რუსეთისა და აშშ-ის სახელმწიფო დროშები

აშშ-სა და რუსეთს შორის მოქმედების ვექტორი იცვლება: ექსპერტის განმარტება

250
(განახლებულია 14:43 20.01.2021)
შეთანხმება СНВ-III, რომელსაც ხელი 2010 წელს მოეწერა, ხოლო ძალაში 2011 წლის 5 თებერვალს შევიდა, ერთადერთი მოქმედი შეთანხმებაა რუსეთსა და აშშ-ს შორის შეიარაღების შეზღუდვის თაობაზე

თბილისი, 20 იანვარი — Sputnik. აშშ–ის არჩეული პრეზიდენტის, ჯო ბაიდენის ადმინისტრაცია აპირებს, ინაუგურაციისთანავე განიხილოს საკითხი СНВ-III–ის შესაძლო გაგრძელების შესახებ, განაცხადა სახელმწიფო მდივნის პოსტზე წარდგენილმა კანდიდატმა ენტონი ბლინკენმა.

მისი თქმით, თეთრი სახლის ახალი გუნდი შეეცდება მიაღწიოს სტრატეგიული შემტევი შეიარაღების შემცირებისა და შეზღუდვის შესახებ ხელშეკრულების (СНВ-III) შემდგომ გაგრძელებას.  

ამასთან, როგორც  ბლინკენი ირწმუნება, ადმინისტრაცია არ დაეთანხმება არცერთ შეზღუდვას რაკეტსაწინააღმდეგო თავდაცვის სისტემებთან დაკავშირებით.

აშშ–ის ამ განზრახვაზე  რადიო Sputnik–ის ეთერში კომენტარი გააკეთა სამხედრო პოლიტოლოგმა ანდრეი კოშკინმა.

„ბაიდენის ადმინისტრაციის განზრახვას, რომ მათ СНВ-III–ს გაგრძელება სურთ, მხოლოდ მივესალმებით. ეს გარკვეულწილად ცვლის აშშ–სა და რუსეთის ფედერაციას შორის ურთიერთქმედების ვექტორს. გამალებული ბირთვული შეიარაღების შეკავების მექანიზმის შენარჩუნებისკენ სწრაფვა ალბათ იქნება შეერთებული შტატების ადმინისტრაციის სხვა პოლიტიკის დასაწყისი  სტრატეგიული შეიარაღების შეკავების კუთხით. ეს, დიდი ალბათობით, სხვა შეთანხმებებამდე მიგვიყვანს, რომლებიც სრული მოცულობით შეუწყობს ხელს სახელმწიფოთა ბირთვული საშუალებების გაკონტროლებას — მათ შორის, აშშ–საც“, — აღნიშნა ექსპერტმა.

შეთანხმება СНВ-III, რომელსაც ხელი 2010 წელს მოეწერა, ხოლო ძალაში 2011 წლის 5 თებერვალს შევიდა, ერთადერთი მოქმედი შეთანხმებაა რუსეთსა და აშშ-ს შორის შეიარაღების შეზღუდვის თაობაზე. მის თანახმად, თითოეულმა მხარემ თავისი ბირთვული არსენალი აუცილებლად უნდა შეამციროს იმგვარად, რომ შეიარაღების ჯამური რაოდენობა არ აღემატებოდეს 700 კონტინენტთაშორის ბალისტიკურ რაკეტას, წყალქვეშა ნავების ბალისტიკურ რაკეტებსა და მძიმე ბომბდამშენებს, 1500 ქობინს („ბოეგოლოვკა“) და 800 განთავსებულ და განუთავსებელ გამშვებ მოწყობილობას.

ყოველგვარი პირობის გარეშე: პუტინი СНВ-3-ის გახანგრძლივებაზე ინიციატივით გამოდის>>

გარდა ამისა, შეთანხმება ავალდებულებს მოსკოვსა და ვაშინგტონს, გაცვალონ ინფორმაცია ქობინების რაოდენობასა და მათ მატარებლებზე წელიწადში ორჯერ.

