რუსეთის საგარეო საქმეთა სამინისტრო

რუსეთი ჩეხეთს საერთაშორისო შეთანხმებების დარღევაში ადანაშაულებს

23
ევროკავშირი უნდა გაერკვეს ინციდენტში, რომელიც ვრბეტიცას იარაღის საწყობში აფეთქებას უკავშირდება, მიიჩნევს ლავროვი

თბილისი, 26 აპრილი - Sputnik. მოსკოვი ეჭვობს, რომ ჩეხეთმა საერთაშორისო შეთანხმებები დაარღვია, ამის შესახებ განაცხადა რუსეთის საგარეო საქმეთა მინისტრმა სერგეი ლავროვმა, წერს РИА Новости.

დიპლომატმა აღნიშნა, რომ ევროკავშირი უნდა გაერკვეს ინციდენტში, რომელიც ვრბეტიცაში იარაღის საცავში აფეთქებას უკავშირდება. ლავროვმა ჩეხი პოლიტიკოსების რეაქციას „უთავბოლო კომენტარები“ და „ემოციური, არც ისე ადეკვატური განცხადებები“ უწოდა.

„არსებობს ასევე არსებითი მინიშნებები იმაზე, რომ დაირღვა საერთაშორისო კონვენციები, მათ შორის, ოტავას კონვენცია, რომელიც კრძალავს ქვეითსაწინააღმდეგო ნაღმებს, და ეგრეთ წოდებული იარაღით ვაჭრობის შესახებ შეთანხმება, რომლის მონაწილეებიც, როგორც მესმის, არიან ევროკავშირის წევრი ქვეყნები“, - აღნიშნა მინისტრმა.

ამას წინათ რუსეთის საგარეო საქმეთა სამინისტროს წარმომადგენელმა მარია ზახაროვამ ჩეხეთს მოუწოდა, დაესახელებინა ის შეიარაღება, რომელიც 2014 წელს აფეთქებულ საწყობებში ინახებოდა. რესპუბლიკის პრეზიდენტის, მილოშ ზემანის სიტყვებით, არსენალი ბულგარელ ბიზნესმენს ეკუთვნოდა. გაზეთ The New York Times-ის მონაცემებით, ეს ბიზნესმენი ემილიან გებრევი იყო; მან გამოცემისთვის გაგზავნილ ელექტრონულ წერილში აღიარა, რომ იარაღს აწვდიდა უკრაინას დონბასის კონფლიქტის დროს, ასევე დაადასტურა, რომ ინახავდა საბრძოლო მასალას ვრბეტიცაში.

კვირას ზემანმა გაავრცელა საგანგებო სატელევიზიო მიმართვა, რომელშიც პირველად ისაუბრა ამ თემაზე. კერძოდ, მან განაცხადა, რომ კონტრდაზვერვის მოხსენებაში არ არსებობს მტკიცებულებები იმისა, რომ საწყობში იმყოფებოდნენ უცხოური სპეცსამსახურების აგენტები. ინციდენტის გამოძიება, პრეზიდენტის თქმით, გრძელდება, პოლიცია და გენპროკურატურა მომხდარის ორ ვერსიაზე მუშაობენ - თანამშრომელთა არაპროფესიონალური მოქმედება და უცხოური დაზვერვის საქმიანობა. 

23
„უკვდავი პოლკის“ ტრანსლაცია

სამ მილიონზე მეტი ანკეტა: „უკვდავი პოლკი“ ძალას იკრებს

22
(განახლებულია 22:53 05.05.2021)
კორონავირუსული პანდემიის გამო მასობრივი ღონისძიებები წელსაც მთელ მსოფლიოში კვლავ არასასურველად მიიჩნევა. ამიტომ მსვლელობა „უკვდავი პოლკი“ ონლაინ რეჟიმში ჩატარდება.

