საქართველოსა და რუსეთის დროშები

მოსკოვში ქართული დიასპორის ფორუმი გაიმართება: დასახელდა თარიღი

147
(განახლებულია 17:12 29.04.2021)
ფორუმი მოიცავს რუსეთში ქართული დიასპორული ორგანიზაციების ხელმძღვანელთა ყრილობას, კონფერენციებს, სემინარებს, ექსკურსიებსა და სხვა კულტურულ პროგრამას.

თბილისი, 29 აპრილი — Sputnik. რუსეთში ქართული დიასპორის ფორუმი მოსკოვში 20−21 მაისს ჩატარდება, ნათქვამია ფედერალური ქართული ნაციონალურ−კულტურული ავტონომიის საიტზე.

ფორუმის ფარგლებში გაიმართება რუსეთში ქართული დიასპორული ორგანიზაციების ხელმძღვანელთა ყრილობა, კონფერენციები, სემინარები, ექსკურსიები და კულტურული პროგრამა.

ფორუმზე მიწვეული იქნებიან ხელისუფლების წარმომადგენლები, სასულიერო პირები, კულტურის მოღვაწეები, სხვა ნაციონალურ-კულტურული ავტონომიების ხელმძღვანელები და სხვ.

ძირითადი სამუშაო არენები იქნება რუსეთის ხალხთა სასახლე და მოსკოვის ეროვნებათა სახლი.

აღინიშნება, რომ ღონისძიების ორგანიზატორები არიან ფედერალური ქართული ნაციონალურ-კულტურული ავტონომია და რუსულ−ქართული ურთიერთობების აღორძინებისა და განვითარების ფონდი.

147
თემები:
რუსეთი დღეს (854)
პროექტის Ты супер! ჟიურის წევრები

Ты супер! საბავშვო მუსიკალური კონკურსის მეხუთე სეზონის კასტინგი დაიწყო

9
(განახლებულია 10:28 18.05.2021)
არსებობის ოთხი წლის  განმავლობაში პროექტი Ты супер! 174 მოზარდს დაეხმარა ვოკალური ნიჭის გახსნასა და პროფესიული მუსიკალური კარიერის დაწყებაში

თბილისი, 18 მაისი – Sputnik. ტელეარხი НТВ და საერთაშორისო საინფორმაციო სააგენტო და რადიო Sputnik–ი Ты супер! ტელეარხი НТВ და საერთაშორისო საინფორმაციო სააგენტო და რადიო Sputnik მშობლების მზრუნველობამოკლებული ბავშვებისთვის საერთაშორისო ვოკალური კონკურსის Ты супер! V სეზონის კასტინგის დაწყების შესახებ იუწყება.

პროექტში მონაწილეობა შეუძლიათ ნიჭიერ ბავშვებს, რომლებიც განსაკუთრებული ვოკალური ნიჭით გამოირჩევიან და ცხოვრობენ ბავშვთა სახლებში, მეურვეებისა და მიმღებ ოჯახში, ასევე ბავშვებს, რომლებიც რთული ოჯახური სიტუაციის გამო სკოლა-ინტერნატებში იზრდებიან.

პროექტში Ты супер! შერჩევის პრინციპი წინა სეზონების მსგავსი დარჩება: მისი მონაწილე შეიძლება გახდეს 7-დან 18 წლამდე ასაკის მიმღებ ოჯახში მცხოვრები ბავშვი ან სკოლა-ინტერნატისა და ბავშვთა სახლის აღსაზრდელი რუსეთისა და დსთ-ის ნებისმიერი ქალაქიდან.

კასტინგზე მოსახვედრად „Sputnik-საქართველოს“ რედაქციის ელექტრონულ მისამართზე უნდა გაიგზავნოს:

  1. ვიდეო, რომლითაც კასტინგის მონაწილე საკუთარ თავს წარმოადგენს (გვარი და სახელი, ასაკი, ქალაქი და სტატუსი: ვცხოვრობ ბავშვთა სახლში/ინტერნატში/მიმღებ ოჯახში/მეურვეობის ქვეშ) და ბავშვის გამოსვლების რამდენიმე ჩანაწერი. შესაძლებელია, რომ ჩანაწერები რომელიმე კონკურსებზე იყოს გადაღებული.
  2. შევსებული განაცხადი.

პირველი შესარჩევი ტურის შედეგები 2021 წლის ზაფხულში გამოქვეყნდება.

