ვაქცინა „სპუტნიკ V“

Lancet-მა „სპუტნიკ V-ს“ კლინიკური კვლევების მესამე ფაზის შედეგები გამოაქვეყნა

109
რუსული კოვიდ-ვაქცინის მაღალი ეფექტურობა და უსაფრთხოება დამაჯერებელი სამეცნიერო მონაცემებით დასტურდება, ნათქვამია სამეცნერო ჟურნალში

თბილისი, 2 თებერვალი — Sputnik. სამეცნიერო ჟურნალმა Lancet–მა რუსული კოვიდ–ვაქცინა „სპუტნიკ V–ს“ კლინიკური გამოცდების მესამე ფაზის შედეგები გამოაქვეყნა, იუწყება РИА Новости რუსეთის პირდაპირი ინვესტიციების ფონდზ დაყრდნობით.

რუსეთის ჯანდაცვის სამინისტრომ „სპუტნიკ V“ 2020 წლის აგვისტოში დაარეგისტრირა. ვაქცინა გამალეის მიკრობიოლოგიისა და ეპიდემიოლოგიის ცენტრში შეიქმნა პირდაპირი ინვესტიციების ფონდის დახმარებით.  პრეპარატი ადამიანის ადენოვირუსების კარგად შესწავლილ პლატფორმაზეა შექმნილი და ის მსოფლიოში პირველი დარეგისტრირებული ვაქცინაა COVID-19–ის წინააღმდეგ.

„გამალეის ცენტრი და რუსეთის პირდაპირი ინვესტიციების ფონდი მსოფლიოს ერთ–ერთ უძველეს და პატივსაცემ სამედიცინო ჟურნალ The Lancet–ში „სპუტნიკ V–ს“ კლინიკური გამოცდების მესამე ფაზის შედეგების გამოქვეყნების თაობაზე გაცნობებთ, რომლებიც მის მაღალეფექტურობასა და უსაფრთხოებას ადასტურებს“, — აცხადებენ ფონდში.

ფონდის დირექტორმა კირილ დმიტრიევმა პუბლიკაციას დიდი მოვლენა უწოდა პანდემიასთან ბრძოლაში.

„The Lancet–ში გამოქვეყნებული პუბლიკაცია ადასტურებს, რომ „სპუტნიკ V“  არის არა მარტო მსოფლიოში პირველი დარეგისტრირებული ვაქცინა, არამედ ერთ–ერთი საუკეთესოც. დამოუკიდებებლი ექსპეტების მიერ შეკრებილი მონაცემებისა და სეფასებების თანახმად, ის სრულად იცავს ადამიანს კორონავირუსის მძიმე შემთხვევებისგან “,  აღნიშნა მან.

ვაქცინა კაცობრიობისათვის

გამალეის ცენტრის დირექტორ ალექსანდრ გინცბურგის თქმით, „სპუტნიკ V–ს“ საერთაშორისო საექსპერტო შეფასების გამოქვეყნება დიდი წარმატებაა პანდემიასთან გლობალურ ბრძოლაში.

„რუსული ვაქცინის უსაფრთხოება და მაღალი ეფექტურობა საიმედო სამეცნიერო მონაცემებით დასტურდება და მე მოხარული ვარ, მივულოცო გამალეის ცენტრის ყველა თანამშრომელს ეს თვალსაჩინო წარმატება. ადამიანის ადენოვირუსების საფუძველზე უკვე რამდენიმე ვაქცინა შექმნილი და ეს ინსტრუმენტი ერთ–ერთი ყველაზე პერსპექტიულია ახალი პრეპარატების შესაქმენლად მომავალში“, — დარწმუნებულია გინცბურგი.

