თბილისი, 19 თებერვალი — Sputnik. სან–მარინოს ჯანდაცვის სამინისტრომ კორონავირუსზე ქვეყნის მოსახლეობის ვაქცინაციისთვის რუსული პრეპარატის „სპუტნიკ V“-ს გამოყენების ნებართვა გასცა, იუწყება РИА Новости რუსეთის პირდაპირი ინვესტიციების ფონდზე დაყრდნობით.

© photo: Sputnik / Kirill Kalinnikov

„კოვივაკი“ - მესამე რუსული კოვიდ-ვაქცინა თებერვალში დარეგისტრირდება

ამრიგად, სან–მარინო გახდა ოცდამეათე სახელმწიფო, რომლებშიც ვაქცინა „სპუტნიკ V“ დარეგისტრირდა.  

ამასთან აღინიშნება, რომ პრეპარატის რეგისტრაცია განხორციელდა დაჩქარებული პროცედურის ფარგლებში (emergency use authorization, EUA).

„ევროპის უძველესი სახელმწიფო სან–მარინო დღეს იმ 29 სახელმწიფოს შეუერთდა, რომლებშიც „სპუტნიკ V“ ერთ-ერთ მთავარ ინსტრუმენტად იქცევა კორონავირუსთან ბრძოლაში. ვაქცინა „სპუტნიკ V“ ფართოდაა აღიარებული მედიცინის სპეციალისტებისა და სახელმწიფო რეგულატორების მიერ, როგორც ერთ-ერთი ყველაზე ეფექტური, უსაფრთხო და ხელმისაწვდომი პრეპარატი“, — აცხადებს რუსეთის პირდაპირი ინვესტიციების ფონდის დირექტორი კირილ დმიტრიევი.

სახელმწიფო რეგულატორების მიერ გაცემული ნებართვების რაოდენობით „სპუტნიკ V“ მსოფლიოს ვაქცინების სამეულში შედის.

© photo: Sputnik / Vladimir Trefilov

რუსულმა ვაქცინამ კორონავირუსის ბრიტანული შტამის მიმართ მაღალი ეფექტურობა გამოავლინა

„სპუტნიკ V“-ს გამოყენებაზე ნებართვა უკვე გაცემულია: საკუთრივ რუსეთში, ბელარუსში, არგენტინაში, ბოლივიაში, სერბეთში, ალჟირში, პალესტინაში, ვენესუელაში, პარაგვაიში, თურქმენეთში, უნგრეთში, არაბთა გაერთიანებულ საამიროებში, ირანში, გვინეის რესპუბლიკაში, ტუნისში, სომხეთში, მექსიკაში, ნიკარაგუაში, ლიბანში, მიანმაში, პაკისტანში, მონღოლეთში, ბაჰრეინში, მონტენეგროში, სენტ–ვინსენტსა და გრენადინებზე, ყაზახეთში, უზბეკეთსა და გაბონში.

მანამდე სამეცნიერო ჟურნალმა The Lancet-მა გამოქვეყნდა ნაშრომი, რომელიც „სპუტნიკV“-ს კლინიკური კვლევების მესამე ფაზის შედეგებს ასახავს. ნაშრომის თანახმად, „სპუტნიკ V“-ს ეფექტურობა 91,6%-ს შეადგენს და ის იმუნოგენურობისა და უსაფრთხოების მაღალ დონეს ავლენს. ვაქცინა ახალი კორონავირუსული ინფექციით დაავადების მძიმე შემთხვევებისგან სრულ დაცვას უზრუნველყოფს.

თბილისი, 6 მარტი – Sputnik. თურქმენეთის, ტაჯიკეთის, ყირგიზეთისა და უზბეკეთის მოქალაქეებს საქართველოში ჩამოსვლა ვაქცინაციის გარეშე შეუძლიათ. ამის შესახებ ეკონომიკისა და მდგრადი განვითარების მინისტრმა ნათია თურნავამ განაცხადა.

photo : Wizz Air / FB

Wizz Air–ი ქუთაისის საერთაშორისო აეროპორტიდან ფრენებს 20 მიმართულებით განახორციელებს

საქართველოს მთავრობის გადაწყვეტილებით, ამ ქვეყნების მოქალაქეებმა საქართველოში ჩამოფრენისას თან უნდა იქონიონ PCR-ტესტის უარყოფითი პასუხი.

საქართველოს ხელისუფლებამ საჰაერო საზღვრები უცხოელებისთვის 1 თებერვლიდან გახსნა. სახმელეთო და საზღვაო საზღვრები კვლავ დაკეტილია.

მინისტრმა განსაკუთრებული ყურადღება გაამახვილა უზბეკეთზე, რომელთანაც პანდემიამდე პირდაპირი ავიამიმოსვლა მოქმედებდა.

„ჩვენ განსაკუთრებით დიდ ნაკადებს ველოდებით უზბეკეთიდან. შემოსვლის რეჟიმის შემსუბუქების პარალელურად, ვფიქრობთ, რომ ფრენები ამ ქვეყანასთან გააქტიურდება“, – განაცხადა ნათია თურნავამ.

აქამდე კორონავირუსზე უარყოფითი შედეგის ამსახველი ცნობით საქართველოში შემოსვლა შეეძლოთ ევროკავშირის ქვეყნების მოქალაქეებსა და რეზიდენტებს, ისრაელის, შვეიცარიის, ნორვეგიის, აშშ-ის, დიდი ბრიტანეთის, კატარის, არაბთა გაერთიანებული საამიროების, ბაჰრეინისა და თურქეთის მოქალაქეებს, ასევე რუსეთის, სომხეთის, აზერბაიჯანის, ბელარუსის, უკრაინისა და ყაზახეთის მოქალაქეებს.

საქართველოს საგარეო საქმეთა სამინისტროში აღნიშნავენ, რომ მოგზაურებმა უნდა გაითვალისწინონ შემდეგი:

• საქართველოში ამ ქვეყნებიდან უნდა ჩამოვიდნენ საჰაერო გზით, დასაშვებია ტრანზიტი მესამე ქვეყნების გავლით;
• საზღვარზე უნდა წარმოადგინონ ბოლო 72 საათში ჩატარებული PCR-ტესტის უარყოფითი პასუხი;
• საქართველოში ჩამოსვლიდან მესამე დღეს უცხოეთის მოქალაქეებმა საკუთარი ხარჯით უნდა ჩაიტარონ განმეორებითი PCR–ტესტი;
• სახელმწიფო საზღვრის გადაკვეთის წინ საჭიროა სპეციალური ფორმის შევსება, სადაც მითითებული უნდა იყოს ბოლო 14 დღის მოგზაურობის ისტორია და საკუთარი საკონტაქტო მონაცემები (მისამართი, ტელეფონის ნომერი, ელექტრონული ფოსტა და ა.შ.).

იმ პირებმა, რომლებიც ბოლო 14 დღის განმავლობაში იმყოფებოდნენ დიდ ბრიტანეთში, აუცილებლად უნდა გაიარონ 12-დღიანი კარანტინი. ამ შემთხვევაში აღარ არის აუცილებელი PCR–ტესტის უარყოფითი პასუხის წარდგენა საზღვარზე, ასევე ტესტის განმეორებით ჩატარება მესამე დღეს.