რუსული კოვიდ-ვაქცინა

ვიეტნამში რუსული კოვიდ-ვაქცინა „სპუტნიკ V“ მოიწონეს

27
(განახლებულია 19:14 26.02.2021)
სულ დღეისათვის რუსული კოვიდ-ვაქცინა „სპუტნიკ V“-ს გამოყენებაზე ნებართვა უკვე 37 ქვეყანაშია გაცემული.

თბილისი, 26 თებერვალი — Sputnik. ვიეტნამმა რუსეთში შექმნილი კოვიდ-ვაქცინა „სპუტნიკ V“-ს საგანგებო გამოყენებაზე ნებართვა გასცა, იუწყება სააგენტო РИА Новости ქვეყნის სამთავრობო ინფორმაციის პორტალზე დაყრდნობით. 

გავრცელებული ცნობით, სამკურნალო პრეპარატებისა და მათი ინგრედიენტების რეგისტრაციის საკონსულტაციო საბჭომ ორი პრეპარატი მოიწონა COVID-19-ის წინააღმდეგ ბრძოლისთვის — რუსული „გენერიუმის“ ნაწარმისა („სპუტნიკ V“-ს მწარმოებელი) და ასევე ამერიკული Moderna-ს პრეპარატი.

მანამდე ვიეტნამში კიდევ ერთი ვაქცინა — ბრიტანული AstraZeneca-ს პრეპარატი დარეგისტრირდა.

„პირველ კვარტალში ვიეტნამი მიიღებს 1,3 მლნ დოზაზე მეტ ანტიკორონავირუსულ ვაქცინას COVAX-ის პროგრამით, დიდი ბრიტანეთისგან (AstraZeneca), აშშ-სგან (Pfizer) და რუსეთისგან ( „სპუტნიკ V“)“, — განაცხადა ქვეყნის ჯანდაცვის მინისტრმა ნგუენ თხან ლონგმა.

ვიეტნამის ხელისუფლება წლის ბოლომდე ქვეყნის მოსახლეობის უდიდესი ნაწილის ვაქცინაციას გეგმავს.

ამ დროისათვის „სპუტნიკ V“-ს გამოყენებაზე ნებართვა უკვე გაცემულია მსოფლიოს 37 ქვეყანაში (ვიეტნამის ჩათვლით).

ვაქცინა „სპუტნიკ V“ რუსეთის ჯანდაცვის სამინისტრომ 2020 წლის აგვისტოში დაარეგისტრირა. პრეპარატი გამალეის სახელობის ეპიდემიოლოგიისა და მიკრობიოლოგიის ეროვნულ ცენტრში შეიქმნა რუსეთის პირდაპირი ინვესტიციების ფონდის მხარდაჭერით. ეს მსოფლიოში პირველი დარეგისტრირებული ვაქცინაა COVID-19-ის პროფილაქტიკისთვის.

მანამდე სამეცნიერო ჟურნალმა The Lancet-მა გამოქვეყნდა ნაშრომი, რომელიც „სპუტნიკ V“-ს კლინიკური კვლევების მესამე ფაზის შედეგებს ასახავს. ნაშრომის თანახმად, „სპუტნიკ V“-ს ეფექტურობა 91,6%-ს შეადგენს და ის იმუნოგენურობისა და უსაფრთხოების მაღალ დონეს ავლენს. ვაქცინა ახალი კორონავირუსული ინფექციით დაავადების მძიმე შემთხვევებისგან სრულ დაცვას უზრუნველყოფს.

27
თემები:
რუსეთი დღეს (815)
მყვინთავი საპატრულო ხომალდი „გუშაგი“

უჩინარი პატრული: რუსეთში მყვინთავი ხომალდი BOSS შეიქმნა

19
(განახლებულია 16:26 14.04.2021)
რუსეთის გემთმშენებლობის სამეცნიერო და ტექნოლოგიური დონე კონსტრუქტორული გადაწყვეტილებებისადმი არასტანდარტული მიდგომის საშუალებას იძლევა.