საბავშვო მუსიკალური კონკურსის Ты супер! პრემიერა НТВ-ზე 2017 წლის 11 თებერვალს გაიმართა. პირველივე ეთერებიდან პროექტი ერთ-ერთი ყველაზე პოპულარული შოუ გახდა. არსებობის ოთხი წლის განმავლობაში პროექტი დაეხმარა ასობით ახალგაზრდა ვარსკვლავს თავისი ვოკალური ნიჭის წარმოჩენაში და მუსიკალურ კარიერაში პირველი ნაბიჯების გადადგმაში. ზოგიერთმა მონაწილემ ოცნება აისრულა და მშობლები შეიძინა.

აღსანიშნავია, რომ კონკურსის გასული სეზონების მონაწილეები სხვადასხვა, მათ შორის, საერთაშორისო საბავშვო მუსიკალური კონკურსების ხშირი სტუმრები არიან. Ты супер!-ის მეორე სეზონის გამარჯვებულის დიანა ანკუდინოვას გამოსვლა 2018 წელს YouTube-ს რუსული სეგმენტის ყველაზე პოპულარული ვიდეოების სამეულში შევიდა.

საერთაშორისო კონკურსი Ты супер! ტელეარხ НТВ–სა და საერთაშორისო საინფორმაციო სააგენტო და რადიო Sputnik–ის მიერ რუსეთის განათლების სამინისტროს მხარდაჭერით ტარდება.

9
თემები:
НТВ-სა и Sputnik-ის საბავშვო ვოკალური კონკურსი Ты супер!"
მოსკოვი

რუსეთის საგარეო უწყება მოსკოვში ისრაელელთა და პალესტინელთა შეხვედრას ამზადებს

17
მოსკოვი მუშაობს ასევე პალესტინელთა შორის განხეთქილების დაძლევის საკითხზე, რაც პალესტინასა და ისრაელს შორის სიტუაციის დარეგულირების პროცესის განუყოფელი ნაწილია.

თბილისი, 17 მაისი – Sputnik. რუსეთი მოსკოვში ისრაელელთა და პალესტინელთა შეხვედრას ამზადებს და კონფლიქტის მხარეებთან კონტაქტებს ამყარებს, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

10 მაისს, საღამოს პალესტინის ანკლავის საზღვრებზე იერუსალიმში შეტაკების შემდეგ ყველაზე მასშტაბური ესკალაცია დაიწყო. ბოლო ინფორმაციით, ისრაელში დაიღუპა ათი ადამიანი, სერიოზულად დაიჭრა დაახლოებით 50. პალესტინის მხარეს 220 ადამიანია დაღუპული, აქედან 58 – ბავშვი.

„ასეთი სამუშაო მიმდინარეობს მხარეებთანაც, ასევე „კვარტეტის“ წევრებთან (რუსეთი, აშშ, გაერო, ევროკავშირი - რედ.). მოსკოვში კონტაქტის ორგანიზების წინადადება ძალაშია“, - ციტირებს ზახაროვას РИА Новости.

მან ასევე აღნიშნა, რომ მოსკოვი მუშაობს ასევე სხვა მხარეებთან პალესტინელთა შორის განხეთქილების დაძლევის საკითხზე, რაც პალესტინასა და ისრაელს შორის სიტუაციის დარეგულირების პროცესის განუყოფელი ნაწილია.

ისრაელის და ღაზის სექტორის საკითხზე გაეროს უშიშროების საბჭოს სხდომის და აშშ-ის მხრიდან განცხადების მიღების ბლოკირების კომენტირებისას ზახაროვამ აღნიშნა, რომ გამართულმა განხილვებმა ცხადყო, რომ არსებობს „ერთიანი თვალსაზრისი კონფლიქტის მწვავე ფაზის გადაუდებელი შეწყვეტის აუცილებლობაზე“.

გასულ კვირაში გაიმართა გაეროს უშიშროების საბჭოს სამი სხდომა, რომელიც აღმოსავლეთ იერუსალიმსა და ღაზის სექტორში მიმდინარე მოვლენებს მიეძღვნა. ჯერჯერობით უშიშროების საბჭომ გამართული შეხვედრების შედეგების მიხედვით რაიმე განცხადების თაობაზე შეთანხმებას ვერ მიაღწია. როგორც РИА Новости-ს უშიშროების საბჭოში არსებულმა წყარომ უამბო, აშშ იყო ერთადერთი სახელმწიფო, რომელმაც განცხადების მიღება დაბლოკა.

17
ლარი

რა კავშირშია ლარის მასის ზრდა და ლარის გაუფასურება: ერთ წელში ფულის მასა 21%-ით გაიზარდა

0
(განახლებულია 14:46 18.05.2021)
2013 წლიდან მოყოლებული, ლარის ყოველ მასშტაბურ გაუფასურებას ხელისუფლების წარმომადგენლები მეტწილად „საგარეო ფაქტორებს" აბრალებენ

თემურ იოსელიანი

2020 წელს ამ მიზეზებს კორონაპანდემიაც დაემატა, რაც აგრეთვე გარედან მოსული თავის ტკივილია. თუმცა... თუმცა, არსებობს ერთი სრულიად „შიდა ფაქტორიც“: საკმაოდ დიდი ალბათობით, ლარის გაუფასურებაში ერთ-ერთი მნიშვნელოვანი დამნაშავე ფულის მასის ზრდაა. 

