მიგრანტების რიგი კალინინგრადში

უცხოელებისთვის რუსეთის მოქალაქეობის მიღება გამარტივდება

113
რუსეთის შსს-ს მონაცემებით, 2021 წლის იანვარ-თებერვალში ქვეყანაში მიგრაციის აღრიცხვაზე აყვანილია 1,84 მლნ მოქალაქე

რუსეთში იმიგრანტებისთვის ყოფნის სამი ძირითადი სტატუსი გაჩნდება. ეს ზომები გათვალისწინებულია ახალ კანონპროექტში „უცხო ქვეყნის მოქალაქეთა და მოქალაქეობის არმქონე პირთა შემოსვლის (გასვლის) და ყოფნის (ცხოვრების) პირობების შესახებ“.

„შემოდის სამი ძირითადი საიმიგრაციო სტატუსი: მოკლევადიანი ყოფნა (90 დღემდე), გრძელვადიანი ყოფნა და მუდმივი ცხოვრება, რომლის ფარგლებშიც უცხო ქვეყნის მოქალაქეები რუსეთის ფედერაციის ტერიტორიაზე კანონიერად ყოფნას შეძლებენ“, - განუცხადეს Sputnik-ს რუსეთის შსს-ს პრესსამსახურში.

ამჟამად რუსეთში უცხო ქვეყნის მოქალაქეებს სამი სამართლებრივი სტატუსი აქვთ - რუსეთის ფედერაციის ტერიტორიაზე დროებით მყოფი, დროებით მცხოვრები და მუდმივად მცხოვრები.

უწყებაში დააზუსტეს, რომ მოკლევადიანი ყოფნა ითვალისწინებს რუსეთში საერთო ჯამში არაუმეტეს 90 დღის გატარებას (ამჟამად - 90 დღე 180 დღის განმავლობაში). გრძელვადიანი ყოფნის რეჟიმი - ეს არის ერთიანი მიგრაციული რეჟიმი უცხოელებისთვის, რომლებიც რუსეთში კანონიერი საფუძვლით 90 დღეზე მეტხანს იმყოფებიან.

„უცხო ქვეყნის მოქალაქის ნებადართული ყოფნის ვადა გახანგრძლივდება ან შემცირდება, თუ შეიცვლება პირობები ან აღარ იარსებებს გარემოება, რომელთან დაკავშირებითაც მას რუსეთში ყოფნა ნებადართული ჰქონდა“, - დასძინეს სამინისტროში.

მიგრანტების შვილები მიიღებენ გრძელვადიანი ყოფნის ნებართვას, თუ მათი მშობლები რუსეთში მუშაობენ.

გარდა ამისა, ამჟამად უცხოელებს რუსეთის მოქალაქეობის მისაღებად აუცილებლად სჭირდებათ ბინადრობის ნებართვის მიღება. თავის მხრივ, ბინადრობის ნებართვა გაიცემა დროებითი ყოფნის ნებართვის საფუძველზე, რომელსაც მიგრანტები კვოტის ფარგლებში იღებენ. როდესაც ახალი კანონი ძალაში შევა, მუდმივი ცხოვრება გახდება ძირითადი მიგრაციული სტატუსი და უცხოელს შესაძლებლობას მისცემს, მომავალში რუსეთის ფედერაციის მოქალაქეობის მიღებაზე გააკეთოს განაცხადი. 

რუსეთის შსს-ს მონაცემებით, მიგრაციულ აღრიცხვაზე 2021 წლის იანვარ-თებერვალში აყვანილია 1.084 მლნ ადამიანი - ორჯერ ნაკლები, ვიდრე გასული წლის ანალოგიურ პერიოდში.