წყალზედა ხომალდისა და სუბმარინის ფუნქციების საპატრულო „გუშაგს“ სხვადასხვა ქვეყნების სპეციალისტების გაოცება შეუძლია. სიახლეს სახელად BOSS (Border and Offshore Submersible Sentry) ეწოდება.

საზღვაო ტექნიკის ცენტრალურმა საკონსტრუქტორო ბიურო „რუბინმა“ საპატრულო ხომალდ „გუშაგის“ პროექტი წარმოადგინა, რომელიც სუბმარინისა და წყალზედა ხომალდის ღირსებებს აერთიანებს. შედარებით დაბალი ფასი და ზომები, მოწინავე ტექნიკური მახასიათებლები, ტრადიციულად მაღალი საიმედოობა, ბორტზე სარაკეტო-ტორპედული შეიარაღების განთავსების შესაძლებლობა BOSS-ს მიმზიდველს ხდის მცირე ბიუჯეტის მქონე ქვეყნებისთვის.

„რუბინი“ მსოფლიოს ერთ-ერთი ლიდერია სუბმარინების პროექტირებაში 120-წლიანი სტაჟით.

BOSS გარეგნულად 613 პროექტის დიზელ-ელექტრონულ - კონსტრუქტორულად წარმატებულ, ერთ-ერთ ყველაზე მასობრივად გაყიდვად სუბმარინას ჰგავს. ტექნიკური მახასიათებლებიც მსგავსი აქვს: სიგრძე – 60-70 მეტრი, წყალწყვა – დაახლოებით 1000 ტონა, ეკიპაჟი – 42 კაცი. შეიძლება აღიჭურვოს მართვადი რაკეტებით, ტორპედოებით, დრონებით, საარტილერიო დანადგარებით.

ახალი საპატრულო „ნაუტილუსის“ სავარაუდო სამიზნეები წყალქვეშა და წყალზედა მდგომარეობაში შეიძლება გახდნენ საბრძოლო ხომალდები და სანაპირო ობიექტები. ხომალდი შეიძლება ეფექტურად იყოს გამოყენებული სადაზვერვო ან სამეცნირო-კვლევითი მიზნებით.

ნატოს თავის ტკივილი

ახალი ხომალდის შესაძლებლობებისა და ამოცანების სპექტრის გასაგებად აუცილებელია, რომ პროექტ 613-ს მივუბრუნდეთ. სუბმარინას 1347 ტონა წყალწყვა ჰქონდა და სიგრძეში 76 მეტრი იყო, 200 მეტრამდე სირღმეზე 18,5 კვანძით მოძრაობდა. ძირითადი შეიარაღება: ექვსი ტორპედული აპარატი, ავტონომიურობა – 30 დღე-ღამე, ეკიპაჟი – 52 კაცი.

პროექტ 613-ის სერიულ მშენებლობაში ფართოდ გამოიყენებოდა ნაკადურ-სექციური მეთოდი, ავტომატური შედუღება და რენტგენოგრაფიული კონტროლი. 1950-57 წლებში საშუალო წყალწყვის 215 დიზელ-ელექტრონული სუბმარინა აიგო, რომლებსაც ერთნაირად ეფექტურად შეეძლოთ ტორპედოებით შეტევა, დაზვერვა, ოპერატიული და პოზიციური სამსახურის გაწევა მოწინააღმდეგის დისლოკაციის რაიონებში. პროექტის სიცოცხლისუნარიანობაზე მეტყველებს ის ფაქტი, რომ მან სსრკ-ის დაშლამდე იარსება.

ეს მრავალმიზნობრივი სუბმარინები მასობრივად მიეწოდებოდა ბულგარეთის, კუბის, ინდონეზიის, ეგვიპტის, სირიის, ჩინეთის, პოლონეთის სამხედრო-საზღვაო ძალებს.

