-ს განსაკუთრებული როლი ეკისრებათ არქტიკის რეგიონის პასუხისმგებლიან მართვაზე მის ჰარმონიული და მდგრადი განვითარების, არქტიკაში მშვიდობისა და დაბალი სამხედრო-პოლიტიკური დაძაბულობის შენარჩუნების საქმეში.  

„სახელმწიფოთა ურთიერთქმედება საკითხთა ფართო წრეშია შესაძლებელი, რომლებიც რეგიონის მდგრად განვითარებას უკავშირდება: ეს არის ეკონომიკაც, სოციალური და ასევე გარემოს დაცვის საკითხებიც“, — აღნიშნა მან.

ჩრდილოეთის საკითხთა კომიტეტის წევრ ანატოლი შიროკოვის აზრით, ვლადიმირ პუტინმა ამერიკულ მხარეს მიანიშნა, რომ რუსეთს თავისი ეროვნული ინტერესები აქვს არქტიკაში, ამასთან მოსკოვი მზადაა თანამშრომლობისთვის და ამ ზონაში კონფლიქტი არ სურს. მაგრამ ეფექტური ურთიერთქმედების აწყობა არქტიკული კლუბის ყველა წევრი ქვეყნის ამოცანაა.

არქტიკაში ნაისნობის დარეგულირება — ეს ერთ-ერთი ის სფეროა, რომელშიც რუსი და ამერიკელი სპეციალისტები კონსტრუქციულად თანამშრომლობას შეძლებდნენ.

„აშშ-სა და რუსეთს, რომელთა იურისდიქციაშიცაა რეგიონის აკვატორიის უმეტესი ნაწილი, შეუძლიათ განაგრძონ მუშაობა ბერინგის ყურეში უსაფრთხო და ეკოლოგიურად პასუხისმგებლიანი ნაოსნობის შესახებ შეთანხმებულ ზომებზე მუშაობა, რათა ავარიული სიტუაციები თავიდან იყოს აცილებული“, — აღნიშნავს რუსეთის სტრატეგიული კვლევების ინსტიტუტის ექსპერტი დმიტრი ლიჟინი.

პარტნიორობისთვის არსებობს სხვა სფეროებიც. პროექტ Social Economy Culture Expert Group-ის ხელმძღვანელ იულია ზვორიკინას თქმით, საუბარია „ცისფერი“ ეკონომიკის პროექტებზე.

„ოკეანის ეკონომიკა ალტერნატიული ენერგეტიკაა, რომელიც ოკეანის რესურსებს უკავშირდება (მოქცევითს, ტალღურს): ენერგეტიკული კუნძულების, აკვაკულტურისა და სასურსათო უსაფრთხოების შექმნა, არქტიკული ყინულების სასმელ წლად გამოყენება. აქ განსაკუთრებული ადგილი შეიძლება დაიკავოს საერტაშორისო თანამშრომლობამ წარმოების, ტრანსპორტირებისა და წყალბადის გამოყენების სფეროებში. ამ თემის აქტუალობაზე ვლადიმირ პუტინმა არაერთხელ ისაუბრა პრეზიდენტის მიმაღთვაშიც, კლიმატურ სამიტზეც, საფრანგეთის  საქმიან წრეებთან შეხვედრაზეც და პეტერბურგის საერთაშორისო ეკონომიკურ ფორუმზეც“, — დაამატა მან.

არქტიკის რეგიონში ერთობლივ საქმიანობაში პირველი ნაბიჯი შეიძლება გახდეს სამეცნიერო თანამშრომლობა, მიაჩნია ჟურნალ „რუსული არქტიკის“ მთავარ რედაქტორ კირა ზმიევას.

„კლიმატური ცვლილებებისა და რეგიონის მდგრადი განვითარების საკითხები აქტუალობას არ კარგავს, მათი გადაჭრა მხოლოდ საერთაშორისო თანამეგობრობის სამეცნიერო სკოლების ერთობლივი ძალისხმევებითაა შესაძლებელი“, — განმარტა მან.

ექსპერტები დარწმუნებული არიან, რომ რუსეთს, რომელიც 2021 წლიდან არქტიკული საბჭოს თავმჯომარეა, ყველა შანსი აქვს, კონსტრუქციული ურთიერთქმედებები ააწყოს ამერიკელ პარტნიორებთან აღნიშნული ამოცანების გადასაჭრელად.

29-30 ივნისს მოსკოვში, პირველად არქტიკულ საბჭოში რუსეთის თავმჯდომარეობის პერიოდში, ორგანიზაციის უფროსი თანამდებობის პირების აღმსარულებელი კომიტეტის სხდომა გაიმართება.

44
თემები:
რუსეთი დღეს
პოლიცია სიღნაღში

მედია: წნორში ერთ-ერთ ოჯახს ნათესავმა სახლი დაუწვა

0
(განახლებულია 16:00 19.06.2021)
არსებული ინფორმაციით, ხუთსულიანი ოჯახი სახლის გარეშე დარჩა. ოჯახის წევრები ახლა ნათესავთან აფარებენ თავს.

თბილისი, 19 ივნისი — Sputnik. სიღნაღის მუნიციპალიტეტის ქალაქ წნორში მცხოვრებ სომხიშვილების ოჯახს ნათესავმა საცხოვრებელი სახლი დაუწვა, იუწყება ტელეკომპანია „რუსთავი 2“.

შემთხვევა სამი დღის წინ მოხდა.

ოჯახი ადგილობრივ პოლიციას უყურადღებობაში ადანაშაულებს და აცხადებს, რომ ფაქტთან დაკავშირებით სამართალდამცველებს რეაგირება ამ დრომდე არ მოუხდენიათ. მათივე ინფორმაციით, სავარაუდო დამნაშავე პოლიციელებმა მხოლოდ გამოკითხეს და სახლში გაუშვეს.

არსებული ინფორმაციით, მხარეებს შორის დავა წლებია გრძელდება. დაპირისპირება სახლის გამო დაიწყო, რომელიც გულნაზ სომხიშვილს პაპამ აჩუქა.

დაზარალებული გულნაზი სომხიშვილი, გარდა ზიანისა, ბიძის მხრიდან მუქარაზე საუბრობს და მის დაკავებას ითხოვს. მისი თქმით, მამაკაცმა სახლის დაწვის ფაქტი აღიარა.

დაზარალებულების ინფორმაციით, მამაკაცი, რომელმაც სახლი დაწვა, მკვლელობაზეა ნასამართლევი და ახლაც პირობითი სასჯელის ქვეშ იმყოფება.

შინაგან საქმეთა სამინისტროს ინფორმაციით, სისხლის სამართლის საქმე სსკ-ის 187-ე მუხლით დაიწყო, რაც სხვისი ნივთის დაზიანებას ან განადგურებას გულისხმობს.

0