„მსოფლიოში სულ სამ ვაქცინას, „სპუტნიკ V–ს“ ჩათვლით, აქვს 90%-ზე მაღალი ეფექტურობა. ამასთან „სპუტნიკ V“  ამ კატეგორიაში სხვა ვაქცინებს უსაფრთხოებითა და პლატფორმის შემოწმებით, ტრანსპორტირების სიმარტივისა და ხელმისაწვდომი ფასით სჯობნის. „სპუტნიკ V“ — ეს არის ვაქცინა კაცობრიობისათვის“, — დაამატა დმიტრიევმა.

„სპუტნიკ V“  უკვე მსოფლიოს 16 ქვეყანაშია დარეგისტრირებული: რუსეთში, ბელარუსში, სერბეთში, ალჟირში, არგენტინაში, ბოლიიაში, პალესტინაში, ვენესუელაში, პარაგვაიში, თურქმენეთში, უნგრეთში, ირანში, არაბეთის გაერთიანებულ საამიროებში, გვინეის რესპუბლიკაში, ტუნისსა და სომხეთში. ვაქცინის რეგისტრაციის პროცესი ინიცირებულია ევროპის წამლების სააგენტოსა (ЕМА) და ჯანდაცვის მსოფლიო ორგანიზაციის მიერ.

მესამე ფაზის შედეგები

„სპუტნიკ V–ს“ კლინიკური გამოცდების მესამე ფაზის დროს პრეპარატმა ეფექტურობის, იმუნოგენურობისა და უსაფრთხოების მაღალი დონე გამოავლინა.

ვაქცინის ეფექტურობამ 91,6% შეადგინა 19866 მოხალისის მონაცემთა ანალიზის ბაზაზე. მათ ნაწილს ვაქცინის ორივე დოზა გაუკეთდა, ნაწილს კი პლაცებო მისცეს. ფინალურ საკონტროლო წერტილზე კორონავირუსით დაავადების 78 დადასტურებული შემთხვევა გამოვლინდა.

ამავდროულად AstraZeneca–ს ვაქცინის ეფექტურობა 62,1%-ია, Sinovac–ის — 50,4%, Sinopharm–ის — 79,3%. ახლა „სპუტნიკ V–ს ერთ–ერთი კომპონენტის კომბინა ცია კომპანია AstraZeneca–ს მისი ვაქცინის ეფექტურობის 62,1% და მეტ დონემდე გაზრდაში ეხმარება.

კვლევის მნიშვნელოვანი ფაქტორი გახდა 60 წელზე უფროსი ასაკის მოხალისეების მონაწილეობა  (ვაქცინების ჯგუფში ყველაზე ხნიერი მონაწილის ასაკი 87 წელის იყო, ხოლო პლაცებოს ჯგუფში — 84 წელი). ასაკოვან ადამიანებში ვაქცინის უსაფრთხოების მაჩვენებელი მაღალი აღმოჩნდა. 60 წელზე უფროსი ასაკის 2144 მოხალისის შემთხვევაში ვაქცინის ეფექტურობამ 91,8% შეადგინა. ეს მაჩვენებელი სტატისტიკურად არ განსხვავდებოდა 18–60 წლის ასაკის ჯგუფის მონაცემებისგან

„კვლევის რეცენზირებული შედეგების თანახმად, ვაქცინა ახალი კორონავირუსული ინფექციით დაავადების მძიმე შემთხვევებისგან სრულ დაცვას უზრუნველყოფს. ოცივე დარეგისტრირებული მძიმე შემთხვევა პლაცებოს ჯგუფზე მოდიოდა“, — ხაზს უსვამენ პირდაპირი ინვესტიციების ფონდში.

ვაქცინის ჯგუფში მონა წილეთა 98%-ს ჰუმორალური იმუნური პასუხი ჩამოუყალიბდა, ხოლო 100%-ს უჯრედული იმუნური პასუხი.

კვლევამ აჩვენა, რომ „სპუტნიკ V–თ“ აცრილ მოხალისეებში ვირუსის გამანეიტრალებელი ანტისხეულების დონე 1,3-1,5–ჯერ მეტი იყო, ვიდრე კორონავირუსგადატანილ პაციენტებში.