თბილისი, 5 მაისი – Sputnik. პროექტი „უკვდავი პოლკი“ უკვე მეორე წელია ადასტურებს თავის პოპულარობას საზოგადოებაში: განაცხადების მიღება ორი კვირის წინ დაიწყო და ამ ხნის განმავლობაში შარშანდელ 2,5 მლნ ანკეტას კიდევ 800 ათასი დაემატა.

აქციას მხარი დაუჭირეს: ცოტა ხნის წინ გარდაცვლილი მსახიობის, სსრკ-ის სახალხო არისტის ვასილი ლანოვოის ქვრივმა, რუსეთის უკვდავი პოლკის ცენტრალური შტაბის თანათავმჯდომარემ, რუსეთის სახალხო არტისტმა ირინა კუპჩენკომ, რუსეთის სახალხო არტისტმა ოლეგ გაზმანოვმა, თეატრისა და კინოს მსახიობმა იგორ პეტრენკომ, მომღერალმა პოლინა გაგარინამ. 

გასულ წელს პოლკის ტრანსლაცია 20 დღეზე მეტი ხნის განმავლობაში გრძელდებოდა. წელს, პარტნიორების წყალობით, ტრანსლაციის ნაკადები რეგიონებზე დაიყოფა და თითოეული თავის ვეტერანს იმ ქალაქში დაინახავს, საიდანაც არის წარმოშობით. სწორედ ამიტომ ახალი განაცხადების მიღება 7 მაისამდე იქნება შესაძლებელი, რათა რეგიონული ნაკადების ფორმირება მოესწროს.

წელს უფრო დიდი ყურადღება ეთმობა კიბერუსაფრთხოების საკითხებს, ასევე მიღებული განაცხადების მოდერირებას. პოლკის კოლონებში სამხედრო დამნაშავეების მოხვედრის აღსაკვეთად 12 ათასი მოდერატორი მუშაობს, ესენი არიან რუსეთის უკვდავი პოლკის მოხალისეები, მოძრაობა „გამარჯვების მოხალისეებიდან“ და სხვა საზოგადოებრივი ორგანიზაციებიდან, ასევე „სბერბანკის“ ნეიროქსელი. ინფორმაციის დიდი მოცულობის გამო შემოწმებას შესაძლოა რამდენიმე დღე დასჭირდეს.

მოდერატორებმა უკვე აღკვეთეს უკვდავი პოლკის მწკრივში ნაცისტი დამნაშავეების ფოტოსურათების განთავსების მთელი რიგი პროვოკაციული მცდელობები. ამ მცდელობების უკან მდგომი ადამიანების შესახებ მონაცემები რუსეთის საგამოძიებო კომიტეტს გადაეცემა. აღსანიშნავია, რომ წელს ძალაში შევიდა კანონი ნაციზმის რეაბილიტაციაზე სისხლის სამართლებრივი პასუხისმგებლობის გაძლიერების შესახებ, რასაც შეიძლება მიეკუთვნოს კიდეც ნაცისტი დამნაშავეების ფოტოების ონლაინ-მსვლელობაში ჩართვის მცდელობა.

ტრანსლაცია 9 მაისს, 15:00 საათზე დაიწყება, მისი ნახვა პროექტის საიტზე 2021.polkrf.ru არის შესაძლებელი. ასევე შესაძლებელია თვალის დევნება სოციალურ ქსელებში ВКонтакте და Одноклассники, ტელეარხებით და ასევე ონლაინ-კინოთეატრებზე ОККО, IVI.RU, MORE.TV და პლატფორმაზე Смотрим.ру.

აქცია „უკვდავი პოლკი“ პირველად ტომსკში გაიმართა. 2015 წელს „უკვდავი პოლკის“ მსვლელობაში რუსეთში დაახლოებით 12 მილიონმა კაცმა მიიღო მონაწილეობა. ამის შემდეგ ჩამოყალიბდა საერთო რუსული საზოგადოებრივი სამოქალაქო-პატრიოტული მოძრაობა „რუსეთის უკვდავი პოლკი“.