2018 წლის 5 თებერვალი იყო უკიდურესი ვადა, რა დროისთვისაც რუსეთსა და შეერთებულ შტატებს СНВ-III-ის შეთანხმებაზე საკონტროლო მაჩვენებლებისთვის უნდა მიეღწიათ. შეთანხმებას ვადა 2021 წლის თებერვალში გასდის. ვაშინგტონი სხვადასხვა პირობებით მოითხოვს მოლაპარაკებებში პეკინის ჩართვას ახალი სამმხრივი ბირთვული შეთანხმების შესამუშავებლად. ჩინეთი ამ იდეას უარყოფს.

250
თემები:
რუსეთი დღეს (764)
მასობრივი ვაქცინაცია COVID-19-ზე

მოსკოვში „სპუტნიკ ლაიტით“ მოხალისეების ვაქცინაცია დაიწყო

16
(განახლებულია 17:59 27.02.2021)
ასეთი აცრა კორონავირუსისგან ოთხი-ხუთი თვის განმავლობაში იცავს და დაავადების მძიმე მიმდინარეობის ალბათობის შემცირების საშუალებას იძლევა, აცხადებენ რუსეთში

თბილისი, 24 თებერვალი - Sputnik. მოსკოვში კორონავირუსის საწინააღმდეგო ვაქცინა Спутник Лайт-ის კვლევის პირველი მონაწილეები აიცრნენ, იუწყება РИА Новости სოციალური განვითარების საკითხებში მერის მოადგილე ანასტასია რაკოვაზე დაყრდნობით.

„სპუტნიკ ლაიტი“ წარმოადგენს „სპუტნიკV"-ს პირველ კომპონენტს. გამალეის ცენტრის ხელმძღვანელის, ალექსანდრ გინცბურგის თქმით, ასეთი აცრა COVID-19-ის ოთხი-ხუთი თვის განმავლობაში იცავს და დაავადების მძიმე მიმდინარეობის ალბათობის შემცირების საშუალებას იძლევა.

„როგორც ნავარაუდევია, ეს ვაქცინა იქნება გამოყენებული 18-დან 30 წლამდე ასაკის ადამიანებისთვის, რომლებსაც კარგი იმუნური პასუხი უმუშავდებათ და პირველი რეპლიკაციისას მათ ანტისხეულების საკმარისი დონე ექმნებათ. „სპუტნიკ ლაიტი“ „სპუტნიკV"-სთან ერთად ვაქცინაციისთვის მეტ შესაძლებლობას იძლევა“, - განაცხადა რაკოვამ.

კვლევაში ჩართვა შეუძლია 18 წელს ზემოდ ასაკის ნებისმიერ მოხალისეს, თუ მას არ გადაუტანია და ახლაც არ არის ავად კორონავირუსით (და ბოლო ორ კვირაში არ ჰქონია მწვავე რესპირატორულ-ვირუსული ინფექცია), თუ არ აღმოაჩნდა SARS-CoV-2-ის მიმართ ანტისხეულები, არ აღენიშნება მძიმე ალერგიული რეაქციები ან ალერგიის გამწვავება. მძიმე ქრონიკული დაავადებების მქონე ადამიანებს კვლევაში მონაწილებას არ ურჩევენ. ასევე ვერ გახდება მოხალისე ორსული და მეძუძური დედა.

რაკოვას თქმით, მოსკოვში ასევე იგეგმება კორონავირუსის საწინააღმდეგო ვაქცინის ნაზალური ფორმის კვლევა. სავარაუდოდ, მას გამოიყენებენ იმ პირებზე, ვისაც ინიექცია ეკრძალება.

გარდა ამისა, მოსკოვში ასევე „სპუტნიკV"-ს მოზარდებზე კვლევა იგეგმება.