„სპუტნიკ V–მ“ ასევე წარმოაჩინა უსაფრთხოების მაღალი მაჩვენებლები. არასასურველი მოვლენების უმეტესობა (94%) მსუბუქ ფორმაში მიმდინარეობდა. არ დაფიქსირებულა ძლიერი ალერგიული რეაქციები და ანაფილაქტური შოკი. ამასთან სერიოზული არასასურველი მოვლენების დონე კიდევ უფრო დაბალი აღმოჩნდა „სპუტნიკ V–თ“ ვაქცინირებულების ჯგუფში, ვიდრე სხვა ვაქცინების შემთხვევაში. „სპუტნიკ V“ — 0,27%, AstraZeneca — 0,66%, Pfizer–ი — 0,58%, Moderna — 0,97%.

„სპუტნიკ V–ს“ უპირატესობები

„სპუტნიკ V“ ერთ–ერთია მსოფლიოში იმ სამ ვაქცინას შორის, რომელთა ეფექტურობა 90%-ს აჭარბებს. ა,ასთან მას აქვს მთელი რიგი უპირატესობები:

  • ადამიანის ადენოვირუსების კარგად შესწავლილი და მაღალეფექტური პლატფორმა, რომლის უსაფრთხოებაც ათობით წლის განმავლობაში დასტურდება;
  • დაბალი ფასი სხვა პლატფოემაზე შექმნილ ვაქცინებთან შედარებით (10 დოლარზე ნაკლები ერთ დოზაზე, რაც სხვა 90%-ზე მაღალი ეფექტურობის ვაქცინების ფასზე ორ–სამჯერ ნაკლებია);
  • ტრანსპორტირების ნაკლებად მკაცრი მოთხოვნები, რაც +2+8 გრადუსს შეადგენს ცელსიუსით და მსოფლიოს მასშტაბით ლოგისტიკას ამარტივებს.

ადამიანის ადენოვირუსებზე დამზადებული ვაქცინების ეფექტურობა 75–ზე მეტი საერთაშორისო პუბლიკაციითა და მსოფლიოში ორი ათწლეულის განმავლობაშ ჩატარებული 250  კლინიკური კვლევით დასტურდება.

ადენოვირუსული ვექტორები — ეს ჩვეულებრივი გაცივების გენეტიკურად მოდიფიცირებული ვირუსებია, რომლებსაც ადამიანის ორგანიზმში გამრავლების უანრი არ გააჩნია. „სპუტნიკ V–ს“ გამოყენების შემთხვევაში ადამიანის ორგანიზმში თავად კორონავირუსი არ ხვდება, ვაქცინა მხოლოდ მისი ცილოვანი გარსის ნაწილის — ეგრეთ წოდებული საცეცების შესახებ გენეტიკურ ინფორმაციას შეიცავს. ეს სრულად გამორიცხავს ვაქცინაციის შედეგად ინფიცირების რისკს და იმავდროულად მყარი იმუნური პასუხია ჩამოყალიბებას უზრუნველყოფს.

ექსპერტები მესამე ფაზის შედეგებს მიესალმებიან

დასავლელი ექსპერტების უმრავლესობამ დადებითად აღიქვა Lancet–ში გამოქვეყნებული პუბლიკაცია და რუსული ვაქცნის ეფექტურობას, უსაფრთხოებასა და ლოგისტიკის სიმარტივეს გაუსვა ხაზი.

„წარმოდგენილი შედეგები უკიდურესად აშკარაა, ხოლო სამეცნიერო პრონციპები — დამაკჯერებლად წარმოდგენილი. ეს იმას ნიშნავს, რომ ახლა კიდევ ერთი ვაქცინა შეძლება ჩადგეს კორონავირუსის ინფექციასთან მებრძოლთა რიგებში“, — განაცხადეს ბრიტანელმა მეცნიერებმა იან ჯონსმა და პოლი როიმ.

