ვაქცინა „სპუტნიკV-ს ლოგო

ექსპერტი: „სპუტნიკ V" უკეთესად იცავს „სამხრეთ აფრიკული“ შტამისგან, ვიდრე „ფაიზერი“

40
(განახლებულია 15:24 06.04.2021)
დამოუკიდებელმა მაღალმა შეფასებამ კიდევ ერთხელ დაამტკიცა უკვე გამოქვეყნებული მონაცემების საიმედოობა და ვაქცინა „სპუტნიკV"-ს ეფექტიანობა, ამბობს ექსპერტი.

თბილისი, 6 აპრილი — Sputnik. ამერიკელი მეცნიერების დასკვნა ვაქცინა „სპუტნიკ V“-ს შედარებით დაბალი ეფექტურობის შესახებ კორონავირუსის „სამხრეთაფრიკული“ შტამის წინააღმდეგ – არის სუსტი და მიკერძოებული, განუცხადა РИА Новости-ს გამალეის ცენტრთან დაახლოებულმა წყარომ.

მისი თქმით, რუსული პრეპარატი აღნიშნული შტამისგან უკეთ იცავს, ვიდრე Pfizer-ის ვაქცინა.

მანამდე ამერიკელ მეცნიერთა ჯგუფმა საიტ MedRxiv-ზე გამოაქვეყნა კვლევის პრეპრინტი, რომლის თანახმადაც „სპუტნიკ V“ უფრო ცუდად მოქმედებს „სამხრეთ აფრიკული“ შტამის წინააღმდეგ, ვიდრე COVID-19-ის სხვა ვარიანტების შემთხვევაში.

„მნიშვნელოვანია აღინიშნოს, რომ კვლევას ჯერ არ გაუვლია რეცენზირების პროცესი. გარდა ამისა, სტატიის სამიდან ერთ–ერთ ავტორს აშკარად აქვს ინტერესთა კონფლიქტი, ვინაიდან ის Pfizer/BioNtech-ის საკონსულტაციო საბჭოს წევრია კორონავირუსის ვარიანტების მიმართულებით“, — აცხადებს წყარო.

მისი თქმით, „სპუტნიკ V“ ყველაზე მაღალეფექტურია ვირუსის განეიტრალების კუთხით სხვადასხვა შტამების მიმართ, კერძოდ, რუსული პრეპარატის მდგრადობა ყველაზე მეტად პრობლემატური „სამხრეთ აფრიკული“ შტამის მიმართ ხელშესახებად მაღალია, ვიდრე Pfizer-ისა.

წყარომ ყურადღება გაამახვილა იმ ფაქტზეც, რომ ამ დროისათვის ევროპაში ყველაზე მეტად გავრცელებული „ბრიტანული“ შტამის მიმართ კვლევის ავტორმა მეცნიერებმა საერთოდაც ვერ აღმოაჩინეს გამანეიტრალებელი აქტიურობის მნიშვნელოვანი შესუსტება.

„და მხოლოდ დამატებით ტესტში (რა დროსაც SARS-Cov-2-ის ცოცხალი ვირუსის ნაცვლად ვეზიკულარული სტომატიტის სუროგატული ვირუსი გამოიყენეს), პრეპრინტის ავტორებმა შეძლეს დაენახათ სხვაობა, რომელიც „სამხრეთ აფრიკული“ შტამის მიმართ „სპუტნიკ V“-ს ეფექტურობის სასარგებლოდ არ მეტყველებს“, — განმარტა წყარომ.

მან სუსტი უწოდა სტატიაში მოყვანილ დასკვნებს, ვინაიდან არსებითი დათქმების გარეშე სუროგატული ტესტის მონაცემების, მით უმეტეს, დამატებითი მაჩვენებელების შედეგების გადატანა თავად ვირუს SARS-CoV-2-ზე, არ შეიძლება. ამასთან მან ყურადღება გაამახვილა იმ ფაქტზეც, რომ სტატიაში ავტორებს არ მოუყვანიათ Pfizer-ის ვაქცინის მონაცემები ამავე ტესტზე.

„შეუძლებელია იმის დაჯერება, რომ ეს შემთხვევით მოხდა, როცა მონაცემები ესოდენ პედანტურადაა გაფორმებული. ბოლოს მადლობა მინდა გადავუხადო სტატიის ავტორებს. მათმა დამოუკიდებელმა მაღალმა შეფასებამ კიდევ ერთხელ დაადასტურა ვაქცინა „სპუტნიკ V“-ს ეფექტურობის შესახებ უკვე გამოქვეყნებული მონაცემები“, — აღნიშნა სააგენტოს წყარომ.

