კორონავირუსის საწინააღმდეგო რუსული ვაქცინა „ეპივაკკორონა“

„ეპივაკკორონა“ 100%-ით ეფექტურია: „როსპოტრებნადზორმა“ დეტალები გაასაჯაროვა

39
კორონავირუსის საწინააღმდეგო რუსულმა ვაქცინამ „ეპივაკკორონა“ კლინიკური ცდების დროს უმაღლესი დონის ეფექტურობა აჩვენა

თბილისი, 19 იანვარი – Sputnik. „როსპოტრებნადზორის“ პრესსამსახურმა განაცხადა, რომ COVID-19-ის საწინააღმდეგო პრეპარატ „ეპივაკკორონას“ იმუნოლოგიურმა ეფექტურობამ კლინიკური ცდების პირველი და მეორე ფაზების შედეგების მიხედვით 100% შეადგინა.

ვაქცინა კუნთებში ორჯერ გაკეთდება 14–21 დღიანი ინტერვალით და თითოეული ინექციის რაოდენობა 0,5 მილილიტრი იქნება.

ასევე დასაშვებია ვაქცინის ერთი კომპონენტით აცრა იმ შემთხვევაში, თუ ადამიანმა COVID-19 ადრე გადაიტანა.

„მაგრამ „ეპივაკკორონას“ ერთი დოზის ინიექცია არ გამოიწვევს სიძლიერითა და ხანგრძლივობით ოპტიმალურ იმუნურ პასუხს“, - დააზუსტეს „როსპოტრებნადზორში“ და აღნიშნეს, რომ ეს საკითხი დამატებით კვლევას მოითხოვს.

„ეპივაკკორონა“, რომელიც ნოვოსიბირსკის სამეცნიერო ცენტრ „ვექტორში“ პეპტიდური ანტიგენების საფუძველზე შექმნეს, ოქტომბერში დაარეგისტრირეს. ცდების მესამე ეტაპი გრძელდება: მათში მონაწილეობას 40 ათასი მოხალისე იღებს, მათ შორის 60 წელს ზემოდ ასაკის და ქრონიკული დაავადებების მქონე ადამიანები. სამოქალაქო ბრუნვაში უკვე გამოშვებულია 45 ათასი დოზა, მასშტაბური წარმოება თებერვალში დაიწყება.

39

COVID-19 უკან იხევს: დსთ-ის ქვეყნებში ინფიცირების რიცხვი იკლებს

12
(განახლებულია 21:23 02.03.2021)
კორონავირუსი უკან იხევს, ამან უკვე სტაბილური სახე მიიღო, განაცხადეს „როსპოტრებნადზორში“. COVID-19-თან ბრძოლაში წარმატება მოიტანა ტესტირებამ, სოციალურმა დისტანციამ და ვაქცინაციამ.

შესაძლებელია თუ არა კოლექტიური იმუნიტეტის გამომუშავება აცრის გარეშე? როდის დაარეგისტრირებენ რუსული პრეპარატი „სპუტნიკ V“-ს მსუბუქ ფორმას? გაქრება თუ არა ჩვენი ცხოვრებიდან COVID-19 სამუდამოდ? – იხილეთ ვიდეო.

12
დმიტრი პესკოვი

უწესებს თუ არა აშშ რუსეთს ახალ სანქციებს? პესკოვის კომენტარი

16
(განახლებულია 21:14 02.03.2021)
რუსეთის პრეზიდენტის პრეს-მდივნის თქმით, ქვეყნის ხელისუფლებას არ სურს დაეყრდნოს მასმედიით გავრცელებულ ინფორმაციებს.

თბილისი, 2 მარტი — Sputnik. კრემლში ჯერჯერობით არ კეთდება კომენტარი აშშ-ის მიერ რუსეთისთვის ახალი სანქციების დაწესების თაობაზე, განაცხადა რუსეთის პრეზიდენტის პრეს-მდივანმა დმიტრი პესკოვმა.

მანამდე გავრცელებული ინფორმაციის თანახმად, შეერთებული შტატები რუსეთისთვის სანქციების დაწესებას ალექსეი ნავალნის საქმესთან დაკავშირებით 2 მარტს გეგმავდა.

„ალბათ უადგილოა კომენტარი ახალი სანქციებისა თუ რაიმე შეზღუდვების დაწესებაზე, რომლებიც ჯერ არ შემოღებულა. ჩვენ არ გვსურს დავეყრდნოთ მედიასაშუალებების ანონსებს იმასთან დაკავშირებით, თუ როდის და რა რესტრიქციები დაწესდება“, — განუცხადა პესკოვმა ჟურნალისტებს.  