„ვაქცინა100%-ით ეფექტურია დაავადების სერიოზული სემთხვევებისა და სიკვდილიანობის აღკვეთის კუთხით, და ეს ყველაზე მეტად მნიშვნელოვანი პარამეტრია — მსუბუქ გაცივებასთან გამკლავება ყველას შეგვიძლია, მთავარია, საავადმყოფოში არ აღმოვჩნდეთ და სერიოზული გართულებები არ დაგვეწყოს“, — განაცხადა ამერიკელმა მეცნიერმა ჰილდეგუნდ ერტლმა.

მან ასევე აღნიშნა, რომ „სპუტნიკ V–ს“ პირველი ინექციის შენდეგ დაავადებისგან დაცვის დონე 87,6%-ს შეადგენს, და რომ ის უფრო ეფექტურია, ვიდრე AstraZeneca–სა თუ Johnson&Johnson–ის ვაქცინები.

„ეს კარგი ამბავია, ვინაიდან ამ ვაქცინის წარმოება და დანერგვა, ვაქცინების მოსალოდნელი გლობალური ნაკლებობისა და ლოგისტიკური პრობლემების პირობებში, რაც ტემპერატურული რეჟიმის მიმართ სხვა ვაქცინების მგრძნობელობას უკავშირდება,  შედარებით მარტივია“, — განაცხადა საფრანგეთის ჯანდაცვისა და სამედიცინო კვლევების ინსტიტუტის დირექტორმა სესილ ჩერკინსკიმ.

აღმოსავლეთ ინგლისის სამედიცინო მიკრობიოლოგიის უნივერსიტეტის პროფესორმა დევიდ ლივერმორმა კი აღნიშნა, რომ „სპუტნიკ V“ ადამიანის ადენოვირუსულ ვექტორებზე დამზადებული პირველი ვაქცინაა, რომელმაც ეფექტურობის 90%-იან ზღვარს მიაღწია Pfizer–ისა და Moderna–ს ვაქცინების მსგავსად.

„ახლა მსოფლოიოს ყველა კარგი ვაქცინა ესაჭიროება COVID-19–ის წინააღმდეგ“. — დაასკვნა ლივერმორმა.

109
თემები:
რუსეთი დღეს (816)
აშშ-ის დროშა

აშშ-ის ახალი ანტირუსული სანქციები სუვერენულ ვალს შეეხება

18
(განახლებულია 09:09 15.04.2021)
შეერთებული შტატები ახალი ანტირუსული სანქციების დაწესების თაობაზე სავარაუდოდ ხუთშაბათს გამოაცხადებს

თბილისი, 15 აპრილი — Sputnik. აშშ–ის ახალი ანტირუსული სანქციები ქვეყნის სუვერენული ვალის წინააღმდეგ იქნება მიმართული, იუწყება გაზეთი New York Times–ი წყაროებზე დაყრდნობით.

მანამდე სააგენტო „ბლუმბერგმა“ გავრცელა ინფორმაცია, რომ ვაშინგტონი შეზღუდვებს დაუწესებს რუსეთის თორმეტამდე მოქალაქესა და ოც ორგანიზაციას. გარდა ამისა, ქვეყნიდან გააძევებს ათ დიპლომატს.

ახალი სანქციები აშშ–ის არჩევნებში მოსკოვის სავარაუდო ჩარევისა და  SolarWinds–ის მეშვეობით განხორციელებული კიბერთავდასხმის გამო წესდება, რაც ასევე მიეწერება რუსი ჰაკერებს.

გამოცემის წყაროს ცნობით, შეზღუდვებს შეერთებული შტატები ხუთშაბათს გამოაცხადებს.

თავის მხრივ გაზეთი Wall Street Journal–ი წერს, რომ აშშ–ის პრეზიდენტი ჯო ბაიდენი გამოსცემს ბრძანებულებას სავაჭრო ოპერაციების აკრძალვების გაფართოების შესახებ ამერიკული ბანკების მიერ რუსეთის სახელმწიფო ობლიგაციებზე მომსახურების კუთხით.

