კოვიდ-ვაქცინა

„კოვივაკი“ - მესამე რუსული კოვიდ-ვაქცინა თებერვალში დარეგისტრირდება

681
(განახლებულია 18:27 18.02.2021)
რუსმა მეცნიერებმა კორონავირუსის წინააღმდეგ კიდევ ერთი - მესამე ვაქცინა შექმნეს, რომლის რეგისტრაციაც უახლოეს დღეებში იგეგმება

თბილისი, 18 თებერვალი — Sputnik. კრონავირუსის საწინააღმდეგო მესამე რუსული ვაქცინის დარეგისტრირება, რომელიც ჩუმაკოვის ცენტრში შეიქმნა, 20 თებერვალს იგეგმება, ნათქვამია საიტზე стопкоронавирус.рф.

მანამდე რუსეთის ვიცე–პრემიერმა ტატიანა გოლიკოვამ განაცხადა, რომ ეს თებერვლის შუა რიცხვებისთვის იყო მოსალოდნელი.

პრეპარატი „კოვივაკი“ მხოლოდ რიგით კი არ არის მესამე ვაქცინა „სპუტნიკ V–სა“ და „ეპივაკკორონას“ შემდეგ, არამედ სახეობითაც მესამეა. ის მთლიანი ინაქტივირებული (ზოგჯერ „მოკლულსაც“ უწოდებენ) კორონავირუსის საფუძველზეა დამზადებული.

ორგანიზმში შეყვანისას პრეპარატი ამოიცნობს ვირუსის ანტიგენურ შემადგენლობას, იმახსოვრებს მას და მზად რცება მომავალში მისი ნებისმიერი გამოვლენისთვის.

ჩუმაკოვის ცენტრის დირექტორის, აიდარ იშმუხამეტოვის თქმით, გამომდინარე იქიდან, რომ „კოვივაკში“ ვირუსი მთლიანადაა გამოყენებული და არა ფრაგმენტულად, ის ეფექტური იქნება მუტირებული შტამების მიმართაც.

აღინიშნება, რომ პრეპარატის კლინიკური გამოცდები ოქტომბრის პირველ რიცხვებში დაიწყო და ამ დრომდე არასასურველი მოვლენები არ დაფიქსირებულა.

მისმა შემქმენელებმა რეგისტრაციაზე განაცხადი იანვარში წარადგინეს.

მალე ვაქცინის გამოცდების მეორე ფაზა დასრულდება, შემდგომ ტესტირებაში კი სამი ათასი მოხალისე მიიღებს მონაწილეობას.

681
თემები:
რუსეთი დღეს (773)
 „სპუტნიკV“-ს ლოგო

რუსული ვაქცინა „სპუტნიკV“ გაცემული ნებართვების რაოდენობით მსოფლიოში მეორე ადგილს იკავებს

11
(განახლებულია 11:28 06.03.2021)
იმ ქვეყნების მოსახლეობის რაოდენობამ, რომლებმაც ვაქცინა „სპუტნიკV“ დაარეგისტრირეს, 1,2 მილიარდ ადამიანს გადააჭარბა.

თბილისი, 6 მარტი – Sputnik. რუსული ვაქცინა „სპუტნიკV“-მ სახელმწიფო რეგულატორების მიერ გაცემული ნებართვების რაოდენობით კორონავირუსის საწინააღმდეგო ვაქცინებს შორის მეორე ადგილზე გადაინაცვლა და გაუსწრო Pfizer-ს, ნათქვამია ვაქცინა „სპუტნიკV"-ს Twitter-ის ოფიციალურ აკაუნტში.

სახელმწიფოების რაოდენობით, რომლებმაც პრეპარატის გამოყენება დაუშვეს, პირველ ადგილს იკავებს ვაქცინა AstraZeneca (49 ქვეყანა), შემდეგ მოდის „სპუტნიკV“ (45 ქვეყანა). მესამე პოზიციას იკავებს Pfizer (43 ქვეყანა). შემდეგ მოდის Moderna (19 ქვეყანა), სამი ჩინური ვაქცინა Sinopharm (18), Sinovac (16), CanSino (4). მერვე ადგილზეა Johnson & Johnson-ის ვაქცინა, რომელიც ოთხმა ქვეყანამ მოიწონა.

იმ 45 ქვეყნის მოსახლეობის რაოდენობამ, რომლებმაც ვაქცინა „სპუტნიკV“ დაარეგისტრირეს, 1,2 მილიარდ ადამიანს გადააჭარბა.

