გრიგორი კარასინი

კარასინი: რუსეთ-საქართველოს ურთიერთობებში პოზიტიური სიახლეები უნდა ჭარბობდეს

68
(განახლებულია 22:09 02.04.2021)
სენატორის თქმით, მოსკოვი ღიაა თბილისთან სასაუბროდ და რუსული მხარე მუშაობს ორმხრივი ურთიერთობების განვითარებაზე.

თბილისი, 2 აპრილი — Sputnik. რუსეთის ფედერაციის საბჭოს საერთაშორისო საკითხთა კომიტეტის თავმჯდომარემ და რუსეთის სპეციალურმა წარმომადგენელმა საქართველოსთან მოლაპარაკებებში გრიგორი კარასინმა Sputnik–თან ინტერვიუში კომენტარი გააკეთა თბილისში ვლადიმირ პოზნერის სტუმრობასთან დაკავშირებული მოვლენების შესახებ და ასევე ორმხრივი ურთიერთობების პერსპექტივებზეც ისაუბრა.

ცნობილი რუსი ჟურნალისტი თბილისში 31 მარტს ჩამოფრინდა თავისი 87-ე დაბადების დღის გადასახდელად, მაგრამ მალევე იძულებული გახდა, სასწრაფო წესით დაეტოვებინა საქართველო ოპოზიციონერი აქტივისტების პროტესტის გამო — დემონსტრანტებმა მიუღებლად მიიჩნიეს პოზნერის მიერ მანამდე გაკეთებული კომენტარები აფხაზეთის შესახებ.

„ის მოვლენები, რომლებიც საქართველოში ჩვენი წამყვანი ჟურნალისტის ვლადიმირ პოზნერისა და მისი მეგობრების თბილისში ვიზიტს მოჰყვა, გვაჩვენებს, რომ საქართველოში ხისტი პოლიტიკური დაპირისპირებები გრძელდება ორ ძალას შორის. ეს, ერთი მხრივ, ნორმალური სახელმწიფოებრივი აღმშენებლობის მხარდამჭერები არიან — აჟამინდელი ხელისუფლებისა და ამ მეგობრულ, ჩვენთვის ახლობელ ქვეყანაში მცხოვრები უმრავლესობის სახით, მეორე მხრივ, სხვა ნაწილი, რომელიც ძირითადად მიხეილ სააკაშვილის პარტია „ერთიან ნაციონალურ მოძრაობასთან“ ასოცირდება და რომელიც რადიკალების მხარდაჭერით ცდილობს მოაწყოს სკანდალი ყველაფრის გარშემო, რაც რუსეთს უკავშირდება“, — განაცხადა კარასინმა.

სენატორმა გაიხსენა 2019 წლის ივნისის მოვლენებიც, რიდესაც საქართველოში მართლმადიდებლობის ასამბლეაზე რუსეთის სახელმწიფო სათათბიროს წარმომადგენელი სერგეი გავრილოვი ჩამოვიდა, რასაც ქვეყანაში მასშტაბური საპროტესტო აქციები მოჰყვა. მაშინ რუსეთმა ამ აქციების ფონზე საქართველოსთან პირდაპირი ავიამიმოსვლის შეჩერების გადაწყვეტილება მიიღო.

„მოსაზრებათა ბრძოლა საქართველოში გაგრძელდება. მაგრამ რუსეთი მზადაა დიალოგისთვის. ჩვენ გვაქვს არაოფიციალური კონტაქტები, ასე ვთქვათ, არაფორმალური, რაც საქართველოს წარმომადგენლებთან ერთად გვეხმარება ისეთი საკითხების გადაჭრაში, როგორებიცაა ტრანსპორტი, ზოგი ჰუმანიტარული პრობლემა, ადამიანური კონტაქტები. მნიშვნელოვანია, რომ ეს ტრენდი ჭარბობდეს, რათა ჩვენ დღითი დღე სულ უფრო და უფრო მეტი პოზიტიური სიახლე მივიღოთ საქართველოსა და რუსეთის ორმხრივ ურთიერთობებში. ჩვენ ამაზე ვმუშაობთ და მე ვიცნობ ადამიანებს, რომლებიც ასევე მუშაობენ ქართული მხრიდან. ჩვენ გახსნილები ვართ იმდენად, რამდენადაც მეორე მხარეა მზად ურთიერთობების გასავითარებლად პრაქტიკულ სფეროებში, იქნება ეს ავიამიმოსვლა თუ სახმელეთო ტრანსპორტი, ეკონომიკა, კულტურა და ა.შ. არ არსებობს ისეთი ციხე-სიმაგრე, რომელსაც ერთიანი ძალით ვერ ავიღებდით პოზიტიური გაგებით — კულტურის, მეცნიერებისა და განვითარების ციხე-სიმაგრეებს. ჩვენ ყველაფერი წინ გვაქვს, უბრალოდ ამას ჭკუა და ძალა უნდა დავატანოთ და ყველაფერი გამოგვივა“, — აღნიშნა კარასინმა.

