ფედერაციის საბჭო რუსეთში

ევროპარლამენტი რუსეთის SWIFT-დან გათიშვას ითხოვს: ფედერაციის საბჭოს პასუხი

40
(განახლებულია 16:52 29.04.2021)
ევროპარლამენტმა რეზოლუციის პროექტში შეიტანა პუნქტი რუსეთის SWIFT-დან გათიშვის შესახებ და ასევე რუსულ ნავთობსა და გაზზე უარის თქმა მოითხოვა „უკრაინაში აგრესიის გაგრძელების შემთხვევაში“.

თბილისი, 29 აპრილი — Sputnik. ევროპარლამენტის ანტირუსულ რეზოლუციას იურიდიული ძალა არ აქვს, თუ რუსეთს SWIFT-დან გათიშავენ, ევროკავშირს ნავთობის საფასურის გადახდა „ნაღდი ფულით მოუწევს ჩემოდნებით“, განაცხადა რუსეთის ფედერაციის საბჭოს საერთაშორისო საქმეთა კომიტეტის ხელმძღვანელის პირველმა მოადგილემ, გენერალმა ვლადიმირ ჯაბაროვმა.

მანამდე ევროპარლამენტმა რეზოლუციის პროექტში შეიტანა პუნქტი რუსეთის საერთაშორისო გადახდების სისტემა SWIFT-დან გათიშვის შესახებ. გარდა ამისა, ევროჩინოვნიკები რუსულ ნავთობსა და გაზზე უარის თქმას მოითხოვენ „უკრაინაში აგრესიის გაგრძელების შემთხვევაში“.

„ევროპარლამენტი არის ორგანო, რომელიც არასდროს არაფერს არ წყვეტს. მის რეკომენდაციებსა და რეზოლუციებს იურიდიული ძალა არ აქვს. ის რუსოფობიის კერად გადაიქცა“, — განაცხადა ჯაბაროვმა.

მისი თქმით, რუსეთის SWIFT-დან გათიშვა პრობლემას არ წარმოადგენს მოსკოვისთვის, ვინაიდან, როგორც ეს რუსეთის პრეზიდენტმა აღნიშნა, ქვეყანას მზად აქვს გადახდების სისტემის შემცვლელი.

„მაინტერესებს, როგორ აპირებენ ჩვენთან ნავთობპროდუქტებზე ანგარიშსწორებას — ნაღდ ფულს ჩემოდნებით ჩამოგვიტანენ?“ — დაინტერესდა ფედერაციის საბჭოს წევრი.

ჯაბაროვის აზრით, ევროპარლამენტში გასული საუკუნის აზროვნების მქონე პოლიტიკოსები არიან თავმოყრილი, რომლებიც არ შეესაბამებიან თანამედროვე რეალობებს და „საკუთარი ქვეყნების ინტერესებსაც კი არ სცემენ პატივს“.

40
თემები:
რუსეთი დღეს (933)
რუსეთის საგარეო საქმეთა სამინისტრო

საპასუხო პროტესტი: იაპონიის ელჩი რუსეთის საგარეო უწყებაში დაიბარეს

24
(განახლებულია 16:16 26.07.2021)
მანამდე იაპონიის საგარეო საქმეთა სამინისტროში რუსეთის ელჩი დაიბარეს და პროტესტი გამოუცხადეს პრემიერ მიშუსტინის კურილის ერთ-ერთ კუნძულზე ჩასვლის გამო

თბილისი, 26 ივლისი — Sputnik. რუსეთის საგარეო საქმეთა სამინისტროში იაპონიის ელჩი ტოიოჰისა კოძუკი გამოიძახეს და პროტესტი გამოუცხადეს ტოკიოს არამეგობრული ნაბიჯების გამო რუსეთის მიმართ ტერიტორიულ პრეტენზიებთან დაკავშირებით, იუწყება РИА Новости საგარეო უწყების განცხადებაზე დაყრდნობით. 

მანამდე იაპონიის საგარეო საქმეთა მინისტრმა ტაკეო მორიმ რუსეთის ელჩი მიხაილ გალუზინი გამოიძახა პრემიერ-მინისტრ მიხაილ მიშუსტინის ჩრდილოეთის ტერიტორიებზე (ასე უწოდებენ იაპონიაში კურილის კუნძულებს, — რედ.) ვიზიტის გამო და პროტესტი გამოუცხადა მას.

„რუსეთის საგარეო საქმეთა მინისტრის მოადგილე ი. მორგულოვმა იაპონურ მხარეს მტკიცე პროტესტი გამოუცხადა ოფიციალური ტოკიოს მიერ ბოლო დღეებში გადადგმული არამეგობრული ნაბიჯების გამო ჩვენი ქვეყნის მიმართ ტერიტორიული პრეტენზიების კონტექსტში“, — ნათქვამია რუსეთის საგარეო საქმეთა სამინისტროს განცხადებაში.