მიმდინარე წლის იანვრის დასაწყისში აშშ-ის კიბერ- და ინფრასტრუქტურული უსაფრთხოების სააგენტომ (CISA), გამოძიების ფედერალურმა ბიურომ და სხვა ამერიკულმა სტრუქტურებმა ერთობლივი განცხადება გაავრცელეს, რომლის თანახმად, კომპიუტერული უსაფრთხოების ფირმა SolarWinds-ის კლიენტებზე ჰაკერული თავდასხმის უკან დიდი ალბათობით რუსეთი იდგა.

ვაშინგტონის ვარაუდით, შეტევის მიზანი, რომელიც სამთავრობო დაწესებულებებზე, მათ შორის, იუსტიციის სამინისტროზე, სახელმწიფო დეპარტამენტზე, უსაფრთხოების ეროვნულ ბიუროსა და ასევე ოთხას მსხვილ კომპანიაზე მიიტანეს, სადაზვერვო მონაცემების მიღება იყო. თუმცა მოგვიანებით გავრცელდა ინფორმაცია, რომ თავდასხმის ორგანიზატორებმა მიზანს ვერ მიაღწიეს.

18
თემები:
საერთაშორისო პანორამა
ხედი მოსკოვზე ბიზნეს-კომპლექს „მოსკოუ-სითიდან“

კონკურსი „რუსეთის ლიდერები“: როგორ მიიღებენ უცხოელები რუსეთის მოქალაქეობას

14
(განახლებულია 20:52 14.04.2021)
პრეზიდენტის პლატფორმა „რუსეთი – შესაძლებლობების ქვეყანა“ უკვე რამდენიმე წელია ატარებს კონკურსს „რუსეთის ლიდერები“.

დანარა კურმანოვა

14 აპრილს ორგანიზატორებმა გამოაცხადეს, რომ ახალ მიმართულებას — ტრეკ „საერთაშორისოს“ აამოქმედებენ. მასში მონაწილეობას 55 წლამდე ასაკის უცხოელები შეძლებენ, სააგენტო Sputnik მოგითხრობთ, როგორია კონკურსის პირობები და რას აძლევს მასში მონაწილეობა ახლო საზღვარგარეთის მოქალაქეებს.

მთავარია ნიჭი

პროექტის მთავარი მიზანი თავად პლატფორმის სახელწოდებაშია ჩადებული — რუსეთი შესაძლებლობების ქვეყანა უნდა გახდეს, თანაც არა მარტო საკუთარი მოქალაქეებისთვის. ამაში დარწმუნებულია რუსეთის პრეზიდენტის ადმინისტრაციის ხელმძღვანელის მოადგილე სერგეი კირიენკოც.

„2018 წელს პრეზიდენტ ვლადიმირ პუტინის გზავნილში გახმოვანდა, რომ რუსეთის განვითარების პრინციპული პირობა არის ადამიანების თვითრეალიზაციის შესაძლებლობა, — განაცხადა მან ტრეკ „საერთაშორისოს“ პრეზენტაციაზე, — და რაც ადრე შეძლებს ადამიანი თვითრეალიზებას, მით უკეთესი“.

კირიენკოს თქმით, იმის თაობაზე, რომ კონკურსი „რუსეთის ლიდერები“ ნამდვილად ეხმარება ადამიანებს საკუთარი თავის პოვნაში, ციფრები მეტყველებს. პროექტის არსებობის სამი წლის განმავლობაში მონაწილეობაზე განაცხადი ხუთმა მილიონმა ადამიანმა წარადგინა. კირიენკოს მიაჩნია, რომ მიმდინარე წელს მაჩვენებლები აშკარად გაიზრდება — დიდწილად Россия сегодня-ს თანამშრომლის, სააგენტო Baltnews-ის შეფ-რედაქტორ ალინა გერლინიას წყალობით.