რუსეთის ჯანდაცვის სამინისტრომ „სპუტნიკ V“ 2020 წლის აგვისტოში დაარეგისტრირა. ესაა COVID-19-ის პროფილაქტიკისთვის განკუთვნილი მსოფლიოში პირველი ვაქცინა. პრეპარატი შეიქმნა ადამიანის ადენოვირუსული ვექტორების შესწავლილ და შემოწმებულ პლატფორმაზე. კლინიკური კვლევების მესამე ფაზაში „სპუტნიკ V“-მ გამოავლინა 91,6%-იანი ეფექტურობა და უსაფრთხოება. ვაქცინა სრულად იცავს ორგანიზმს ახალი კორონავირუსული ინფექციის მძიმე შემთხვევებისგან.

„სპუტნიკ V“-ს გარდა, რუსეთში დარეგისტრირებულია კიდევ ორი ვაქცინა - ნოვოსიბირსკის ცენტრ „ვექტორის“ პრეპარატი „ეპივაკკორონა“ და ჩუმაკოვის ცენტრის „კოვივაკი“.

16

როგორ გაყო სომხეთი ფაშინიანის განცხადებამ „ისკანდერების შესახებ“. რას ამბობენ რუსეთში

49
სომხეთის ოპოზიცია არ ნებდება და ქვეყნის პრემიერ-მინისტრ ნიკოლ ფაშინიანის გადადგომის მოთხოვნას განაგრძობს

უკვე მეორე დღეა ერევანში თავისუფლების მოედანზე კარვებია გაშლილი. მომიტინგეებმა პარლამენტის შენობის წინ გაათენეს. ხელისუფლების პოლიტიკით უკმაყოფილების ტალღამ პიკს მიაღწია ფაშინიანის განცხადების შემდეგ რუსული „ისკანდერების“ შესახებ. როგორ გაყო სომხეთის საზოგადოება ორ ბანაკად ოპერატიულ-ტაქტიკულ კომპლექსებზე საუბარმა? და გამოიყენებოდა თუ არა „ისკანდერები“ მთიან ყარაბაღში?

49
ყვავილი თოვლზე

დღის ასტროპროგნოზი ზოდიაქოს ნიშნებისთვის: 28 თებერვალი

0
(განახლებულია 16:48 27.02.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 28 თებერვალია, კვირა. კლებადი მთვარე ქალწულის ნიშანშია. ამ დღეს პლანეტა მზე მფარველობს.

დღეს ინტუიცია და შემოქმედებითი პოტენციალი პიკს მიაღწევს. ის, რასაც სხვა დროს დიდ დროს ანდომებთ, დღეს იოლად გამოგივათ. ეს ეხება სწავლას, მუშაობას, მეცნიერულ საქმიანობას. ამასთან, დღეს პასიურობის დღეცაა და მაღალი შემოქმედებითი პოტენციალი შინაგანად შეიძლება დაუპირისპირდეს იმას, რომ ამ პოტენციალის რეალიზების სურვილი არ გექნებათ. ასე რომ, თუ გინდათ, რამე შედეგს მიაღწიოთ, თავი ხელში აიყვანეთ, ნებისმყოფა მოიკრიბეთ და საქმეს შეუდექით.

საუკეთესო კოლეგები ზოდიაქოს ნიშნის მიხედვით>>

ვერძი: თუ მოისურვებთ, დღეს ბევრი რამის მიღწევა შეგიძლიათ, მაგრამ დიდი ალბათობაა იმისა, რომ ეს სურვილი შეიძლება არ გაგიჩნდეთ. დღე რომ გაიმრავალფეროვნოთ, საკმარისია, რამე საქმემ ან იდეამ გაგიტაცოთ, ან საწინააღმდეგო სქესის წარმომადგენელმა. ამ უკანასკნელ შემთხვევაში თქვენს აქტიურობას დიდი წახალისება აღარ დასჭირდებათ – თქვენი შეჩერება, შეიძლება ითქვას, უკვე შეუძლებელი გახდება.

ვერძი: დღეს განწყობა იმისა, რომ ორგანიზატორული უნარები გამოავლინოთ, არ გაქვთ, მაგრამ მაინც თუ მოგიწიათ რამის ორგანიზება, ამას შესანიშნავად გაართმევთ თავს და შედეგებით ყველას გაახარებთ. რა სახისაც არ უნდა იყოს ღონისძიება, თქვენთვის საკმაირისია, რომ ინიციატივა აიღოთ ხელში და ამოცანები გადაანაწილოთ – გარშემომყოფები დიდი სიამოვნებით აგყვებიან და დაგეხმარებიან.