113
თემები:
რუსეთი დღეს (933)
რუსეთის საგარეო საქმეთა სამინისტრო

საპასუხო პროტესტი: იაპონიის ელჩი რუსეთის საგარეო უწყებაში დაიბარეს

21
(განახლებულია 16:16 26.07.2021)
მანამდე იაპონიის საგარეო საქმეთა სამინისტროში რუსეთის ელჩი დაიბარეს და პროტესტი გამოუცხადეს პრემიერ მიშუსტინის კურილის ერთ-ერთ კუნძულზე ჩასვლის გამო

თბილისი, 26 ივლისი — Sputnik. რუსეთის საგარეო საქმეთა სამინისტროში იაპონიის ელჩი ტოიოჰისა კოძუკი გამოიძახეს და პროტესტი გამოუცხადეს ტოკიოს არამეგობრული ნაბიჯების გამო რუსეთის მიმართ ტერიტორიულ პრეტენზიებთან დაკავშირებით, იუწყება РИА Новости საგარეო უწყების განცხადებაზე დაყრდნობით. 

მანამდე იაპონიის საგარეო საქმეთა მინისტრმა ტაკეო მორიმ რუსეთის ელჩი მიხაილ გალუზინი გამოიძახა პრემიერ-მინისტრ მიხაილ მიშუსტინის ჩრდილოეთის ტერიტორიებზე (ასე უწოდებენ იაპონიაში კურილის კუნძულებს, — რედ.) ვიზიტის გამო და პროტესტი გამოუცხადა მას.

„რუსეთის საგარეო საქმეთა მინისტრის მოადგილე ი. მორგულოვმა იაპონურ მხარეს მტკიცე პროტესტი გამოუცხადა ოფიციალური ტოკიოს მიერ ბოლო დღეებში გადადგმული არამეგობრული ნაბიჯების გამო ჩვენი ქვეყნის მიმართ ტერიტორიული პრეტენზიების კონტექსტში“, — ნათქვამია რუსეთის საგარეო საქმეთა სამინისტროს განცხადებაში.

აღინიშნება, რომ უწყებაში „დაჟინებით მოუწოდეს პარტნიორებს, არ გადავიდნენ ორმხრივ ურთიერთობებში „დესტრუქციულ ხაზზე“ და დაუბრუნდნენ ლიდერებს შორის მანამდე მიღწეული შეთანხმებების შესრულებას, რომელიც რუსულ-იაპონური ურთიერთობების „ხარისხობრივად ახალ საფეხურზე“ გაყვანას გულისხმობს სავაჭრო-ეკონომიკური თანამშრომლობის განვითარების, უსაფრთხოების სფეროში ნდობის გაზრდისა და საერთაშორისო საქმეებში პოზიციების დაახლოების გზით.    

პრემიერ-მინისტრი მიხაილ მიშუსტინი შორეული აღმოსავლეთისა და ციმბირის ოლქებში სამუშაო ვიზიტის ფარგლებში ეწვია სადავო კუნძულ იტურუპს. გავრცელებული ინფორმაციით, მიშუსტინს კურილის კუნძულებზე ყურადღების გამახვილება პრეზიდენტმა ვლადიმირ პუტინმა დაავალა, რომელმაც მანამდე კურილი კუნძულების ეკონომიკურ საქმიანობაში იაპონიის ჩართულობის თაობაზე „უნიკალური და უპრეცედენტო წინადადებები გაახმოვანა“.

ტოკიოსა და მოსკოვს შორის დღემდე მიმდინარეობს დავა კურილის კუნძულების თაობაზე. მეორე მსოფლიო ომის დასრულების შემდეგ რუსეთსა და იაპონიას შორის სამშვიდობო ხელშეკრულება არ გაფორმებულა, რაც ორ ქვეყანას შორის სამხრეთ კურილის ოთხი კუნძულის საკითხს დღემდე პრობლემად ტოვებს. აღნიშნული კუნძულები საბჭოთა კავშირს მეორე მსოფლიო ომის შედეგების საფუძველზე გადაეცა. თუმცა 1951 წელს საბჭოთა დელეგაციამ ხელი არ მოაწერა სან-ფრანცისკოს ზავს, რომელშიც იაპონიასთან ომის შედეგები მტკიცდებოდა, მაგრამ არ იყო შესული სსრკ-ის სუვერენიტეტის საკითხი კურილებზე.

