გამშვები პუნქტი „ზემო ლარსი“

საქართველო რუსეთთან სახმელეთო საზღვარს ხსნის: შემოვლენ თუ არა ტურისტები

166
(განახლებულია 23:11 31.05.2021)
საქართველო რუსეთთან სახმელეთო საზღვარს ხვალიდან, 1 ივნისიდან ხსნის, მაგრამ მეზობელი ქვეყნიდან ტურისტული ნაკადის ზრდა მოსალოდნელი არ არის.

თბილისი, 31 მაისი – Sputnik, ალექსეი სტეფანოვი. ქართულმა მხარემ განაცხადა, რომ საქართველოსა და რუსეთს შორის სახმელეთო საზღვარი 1 ივნისიდან გაიხსნება. ქვეყანაში შესასვლელად ვაქცინაციის გავლა და PCR−ტესტის ჩაბარებაა საკმარისი.

მაგრამ, როგორც „Sputnik–საქართველოს“ რუსეთის ტერიტორიაზე ახალი კორონავირუსული ინფექციის შეტანისა და გავრცელების აღკვეთის ოპერატიულ შტაბში განუცხადეს, რუსეთის მხრიდან 1 ივნისისთვის არანაირი ცვლილება არ არის მოსალოდნელი.

„მთავრობის 2020 წლის 27 მარტის N763-р განკარგულება (შემდგომი რედაქცია 18.05.2021 წ.) „საავტომობილო, სარკინიგზო, საფეხმავლო, სამდინარო და შერეული პუნქტების მეშვეობით რუსეთის სახელმწიფო საზღვრის გადაკვეთის დროებით შეზღუდვის შესახებ“ მოქმედებას განაგრძობს და საზღვრის სახმელეთო მონაკვეთების გავლით მოძრაობა კვლავინდებურად შეზღუდულია“, — განმარტეს ოპერატიულ შტაბში.

რუსეთ−საქართველოს საზღვრის თავისუფლად გადაკვეთა მხოლოდ იმ შემთხვევაში იქნება შესაძლებელი, თუ ამ განკარგულებაში ცვლილებები შევა.

საქართველოში შესვლის უფლება რუსეთის მოქალაქეების შეზღუდულ რაოდენობას აქვს. მათ შორის არიან: დიპლომატები, მკურნალობის ან ავადმყოფი ნათესავების მოვლის მიზნით ჩასული პირები და ასევე ქვეყანაში მცხოვრები პირების ოჯახების წევრები.

რუსეთის მთავრობის განკარგულებას, რომელშიც რუსეთის მოქალაქეების მიმართ გამონაკლისებზეა საუბარი, შეგიძლიათ გაეცნოთ აქ:

თუმცა რუსეთის მოქალაქეები მაინც შეძლებენ საქართველოში მოხვედრას — მესამე ქვეყნებიდან. ტურისტული დარგის ექსპერტების რეკომენდაცია თურქეთისა და სომხეთის გავლით რეისებით სარგებლობას ითვალისწინებს. თუმცა ასეთ შემთხვევაში ბილეთები შესაძლოა 600 დოლარიც კი ღირდეს. გარდა ამისა, გასათვალისწინებელია ისიც, რომ თურქეთში კორონავირუსის აფეთქებიდან გამომდინარე, რუსეთიდან თურქეთში ავიარეისები კვირაში ორამდეა შემცირებული. ყველაზე ბიუჯეტური ვარიანტია ერევნამდე ჩაფრენა და იქიდან სახმელეთო საზღვრით საქართველოს ტერიტორიაზე შესვლა.

166
თემები:
რუსეთი დღეს (887)
ჟენევის სამიტი

ჯენ პსაკი: ჟენევის სამიტს ვაშინგტონის ანტირუსული სანქციების პოლიტიკა არ შეუცვლია

11
(განახლებულია 14:50 21.06.2021)
მანამდე აშშ-ის პრეზიდენტის მრჩეველმა განაცხადა, რომ ვაშინგტონი ახალ სანქციებს ამზადებს მოსკოვის წინააღმდეგ.