ამჟამად „სპუტნიკ V“-ს გამოყენება დამტკიცებულია რუსეთში, ბელარუსში, არგენტინაში, ბოლივიაში, სერბეთში, ალჟირში, პალესტინაში, ვენესუელაში, პარაგვაიში, თურქმენეთში, უნგრეთში, არაბთა გაერთიანებულ საემიროებში, ირანში, გვინეას რესპუბლიკაში, ტუნისში, სომხეთში, მექსიკაში, ნიკარაგუაში, სერბთა რესპუბლიკაში (ბოსნიას და ჰერცეგოვინის ენტიტეტი), ლიბანში, მიანმარში, პაკისტანში, მონღოლეთში, ბაჰრეინში, მონტენეგროში, სენტ-ვინსენტი და გრენადინებში, ყაზახეთში, უზბეკეთში, გაბონში, სან-მარინოში, განაში, სირიაში, ყირგიზეთში, გაიანაში, ეგვიპტეში, ჰონდურასში, გვატემალაში, მოლდოვაში, სლოვაკეთში, ანგოლაში, ჯიბუტიში, კონგოს რესპუბლიკაში, შრი-ლანკაში, ლაოსსა და ერაყში.

პარასკევს ევროპის წამლების სააგენტომ (ЕМА) დაიწყო „სპუტნიკ V“-ს სარეგისტრაციო დოსიეს ექსპერტიზა - პრეპარატს ამოწმებენ ევროკავშირის სტანდარტებთან შესაბამისობაზე ეფექტურობისა და ხარისხის კუთხით.

რუსეთის ჯანდაცვის სამინისტრომ „სპუტნიკ V“-ს 2020 წლის აგვისტოში დაარეგისტრირა. ვაქცინა გამალეის ცენტრში შემუშავდა.

სამეცნიერო ჟურნალმა The Lancet-მა გამოქვეყნდა ნაშრომი, რომელიც „სპუტნიკV“-ს კლინიკური კვლევების მესამე ფაზის შედეგებს ასახავს. ნაშრომის თანახმად, „სპუტნიკ V“-ს ეფექტურობა 91,6%-ს შეადგენს და ის იმუნოგენურობისა და უსაფრთხოების მაღალ დონეს ავლენს. ვაქცინა ახალი კორონავირუსული ინფექციით დაავადების მძიმე შემთხვევებისგან სრულ დაცვას უზრუნველყოფს.

11
მოსკოვი

მოსკოვმა აშშ–ს ქიმიურ იარაღთან დაკავშირებით უპასუხა

22
(განახლებულია 18:53 05.03.2021)
პესკოვმა აღნიშნა, რომ რუსეთმა დიდი ხანია გაანადგურა ქიმიური იარაღის თავისი მარაგი და შეწყვიტა მასთან დაკავშირებული პროგრამები

თბილისი, 5 მარტი – Sputnik. რუსეთის პრეზიდენტის პრეს–მდივანმა დმიტრი პესკოვმა აშშ–ის ბრალდებებს, რომ რუსეთს ქიმიური იარაღი აქვს, უსაფუძვლო უწოდა, იუწყება РИА Новости.

უფრო ადრე რუსულ მასმედიაში გამოჩნდა ინფორმაცია, რომ აშშ–მა და დიდმა ბრიტანეთმა რუსული სუვერენული ვალისა და ზოგიერთი ბიზნესმენის წინააღმდეგ დიდი სანქციები შეიძლება დააწესოს. მასმედიის ინფორმაციით, ლონდონი აპირებს მოითხოვოს, რომ ქიმიური იარაღის აკრძალვის ორგანიზაციამ განაგრძოს ზეწოლა რუსეთზე. ასევე, განხილვაში უნდა ჩაერთონ საფრანგეთი და გერმანია.

პესკოვმა აღნიშნა, რომ კრემლში ზედმიწევნით ყურადღებით აფიქსირებენ მასმედიაში გამოქვეყნებულ მასალებს.

„რა თქმა უნდა, გვესმის, რომ, მაგალითად, ვაშინგტონში ამოქმედებული მექანიზმიდან გამომდინარე, სანქციების მეორე ნაწილს აანონსებენ. ამასთან ვაშინგტონი აბსოლუტურად დაუსაბუთებლად ადანაშაულებს რუსეთს იმაში, თითქოს მის ტერიტორიაზე ქიმიური იარაღია“, – აღნიშნა პესკოვმა.

მან კიდევ ერთხელ აღნიშნა, რომ რუსეთმა დიდი ხნის წინ გაანადგურა ქიმიური იარაღის მარაგი და და მასთან დაკავშირებული პროგრამები.

კრემლმა უკვე არაერთხელ უარყო ბრალდებები იმის თაობაზე, რომ მას თითქოს აკრძალული მომწამვლელი ნივთიერებები აქვს. პესკოვის განცხადებით, მოსკოვი იცავს აკრძალული ქიმიური იარაღის შესახებ კონვენციით აღებულ ყველა ვალდებულებას.

მანამდე ევროკავშირმა ალექსეი ნავალნის ირგვლივ არსებული ვითარების გამო, ადამიანის უფლებების დარღვევისთვის პირველად შემოიღო სანქციები ახალი გლობალური რეჟიმის ფარგლებში. ბრიუსელის კვალდაკვალ ახალი შეზღუდვები დააწესა ვაშინგტონმაც. ჩამონათვალში მოხვდა 14 ორგანიზაცია და რამდენიმე ჩინოვნიკი. რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა, რომ მოსკოვი საპასუხო ზომებზე უკვე მუშაობს.

22