1956 წელს საბჭოთა კავშირმა და იაპონიამ ხელი მოაწერეს ერთობლივ დეკლარაციას, რომლის მიხედვითაც მოსკოვი ეთანხმებოდა იაპონიისთვის ორი კუნძულის — ჰაბომაისა და შიკოტანის გადაცემის საკითხის განხილვას მას შემდეგ, რაც ორ ქვეყანას შორის სამშვიდობო ხელშეკრულება გაფორმდებოდა, მაგრამ შემდგომმა მოლაპარაკებებმა ვითარება ვერანაირად ვერ შეცვალა. 

21
თემები:
საერთაშორისო პანორამა
Ил-96-400Т და Ил-114

ბირთვული ომის შემთხვევაში: რუსეთში „განკითხვის დღის“ თვითმფრინავის აგება დაიწყეს

33
(განახლებულია 12:30 26.07.2021)
„განკითხვის დღის“ თვითმფრინავი, რომლის დანიშნულებაც ქვეყნის უმაღლესი ხელმძღვანელობის ევაკუაციაა, Ил-96-400М-ის ბაზაზე აიგება

თბილისი, 26 ივლისი — Sputnik. რუსეთის ქალაქ ვორონეჟში დაიწყო თვითმფრინავის აგება, რომლის დანიშნულებაც ჯარების მართვაა ბირთვული ომის შემთხვევაში, იუწყება РИА Новости თავდაცვით-სამრეწველო კომპლექსში არსებულ წყაროზე დაყრდნობით.

„რუსეთის საჰაერო-კოსმოსური ძალები ორ საჰაერო საკომანდო პუნქტს მიიღებენ, რომლებიც Ил-96-400М-ის ბაზაზე იქნება აგებული. ერთი უკვე წარმოებაშია“, — განაცხადა წყარომ.

მისი თქმით, პერსპექტივაში გამორიცხული არ არის საჰაერო სარდლობის მესამე პუნქტის დაკვეთაც.

ამასთან წყარომ დააზუსტა, რომ პროექტის სახელწოდებაა „რგოლი-3С“.

„განკითხვის დღის“ თვითმფრინავების დანიშნულება — ეს ქვეყნის უმაღლესი ხელმძღვანელობის ევაკუაცია და მისი ბორტიდან ჯარების სარდლობაა იმ შემთხვევაში, თუ სახმელეთო და თანამგზავრული ინფრასტრუქტურა განადგურებული იქნება.

თვითმფრინავის რადიოკომპლექსი ექვსი ათასი კილომეტრის რადიუსში გახდის შესაძლებელს ბრძანებების გადაცემას სახმელეთო და წყალქვეშა გამშვები დანადგარებისთვის.

33
თემები:
რუსეთი დღეს (933)
გიორგი ღოღობერიძე

ღოღობერიძე: როგორ უნდა მოვიქცეთ მაღალი სიცხის დროს

0
(განახლებულია 20:25 26.07.2021)
ექიმი-რეზიდენტი გიორგი ღოღობერიძე საუბრობს, როგორ დავიცვათ თავი ზაფხულის მაღალი სიცხისგან და  საზოგადოებას რჩევებს აძლევს.
ღოღობერიძე: როგორ უნდა მოვიქცეთ მაღალი სიცხის დროს
„მაღალი ტემპერატურის მიმართ განსაკუთრებით მგრძნობიარეები არიან ისინი, ვისაც ქრონიკული დაავადებები აწუხებთ, ან არიან ასაკიანები. ძალიან მნიშვნელოვანია, მაღალი სიცხი დროს ბევრი სითხე მიიღოთ, ასევე მიირთვით ისეთი საკვები, რომელიც დიდი რაოდენობით წყალს შეიცავს, მაგალითად, კიტრი, საზამთრო, ნესვი. სასურველია ეს სასმელი არ იყოს ალკოჰოლის, კოფეინისა და შაქრის შემცველი“, - ამბობს ღოღობერიძე.

მისი რჩევით, სიცხის დროს კარგია მოვერიდოთ ფიზიკურ აქტივობას, რადგან ამ დროს მეტი სითხე ორთქლდება, ასევე, ჩავიცვათ ღია ფერის, ბამბის ტანსაცმელი.

 

0