საქართველოსა და რუსეთს შორის დიპლომატიური ურთიერთობები 2008 წლის აგვისტოს შეიარაღებული კონფლიქტის შემდეგ გაწყდა, როდესაც მოსკოვმა აფხაზეთისა და „სამხრეთ ოსეთის“ დამოუკიდებლობა ცნო. მხარეებს შორის დიალოგი შენარჩუნებულია მოლაპარაკებათა ჟენევის დისკუსიების ფარგლებში და აბაშიძე–კარასინის ფორმატში, რაც 2012 წლიდან იმართება პრაღაში. მოლაპარაკებებში რუსეთს გრიგორი კარასინი წარმოადგენს, ხოლო საქართველოს ზურაბ აბაშიძე — პრემიერის სპეცწარმომადგენელი რუსეთთან ურთიერთობების დარეგულირების საკთხებში.

68
თემები:
რუსეთი დღეს (818)
რუსეთის საგარეო საქმეთა სამინისტრო

რუსეთმა აშშ-ს საპასუხო სანქციები დაუწესა: სიაში FBI-ს დირექტორი და დაზვერვის შეფი მოხვდნენ

67
მანამდე აშშ-ი პრეზიდენტმა ჯო ბაიდენმა ახალი სანქციები დაუწესა რუსეთის რამდენიმე ორგანიზაციასა და მაღალი რანგის პირებს, და ასევე გადაწყვიტა, გააძევოს ქვეყნიდამ ათი რუსი დიპლომატი

თბილისი, 16 აპრილი — Sputnik. რუსეთი ქვეყანაში შესვლას უკრძალავს აშშ–ის რვა მოქალაქეს, მათ შორის, შეერთებული შტატების გენერალურ პროკურორს, შიდა უსაფრთხოების მინისტრსა და გამოძიების ფედერალური ბიუროს დირექტორს, იუწყება რუსეთის საგარეო საქმეთა სამინისტრო.

აღნიშნული აკრძალვები რუსეთმა აშშ–ის მიერ დაწესებული ახალი სანქციების პასუხად შემოიღო.

„მიმდინარე წლის 2 მარტს აშშ–ის ადმინისტრაციის მიერ რუსეთის ოფიციალური პირების წინააღმდეგ დაწესებული შეზღუდვების პასუხად, რუსეთის ფედერაციაში შემოსვლა ეკრძალება შემდეგ მოქმედ  და ყოფილ ამერიკელ მაღალჩინოსნებსა და მოღვაწეებს, რომლებიც ანტირუსული კურსის რეალიზაციასთან არიან კავშირში: აშშ–ის გენერალურ პროკურორ მერიკ გარლანდს, აშშ–ის ციხეების ფედერალური ბიუროს დირექტორ მაიკლ კარვაჰალს, აშშ–ის შიდა უსაფრთხოების მინისტრ ალეხანდრო მაიორკასს, აშშ–ის პრეზიდენტის მრჩეველს შიდა პოლიტიკურ საკითხებში სუზან რაისს, გამოძიების ფედერალური ბიუროს დირექტორ კრისტოფერ რეის, აშშ–ის ეროვნული დაზვერვის დირექტორ ერვილ ჰეინსს“, — ნათქვამია უწყების განცხადებაში.

აშშ–ის პრეზიდენტმა  ჯო ბაიდენმა ხუთშაბათს ხელი მოაწერა ბრძანებულებას ახალი ანტირუსული სანქციების დაწესების შესახებ, რომლის ძალითაც შეერთებული შტატები უკრძალავს ამერიკულ კომპანიებს, პირდაპირ შეიძინონ 2021 წლის 14 ივნისის შემდეგ რუსეთის ცენტრალური ბანკის, ფინანსთა სამინისტროსა თუ „ეროვნული კეთილდღეობის ფონდის“ მიერ გამოშვებული ობლიგაციები.

