ზახაროვა: ევროკავშირმა რუსეთის „საჯარო გამათრახება“ ვერ მოახერხა

© photo: Sputnik / press-service of MFA of Russia / გადასვლა მედიაბანკშიმარია ზახაროვა
მარია ზახაროვა - Sputnik საქართველო, 1920, 09.02.2021
გამოწერა
რუსეთის საგარეო უწყებაში განაცხადეს, რომ ბორელის კრიტიკული გამონათქვამები ბრიუსელში დაბრუნების შემდეგ წინააღმდეგობაშია ვიზიტის პერიოდში გამოთქმულ მოსაზრებებთან.

თბილისი, 9 თებერვალი — Sputnik. ევროკავშირს სურდა, რომ ჟოზეპ ბორელის მოსკოვში ვიზიტის დროს რუსეთისთვის „საჯარო გამათრახება“ მოეწყო, მაგრამ მცდელობიდან არაფერი გამოვიდა, განაცხადეს რუსეთის საგარეო საქმეთა სამინისტროში.

ვაქცინაცია - Sputnik საქართველო, 1920, 08.02.2021
„ბოცვრებზე ცდები ნაკლებად ტარდება“ – ზახაროვა რუსულ ვაქცინაზე ზელენსკის უარის შესახებ

საგარეო ურთიერთობებისა და უსაფრთხოების საკითხებში ევროკავშირის უმაღლესი წარმომადგენელი ჟოზეპ ბორელი რუსეთის დედაქალაქს 4–6 თებერვალს სტუმრობდა. ვიზიტის შემდეგ მან განაცხადა, რომ ევროპის საგარეო საქმეთა მინისტრების შეხვედრაზე, რომელიც 22 თებერვალსაა დაგეგმილი, მონაწილეებმა შესაძლოა გადაწყვეტილება მიიღონ რუსეთისთვის სანქციების გაფართოების შესახებ.

„გაგიმხელთ საიდუმლოს ჩვენი დასავლელი პარტნიორების შესახებ: როდესაც მათ გამათრახება არ გამოსდით, ისტერიკა ეწყებათ. [ბორელის] ამოცანა იყო ამ გამათრახების საჯაროდ მოწყობა, რომელიც, ჩემი აზრით, საგულდაგულოდ დაგეგმეს. ასეთი კასკადი: მიტინგებზეც რომ ესაუბრა, ჟურნალისტებზეც და ნავალნი მთავარ თემად ექცია, ერთ გროვად უნდა გადმოენთხია და მერე კმაყოფილი გამომეტყველებით დაბრუნებულიყო შინ“, — განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

მისი აზრით, გამათრახება იმიტომ არ გამოვიდა, რომ „რუსულმა მხარემ მას რეალურ საკითხებზე მსჯელობა შესთავაზა“.

მანამდე საგარეო უწყებაში განაცხადეს, რომ ბორელის კრიტიკული გამონათქვამები რუსეთის შესახებ ბრიუსელში დაბრუნების შემდეგ წინააღმდეგობაშია ვიზიტის პერიოდში გამოთქმულ მოსაზრებებთან.

გასულ კვირაში მოსკოვმა პერსონა ნონ–გრატად გამოაცხადა არასანქცირებულ მიტინგებში მონაწილე დიპლომატები შვედეთიდან, პოლონეთიდა და გერმანიიდან, რომლებმაც უახლოეს ვადებში უნდა დატოვონ რუსეთი. ამაზე საპასუხოდ აღნიშნული ქვეყნები სამ რუს დიპლომატს აძევებენ. რუსეთის საგარეო საქმეთა სამინისტროში ამას სარკისებულ ზომებად არ აღიქვამენ.

ყველა ახალი ამბავი
0