თბილისი, 21 ივნისი − Sputnik. აშშ-ისა და რუსეთის პრეზიდენტების ჟენევის სამიტს არაფერი შეუცვლია ვაშინგტონის ანტირუსული სანქციების პოლიტიკაში, განაცხადა თეთრი სახლის პრეს-მდივანმა ჯენ პსაკიმ.

აღნიშნულის თაობაზე წერს გამოცემა New York Times.

„კანონი მოითხოვს, რომ განვაგრძოთ ქიმიური იარაღის გამოყენებასთან დაკავშირებული სანქციების მიზნების განხილვა“, − განაცხადა ჯენ პსაკიმ.

მანამდე აშშ-ის პრეზიდენტის მრჩეველმა ეროვნული უშიშროების საკითხებში ჯეიკ სალივანმა გაავრცელა ინფორმაცია, რომ ვაშინგტონი ახალ სანქციებს ამზადებს მოსკოვის წინააღმდეგ ალექსეი ნავალნის სიტუაციასთან დაკავშირებით და ამასთან გეგმავს განაგრძოს ზეწოლა იმ კომპანიებზე, რომლებიც „ჩრდილოეთის ნაკადი-2“-ის მშენებლობაში იღებენ მონაწილეობას.

ჯენ პსაკის თქმით, მნიშვნელობა არ აქვს, როდის გააკეთა სალივანმა ზემოთ ნახსენები განცხადება, ვინაიდან სანქციების კუთხით 16 ივნისის სამიტის შემდეგ „არაფერი არ შეცვლილა“.

აშშ-ში რუსეთის ელჩმა ანატოლი ანტონოვმა გააკრიტიკა ამერიკელი პარტნიორების განზრახვა და აღნიშნა, რომ ეს ის სიგნალი არ არის, რომელიც პრეზიდენტების სამიტზე გაისმა.

აშშ-ის და რუსეთის პრეზიდენტების ჯო ბაიდენისა და ვლადიმირ პუტინის პირველი შეხვედრა ჟენევაში 16 ივნისს გაიმართა. სამიტის დასრულების შემდეგ რუსეთის ლიდერმა განაცხადა, რომ ამერიკელ კოლეგასთან სტრატეგიული სტაბილურობის თაობაზე კონსულტაციების დაწყებაზე შეთანხმდა.

გარდა ამისა, სახელმწიფოთა მეთაურებმა ერთობლივი განცხადება გაავრცელეს, რომელშიც ნათქვამია, რომ რუსეთი და აშშ ადასტურებენ იმ პრინციპის ერთგულებას, რომლის თანახმადაც ბირთვულ ომში გამარჯვებული არ არსებობს და ის არასდროს არ უნდა მოხდეს.

11
თემები:
საერთაშორისო პანორამა
ეპიდსიტუაცია ინდოეთში

რითაა საშიში კორონავირუსის ინდური შტამი - „სპუტნიკV"-ს შემქმნელის თვალსაზრისი

39
(განახლებულია 18:51 20.06.2021)
კორონავირუსის ინდური შტამი მეტად აგრესიულია, ის აჩქარებს დაავადების დამძიმებას, განაცხადა ალექსანდრ გინცბურგმა.

თბილისი, 20 ივნისი - Sputnik. ვაქცინა „სპუტნიკV" იცავს კორონავირუსის ყველა დღეისათვის ცნობილი შტამისგან, განაცხადა გამალეის ეპიდემიოლოგიისა და მიკრობიოლოგიის სამეცნიერო ცენტრის დირექტორმა ალექსანდრ გინცბურგმა.

„ანტისხეულები, რომლებიც „სპუტნიკV"-ს გამოყენების შედეგად გამომუშავდება, იცავს ყველა დღეისათვის ცნობილი შტამისგან, დაწყებული ბრიტანულით, დამთავრებული ინდური, „დელტას“ შტამით“, - განაცხადა გინცბურგმა.

სპეციალისტმა ასევე დაახასიათა „ინდური შტამი“, რომელიც ამჟამად რუსეთში ცირკულირებს.