აღინიშნება, რომ უწყებაში „დაჟინებით მოუწოდეს პარტნიორებს, არ გადავიდნენ ორმხრივ ურთიერთობებში „დესტრუქციულ ხაზზე“ და დაუბრუნდნენ ლიდერებს შორის მანამდე მიღწეული შეთანხმებების შესრულებას, რომელიც რუსულ-იაპონური ურთიერთობების „ხარისხობრივად ახალ საფეხურზე“ გაყვანას გულისხმობს სავაჭრო-ეკონომიკური თანამშრომლობის განვითარების, უსაფრთხოების სფეროში ნდობის გაზრდისა და საერთაშორისო საქმეებში პოზიციების დაახლოების გზით.    

პრემიერ-მინისტრი მიხაილ მიშუსტინი შორეული აღმოსავლეთისა და ციმბირის ოლქებში სამუშაო ვიზიტის ფარგლებში ეწვია სადავო კუნძულ იტურუპს. გავრცელებული ინფორმაციით, მიშუსტინს კურილის კუნძულებზე ყურადღების გამახვილება პრეზიდენტმა ვლადიმირ პუტინმა დაავალა, რომელმაც მანამდე კურილი კუნძულების ეკონომიკურ საქმიანობაში იაპონიის ჩართულობის თაობაზე „უნიკალური და უპრეცედენტო წინადადებები გაახმოვანა“.

ტოკიოსა და მოსკოვს შორის დღემდე მიმდინარეობს დავა კურილის კუნძულების თაობაზე. მეორე მსოფლიო ომის დასრულების შემდეგ რუსეთსა და იაპონიას შორის სამშვიდობო ხელშეკრულება არ გაფორმებულა, რაც ორ ქვეყანას შორის სამხრეთ კურილის ოთხი კუნძულის საკითხს დღემდე პრობლემად ტოვებს. აღნიშნული კუნძულები საბჭოთა კავშირს მეორე მსოფლიო ომის შედეგების საფუძველზე გადაეცა. თუმცა 1951 წელს საბჭოთა დელეგაციამ ხელი არ მოაწერა სან-ფრანცისკოს ზავს, რომელშიც იაპონიასთან ომის შედეგები მტკიცდებოდა, მაგრამ არ იყო შესული სსრკ-ის სუვერენიტეტის საკითხი კურილებზე.

1956 წელს საბჭოთა კავშირმა და იაპონიამ ხელი მოაწერეს ერთობლივ დეკლარაციას, რომლის მიხედვითაც მოსკოვი ეთანხმებოდა იაპონიისთვის ორი კუნძულის — ჰაბომაისა და შიკოტანის გადაცემის საკითხის განხილვას მას შემდეგ, რაც ორ ქვეყანას შორის სამშვიდობო ხელშეკრულება გაფორმდებოდა, მაგრამ შემდგომმა მოლაპარაკებებმა ვითარება ვერანაირად ვერ შეცვალა. 

24
თემები:
საერთაშორისო პანორამა
Ил-96-400Т და Ил-114

ბირთვული ომის შემთხვევაში: რუსეთში „განკითხვის დღის“ თვითმფრინავის აგება დაიწყეს

33
(განახლებულია 12:30 26.07.2021)
„განკითხვის დღის“ თვითმფრინავი, რომლის დანიშნულებაც ქვეყნის უმაღლესი ხელმძღვანელობის ევაკუაციაა, Ил-96-400М-ის ბაზაზე აიგება

თბილისი, 26 ივლისი — Sputnik. რუსეთის ქალაქ ვორონეჟში დაიწყო თვითმფრინავის აგება, რომლის დანიშნულებაც ჯარების მართვაა ბირთვული ომის შემთხვევაში, იუწყება РИА Новости თავდაცვით-სამრეწველო კომპლექსში არსებულ წყაროზე დაყრდნობით.

„რუსეთის საჰაერო-კოსმოსური ძალები ორ საჰაერო საკომანდო პუნქტს მიიღებენ, რომლებიც Ил-96-400М-ის ბაზაზე იქნება აგებული. ერთი უკვე წარმოებაშია“, — განაცხადა წყარომ.

მისი თქმით, პერსპექტივაში გამორიცხული არ არის საჰაერო სარდლობის მესამე პუნქტის დაკვეთაც.

ამასთან წყარომ დააზუსტა, რომ პროექტის სახელწოდებაა „რგოლი-3С“.

„განკითხვის დღის“ თვითმფრინავების დანიშნულება — ეს ქვეყნის უმაღლესი ხელმძღვანელობის ევაკუაცია და მისი ბორტიდან ჯარების სარდლობაა იმ შემთხვევაში, თუ სახმელეთო და თანამგზავრული ინფრასტრუქტურა განადგურებული იქნება.

