SWIFT-დან გათიშვის მოლოდინში: რუსეთი ალტერნატიული სისტემის შექმნას გეგმავს

© photo: Sputnik / Vladimir Trefilov / გადასვლა მედიაბანკშისაერთაშორისო გადახდების სისტემების საბანკო ბარათები
საერთაშორისო გადახდების სისტემების საბანკო ბარათები  - Sputnik საქართველო, 1920, 05.04.2021
გამოწერა
გამორიცხული არ არის, რომ ანტირუსული სანქციების ფარგლებში რუსეთი ბანკთაშორის ანგარიშსწორების საერთაშორისო სისტემა SWIFT-დან გათიშონ.

თბილისი, 5 აპრილი — Sputnik. რუსეთში შეიძლება საერთაშორისო ანგარიშსწორების სისტემა SWIFT-ის ანალოგი შეიქმნას, განაცხადა საგარეო საქმეთა მინისტრის მოადგილემ ალექსანდრ პანკინმა РИА Новости-სთან ინტერვიუში.

„ვიღებთ რა მხედველობაში ციფრული ვალუტებისა და ბლოკჩეინის სწრაფ განვითარებას, აშკარაა, რომ საერთაშორისო ანგარიშსწორების ბაზა სრულიად ახალ ტექნოლოგიურ საფუძველზე უნდა აიგოს“, — აღნიშნა მან.

მინისტრის მოადგილის თქმით, SWIFT–სისტემების რუსული ალტერნატივა იქნება უფრო მოწინავე, თუმცა ამ სფეროში მონოპოლიაზე პრეტენზიას არ განაცხადებს.

ჩინური იუანი - Sputnik საქართველო, 1920, 05.05.2020
დოლარისგან „ჩასახსნელად“: ჩინეთი სუვერენულ კიბერვალუტას ქმნის

ამასთან ერთად პანკინმა განმარტა, რომ რუსეთის მხრიდან ეს იქნება „არა მარტო რეაქცია შექმნილ გეოპოლიტიკურ ვითარებაზე“, არამედ გადახდების მეთოდების მოდერნიზაცია ციფრულ სფეროში თანამედროვე მიღწევების გათვალისწინებით.

SWIFT — ეს არის ბანკთაშორის ინფორმაციის გაცვლისა და გადახდების საერთაშორისო სისტემა, რომელშიც მსოფლიოს 200 ქვეყნის 11 ათასი უმსხვილესი ორგანიზაციაა ჩართული.

გასული წლის ბოლოს სააგენტო Reuters-მა გაავრცელა ინფორმაცია, რომ აშშ-ის პრეზიდენტ ჯო ბაიდენის ადმინისტრაცია რუსეთის საწინააღმდეგო სანქციების სხვადასხვა ვარიანტებს განიხილავს ამერიკულ სამთავრობო დაწესებულებებზე კიბერშეტევებში სავარაუდო მონაწილეობასთან დაკავშირებით. ერთ-ერთ ყველაზე ხისტ ზომად რუსეთის SWIFT-ის სისტემიდან გათიშვა დასახელდა.

ქვეყნის უშიშროების საბჭოს თავმჯდომარის მოადგილის დმიტრი მედვედევის თქმით, ეს პოტენციურად შესაძლებელია, თუმცა ასეთი შემთხვევისთვის რუსეთს მოქმედების გეგმა აქვს.

რუსეთის პრეზიდენტის პრეს-მდივანმა დმიტრი პესკოვმა ასევე არ გამორიცხა ქვეყნის SWIFT-დან გათიშვის შესაძლებლობა და აღნიშნა, რომ ეს მათ განსაკუთრებულ სიფხიზლეს აიძულებს.

ყველა ახალი ამბავი
0