მან აღნიშნა, რომ ეს შტამი მეტად აგრესიულ სურათს ქმნის: უჰანის შტამთან შედარებით დაავადება მიმდინარეობს გაცილებით „ელვისებურად“.

„ის უფრო აგრესიულია. მსუბუქი სიმპტომატიკიდან დაავადების მძიმე ფორმებში გადასვლის დროს ამცირებს. ამის შედეგად საკუთარი ანტისხეულების შესაძლო გამომუშავებისთვის საჭირო დრო მცირდება“, - განაცხადა გინცბურგმა.

ინდური შტამი (კორონავირუსის დელტა-ვარიანტი) უკვე 80-ზე მეტ ქვეყანაშია აღმოჩენილი და გავრცელებასთან ერთად მუტაციას განიცდის.

გამალეის ცენტრში შექმნილი „სპუტნიკV" მსოფლიოში პირველი რეგისტრირებული კორონავირუსის საწინააღმდეგო ვაქცინაა. ამჟამად რუსეთში რეგისტრირებულია კიდევ სამი პრეპარატი: „ეპივაკკორონა“, „კოვივაკი“ და „სპუტნიკ ლაიტი“.

39
ქეით მიდლტონი და პრინცი უილიამი

პრინცი უილიამი მეგან მარკლს „ძმის გატაცებაში“ ადანაშაულებს

0
(განახლებულია 14:19 21.06.2021)
მას შემდეგ, რაც პრინცი ჰარი და მეგან მარკლი დიდი ბრიტანეთიდან ამერიკაში გადავიდნენ საცხოვრებლად, ორ ძმას შორის ურთიერთობა დაიძაბა

ბრიტანეთის დედოფლის ელისაბედ II- ის შვილიშვილმა, კემბრიჯის ჰერცოგმა უილიამმა სასექსის ჰერცოგინია მეგანი დაადანაშაულა „მისი ძმის გატაცებაში“. ამის შესახებ ბრიტანელი ისტორიკოსი და ბიოგრაფი რობერტ ლეისი ახალ წიგნში „ძმების ბრძოლა: უილიამი და ჰარი - მეგობრობა და მტრობა“ წერს, რომლის ამონარიდიც მოჰყავს The Sun- ს.

ლეისის თქმით, პრინცი უილიამი დარწმუნებულია, რომ მეგან მარკლი ფარულ გეგმას მისდევს, რომლის თანახმად, მას სურს მისი ძმის პრინცი ჰარის ოჯახიდან „გატაცება“ და ნათესავების წინააღმდეგ მიმართვა. გარდა ამისა, კემბრიჯის ჰერცოგმა იგი დაადანაშაულა „მონარქიის ზოგიერთი ძვირფასი პრინციპის დარღვევაში“.

ლეისმა ასევე აღნიშნა, რომ უილიამი ნაწყენად და დაღალატებულად გრძნობს, ხოლო მის მეუღლეს ქეით მიდლტონს „თავიდანვე ეშინოდა მარკლის“. ამის შესახებ მან მაშინ შეიტყო, როდესაც პრინცმა ჰარიმ შეურაცხყოფა მიაყენა თავის ძმას და შეწყვიტა მის ზარებზე პასუხის გაცემა.

კენსინგტონის სასახლემ კომენტარის გაკეთება არ ისურვა მწერლის ბრალდებებზე.

ივნისის დასაწყისში სასექსის ჰერცოგმა და ჰერცოგინიამ მეორე და მესამე ადგილი დაიკავეს დაწესებულების ყველაზე პატივცემული წევრების გამოკითხვაში. გამოკითხვის შედეგების თანახმად, აღმოჩნდა, რომ დედოფალი ელისაბედ II უდიდესი პატივისცემით სარგებლობს ახალგაზრდებს შორის, რომლებმაც ხმების 25 პროცენტი მიიღეს. მეორე ადგილზე იყო პრინცი ჰარი 22 პროცენტით, ხოლო მესამე ადგილი დაიკავა მისმა მეუღლემ მეგან მარკლმა, რომელსაც რესპონდენტთა 21 პროცენტი ანიჭებს უპირატესობას.

0
თემები:
სამეფო ოჯახის ამბები