გარდა ამისა, აშშ-ის ფინანსთა სამინისტრომ სანქციები დაუწესა რუსეთის 16 ორგანიზაციასა და ასევე 16 პირს, რომლებიც კავშირში არიან აშშ-ის არჩევნებში რუსეთის სავარაუდო ჩარევასთან, და ყირიმთან დაკავშირებულ რვა ფიზიკურ და იურიდიულ პირს, მათ შორის, ყირიმის მთავრობის წევრებს. ამასთან ერთად აშშ-ის ხელისუფლებამ ვაშინგტონში რუსეთის საელჩოს ათი თანამშრომლის ქვეყნიდან გაძევების გადაწყვეტილებაც მიიღო.

67
თემები:
რუსეთი დღეს (818)
ჯარისკაცი სამხედრო სწავლებაზე

მოსაზრება: „ნატოს ხელი“ რა ხდება რუსეთის საზღვრებთან

49
(განახლებულია 21:17 16.04.2021)
ყირიმის საჰაერო საზღვრების დაზვერვა, ნატოს ხომალდები შავ ზღვაში, მასშტაბური სწავლებებისთვის სამზადისი და საიდუმლო ტვირთები, რომლებიც აშშ–ს უკრაინაში გადააქვს

ანდრეი კოცი

ბოლო დღეებში ჩრდილოატლანტიკური ალიანსი მკვეთრად გააქტიურდა აღმოსავლეთ ევროპაში. არავინ ფარავს, რომ ეს კიევის მიერ დონბასის შეხების ხაზზე ტექნიკისა და ქვედანაყოფების გადასროლისა და ასევე რუსეთის ჯარების გადაადგილებაზე პასუხად ხდება.

დრონები ფრონტის თავზე

დონბასში მორიგი გამწვავების დაწყებასთან ერთად ნატოს ქვეყნების ავიაცია იქ უფრო ხშირად ჩნდება. შეხების ხაზის თავზე პრაქტიკულად გამუდმებით მოძრაობს მზვერავი დრონები RQ-4 Global Hawk, რომლებიც დონეცკისა და ლუგანსკის არმიების თავდაცვისთვის სამზადისს აკვირდებიან. რაღა თქმა უნდა, დრონებით გადაღებული ფოტოები დაუყოვნებლივ ეგზავნება კიევის სამხედრო სარდლობას.

უკრაინის შეიარაღებულმა ძალებმა თავადაც გააქტიურეს დაზვერვა — ამბოხებულებმა თურქეთში შეძენილი მოიერიშე უპილოტო საფრენი აპარატი Bayraktar TB2–ები შენიშნეს. მათ სახმელეთო სამიზნეებზე შეტევა არ მიუტანიათ: აშკარაა, დრონების ოპერატორები ჯერ სამხედრო მოქმედებების პოტენციურ თეატრს სწავლობენ.

უკრაინის შეიარაღებულ ძალებს ამ ტიპის ექვსი დრონი აქვს. დამატებითი უპილოტოების შეძენაზე კონტრაქტს, როგორც უკრაინული მედია იუწყება, კიევმა ანკარასთან ცოტა ხნის წინ თურქეთში პრეზიდენტ ვლადიმირ ზელენსკის ვიზიტისას მოაწერა.

გარდა ამისა, დასავლეთის ავიაცია პრაქტიკულად ყოველდღიურად ატარებს ყირიმის სანაპიროს მონიტორინგს. შავი ზღვის ნეიტრალური წყლების თავზე ბრიტანული და ამერიკული რადიოელექტრონული დაზვერვის Boeing RC135W და Lockheed P-3COrion–ი კურსირებენ, ასევე ნავსაწინააღმდეგო P-8APoseidon–იც. მათი მთავარი ამოცანა — ეს შავი ზღვის ფლოტის ხომალდების მოქმედებების თვალყური და ნახევარკუნძულზე განთავსებული საჯარისო ჯგუფის ჰაერსაწინაღმდეგო სისტემების პოზიციების აღმოჩენაა.