რაღა თქმა უნდა, ახალმა საპატრულო ხომალდმა წინამორბედისგან ყველა მთავარი მახასიათებელი მიიღო მემკვიდრეობით – სიმტკიცე, საიმედოობა და ეფექტურობა. დანარჩენით BOSS 21-ე საუკუნის მაღალტექნოლოგიური პირმშოა – ხარისხობრივად ახალი, ბევრად მძლავრი შეიარაღებით, კავშირის, ნავიგაციისა და ჰიდროაკუსტიკის საშუალებებით.

პოტენციალი

ზღვაზე კლასიკური საბრძოლო პატრულირება – წყალზედა ხომალდებისა და სუბმარინების ხანგრძლივი მანევრირებაა მონიშნულ რაიონში, ასევე გამუდმებული მზადყოფნა საბრძოლო პოზიციაზე გასასვლელად და მოწინააღმდეგის ხომალდებსა თუ ობიექტებზე შეტევის მისატანად.

რუსეთის სამხედრო-საზღვაო ფლოტში აკვატორიის პატრულირების ამოცანას ჯერ კიდევ ცოტა ხნის წინ გუშაგი–ხომალდები ასრულებდნენ, ნატოს სამხედრო-საზღაო ძალებში – ესკორტის ნაღმმზიდები, ფრეგატები, კორვეტები და სანაპირო ზონის ხომალდები.

ტოლობის ნიშნის დასმა ტრადიციულ წყალზედა ხომალდებსა და მყვინთავ „ბოსებს“ შორის შეუძლებელია. ახალი ხომალდის ექსპლუატაციის თავისებურებები შესაძლებლობას იძლევა ვამტკიცოთ, რომ „რუბინმა“ ჰიბრიდული სუბმარინა შექმნა.

ფარული წყალქვეშა პატრულირება მოწინააღმდეგეზე, კონტრაბანდისტებსა თუ დამრღვევებზე მოულოდნელი შეტევისა თუ საფრთხეზე რეაგირების საშუალებას იძლევა. წყალზედა მახასიათებლები ბონუსია ეკიპაჟისთვის, რომელსაც ლაშქრობისას ზღვის ჰაერის სუნთქვა შეუძლია და არა რეგენერაციის პროდუქტისა, როგორც ეს კლასიკურ სუბმარინებში ხდება. გარდა ამისა, შელფის სამეცნიერო შესწავლის შესაძლებლობები ახალ ხომალდს უფრო მაღალი აქვს, ვიდრე ანალოგიურ წყალზედა ხომალდს. ამასთან BOSS-ს შეუძლია შედარებით დაბალფასიანი სასწავლო „კლასიც“ იყოს ეკიპაჟებისა და სანაპირო ინფრასტრუქტურის მოსამზადებლად.

რედაქცია შესაძლოა არ ეთანხმებოდეს ავტორის მოსაზრებებს

19
თემები:
რუსეთი დღეს (815)
აშშ-ის საელჩო ვაშინგტონში

რუსეთის საელჩომ ამერიკელები „გულმავიწყობაში“ დაადანაშაულა

43
(განახლებულია 13:54 13.04.2021)
აშშ-ში რუსეთის საელჩო უკმაყოფილო დარჩა სახელმწიფო დეპარტამენტის რუსულენოვან ფეისბუქ-გვერდზე გამოქვეყნებული პუბლიკაციით, რომელშიც იური გაგარინი არ იყო მოხსენიებული.

თბილისი, 13 აპრილი — Sputnik. აშშ-ში რუსეთის საელჩომ სახელმწიფო დეპარტამენტი „გულმავიწყობაში“ დაადანაშაულა მას შემდეგ, რაც უწყებამ თავის რუსულენოვან Facebook-გვერდზე გამოქვეყნებულ პოსტში, რომელიც ადამიანის კოსმოსში გაფრენის საერთაშორისო დღეს ეძღვნებოდა, პლანეტის პირველი კოსმონავტი იური გაგარინი არ მოიხსენია.