მოძრაობა „უკვდავი პოლკი“ - ეს არის იმის წარმოჩენის შესაძლებლობა, რომ გამარჯვებულების შთამომავლები არასდროს დაივიწყებენ წინაპრების გმირობას და დიდი გამარჯვების მნიშვნელობას. მარში ტრადიციულად 9 მაისს იმართება რუსეთში, ესტონეთში, ბელარუსში, საქართველოში, მოლდოვასა და სხვა მრავალ სახელმწიფოში.

22
თემები:
მეორე მსოფლიო ომის ისტორია: ფაშიმზე გამარჯვება 2021
წიწიბურა

რუსეთის მთავრობამ ქვეყნიდან წიწიბურის გატანა დროებით აკრძალა

73
(განახლებულია 22:18 04.05.2021)
რუსეთის სოფლის მეურნეობის სამინისტრო წიწიბურის ექსპორტს ქვეყნიდან ზღუდავს, რათა რუსულ ბაზარზე პროდუქციის საჭირო მოცულობა შენარჩუნდეს და ფასების მკვეთრი რყევა არ მოხდეს.

თბილისი, 4 მაისი – Sputnik. რუსეთის მთავრობის დადგენილებით, 5 ივნისიდან 31 აგვისტოს ჩათვლით ქვეყნიდან წიწიბურის გატანა დროებით იკრძალება. შესაბამისი დადგენილება სამართლებრივი ინფორმაციის ინტერნეტ-პორტალზე გამოქვეყნდა.

რუსეთის სოფლის მეურნეობის სამინისტრო გასულ კვირაში ქვეყნიდან წიწიბურის ექსპორტის დროებითი შეზღუდვის წინადადებით გამოვიდა. მიზეზად დასახელდა რუსეთის ბაზარზე პროდუქციის საჭირო მოცულობების შენარჩუნება და ფასების მკვეთრი რყევების თავიდან აცილება.

უწყებაში ხაზგასმით აღნიშნეს, რომ რუსეთში მარცვლოვანი კულტურების წარმოების მიმდინარე მოცულობები მოსახლეობის მოთხოვნებს ძირითადი სახეობების ბურღულეულზე, მათ შორის წიწიბურაზე, სრულად უზრუნველყოფს. ამასთან, 2020 წლის ნოემბრიდან მსოფლიოში არსებული კონიუნქტურის ფონზე იმპორტიორ ქვეყნებში რუსული წიწიბურის ექსპორტის მნიშვნელოვანი ზრდა ფიქსირდება.

თვითუზრუნველყოფის დონის შემდგომი ზრდის და სტაბილური ფასების შენარჩუნების მიზნით სოფლის მეურნეობის სამინისტრო 2021 წელს ბურღულეული კულტურების ნათესების ფართობების ზრდას გეგმავს.

რუსეთში წიწიბურის ფასი წლის დასაწყისიდან იზრდება. უწყვეტი ზრდა მარტიდან ფიქსირდება. 19 აპრილის მდგომარეობით, 1 კგ წიწიბურა რუსეთში ღირდა 96 რუბლი, რაც დაახლოებით 4,4 ლარს უდრის.

საქართველოში 1 კგ წიწიბურის ფასი 3,5 ლარიდან იწყება.

73
თემები:
რუსეთი დღეს
მოსკოვის აკადემიური სამხატვრო თეატრის დასი

თბილისში ევაკუირებული მოსკოვური თეატრი: „ბედნიერება იყო იმდენად დიდი, რომ ომს გვავიწყებდა“

0
(განახლებულია 17:21 08.05.2021)
მეორე მსოფლიო ომის დროს თეატრი ადამიანებისთვის გასართობი კი არა, ერთგვარი თავდავიწყების საშუალება და ამასთან მალე გამარჯვების რწმენის, იმედის წყარო იყო

ალექსანდრა ობოლონკოვა

მოსკოვის სამხატვრო თეატრის მსახიობებისთვის კი თბილისში ევაკუაციის წლები დაუვიწყარ მოგონებად იქცა. თეატრის „ოქროს შემადგენლობა“ საბჭოეთის სხვა გამოჩენილ ხელოვანებთან ერთად იყო ევაკუირებული საქართველოს დედაქალაქში. თეატრს მაშინ ვლადიმირ ნემიროვიჩ-დანჩენკო ხელმძღვანელობდა. 