ტყუპი: დღეს არაფრის გაკეთების ხალისი არა გაქვთ. ამაში სიტუაციაც შეგიწყობთ ხელს – თქვენგან არ მოითხოვება რამე გმირობის ჩადენა ან გადაუდებელი საქმეების გაკეთება. და საჭიროც რომ იყოს თქვენი ჩარევა საქმეებში, იმდენად არასაქმიან განწყობაზე ხართ, რომ ამის შეცვლა, პრაქტიკულად, შეუძლებელი იქნება. საქმე მოიცდის – სწორედ ესაა დღეს თქვენი დევიზი. ამიტომ ეს დღე სამ მიმართულებას უნდა დაუთმოთ – საკუთარ თავს, ახლობლებსა და... კიდევ საკუთარ თავს.

კირჩხიბი: ძალზე იღბლიანი დღეა. ხართ ძალზე ენერგიული და გაქვთ შესაძლებლობა, ეს ბრწყინვალედ გამოიყენოთ. ნებისმიერი საქმე, რომელსაც ხელს მოკიდებთ, შეგიძლიათ წინ წაწიოთ, დაძრათ მკვდარი წერტილიდან. ვარსკვლავები გირჩევენ, დრო წვრილმანებზე არ დაკარგოთ – დღეს ძალიან გიმართლებთ, ხართ იღბლიანი, ამიტომ აჯობებს, თუ ისეთ საქმეს შეეჭიდებით, რომელიც მეტ სარგებელს მოგიტანთ.

ლომი: დღეს თქვენთვის არარეკომენდებულია დიდ საქმეებთან შეჭიდება. და სიმართლე უნდა ითქვას, არც პატარა საქმეებთან. ბოლო ხანს დიდი ძალა დახარჯეთ და საკმარისია დინების საწინააღმდეგოდ ცურვა, დროა, მოდუნდეთ და დაისვენოთ. ამასთან, ვარსკვლავები გირჩევენ, ყურადღება ცხოვრების იმ სფეროებს მიაქციოთ, რომლებიც ბოლო დროს თქვენი თვალთახედვის არეში აღარ მოქცეულა. გაითვალისწინეთ, რომ დასვენება მხოლოდ დივანი და ტელევიზორი არაა – შეგიძლიათ შეხვდეთ მეგობრებს, ოჯახის წევრებთან სასიამოვნო საღამო გაატაროთ, არ რომანტიკულ შეხვედრაზე იფიქროთ...

ქალწული: დღეს გარშემომყოფებთან დისონანსში იქნებით. მათ გაუჭირდებათ თქვენს ტემპზე აყოლა, თავად კი გრძნობთ, რომ უამრავი რამის გაკეთება შეგიძლიათ. საქმიანი აქტიურობა, მახვილი გონება და საჭირო დროს საჭირო რამეზე „კლანჭის“ გამოდების უნარი უმაღლეს დონეზე იქნება. აქედან გამომდინარე, გარშემომყოფების აპათია და გულგრილობა, სავარაუდოდ, გაგაღიზიანებთ. ამიტომ დილიდან განეწყვეთ იმისთვის, რომ დღეს მხოლოდ საკუთარი ძალების იმედი უნდა გქონდეთ.

სასწორი: მიეცით უფლება თქვენ ირგვლივ მყოფ ადამიანებს, რომ თავიანთი პრობლემები თვითონ გადაჭრან. იმის ნაცვლად, რომ დრო სხვებზე დაკარგოთ, აჯობებს, თუ რამე სასიამოვნოს გააკეთებთ, მაგალითად, შემოქმედებით საქმიანობას შეუდგებით. ზუსტი მეცნიერებებისადმი კი ნამდვილად არ ხართ განწყობილი, ვერანაირად ვერ მოგხიბლავთ ციფრები, გრაფიკები და ცხრილები, ასე რომ, სჯობს შემოქმედებით აქტიურობაში გადაეშვათ თავით.