იდუმალი ტვირთები

ნატო რეგიონში სამხედრო–საზღვაო ყოფნას აძლიერებს. აპრილის ბოლომდე შავ ზღვაში აშშ–ის სამხედრო–საზღვაო ძალების ორი სარაკეტო ესკადრონული ნაღმმზიდი უნდა შევიდეს. პენტაგონის ოფიციალური ვერსიით, ხომალდების გადასროლა „რუტინული ხასიათისაა“. მაგრამ კრემლმა მკვეთრად ირეაგირა და ეს გასაკვირი არც არის — ეს ნაღმმზიდები 50–ზე მეტი ფრთოსანი რაკეტა „ტომაგავკებითაა“ აღჭურვილი.

„რაც შეეხება შეერთებული შტატების აქტიურობას, შავ ზღვაში ხომალდების გავლის ჩათვლით, ეს რეგულარულად ხდება, — განაცხადა რუსეთის საგარეო საქმეთა მინისტრმა სერგეი ლავროვმა. — ახლა ეს განსაკუთრებით აგრესიულად კეთდება, ახლავს აგრესიული რიტორიკა, ისმება კითხვები, რას აკეთებს რუსეთის ფედერაცია უკრაინასთან საზღვარზეო. პასუხი ძალიან მარტივია: ჩვენ იქ ვცხოვრობთ, ეს ჩვენი ქვეყანაა. აი შეერთებული შტატები კი რას აკეთებს თავისი ხომალდებით, სამხედრო მოსამსახურეებით იქ, რომლებიც გამუდებით აწყობენ რარაც ღონისძიებებსნატოს ხაზით უკრაინაში, თავიანთი ტერიტორიიდან ათასობით კილომეტრის დაშორებით? — ეს კითხვა ჯერჯერობით უპასუხოდ რჩება“.

პასუხი არ ჩანს არც სხვა საინტერესო კითხვაზეც: რა ტვირთები შეაქვს უკრაინაში აშშ–ის სამხედრო ავიაციის თვითმფრინავებს? სპეციალისტებმა ინტერნეტ–სერვის FlightRadar–ის ჩვენებას მიაქციეს ყურადღება: ამერიკული C-17–ები და C-130–ები, რომლებიც აშშ–დან, გერმანიიდან და ბალტიისპირეთის ქვეყნებიდან აფრინდნენ, ბორისპოლის აეროპორტში სხდებიან, ტვირთებს ტოვებენ და უკან ბრუნდებიან.

სამხედრო ექსპერტ ალექსეი ლეონკოვის აზრით, ვაშინგტონს უკრაინაში რადიოელექტრონული ბრძოლის კომპლექსები გადააქვს, რაც უკრაინის შეიარაღებული ძალების ახლო ხანში შეტევას შეიძლება მოასწავებდეს. მაგალითად მან აშშ–ის შეიარაღებული ძალების ტაქტიკა მოიყვანა ოპერაციიდან „ქარიშხალი უდაბნოში“, როდესაც კონფლიქტის პირველივე დღეს ამერიკელებმა სრულად „დააბრმავეს“ სადამ ჰუსეინის არმია. ამ ვერსიის სასარგებლოდ მეტყველებს არაღიარებული დონეცკის ხელმძღვანელობის ამასწინანდელი განცხადება, რომ უკრაინელებმა ეუთოს დრონების მისიის GPS–გადამცემებისა და მართვის არხების ჩახშობა დაიწყეს, რათა რეგიონში სამხედრო ტექნიკის მასთაბური შეტანა დაფარონ.

თუმცა გულხელდაკრეფილი ჯდომას არც რუსეთი აპირებს.

„თუ რაიმე გამწვავება მოხდება, ჩვენ, რა თქმა უნდა, ყველაფერს გავაკეთებთ, რომ გარანტირებულად უზრუნველვყოთ საკუთარი უსაფრთხოება და ჩვენი მოქალაქეების უსაფრთხოება, სადაც უნდა იყვნენ ისინი, — განაცხადა საგარეო საქმეთა მინისტრის მოადგილე სერგეი რიაბკოვმა. — მსგავსი ჰიპოთეტური გამწვავების შედეგებზე პასუხისმგებლობა სრულად დაეკისრება კიევსა და მის დასავლელ კურატორებს. ჩვენ ასევე ვაფრთხილებთ აშშ–ს, რომ უჯობთ, თავი შორს დაიჭირონ ყირიმისგან, ჩვენი შავი ზღვის სანაპიროსგან. ეს ისევ მათთვის სჯობს“.