მოსკოვის სასამართლომ 2 თებერვალს გააუქმა ალექსეი ნავალნის მიმართ პირობითი სასჯელი „ივ როშეს“ საქმეზე და 3,5 წლით თავისუფლების აღკვეთა შეუფარდა საერთო რეჟიმის კოლონიაში გამოსაცდელი ვადის არაერთხელ დარღვევისთვის. მოსკოვის საქალაქო სასამართლომ კანონიერად მიიჩნია ნავალნისთვის პირობითი სასჯელის რეალურით შეცვლა. მას კოლონიაში დაახლოებით 2,5 წლის გატარება მოუწევს.

რუსეთმა არაერთხელ უარყო, რომ ნავალნის დევნას პოლიტიკური ხასიათი აქვს, რაც, სააგენტო РИА Новости-ს ცნობით, ასევე დაადასტურა ადამიანის უფლებათა ევროპულმა სასამართლომაც. თუმცა მან რუსეთის ხელისუფლებას ალექსეი ნავალნისთვის შინაპატიმრობის მისჯის გამო კომპენსაციის გადახდა დააკისრა, რომელიც უკვე გადახდილია.

ალექსეი ნავალნის ინციდენტი

ალექსეი ნავალნი გასული წლის 20 აგვისტოს გადაიყვანეს ომსკის ჰოსპიტალში მას შემდეგ, რაც ის შეუძლოდ გახდა თვითმფრინავში. გამოკვლევის შემდეგ ომსკელმა ექიმებმა პაციენტის შეუძლოდ გახდომის ძირითად მიზეზად ნივთიერებათა ცვლის დარღვევა დაასახელს, რამაც სისხლში შაქრის დონის მკვეთრი ცვლილება გამოიწვია. ომსკელ მედიკოსებს ნავალნის სისხლსა და შარდში საწამლავის ნიშნები არ აღმოუჩენიათ.

მოგვიანებით ბლოგერი გერმანიაში გადააფრინეს. გერმანიის მთავრობამ სამხედრო ექიმებზე დაყრდნობით განაცხადა, რომ ნავალნი „ნოვიჩოკის“ ჯგუფის სუბსტანციითაა მოწამლული. კრემლში ამასთან დაკავშირებით ითქვა, რომ ბერლინს არ უცნობებია მოსკოვისთვის თავისი დასკვნები.

ამასთან რუსეთი აცხადებს, რომ გერმანიის დაზვერვას (BND) 1990-იანი წლებიდან აქვს წვდომა „ნოვიჩოკზე“, ხოლო კიდევ ოცი დასავლური ქვეყანა, მათ შორის, დიდი ბრიტანეთი, აშშ, შვედეთი და ჩეხეთი სწავლობდნენ მას. რაც შეეხება რუსეთს, მოსკოვის განმარტებით, პრეზიდენტის 1992 წლის ბრძანებულების შესაბამისად, ქვეყანამ შეწყვიტა ქიმიური იარაღის სფეროში სამუშაოების წარმოება, ხოლო 2017 წელს სრულად გაანადგურა ამგვარი ნივთიერებების არსებული მარაგი.

ოქტომბრის დასაწყისში ქიმიური იარაღის აკრძალვის ორგანიზაციამ განაცხადა, რომ ნავალნის ორგანიზმში აღმოჩენილი ნივთიერებები არ არის შესული აკრძალული პრეპარატების ნუსხაში, თუმცა ისინი მახასიათებლებით „ნოვიჩოკის“ ანალოგიურია. მიუხედავად ამისა, ევროკავშირმა მაინც დააწესა ანტირუსული სანქციები.

16
თემები:
რუსეთი დღეს
გაზაფხული

დღის ასტროპროგნოზი ზოდიაქოს ნიშნებისთვის: 3 მარტი

0
(განახლებულია 11:56 02.03.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 3 მარტია, ოთხშაბათი. კლებადი მთვარე მორიელის ნიშანშია. ამ დღეს პლანეტა მერკური მფარველობს.

სასიამოვნო, როდესაც იღვიძებ და მოზღვავებულ ენერგიასა და ძალას გრძნობ. სწორედ ასეთია დღევანდელი დღე. ენერგია თუ გაღვიძებისთანავე არა, დღის განმავლობაში აუცილებლად მომძლავრდება. საქმეების თვალსაზრისით შესაფერისი დროა იმისთვის, რომ დაიცვათ საკუთარი თვალსაზრისი და გამოაჩინოთ ხასიათი (ოღონდ ზედმეტი არ მოგივიდეთ). არცთუ წარმატებული დღეა მოლაპარაკებებისა და საქმეების განხილვისთვის.