მორიელი: დღეს, უბრალოდ, ვალდებული ხართ, რომ საკუთარი აზრები სამყაროს გაუზიაროთ, ან, უკიდურეს შემთხვევაში, ამ სამყაროს მცირე ნაწილს მაინც – ახლობლებს, კოლეგებსა თუ მეგობრებს. თქვენი ტვინი მკაფიოდ და არასტანდარტულად იმუშავებს და დიდებული იდეების გენერატორი გახდება. ამასთან, გამორიცხული არაა, რომ გარშემომყოფებმა ეს იდეები ვერ დააფასონ, ვერ გაიგონ. მაგრამ რას ვიზამთ – დღეს ნამდვილად ყველაზე წინ ხართ, ამიტომ ხანდახან უნდა შეჩერდეთ, რომ სხვებს საშუალება მისცეთ, დაგეწიონ.

მშვილდოსანი: დღეს, სავარაუდოდ, არ გექნებათ საკმარისი ძალა იმისთვის, რომ ენთუზიაზმით აკეთოთ საქმე. განწყობა გაქვთ იმგვარი, რომ რაც შეიძლება ნაკლები მოძრაობა გააკეთოთ. სამაგიეროდ, გონება იმუშავებს უმაღლეს დონეზე და პირველ რიგში, სამუშაო გეგმების დაწყობაზე. თქვენი აზრები, პირველ რიგში, უდიდესი ლოგიკურობითა და მოულოდნელი სვლებით იქნება გამორჩეული. ამ დღის ჩანაფიქრებს მომავალში კარიერული წინსვლისა და კარგი შემოსავლის უზრუნველყოფა შეუძლია.

თხის რქა: დღეს გაგიმართლებთ. მოგიწევთ იმის გაკეთება, რაც გიყვართ. ვარსკვლავები არჩევანსაც არ დაგიტოვებენ – სხვა რამეს თუ მოკიდებთ, მაინც ვერაფერს მიაღწევთ. რუტინული საქმეები აუტანელი იქნება თქვენთვის. მაგრამ თუ რამე საქმე მართლა დაგაინტერესებთ, ის აურაცხელ სასიამოვნო ემოციას მოგიტანთ და ამასთან, შესანიშნავ შედეგსაც მიიღებთ.

მერწყული: დღეს თავის გამოჩენა შეგიძლიათ როგორც შესანიშნავ მეგობარსაც და როგორც საშიშ მეტოქესაც, ანუ ვის როგორ გაუმართლებს. ხართ გამჭრიახი, გრძნობთ ვითარებას და ყველაფერს გზადაგზა იტაცებთ. ნებისმიერი თქვენი გეგმა, რასაც არ უნდა ეხებოდეს ის (მეგობრებთან ერთად დროის გატარება თუ ვინმესთვის „სისხლის გაშრობა“), შემოქმედებითი აღმაფრენით იქნება გაჯერებული. ორივე შემთხვევაში წარმატება გელოდებათ. ასე რომ ოპონენტებს ურჩევნიათ, თქვენთან მეგობრობა არჩიონ.

თევზები: დღეს, შეიძლება ითქვას, გარკვეულწილად ჩიხში იქნებით მოქცეული. კარგია, თუ ვითარება თქვენგან სწრაფ გადაწყვეტილებებს არ მოითხოვს – მაშინ თქვენი გონებაგაფანტულობა განსაკუთრებულ ზიანს არ მოგაყენებთ; მაგრამ თუ სერიოზული საქმის გაკეთება მოგიწიათ, არაა გამორიცხული, უეცრად ერთ ადგილზე გაშეშდეთ ან თავი ქვიშაში დამალოთ. სხვა სიტყვებით რომ ვთქვათ, დღეს თქვენთვის ნებისმიერი აქტიური საქმიანობა უკუნაჩვენებია გარდა იმისა, რომელსაც არა შედეგისთვის, არამედ საკუთარი სიამოვნებისთვის გააკეთებთ.

0