მან ასევე განმარტა, რომ გამალეის ცენტრის ანგარიში მიმდინარე წლის მაისში გამოქვეყნდება რეცენზირებულ სამეცნიერო ჟურნალში. ის იმაზე მეტი ადამიანის მონაცემებს დაეყრდნობა, ვიდრე ამერიკელი მეცნიერები დაეყრდნენ (12 კაცი). ნაშრომი რუსული ვაქცინის უფრო მეტ ეფექტურობას წარმოაჩენს კორონავირუსის ახალი შტამების მიმართ, „სამხრეთ აფრიკულის“ ჩათვლით, ვიდრე სხვა ვაქცინებს, მათ შორის, Pfizer-ს აქვს.

„სპუტნიკ V“ უკვე მსოფლიოს 59 ქვეყანაშია დარეგისტრირებული, რომელთა მოსახლეობის ჯამური რაოდენობა 1,5 მლრდ კაცს შეადგენს. პრეპარატის ეფექტურობა 91,6%-ს შეადგენს. ვაქცინა ადამიანის კარგად შესწავლილ ადენოვირუსულ პლატფორმაზეა შექმნილი. ის ორ სხვადასხვა ვექტორს იყენებს ორი აცრისთვის და იმაზე ხანგრძლივ იმუნიტეტს უზრუნველყოფს, ვიდრე სხვა პრეპარატები, რომლებიც იმავე მექანიზმს იყენებენ ვაქცინაციისას.

40
თემები:
რუსეთი დღეს (813)
გრიგორი კარასინი

კარასინი: რუსეთსა და საქართველოს შორის ავიამიმოსვლაზე საუბარი ნაადრევია

7
რუსმა სენატორმა განაცხადა, რომ რუსეთმა დადებითად შეაფასა საქართველოს პრემიერ-მინისტრის დაბალანსებული განცხადება პოზნერთან დაკავშირებულ ინციდენტზე

თბილისი, 11 აპრილი – Sputnik. რუსეთსა და საქართველოს შორის ავიამიმოსვლის აღდგენაზე ჯერჯერობით საუბარი ნაადრევია, ხოლო რადიკალები ამ საკითხს კიდევ უფრო გაურკვეველს ხდიან, განაცხადა ფედერაციის საბჭოს საერთაშორისო საქმეთა კომიტეტის თავმჯდომარემ გრიგორი კარასინმა, იუწყება РИА Новости.

საქართველოს დედაქალაქში მარტის ბოლო დღეებში გაიმართა გამოსვლები რუსი ჟურნალისტის ვლადიმირ პოზნერის წინააღმდეგ, რომელიც თბილისში დაბადების დღის აღსანიშნად ჩამოვიდა. საპროტესტო აქციის მონაწილეებმა პოზნერს ქვეყნის დატოვება მოსთხოვეს, რადგან ის საქართველოს ტერიტორიულ მთლიანობას არ აღიარებს. ისინი იმ სასტუმროსთან შეიკრიბნენ, რომელშიც პოზნერი და მისი სტუმრები გაჩერდნენ, და შენობის ფასადს კვერცხები დაუშინეს.

„ავიამიმოსვლის შესახებ საუბარი ნაადრევია. საქართველოში რადიკალური მყვირალები (გავიხსენოთ პოზნერთან დაკავშირებული შემთხვევა) ამ საკითხს უფრო გაურკვეველს ხდიან. ეს სრულიად უმსგავსო ინციდენტი იყო. და ჩვენ ვაფასებთ პრემიერ-მინისტრის დაბალანსებულ განცხადებას ამასთან დაკავშირებით“, - განუცხადა კარასინმა გაზეთ „კომერსანტს“.

რუსეთმა პირდაპირი ავიამიმოსვლა საქართველოსთან 2019 წლის ზაფხულში სათათბიროს დეპუტატ სერგეი გავრილოვის ვიზიტთან დაკავშირებული აჟიოტაჟის საპასუხოდ შეწყვიტა.