თვითმფრინავის რადიოკომპლექსი ექვსი ათასი კილომეტრის რადიუსში გახდის შესაძლებელს ბრძანებების გადაცემას სახმელეთო და წყალქვეშა გამშვები დანადგარებისთვის.

33
თემები:
რუსეთი დღეს (933)
კვლევები საწურბლიაში

საწურბლიას მღვიმის ნიადაგში ადამიანის, მგლისა და ბიზონის გენი იპოვეს

0
Current Biology-ში გამოქვეყნებული სტატია აღწერს მღვიმის ნიადაგიდან აღებული დნმ-ის დეკოდირების შედეგებს და ძუძუმწოვართა სამი პოპულაციის ისტორიას აღწერს.

თბილისი, 26 ივლისი – Sputnik. საწურბლიას მღვიმის (წყალტუბოს მუნიციპალიტეტი) ნიადაგში აღმოჩენილია ადამიანის, მგლისა და ბიზონის გენი, ნათქვამია საქართველოს ეროვნული მუზეუმის განცხადებაში.

სამეცნიერო ჟურნალში Current Biology გამოქვეყნდა სტატია, რომელიც საქართველოს, ავსტრიის, ბრიტანეთის, დანიის, ირლანდიის, ისრაელის სამეცნიერო ინსტიტუციების მიერ ჩატარებულ ერთობლივ კვლევებს ეყრდნობა. სტატიაში აღწერილია საწურბლიას მღვიმეში 25 ათასი წლის წინანდელი ადამიანისა და ძუძუმწოვრების ბირთვული და მიტოქონდრიალური დნმ-ი.

კვლევა ეყრდნობა 2012-2017 წლებში საქართველოს ეროვნული მუზეუმის მასალის ანალიზების შედეგებს, რომელიც  წყალტუბოს ქვის ხანის შემსწავლელი საერთაშორისო ექსპედიციის მიერ არის მოპოვებული. მეცნიერთა საერთაშორისო ჯგუფმა გამოიყენა ინოვაციური მეთოდი და შეძლო სეკვენირების შედეგად გამოეყო გარემოს დნმ-ით მდიდარი მასალა.

Current Biology-ში გამოქვეყნებული სტატია აღწერს მღვიმის ნიადაგიდან აღებული დნმ-ის დეკოდირების შედეგებს და ძუძუმწოვართა სამი პოპულაციის ისტორიას.

როგორც განცხადებაშია აღნიშნული, ამ ახალმა მეთოდმა დაამტკიცა, რომ ძვლოვანი მასალის არ არსებობის შემთხვევაშიც კი შესაძლებელია გარემოს გენომის მიღება. ანალიზით დამტკიცდა, რომ SAT29 ნიმუში წარმოადგენს ადამიანის იმ გამქრალ გენს, რომელმაც დიდი როლი შეასრულა დღევანდელი დასავლეთ ევროპის მოსახლეობის გენეტიკაში.

შედეგების გადასამოწმებლად მეცნიერებმა აღნიშნული მასალა შეადარეს ძუძუანას მღვიმეში აღმოჩენილი ადამიანის ძვლოვან მასალას და დაასკვნეს, რომ ამ ორ ინდივიდს ერთნაირი გენეტიკური მახასიათებელი აქვს. აღნიშნული კვლევით კიდევ ერთხელ დამტკიცდა, რომ ევრაზიის კონტინენტზე, უკანასკნელი გამყინვარების შემდგომ პერიოდში, ძირითადი მოსახლეობა სამხრეთ კავკასიის გენის მატარებელია.

კვლევამ გამოავლინა გადაშენებული კავკასიური მგლის და ძაღლის მემკვიდრეობითი ხაზი, ასევე ევროპული ბიზონის გენი, რომლის მემკვიდრეა თანამედროვე სახეობა. მიღებული შედეგები ახალ მონაცემებს იძლევა გვიან პლეისტოცენის (ზედაპალეოლითური) ძუძუმწოვართა სამი სახეობის გენეტიკის ისტორიაში და აღწერს ნიადაგში დნმ-ის სეკვენირების shotgun მეთოდის გამოყენების შედეგებს, რომელიც იძლევა ჩვენი წინაპრის შესახებ უფრო ფართო ინფორმაციას და მის ფილოგენეტიკური კავშირების დადგენის შესაძლებლობას.

აღინიშნა, რომ სამხრეთ კავკასიამ, რომელიც კაცობრიობის კულტურათა გზაჯვარედინადაა მიჩნეული, კიდევ ერთხელ დაადასტურა თავისი გეოგრაფიული, კულტურული და ისტორიული გავლენა ძველი მსოფლიოს ისტორიაში.

 

0