Владимир Немирович-Данченко
© photo: Sputnik / Miron Sherling
ვლადიმირ ნემიროვიჩ-დანჩენკო

დასი თბილისში 1941 წლის ოქტომბრის ბოლოს ჩამოვიდა. ნემიროვიჩ-დანჩენკო ერთგვარ უხერხულობასაც კი განიცდიდა, როდესაც, მიუხედავად მატერიალური შეჭირვებისა, თავის მდივანს სწერდა, „რაოდენი სიმშვიდე და სიხარული სუფევდა“ თბილისში.

„იცით, ეს უმშვენიერესი ქალაქია, ჩვენ მიმართ დამოკიდებულება დიდებულია, განსაკუთრებით პირადად ჩემდამი - როგორც საზოგადოების, ისე მთავრობის მხრიდან. კარგად მოვთავსდით. ყველანი ვტკბებით კლიმატით, ქალაქით“, - წერდა ის. 

არტისტები უსაქმოდ არ მსხდარან. მცირე თეატრის მსახიობებთან ერთად საღამოებს მართავდნენ, რომლებზეც ბილეთები თვალის დახამხამებაში იყიდებოდა.

თავად ნემიროვიჩ-დანჩენკომ, რომელიც წარმოშობით ოზურგეთიდან იყო და ტფილისში სწავლობდა, 7 დეკემბერს მოგონებების საღამო მოაწყო. ის იმ ტფილისური სახლის მოძებნასაც კი შეეცადა, რომელშიც ოდესღაც ცხოვრობდა, მაგრამ ვეღარ მიაგნო. სამაგიეროდ ეწვია რუსთაველის პროსპექტზე მდებარე პირველ გიმნაზიას, რომელიც ვერცხლის მედალზე დაამთავრა თავის დროზე.
მოგონებების საღამოზე დარბაზი ისე იყო გადაჭედილი, ნემსი არ ჩავარდებოდა. შემოსული თანხმა მთლიანად თავდაცვის ფონდში გადაირიცხა.

© photo: Sputnik
სცენა სპექტაკლიდან „აღდგომა“

საარქივო დოკუმენტების თანახმად, მოსკოვის აკადემიურმა სამხატვრო თეატრმა ევაკუაციის რამდენიმე თვის განმავლობაში 51 კონცერტი გამართა: 24 თბილისში, 5 - ერევანში, 7 - ბაქოში, 4 - სოჭში, 2 - გორში, 2 სტალინირში (მაშინდელი ცხინვალი), 2 - გაგრაში, 3 - კიროვაბადში (განჯა) და ორიც სოხუმში.

ცნობილი მსახიობი ვასილი კაჩალოვი ევაკუაციაში დამძიმებული გულით მოდიოდა – მისი 40 წლის ვაჟი ვადიმი, რომელსაც ჯავშანი ჰქონდა, მაინც მოხალისედ წავიდა ფრონტზე. თბილისში ცხოვრებისას ის სხვებთან ერთად გამოდიოდა არა მარტო სცენაზე, არამედ სამხედრო ნაწილებშიცა და ჰოსპიტლებშიც. ის სიმონოვის, ტიხონოვისა და სხვა პოეტების ლექსებს კითხულობდა ხოლმე.
ერთ დღეს თბილისელმა მაყურებელმა ის კარგა ხანს არ გაუშვა სცენიდან და არტისტიც გვიან ღამემდე კითხულობდა ლექსებს, მათ შორის, თავისი მეგობრის, სერგეი ესენინის შემოქმედებასაც, რომელსაც კაჩალოვის ძაღლისთვისაც კი მიეძღვნა გულის ამაჩუყებელი სტრიქონები: „Дай, Джим, на счастье лапу мне…“