საქმე ისაა, რომ მანამდე, 26 მარტს ალინა გერლინიამ ვლადიმირ პუტინს მიმართა წინადადებით, შემოეღო კონკურსში „რუსეთის ლიდერები“ ცალკე სპეციალიზაცია უცხოეთის მოქალაქეებისთვის, მათ შორის, რუსეთის უმაღლესი სასწავლებლების კურსდამთავრებულებისთვის, და ამასთან გაემარტივებინა რუსეთის მოქალაქეობის მიღება მისი ნიჭიერი თანამემამულეებისთვის. პრეზიდენტმა ინიციატივას მხარი დაუჭირა.

„უნდა ითქვას, რომ ალინა გერლინია ბალტიისპირელია, — ამბობს კირიენკო, — მან გაბედულად წამოაყენა წინადადება, ჩვენს კონკურსში კი ბევრ უცხოელს სურს მონაწილეობის მიღება. ჩვენ სოციოლოგიური კვლევა ჩავატარეთ და მისი შედეგებით, გამოკითხულთა 93%-ს რუსეთში დარჩენა სურს საცხოვრებლად და სამუშაოდ. 80%-ს მიაჩნია, რომ კონკურსი — ეს ზუსტად ისაა, რაც საკუთარი შესაძლებლობების წარმოჩენის საშუალებას მისცემს“.

მაგრამ, როგორც თავად ალინა გერლინიას მიაჩნია, ყველა უცხოელი ვერ არის ისეთი ჯიუტი, რომ ყველა ბიუროკრატიული წინააღმდეგობა გადალახოს და ქვეყანაში დარჩეს. „რუსეთში ნიჭიერი ადამიანები უნდა მოხვდნენ. ზოგჯერ მათთვის ბიძგის მიცემაა საჭირო და კონკურსი „რუსეთის ლიდერები“ ამის შესანიშნავი შესაძლებლობაა“, — თქვა მან.

ბინადრობის უფლება თუ მოქალაქეობა ბონუსად

კონკურსის საერთაშორისო მიმართულებაში მონაწილეობისთვის რამდენიმე მოთხოვნა არსებობს: უნდა იყოთ უცხო ქვეყნის მოქალაქე, ასაკი არ უნდა აღემატებოდეს 55 წელს, უნდა გქონდეთ არანაკლებ ორწლიანი მენეჯერული გამოცდილება. ტრეკის ფინალისტებისა და გამარჯვებულებისთვის პრიზებს შორისაა: საგანმანათლებლო გრანტი ერთ მილიონ რუბლზე, მუშაობა მენტორთან, რომელიც რუსული ბიზნესიდან ან სახელმწიფო მართვიდან იქნება შერჩეული, ასევე რუსეთის მენეჯერულ საკადრო რეზერვში მოხვედრის შანსი.

თუმცა ყველაზე მთავარი ისაა, რომ ყველა მონაწილე, რომელიც ფინალში გავა, გარანტირებულად მიიღებს ბინადრობის უფლებას, ხოლო გამარჯვებულები რუსეთის მოქალაქეები გახდებიან დაჩქარებული წესით.

აღნიშნული პრაქტიკა უცხოელებისთვისაც სასარგებლოა და რუსეთისთვისაც, მიაჩნია ალექსეი კომისაროვს და დასტურად ისიც სტატისტიკას იშველიებს. უცხოელები მანამდეც მონაწილეობდნენ კონკურსში „რუსეთის ლიდერები“, თუმცა რუსეთის მოქალაქეებთან თანაბარ პირობებზე, და ყველაზე აქტიურად განაცხადები ახლო საზღვარგარეთის მოქალაქეებს შემოჰქონდათ. ტოპ–5-ში მოხვდნენ: უკრაინა, ბელარუსი, ყაზახეთი, უზბეკეთი და ლატვია.

„მიაქციეთ ყურადღება უცხოელი მონაწილეების განათლების დონესაც. მათი 36%-ზე მეტი მაგისტრია, არიან მეცნიერებათა კანდიდატები — 2,2%“.