სწავლებისთვის სამზადისი

დასავლეთის ქვეყნების ჯარების რუსეთის საზღვრებთან გააქტიურების კიდევ ერთი მიზეზი — ეს ნატოს სამზადისია უმსხვილესი სამხედრო სწავლებების, Defender Europe 2021–ისთვის, რომელიც მაისის შუა რიცხვებში უნდა დაიწყოს.

მანევრების ლეგენდის თანახმად, ნატოს ჯარებმა კალინიგრადის ოლქს უნდა შეუტიონ, დაბლოკონ რუსეთის დასავლეთ ოლქები და „რუსების მასობრივი შეტევა“ მოიგერიონ. გასული წლებისგან განსხვავებით, წელს განსაკუთრებული ყურადღება არა აღმოსავლეთ, არამედ სამხრეთ ევროპას ეთმობა. მანევრები დაგეგმილია ჩერნოგორიაში, კოსოვოსა და ალბანეთში. ბულგარეთსა და რუმინეთში ჰაერსაწინააღმდეგო სწავლებები და და „ხმელეთი–ხმელეთის“ ტიპის რაკეტების სროლაცატარდება. ხოლო უნგრეთი ღრმა ზურგის როლს შეასრულებს. მანევრებში უკრაინელი სამხედროებიც მიიღებენ მონაწილეობას.

ამერიკელები ვროპაში მნიშვნელოვან ძალებს გადაისვრიან, მათ შორის, პირველი კავალერიული და 82–ე საჰაერო–სადესანტო დივიზიების ქვედანაყოფებს. ატლანტიკის მიღმა გაიგზავნება ასობით ერთეული სხვადასხვა დანიშნულების ტექნიკა. გარდა ამისა, ფლორიდიდან ჩავა 53–ე ქვეითთა ბრიგადა. გამორიცხული არ არის, რომ შეიარაღების ნაწილი ამერიკელებს ისევ „დაავიწყდეთ“ ევროპაში, როგორც ეს მანამდე არაერთხელ მოხდა. სპეციალისტების აზრით, ამგვარად პენტაგონი წლიდან წლამდე ზრდის რეგიონში საიერიშო შესაძლებლობებს.

ევროპაში აშშ–ის სახმელეთო ჯარების ოფიციალურ საიტზე გამოქვეყნებული პრესრელიზის თანახმად, სწავლებები „აშშ–სა და ნატოელი მოკავშირეებისა და პარტნიორების სტრატეგიული და ოპერატიული მზადყოფნისა და ურთიერთქმედების ამაღლებისკენაა მიმართული“. ხაზი ესმება, რომ მანევრები არ წარმოადგენს საფრთხეს მესამე ქვეყნებისთვის. მაგრამ Defender Europe 2021–ის ანტირუსული დღის წესრიგი აშკარაა. როგორც სამმხრივი საკონტაქტო ჯგუფის უკრაინის სპიკერმა განაცხადა, მანევრების აზრი იმაშია, რომ დამუშავდეს ომი რუსეთთან ბალტიის ზღვიდან შავ ზღვამდე ტერიტორიაზე.

გასაკვირი არ არის, რომ პასუხად რუსეთი და ბელარუსი მანევრ „დასავლეთი 2021–ს“ ჩაატარებენ სექტემბერში. როგორც მანადე აცხადებდა ბელარუსის თავდაცვის მინისტრი ვიქტორ ხრენინი, „ერთობლივი სწავლებები ერთობლივი მოქმედებების ახალი მეთოდების აპრობაციას გახდის შესაძლებელს“.

ჯერჯერობით კი, რუსეთის თავდაცვის მინისტრ სერგეი შოიგუს თქმით, ქვეყნის დასავლეთ საზღვრებზე ორი არმია და საჰაერო–სადესანტო ჯარების სამი შენაერთია გადასროლილი საბრძოლო მზადყოფნის შემოწმების ფარგლებში.

რედაქცია შესაძლოა არ ეთანხმებოდეს ავტორის მოსაზრებებს!

49
თემები:
რუსეთი დღეს (818)
ჩინური ვაქცინა Sinopharm

გამყრელიძე:  საქართველოში Sinopharm-ით ვაქცინაცია 4 მაისიდან დაიწყება

0
კორონავირუსის საწინააღმდეგო ჩინურ პრეპარატს ჯანმოს ავტორიზაცია ჯერ არ მიუღია, მაგრამ ბევრი ქვეყანა ამ პრეპარატს უკვე იყენებს ვაქცინაციისთვის.