საქართველოს საკოორდინაციო საბჭოს გადაწყვეტილებით, 1 მარტიდან რუსეთის, სომხეთის, აზერბაიჯანის, უკრაინის, ბელარუსისა და ყაზახეთის მოქალაქეები ქვეყანაში შემოსვლას PCR-ტესტის უარყოფითი პასუხის არსებობის შემთხვევაში შეძლებენ. ეს არ ეხება სახმელეთო საზღვრებს, ისინი კვლავ ჩაკეტილია.

7
ამერიკის თავისუფლების ქანდაკება

მოსაზრება: აშშ სანქციებით მსოფლიო ლიდერობას თავად ინადგურებს

66
(განახლებულია 21:05 09.04.2021)
დასავლეთში ანტირუსული სანქციების საქმეში ყველაფერი თავისი რიგით მიდის: ერთნი ამუშავებენ და აწესებენ, სხვები კი თავიანთთვის ზარალის მინიმუმამდე დაყვანის მეთოდებს იგონებენ.

ირინა ალქსნისი

თუმცა ზოგ შემთხვევაში ეს როლები კიდეც ერწყმის ერთმანეთს, ანუ შეზღუდვები ჯერ წესდება, შემდეგ კი მათი ინიციატორები ფართხალს იწყებენ იმ ჭაობიდან ამოსასვლელად, რომელიც თვითონვე შექმნეს. სწორედ ახლა ამ მოდელს Zoom წარმოაჩენს.

რუსეთი კი კალენდრულად ახალ, თუმცა არსობრივად ერთფეროვან ზომებს თავისთვის სასარგებლოდ იყენებს: დაწყებული ელიტების ნაციონალიზაციით და დასრულებული ტექნოლოგიური ავტონომიურობის ზრდით.

ამ დროისათვის ვაშინგტონი სპეცწარმომადგენლის შერჩევითაა დაკავებული, რომელიც გაზსადენ „ჩრდილოეთის ნაკადი-2“-ის ბედის შესახებ მოლაპარაკებებს უხელმძღვანელებს.

გამოცემა Politico-ს ცნობით, ამერიკის იუსტიციის სამინისტრომ უკვე მოიწონა სანქციების ორი მორიგი პაკეტი მშენებარე გაზსადენის წინააღმდეგ. ახალ შავ სიებში ფიგურირებენ შვეიცარიული კომპანია Nord Stream 2 AG (რომელიც გაზსადენის მშენებლობასა და მის შემდგომ ექსპლუატაციაზე აგებს პასუხს) და ასევე მისი ხელმძღვანელი მატიას ვარნიგი.

როგორც მოსალოდნელია, რესტრიქციების პროექტი კონგრესს მაისში წარედგინება დასამტკიცებლად. თუმცა ეს ზუსტი მონაცემი არ არის, ვინაიდან გაზსადენის წინააღმდეგ ახალი ზომების შესახებ გადაწყვეტილება ჯერ არ არის მიღებული. აშკარაა, რომ ის პირდაპირ იქნება დაკავშირებული ემისრის მოლაპარაკებებზე, რომელსაც ჯერ ისევ ეძებს თეთრი სახლი. მოლაპარაკებები კი გაიმართება არა რუსეთთან, არამედ ევროპასთან.

სწორედ ამაშია ბაიდენის ადმინისტრაციისთვის მთავარი პრობლემა, რომელსაც კონსოლიდირებულად აწვებიან კონგრესში ორივე პარტიის წარმომადგენლები, მოითხოვენ რა ნებისმიერ ფასად შეჩერდეს „ჩრდილოეთის ნაკადი-2“-ის მშენებლობა, რასაც ბერლინი ცოცხალი თავით არ თმობს. ხოლო დემოკრატების განცხადება ევროპასთან ტრამპის მიერ სერიოზულად დარღვეული ურთიერთობების აღდგენაზე თეთრი სახლისთვის არასასურველს ხდის ხისტ კონფრონტაციულ ნაბიჯებს.

შედეგად ვაშინგტონს იმედი აქვს, რომ მოლაპარაკებებში მოარბილებს დასავლეთ ევროპის შეურიგებლობას, რომელიც თავისთვის სტრატეგიულად მნიშვნელოვან ობიექტს იცავს. ამასობაში კი გაზსადენი, როგორც ჟურნალისტები გვახსენებენ, 96%-ითაა დასრულებული.