ეროვნული ბანკის მიერ გამოქვეყნებული ინფორმაციის მიხედვით, 2021 წლის მარტში, წინა წლის მაჩვენებელთან შედარებით, ფულის მასა 2,4 მლრდ ლარით გაიზარდა. უფრო კონკრეტულად, M2 აგრეგატმა, რომელიც ფაქტობრივად ფულის მთლიან მასას ასახავს ეკონომიკაში, 13,615 მილიარდი ლარი შეადგინა. ეს მაჩვენებელი გასული წლის ანალოგიურ პერიოდთან შედარებით დაახლოებით 21%-ით მეტია.

ეროვნული ბანკის ვებ-გვერდზე განთავსებული სტატისტიკური ინფორმაციიდან ჩანს, რომ ეკონომიკაში ფულის მასის დრამატული ზრდა 2015 წლიდან დაიწყო.

უფრო ძველ მაჩვენებლებს თუ გადავხედავთ, ვნახავთ, რომ ფულის მასა (M2) 2012 წლის დეკემბერში 4,05 მილიარდი ლარი იყო.

ექსპერტების თქმით, ლარის მასის არაპროპორციული და სწრაფი ზრდა ხელს უწყობს როგორც ინფლაციის ზრდას, ასევე ლარის გაუფასურებასაც. ისიც საინტერესოა, რომ ეროვნული ბანკი ინფლაციის მოსათოკად პერიოდულად მონეტარული პოლიტიკის გამკაცრებას მიმართავს ხოლმე. მონეტარული პოლიტიკის გამკაცრება რეფინანსირების განაკვეთის ზრდაში გამოიხატება. დღეისათვის რეფინანსირების განაკვეთი 9,5%-ს შეადგენს. თებერვალში იგივე მაჩვენებელი 8%-ს შეადგენდა, მარტში 8.5%-მდე გაიზარდა. ასე რომ, წლევანდელი თებერვლიდან მოყოლებული, ეროვნულმა ბანკმა სესხზე ხელმისაწვდომობა 1,5%-ით გაართულა. 

რიგით მომხმარებლებზე რეფინანსირების განაკვეთის ზრდა ლარში არსებული სესხების გაძვირებაში გამოიხატება. შედეგად – უფრო ძვირდება ფული და, შესაბამისად, ეს გავლენას ახდენს ფულის მასის შემცირებაზეც. თუმცა, როგორც ვხედავთ, მეტწილად ურთიერთსაპირისპირო მოვლენას აქვს ადგილი – ეროვნული ბანკი ერთი მხრივ სესხს აძვირებს, რათა ინფლაცია მოთოკოს, მეორე მხრივ კი ფულის მასის ზრდაც თვალშისაცემია. ცხრილში ჩანს გარკვეული თანაფარდობა ფულის მასის ზრდასა და ლარის კურსის დაცემას შორის.

ლარის მასა (M2) და ლარის კურსი ბოლო წლებში 

წელი მონეტარული აგრეგატი (M2), ათასი ლარი ლარის კურსი (თვის საშუალო)
2012 წლის დეკემბერი 4.069.162 1,66
2015 წლის დეკემბერი 5.685.814 2,39
2016 წლის დეკემბერი 6.526.641 2,65
2017 წლის დეკემბერი 8.350.330 2,61
2018 წლის დეკემბერი 9.675.969 2,66
2019 წლის დეკემბერი 11.495. 455 2,90
2020 წლის დეკემბერი 13.659.691 3,28
2021 წლის მარტი 13.615.463 3.33

რა გავლენა აქვს ფულის მასას ლარის კურსზე და არის თუ არა რაიმე ზღვარი – რამდენი უნდა იყოს ფულის მასა მოცემულ მომენტში? ვესაუბრეთ „ახალი ეკონომიკური სკოლა – საქართველოს“ პრეზიდენტ პაატა შეშელიძეს.

„არ არსებობს მოცემულობა და ფორმულა, ზუსტად რამდენი უნდა იყოს ფულის მასა. ყველა მასა უნდა შეესაბამებობდეს კონკრეტულ მომენტში არსებულ საქონელს და მომსახურების ფასებს. პრობლემა არის ფულის მასის სწრაფი ზრდა, რა პერიოდშიც შეუძლებელია საქონლის იმავე მოცულობით გაზრდა. ეს იწევს ლარის გაუფასურებას – როცა ფულის მასა უფრო სწრაფად იზრდება, ვიდრე საქონელი“, – ამბობს პაატა შეშელიძე.