თბილისი, 18 აპრილი - Sputnik. საქართველოში კორონავირუსის საწინააღმდეგო ჩინური პრეპარატი Sinopharm-ით ვაქცინაცია 4 მაისიდან დაიწყება, ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

კორონავირუსის საწინააღმდეგო ჩინურ პრეპარატს ჯანმოს ავტორიზაცია ჯერ არ მიუღია. სპეციალისტების განცხადებით,  ვაქცინამ ჯანმოს ავტორიზაცია აპრილის ბოლოსთვის უნდა მიიღოს. რამდენიმე დღის წინ ცნობილი გახდა, რომ ეპიდრისკების გათვალისწინებით, ექსპერტები ერთმნიშვნელოვნად უჭერენ მხარს მოსახლეობის იმუნიზაციის პროცესში Sinopharm-ის დროულად ჩართვას. Sinopharm-ით ვაქცინაციის მსურველთა რეგისტრაცია საქართველოში 27 აპრილიდან დაიწყება.

„გადაწყვეტილია, რომ მალე დაიწყება ჩინური ვაქცინით აცრები. ქვეყანაში არის დასაწყობებული Sinopharm-ის 100 ათასი დოზა“,- აღნიშნა გამყრელიძემ.

მისი განცხადებით, ვაქცინაციის პროცესში ზრდის დინამიკა შეინიშნება, თუმცა არა ისეთი, როგორსაც სპეციალისტები ელოდებიან. გამყრელიძემ მოსახლეობას აცრისკენ კიდევ ერთხელ მოუწოდა.

ჩინური ვაქცინა Sinopharm მსოფლიოს 35 ქვეყანაშია აღიარებული და აღნიშნული პრეპარატის 200 მლნ დოზამდე უკვე გამოყენებულია.

საქართველოში ჩინური ვაქცინა Sinopharm-ის 100 ათასი დოზა 3 აპრილს ჩამოვიდა. საქართველო ასევე ელოდება Sinovac-ის ვაქცინას, რომელსაც ჩინეთიდან უსასყიდლოდ მიიღებს.

ჩინური ვაქცინა ინაქტივირებული (მკვდარი) კორონავირუსის საფუძველზეა შექმნილი. კომპანია Sinopharm-მა ის უჰანის ვირუსოლოგიის ინსტიტუტთან და ბიოლოგიური პროდუქტების ინსტიტუტთან ერთად შეიმუშავა.

ვირუსის ინაქტივაცია ვაქცინის შექმნის ერთ-ერთი ყველაზე ძველი და საიმედო ხერხია, აღნიშნავენ ეპიდემიოლოგები. ამ ტექნოლოგიითაა შემუშავებული, მაგალითად, დიფტერიის, В–ჰეპატიტის, პოლიომიელიტის, ყივანახველასა და სხვა დაავადებების ვაქცინები.

ამჟამად საქართველოში ვაქცინაციისთვის Pfizer-ის და AstraZeneca-ს პრეპარატები გამოიყენება. ბოლო მონაცემებით, ქვეყანაში კორონავირუსის საწინააღმდეგო აცრა 29.184 ადამიანს ჩაუტარდა.

ვაქცინაციის საერთო ეროვნული გეგმის მიხედვით, ქვეყანაში ვაქცინაცია მედპერსონალით დაიწყო. დაბალი მიმართვიანობის გამო 25 მარტიდან კორონავირუსის საწინააღმდეგო ვაქცინაციის პროცესში 75 წელს ზემოთ და 65-დან 75-წლამდე ასაკობრივი ჯგუფებიც ჩაერთვნენ. ვაქცინაციის მიზნობრივ ჯგუფებს ასევე უკვე დაემატნენ 55 წელს ზემოთ მოქალაქეები, პოლიციელები, სამხედრო მოსამსახურეები, ასევე დიალიზზე მყოფი და ორგანოგადანერგილი პაციენტები. სავარაუდოდ, კორონავირუსის საწინააღმდეგო ვაქცინაციის პროცესში უახლოეს მომავალში მასწავლებლები და განათლების სფეროს სხვა წარმომადგენლებიც ჩაერთვებიან.

0