თუმცა არსებობს სანქციების თემა, რომელშიც საქმე ამერიკელებისთვის ბევრად ხელსაყრელადაა. Politico-სთან თითქმის ერთდოულად Bloomberg-მაც განაცხადა, რომ რუსეთის წინააღმდეგ ახალი სანქციები მზადდება აშშ-ის არჩევნებში რუსი ჰაკერების ჩარევის გამო. გარდა შავ სიებში „პრეზიდენტ ვლადიმირ პუტინთან დაახლოებული პირების“ ჩართვისა, ადმინისტრაცია ასევე განიხილავს „აშშ-დან რუსი მზვერავების გაძევების საკითხსაც, რომლებიც თავს დიპლომატიურ სტატუსს აფარებენ“.

თუმცა ვაშინგტონისთვის „გვერდითი ეფექტები“ აქაც გარდაუვალია. როგორც ცოტა ხნის წინ აღნიშნა რუსეთის ელჩმა აშშ-ში ანატოლი ანტონოვმა, შტატებმა სავიზო ომი წამოიწყო დიპლომატების წინააღმდეგ, რის გამოც ორივე მისია აწყდება პერსონალის დეფიციტის პრობლემას, მათ შორის ტექნიკურის.

და თუ რუსეთის საელჩოს თანამშრომლებს „სტოიკურად გადააქვთ სამსახურის სიმძიმეები“, ამერიკელებმა უკვე არაერთხელ დაიჩივლეს, რომ აუტანელ პირობებში უწევთ მუშაობა. ახლა მაღალი რანგის დიპლომატებს თავად უწევთ საელჩოს შენობის წინ თოვლის გაწმენდა თუ ხელების სადეზინფექციო ხსნარების შეზავება. საქმე იქამდეც კი მივიდა, რომ წმიდა ტექნიკური მიზეზებით ორმა საკონსულომ შეწყვიტა მუშაობა — ვლადივოსტოკსა და ეკატერინბურგში.

და სანამ ვაშინგტონში ბიუროკრატიული პროცესი რიგის მიხედვით მიედინება, დასავლური ბიზნესი სულ უფრო ხშირად წრიალებს.

სწორედ ახლა ცდილობს სცილასა და ქარიბდას შორის გავლას კომპანია Zoom, რომელიც ვიდეოკონფერენციების სერვისს სთავაზობს მომხმარებელს და რომელიც საოცრად გამდიდრდა პანდემიის პირობებში. კომპანიამ, შეეცადა რა მიჰყოლოდა აქტუალურ დღის წესრიგს, სერვისზე წვდომის მიყიდვა აუკრძალა რუსეთისა და დსთ-ის ქვეყნების სახელმწიფო დაწესებულებებსა და კომპანიებს.

თუმცა უკვე რამდენიმე საათის შემდეგ კომპანია უკან დახევას შეეცადა და განაცხადა, რომ „ბაზარზე მიდგომებისადმი განვითარების პროცესშია“. კომპანიის წარმომადგენელმა დააზუსტა, რომ „ახალ და უკვე არსებულ მომხმარებლებს — როგორც სახელმწიფო, ისე კერძო სექტორებში, შეუძლიათ მოითხოვონ Zoom-ის აკაუნტების შეძენა პირდაპირ საიტიდან“ და არა დისტრიბუტორების გავლით.

კომპანიის ნერვიულობა გასაგებია: მის კლიენტებს შორის, რომლებმაც სოლიდური მოგება მოუტანეს გასულ წელს, უამრავია რუსულ სახელმწიფო დაწესებულებებთან დაკავშირებული, კერძოდ, უმაღლესი სასწავლებლები. ახლა ისინი მასიურად გადადიან ალტერნატიულ პლატფორმებზე. სახელისუფლებო ორგანოებზე კი გამოცხადებულ სიახლეს არანაირი გავლენა არ მოუხდენია, ვინაიდან ისინი ისედაც არ სარგებლობდნენ Zoom-ით.

მოკლედ, ეს ინოვაცია Zoom-სთვის საკუთარი თავისთვის ტყვიის დახლა იყო, ვინაიდან მსხვილი კომერციული კლიენტების გადინება გამოიწვია კონკურენტებისკენ, ხოლო თავად რუსეთის სახელმწიფოს ვერანაირი უხერხულობა ვერ შეუქმნა.