© photo: Sputnik / Mikhail Ozerov
ვასილი კაჩალოვი

საქართველოს სახალხო არტისტი კოტე მახარაძე იგონებდა, როგორ ბრუნდებოდნენ შინ შუაღამით სპექტაკლით აღფრთოვანებულები, როგორ გააჩერა პატრულმა, მაგრამ რაოდენ ბედნიერები იყვნენ, ვინაიდან „ასეთი რამ მხოლოდ ერთხელ ან არასდროს ხდება ცხოვრებაში“.
თავად კაჩალოვი კი 1942 წლის მარტში გაზეთ „ვეჩერნაია მოსკვაში“ გამოქვეყნებულ სტატიაში წერდა: „შეუძლებელია, თითოეულ ჩვენგანს არ აღელვებდეს ის მხურვალე მიღება, როგორითაც ყველგან გვხვდებიან, ამაღელვებელი მცდელობა, შეგვიქმნან თუნდაც მცირე კომფორტი. კიდევ ერთხელ ვრწმუნდებით, რაოდენ დიდია ადამიანების სიყვარული ხელოვნებისადმი“.

მაგრამ თეატრის უკვე ჭარმაგი მსახიობების ცხოვრება სტუმართმოყვარე ტფილისში არც ისე მარტივი იყო. მართალია, სულით არ ეცემოდნენ, მაგრამ ჯანმრთელობა ხელს არ უწყობდათ.

66 წლის კაჩალოვი ჯერ კიდევ მანამდე, ნალჩიკში ყოფნისას დაავადდა მძიმედ, 70-ს გადაცილებული ოლგა კნიპერ-ჩეხოვა მთელი თვით ჩაწვა გრიპითა და ბრონქიტით, 83 წლის ნემიროვიჩ-დანჩენკო კი, რომელიც მზად იყო, თუნდაც უსასყიდლოდ ემუშავა რუსთაველის თეატრში, ასევე ერთი თვით ჩამოშორდა რეპეტიციებს ავადმყოფობის გამო. მცირე თეატრის მსახიობი, 61 წლის მიხაილ კლიმოვი კი გარდაიცვალა და თბილისის სასაფლაოზე დაკრძალეს.

„რით დავიმსახურეთ, რომ მილიონობით ჩვენი ძმა სიცოცხლეს წირავს ჩვენთვის, ჩვენი მშვიდი ცხოვრებისთვის, ჩვენი მუშაობისთვის? რით დავიმსახურეთ ეს როგორც არტისტებმა და როგორც ადამიანებმა?“, – წერდა ნემიროვიჩ-დანჩენკო ერთ-ერთ წერილში, რომელიც საკუთარი თეატრის მსახიობებს მიუძღვნა.

ეს მისი ერთ-ერთი ბოლო წერილი იყო თბილისიდან – მალე აკადემიური თეატრის დასი ისევ მოსკოვში დააბრუნეს, სადაც რეჟისორი 1943 წლის გაზაფხულზე გარდაიცვალა კიდეც.

კოტე მახარაძე მოგვიანებით, იხსენებდა რა ტფილისურ კონცერტებს, ლექციებსა და შეხვედრებს, წერდა: „ბედნიერება იყო იმდენად დიდი, რომ ზოგჯერ გვავიწყდებოდა კიდეც, რომ მტერი ქალაქიდან ორასიოდე კილომეტრში იყო“.

მსახიობის თქმით, ამას არაფერი ჰქონდა საერთო ჭირის დროს ნადიმთან, ეს იყო გამოვლინება იმ რწმენისა, რომ მალე ომი გამარჯვებით დასრულდებოდა.

0
თემები:
მეორე მსოფლიო ომის ისტორია: ფაშიმზე გამარჯვება 2021