რუსეთის საელჩო უკმაყოფილო დარჩა იმითაც, რომ სახელმწიფო დეპარტამენტი პუბლიკაციაში არა მარტო გაგარინს, არამედ არც იმ ფაქტს ახსენებდა, რომ პირველი ქვეყანა, ვინც ადამიანი კოსმოსში გაუშვა, სსრკ იყო. ამათან პოსტს ერთვოდა ფოტო, რომელზეც ამერიკელი ასტრონავტი იყო გამოსახული სკაფანდრზე აშშ-ის დროშით.

„სინანულით აღვნიშნავთ, რომ ეს პირველი შემთხვევა არ არის, როდესაც სახელმწიფო დეპარტამენტი გულმავიწყობას იჩენს იმაში, რაც კოსმოსის ათვისების ისტორიას ეხება“, — ნათქვამია რუსეთის საელჩოს კომენტარში.

დიპლომატიურ მისიაში აღნიშნეს, რომ გაეროს გენერალურმა ასამბლეამ 12 აპრილი ადამიანის კოსმოსში გაფრენის საერთაშორისო დღედ სწორედ იური გაგარინის პირველი ფრენის სახსოვრად დააწესა. ამასთან შეახსენეს სახელმწიფო დეპარტამენტს, რომ პლანეტის პირველი კოსმონავტის ძეგლები დგას თავად აშშ-ის რამდენიმე ქალაქში, ხოლო პრეზიდენტმა ჯონ კენედიმ მისალოცი წერილი გაუგზავნა სსრკ-ის ლიდერ ნიკიტა ხრუშჩოვს იური გაგარინის კოსმოსში გაფრენასთან დაკავშირებით.

რუსეთის საელჩოში იმედი გამოთქვეს, რომ ეს ფაქტები დაეხმარება ამერიკელ დიპლომატებს, მომავალში „უხერხულობა აღარ იგრძნონ დედამიწის პირველი კოსმონავტის სახელის წარმოთქმისას“.

43
თემები:
რუსეთი დღეს (815)
ლაბორატორია

სამეგრელოში ინფიცირებულთა რაოდენობა იზრდება

0
(განახლებულია 16:29 14.04.2021)
ბოლო მონაცემებით, რეგიონის მასშტაბით კორონავირუსი 32-მა პაციენტმა დაამარცხა, საკარანტინო სივრცეში კი 89 ადამიანი იმყოფება.

თბილისი, 13 აპრილი – Sputnik. სამეგრელო–ზემო სვანეთის რეგიონში კორონავირუსი 120 ადამიანს დაუდასტურდა, იუწყება „Sputnik-საქართველოს" კორესპონდენტი. 

სამხრეო ადმინისტრაციის ინფორმაციით, სამეგრელოს კოვიდ-კლინიკებში 233 პაციენტია მოთავსებული, მათგან ათი პაციენტის მდგომარეობა მძიმეა. 

რუხის კლინიკაში მკურნალობის კურსს 115 კოვიდ-პაციენტი გადის – შვიდი პაციენტის მდგომარეობა მძიმეა. ფოთის კლინიკაში იმყოფება 40 კოვიდ-პაციენტი, მათ შორის მძიმე სამი პაციენტია. ზუგდიდის რეფერალურ ჰოსპიტალში ოთხი პაციენტი მკურნალობს. აბაშის „ევექსის“ კოვიდ–კლინიკაში 28 პაციენტი მკურნალობს. სენაკის „ლაზიკა მედიში“ – 50 პაციენტი.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 761-ით გაიზარდა და ინფიცირებულთა საერთო რიცხვმა 286.406-ს მიაღწია.

ქვეყანაში კორონავირუსის პირველი შემთხვევა 2020 წლის 26 თებერვალს დაფიქსირდა.

ნიკა ლატარია


 

0
თემები:
კორონავირუსი საქართველოში: ბოლო ცნობები