ბოლო წლებში სანქციების თემა ჩვეულებრივ ამბად და ხშირად ნაკლებად საინტერესო ფონად იქცა როგორც რუსეთის შიგნით მიმდინარე პროცესებისთვის, ისე საერთაშორისო ურთიერთობებისთვისაც. და ამ ყოველდღიურობაში თითქმის შეუმჩნეველი დარჩა პრინციპული ცვლილებები, რომლებიც გასულ პერიოდში განიცადა თავად ამ ფენომენის ბუნებამ.

გლობალიზებულ ერთპოლარულ სამყაროში სანქციები ნადვილად არის არსებული სისტემის განმტკიცების ინსტრუმენტი. იმას, რომ ყველაზე მკაცრი შზღუდვების ქვეშაც კი შეიძლებოდა ცხოვრება, მრავალი წლის განმავლობაში ამტკიცებდნენ ირანიცა და ჩრდილოეთ კორეაც. მაგრამ ამისთვის დიდი ფასის გადახდა იყო საჭირო — მოქალაქეების ცხოვრების ხარისხით, ეროვნული ეკონომიკებისთვის დანაკარგებით, ტექნოლოგიური ჩამორჩენებით. მაშინ სანქციები ნიშნავდა ქვეყნის ამორიცხვას თანამედროვე განვითარებული ცივილიზაციიდან, რასაც ყოველ ნაბიჯზე ახლდა სხვადასხვა სახის პრობლემები, იქნებოდა ეს მაღალტექნოლოგიური პროექტების რეალიზაციასთან დაკავშირებული სიძნელეები თუ SWIFT-ზე მიუწვდომლობისა და მისი ეროვნული ალტენატივის არარსებობის გამო საბანკო ბარათით მაღაზიაში ანგარიშსწორება.

ანტირუსული სანქციების შვიდი წლის წინ ამუშავებული ბორბლის ამოცანა რუსეთზე ანალოგიური ეფექტის მოხდენა იყო. მაგრამ, ნაცვლად ამისა, პროცესი თანდათანობით იქცა თვითმიზნად, შემდეგ კი სულაც საპირისპირო შედეგის მოტანას შეუწყო ხელი.

სანქციები შლის როგორც დასავლურ ერთიანობას, ისე მთლიანად მსოფლიო სისტემას მასში აშშ-ის ლიდერი პოზიციით. ის, რაც ათი წლის წინ „განკიცხული ქვეყნების“ ტექნოლოგიური დამუხრუჭების მექანიზმი იყო, ახლა მათი განვითარების სტიმულატორად იქცა.

ისღა დაგვრჩენია, მხოლოდ ვივარაუდოთ, რატომ განაგრძობს ვაშინგტონი აშკარად მისთვის მავნე პროცესს. შესაძლოა ამერიკული ისტებლიშმენტი უბრალოდ ვერ ხედავს მომხდარის ჭეშმარიტ არსს. ან იქნებ აცნობიერებენ კიდეც რეალობას, მაგრამ გაჩერება აღარ შეუძლიათ, მიუხედავად იმისა, რომ მათივე ქმედებები შეერთებული შტატების მსოფლიო ჰეგემონიას ბოლოს უღებს.

რედაქცია შესაძლოა არ ეთანხმებოდეს ავტორის მოსაზრებებს

66
ახალი მთვარე ქალაქის თავზე

დღის ასტროპროგნოზი ზოდიაქოს ნიშნებისთვის: 12 აპრილი

0
(განახლებულია 09:46 11.04.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 12 აპრილია, ორშაბათი. ახალმთვარეობა ვერძის ნიშანშია. ამ დღეს პლანეტა მთვარე მფარველობს.

ვარსკვლავები წარმატებას ჰპირდებიან მათ, ვისაც მტკიცე მოქმედებები არ აშინებს. ენერგიულობა, თავდაჯერებულობა, იღბლიანობა ადამიანებს სიტყვიდან საქმეზე გადასვლაში დაეხმარება. წარმატების მიღწევას ხელს მხოლოდ კოლეგებთან და ახლობლებთან გაუგებრობები შეუშლის. დღევანდელი დღის უზარმაზარი პოტენციალი უაზრო კამათსა და ურთიერთსაყვედურებზე რომ არ დახარჯოთ, ეცადეთ, ურთიერთობებში მძაფრი ნოტები არ შეიტანოთ მაგალითად,ზეწოლისა და კრიტიკის სახით.