ანტირუსული ფობიები აღარ მუშაობს

1990-იან წლებში პოსტსაბჭოთა სივრცე დიდი ხნით იქცა სხვა ქვეყნებში „ტვინების გადაქაჩვის“ უძირო ჭად — აშშ-დან სამხრეთ კორეამდე. დღეს ეს ვითარება უნდა გამოსწორდეს, — მიაჩნია ტელეარხ RT-ს, სააგენტო Россия сегодня-სა და სააგენტო Sputnik-ის მთავარ რედაქტორს მარგარიტა სიმონიანს.

„ვის აღარ მიჰყავდა ჩვენი IT–სპეციალისტები თუ ექიმები... ახლა დროა, ჩვენც წამოვიყვანოთ ნამდვილად წარმატებული ადამიანები ჩვენკენ, — ამბობს ის. — ტელეარხი RT დაფუძნების პირველივე დღიდან მუშაობს უცხოელებთან. როცა ყველაფერი იწყებოდა, როცა ის–ის იყო, ხალხს ვკრებდით, გაოგნებული ვიყავი, რაოდენ ბევრ უცხოელს სურდა ჩვენთან სამუშაოდ ჩამოსვლა. არადა, მაშინ, 2005 წელს რუსეთი ესოდენ მიმზიდველი ქვეყანა არ იყო — მაშინ ჯერ არც ვაქცინა Sputnik V იყო გამოგონებული და არც სხვა ბევრი კარგი რამ“.

როგორც რუსეთის პრეზიდენტის სპეცწარმომადგენელი მიხაილ შვიდკოი ამბობს, ყურადღება სხვა მნიშვნელოვან მომენტზეც უნდა გამახვილდეს: კონკურსის საერთაშორისო მიმართულება თავის სახელწოდებას ინარჩუნებს, ანუ უცხოელები ასევე შეიძლება იყვნენ რუსეთის ლიდერები.

„რუსეთი აღმოჩენების ქვეყანაა და ეს პროექტი აჩვენებს, რომ რუსოფობიული მოდელები არ მუშაობს, ისინი ფასს კარგავს, — ამბობს შვიდკოი. — ადამიანები შეიძლება სხვა ქვეყნებშიც ცხოვრობდნენ, იყვნენ სხვა ეროვნებისა, მაგრამ იციან ენა და თავს რუსებად გრძნობენ. ეს არის კიდეც რუსული სამყარო“.

14
თემები:
რუსეთი დღეს (816)
პასკის გარდაქმნა

როგორ გადააქციოთ ჩვეულებრივი სააღდგომო პასკა ხელოვნების შედევრად - საოცარი ვიდეო

0
(განახლებულია 22:51 14.04.2021)
ბოლო წლებში საქართველოში რამდენიმე ახალი ინგრედიენტის გამოყენებაც დაიწყეს - იყენებენ თეთრ და შავ შოკოლადს, ქიშმიშს, სუკატს და ჩირს.

აღდგომა პასკის გარეშე წარმოუდგენელია. პასკა, იგივე ტკბილი პურია, რომელსაც მრავალი საუკუნეა დასავლეთ და აღმოსავლეთ ევროპის ქვეყნებში აცხობენ.

უფრო კონკრეტულად კი მისი პირველად მომზადება ებრაულ დღესასწაულს პასექს უკავშირდებოდა. აღსანისნავია, რომ ებრაელები მას საფუარის გარეშე, ხოლო აღმოსავლეთ ქვეყნებში საფუარით ამზადებენ.

ბოლო წლებში საქართველოში რამდენიმე ახალი ინგრედიენტის გამოყენებაც დაიწყეს — იყენებენ თეთრ და შავ შოკოლადს, ქიშმიშს, სუკატს და ჩირს.

პასკების მრავალფეროვანი არჩევანია გლოვოზეც, სადაც არაერთი ობიექტის, უგემრიელესი პასკა ახლავე შეგიძლია გამოიძახო.

0
თემები:
სახალისო და საინტერესო ვიდეოები