ექსპერტის თქმით, ფულის მასის ზრდის მთავარი მიზეზია მთავრობის ვალდებულებების დაფინასება. სხვა სიტყვებით რომ ვთქვათ, მთავრობა ზრდის ხარჯებს, რომლის დაფინანსებასაც სჭირდება დამატებითი ფულადი რესურსი. ამ შემთხვევაში კი, შეშელიძის თქმით, გადამწყვეტი მნიშვნელობა აქვს რეფინანსირების სესხების გაცემის მექანიზმს. 

„არსებული მექანიზმით, მთავრობა კომერციული ბანკებისგან სესხულობს ფულს რეფინანსირების სესხების მეშვეობით. მაგრამ არსად არის დადგენილი – რამდენი შეიძლება გაიცეს რეფინანსირების სესხი და როდის“, – ამბობს პაატა შეშელიძე.

მისი თქმით, მთლიანად ეს სისტემა მოსაშლელია, რადგან მორგებულია მთავრობის მიერ ვალდებულებების იოლად დაფინანსებაზე. თავის მხრივ, მსხვილი მოთამაშეები – კომერციული ბანკები გავლენას ახდენენ პროცესზე. გაზრდილი ფულის მასის მნიშვნელოვანი ნაწილი ხმარდება სავალუტო ოპერაციებს და ჯერ ძვირდება უცხოური ვალუტა, შემდეგ კი უკვე საქონელიც.

ექსპერტის თქმით, ფულის მასა, სამწუხაროდ, მუდმივად იზრდება, თუმცა, მაგალითად, დაახლოებით 2006 წელს ფულის მასის ზრდის მსგავსად იზრდებოდა საქონელიც და მომსახურებაც, რაც ლარის კურსზე უარყოფით გავლენას არ ახდენდა.

„მთავრობა სესხულობს ფულს ეროვნული ბანკიდან. პრობლემაა, რომ ეს ხდება არა ერთჯერადად. რეფინანსირების სესხი უნდა გაუქმდეს, ან უნდა იყოს მხოლოდ კონკრეტული გამონაკლისისთვის“, – მიაჩნია შეშელიძეს.

რაც შეეხება იმას, რომ ეროვნული ბანკი, ერთი მხრივ, ფულის მასას ზრდის და, მეორე მხრივ, რეფინანსირების განაკვეთს ზრდის, რაც, თავის მხრივ, ფულის მასის შემცირებისკენ გადადგმული ნაბიჯია, პაატა შეშელიძის თქმით, ეს ორი მოვლენა ურთიერთსაწინააღმდეგო მოქმედებაა.

თავისუფალი უნივერსიტეტის ლექტორი, ეკონომისტი ზვიად ხორგუაშვილი ჩვენთან საუბრისას ამბობს, რომ როცა ეროვნული ბანკის მიერ დამატებითი ფულის მიწოდება ხდება, ეკონომიკური პროცესები ზიანდება. 

„ფულის მასა რამდენი უნდა იყოს, ამაზე პასუხი არ არსებობს. სტატიკურად, ფულის მასის ოდენობას აზრი არ აქვს, რადგან ღირებულებით იზომება ფული. რაც შეგვიძლია ვთქვათ, ისაა, რომ როდესაც ფულის მასის ზრდა ეროვნული ბანკის მიერ დამატებითი ფულის ბეჭდვით ხდება, ეს იწვევს დამაზიანებელ ეკონომიკურ პროცესებს – ინფლაციას და ხელოვნურ ბუმს.

ლარის მასა როცა იზრდება, ბაზარზე მეტი ლარია. მეტი ლარი ნიშნავს, რომ ლარზე ფასი მცირდება. შესაბამისად, ფულის მასის ხელოვნური ზრდა კურსის გაუფასურებას იწვევს“, – ამბობს ხორგუაშვილი.

რაც შეეხება ეროვნული ბანკის პოლიტიკას, როდესაც ის თან ფულის მასას ზრდის და თან რეფინანსირების პროცენტს, ხორგუაშვილის თქმით, ეროვნული ბანკი ფულის მასას, ერთი მხრივ, ზრდის იმიტომ, რომ ეკონომიკა უფრო ლიკვიდური იყოს (რაც არასწორია) და, მეორე მხრივ, რეფინასირების პროცენტის ზრდით ცდილობს ინფლაცია მოთოკოს. საბოლოო ჯამში კი ჩანს, რომ ამ პოლიტიკას სახარბიელო შედეგი არ მოაქვს.

0
თემები:
საქართველოს ეკონომიკა