მიმნდობი ადამიანი ხართ თუ ეჭვიანი? ზოდიაქოს ნიშნების რეიტინგი>>

ვერძი: დღეს უზარმაზარი, უსაზღვრო პოტენციალი გაქვთ და მთავარია, არ გაუშვათ მომენტი ხელიდან და ყველა ხელსაყრელი შესაძლებლობებით ისარგებლოთ. ეცადეთ, მოვლენების ცენტრში იყოთ. ასე ბევრის მიღწევას და ცხოვრების უკეთესობისკენ შეცვლას შეძლებთ – ამის ყველანაირი შანსი მოგეცემათ. თუ არ გამოიყენებთ ამ შესაძლებლობებს – ნება თქვენია. როგორც ამბობენ, „არ მინდა“, „არ შემიძლია“ მხოლოდ საბაბია და არა მიზეზი.

კურო: განწყობა გაქვთ იმგვარი, რომ მთელი დღე როგორც გარეგან, ისე შინაგან სიმშვიდეში გაატაროთ. დადგა დრო, რომ გაეცალოთ მოვლენებს, რათა მათ გარედან შეხედოთ. ეს რომ შეძლოთ, სასურველია, შეწყვიტოთ აქტიური ურთიერთობები და ქვეცნობიერის ხმას მოუსმინოთ. აუჩქარებელი ფიქრი, სურნელოვანი აბაზანა ან თუნდაც არაფრის კეთება და დივანზე წამოგორება დაგეხმარებათ, პასუხები იპოვოთ თქვენთვის საინტერესო კითხვებზე.

ტყუპი: შესანიშნავი დღეა, თქვენი გრძნობები გაწონასწორებული იქნება. სამყარო გარშემო ყველაფერთან და საკუთარ თავთან ჰარმონიას გიძღვნით და ამას ირგვლივ მყოფებიც იგრძნობენ. პოზიტიური განწყობის წყალობით ადვილად მოიპოვებთ ადამიანების მხარდაჭერას. იდეალური დღეა ახალი ნაცნობობის, ურთიერთობების, რომანტიკისთვის, მოგზაურობისა და შემოქმედებითი საქმიანობისთვის. გაატარეთ ეს დღე თქვენთვის ძვირფას ადამიანებთან ერთად და იგრძნობთ ულევ სიხარულს, გულწრფელობასა და სიყვარულს.

კირჩხიბი: შესანიშნავი დღეა იმისთვის, რომ კარიერას ან რამე ამბიციური ამოცანის გადაჭრას მიხედოთ. ხართ ორგანიზებული, ნებისყოფიანი და შეგიძლიათ მიზნისკენ სვლა. თუ დღევანდელ ენერგიას საჭირო კალაპოტში მიმართავთ, დამაჯერებელ ნაბიჯს გადადგამთ წინ. ერთადერთი, რაც უნდა გაითვალისწინოთ, ისაა, რომ გარშემომყოფების იმედად ყოფნა არ ღირს – პასუხისმგებლობისა და დისციპლინის თვალსაზრისით მათ თქვენამდე ბევრი აკლიათ.

ლომი: დღეს შეგიძლიათ დარწმუნდეთ ანდაზის „ზოგი ჭირი მარგებელია“ სისწორეში. არის დიდი ალბათობა, რომ რაღაც ერთი შეხედვით არახელსაყრელი ვითარება საბოლოოდ თქვენთვის გამარჯვებით შემობრუნდეს. აქედან გამომდინარე, არ ღირს ბედზე წუწუნი და ნაჩქარევი დასკვნების გამოტანა – სრულიად შესაძლებელია, რომ დღეს ბედმა, არცთუ პოზიტიური მოვლენის სახით, სასიამოვნო სიურპრიზი მოგიტანოთ.

ქალწული: უზარმაზარი შესაძლებლობების დღე გელოდებათ. ეს შესაძლებლობები არანაირად არ არის დამოკიდებული გზაზე გაჩენილ წინაღობებთან. პირიქით, იქნებით საბრძოლველად განწყობილი და ნებისმიერი დაბრკოლება და რთული ამოცანა თქვენში აზარტს გააღვივებს. იგივე ეხება მეტოქეებსაც – ისინი სტიმულს მოგცემენ და ხარის წინ აფრიალებული წითელი ქსოვილის როლს შეასრულებენ. ასე რომ, დღეს არანაირი ბარიერი თქვენთვის საშიში არ არის.

სასწორი: დღეს მოსალოდნელია, რომ ცხოვრების ნებისმიერ სფეროში საკმაოდ მაცდური წინადადება მიიღოთ, თუმცა, სანამ მას დათანხმდებით, ვარსკვლავები კარგად დაფიქრებას გირჩევენ. შესაძლოა, მართლაც მომგებიანი წინადადება იყოს, მაგრამ არც საპირისპირო რამ არაა გამორიცხული. ამის გასაგებად რაც შეიძლება მეტი ინფორმაცია უნდა მოიძიოთ და მხოლოდ ამის შემდეგ მიიღოთ გადაწყვეტილება. გახსოვდეთ, რომ ყველაფერი ოქრო არაა, რაც ბრწყინავს.

მორიელი: ასტროლოგები გაფრთხილებენ, რომ დღეს საქმეებს ზედმეტი სერიოზულობით არ უნდა მიუდგეთ. ეს განსაკუთრებით ეხება ყოფით საკითხებს, რუტინასა და წვრილმანებს. ძნელი წარმოსადგენია, რა დაძაბულობა შეიძლება შეიქმნას, თუ ყველაფრის უმცირესი შეცდომის გარეშე გაკეთებას მოინდომებთ, არადა დღეს იმგვარი განწყობა გაქვთ, რომ ყველაზე პატარა შეცდომასაც კი თქვენი წონასწორობის დარღვევა შეუძლია. ამის გამოსწორება ადვილია – შეხედეთ თქვენს თავს გარედან და არ დაივიწყოთ იუმორის გრძნობა.

მშვილდოსანი: მოვლენები ხელს გიწყობთ, ბედმა შეიძლება სასიამოვნო სიურპრიზიც მოგიმზადოთ. არ არის გამორიცხული დაწინაურება სამსახურში, საჩუქარი, ფულის მოულოდნელი მიღება. ერთადერთი, რაშიც უნდა იფრთხილოთ, ეს გარშემომყოფებთან ურთიერთობებია. მხოლოდ საკუთარ თავზე ფიქრის გამო, შესაძლოა, მათთან ურთიერთობები გააფუჭოთ. არც ისაა გამორიცხული, რომ ვინმეს თქვენი შეშურდეს. ეცადეთ, უფრო მოკრძალებულად მოიქცეთ და სხვის გრძნობებს არ შეეხოთ.

თხის რქა: დღეს ემოციებითა და სულიერი ურთიერთობებით სავსე დღე გელოდებათ. დაუთმეთ მეტი დრო საყვარელ ადამიანს, მეგობრებს, ნათესავებს. ახლობლებთან უბრალო დროის გატარებაც კი მძლავრი პოზიტიური ენერგიით აგავსებთ. თუ ვინმესთან სერიოზული დალაპარაკება გსურთ, ახლა ამისთვის შესაფერისი დროა. არ გადადოთ ეს საუბარი და არ ინერვიულოთ, სწორად გაგიგებენ თუ არა. ყველაფერი კარგად ჩაივლის.

მერწყული: დღეს საქმიანობაში უზარმაზარი აქტიურობის გამოჩენა შეგიძლიათ, მაგრამ ასტროლოგები გაფრთხილებენ, რომ მოერიდოთ ნაჩქარევ ქმედებებსა და გადაწყვეტილებებს. დღეს იმგვარად ხართ განწყობილი, რომ ჯერ მოქმედებთ და შედეგზე მხოლოდ შემდეგ ფიქრობთ. ეს საქმეებზე არცთუ კარგად შეიძლება აისახოს. თუ გინდათ, რომ დღემ ექსცესების გარეშე ჩაიაროს, მოთოკეთ ემოციები, მოუთმენლობა და იმოქმედეთ პრინციპით „ასჯერ გაზომე, ერთხელ გაჭერი“.

თევზები: დღეს წარმატებების დიდი შანსი გეძლევათ. ხართ მტკიცე, მიზანსწრაფული, შეუპოვარი, გამჭრიახი. ამ თვისებების წყალობით ურთულეს საქმეებსაც კი ადვილად გაუმკლავდებით, იოლად გახსნით დახლართულ პრობლემებს და მათი გადაწყვეტის გზებს მოძებნით. იმოქმედებთ ეფექტურად და ამასთან, ეს მხოლოდ თქვენს საქმეებს კი არა, არამედ გარშემომყოფების პრობლემებსაც ეხება – მათაც დიდსულოვნად დაეხმარებით.

0