ზოდიაქოს ხუთი რჩეული ნიშანი – ვის გაუმართლებს ამ გაზაფხულზე>>

ვერძი: დღეს თქვენ მიმართ ოპოზიციურად განწყობილ ადამიანებს შეეჯახებით. ვიღაცას შეუძლია, პირში მოგახალოთ საკმაოდ არასასიამოვნო სიტყვები. მაგრამ ეს არ შეგაშფოთებთ – საბრძოლველად ხართ განწყობილი და არ გაუშვებთ შანსს ხელიდან, რომ კონკურენტი მიწასთან გაასწოროთ... ან დაუმეგობრდეთ მას – არც ესაა გამორიცხული, რადგან დღეს პარადოქსული მოქმედებები თქვენგან გამორიცხული არაა. სინამდვილეში, შეგიძლიათ, ვითარება რამდენიმე ნაბიჯით წინ გათვალოთ და შორს მიმავალი გეგმები შეადგინოთ.

კურო: დღეს დისკუსიის განწყობაზე ხართ და თან ნებისმიერთან, ნებისმიერ თემაზე. მზად ხართ, ყველას დაუმტკიცოთ თქვენი თვალსაზრისი და სიმართლე. თუნდაც გარშემომყოფები გეთანხმებოდნენ, მაინც იპოვით საბაბს, რომ იკამათოთ. მოხერხებულად შეგიძლიათ ირგვლივ მყოფების პროვოცირება მხოლოდ იმისთვის, რომ სათქმელი გქონდეთ – ისინი მართლები არ არიან. ვერაფერს გავაწყობთ – ასეთ განწყობაზე ხართ დღეს.

ტყუპი: დღეს რასაც არ უნდა მოკიდოთ ხელი, ყველაფერს სერიოზულად გააკეთებთ, ისე, თითქოს ამაზე იყოს თქვენი ცხოვრება დამოკიდებული. ეს ცუდი არაა, როდესაც საქმე სამუშაოს ან ნამდვილად მნიშვნელოვან პროექტებს ეხება. თუმცა ყოფით საკითხებში ასე ჯიქურ მოქმედება არ ივარგებს. ყველა ფრონტზე ერთდროულად ამგვარი დამოკიდებულებით მოქმედება თქვენს ძალებს გამოფიტავს. ეს რომ ასე არ მოხდეს, აჯობებს, თუ პრიორიტეტებს დილითვე გაანაწილებთ და გადაწყვეტთ, რა საქმეში ღირს „რქებით მიწოლა“ და რაში – არა.

კირჩხიბი: მზად ხართ, გარშემომყოფებს თქვენი უპირატესობანი აჩვენოთ. ზოგჯერ ეს თავისდაუნებურად გამოგივათ, რადგან ბევრ საქმეს არაჩვეულებრივად გაართმევთ თავს. ხართ ენერგიული, მტკიცედ განწყობილი, გონებაგამჭრიახი და ამის წყალობით ყველაზე ჩახლართული საქმეების გადაწყვეტაც შეგიძლიათ. ამასთან, არ იქნებით ქედმაღალი და გარშემომყოფებს ზემოდან არ დაუწყებთ ყურებას. თუ ვინმეს თქვენი შეშურდება – ეს მისი პრობლემაა.

ლომი: დღეს უცნობ თანამოსაუბრეშიც კი სულიერად მონათესავე ადამიანის დანახვა შეგიძლიათ. ხართ გულწრფელი, პირდაპირი, გაქვთ ურთიერთობების სურვილი. ამასთან, ახლობლებისა და მეგობრების წრე ვიწრო მოგეჩვენებათ და ახალი კონტაქტების, ან ვინმეს უფრო ახლოს გაცნობის სურვილი გაგიჩნდებათ. გულითადი საუბარი შეიძლება ვინმე ბავშვთან, კოლეგასთან, ან, სულაც, შემთხვევით გამვლელთანაც კი გააბათ, და ეს საუბარი ბევრ რამეზე დაფიქრებას გაიძულებთ.

ქალწული: დღეს აჩქარება არ ივარგებს. ვარსკვლავები გაფრთხილებენ, რომ დაუფიქრებელი ნაბიჯებით, სპონტანურად რამის ყიდვის გადაწყვეტილებით ან საქმის სწრაფად გაკეთების სურვილით შეცდომები შეიძლება დაუშვათ. თუნდაც დარწმუნებული იყოთ საკუთარ გადაწყვეტილებები, მაინც ღირს, რომ კიდევ ერთხელ დაფიქრდეთ, ხოლო საუკეთესო იქნება, თუ ამ საქმეს საერთოდ გადადებთ შემდეგი დღეებისთვის. დღეს ვითარებამ თქვენ წინაშე, შესაძლოა, საბედისწერო საკითხები დააყენოს, ხოლო არასწორი პასუხის ფასი საკმაოდ დიდი იქნება.

სასწორი: დღეს რამე საკითხში თქვენი ძალის ჩვენება ნამდვილად არ გაწყენთ – ეს საჭირო შედეგს უზრუნველყოფს. ხართ საკუთარ თავში დარწმუნებული. მტკიცე და მშვიდი. ამის წყალობით ნებისმიერ მნიშვნელოვან საქმეში – სამსახურსაცა და სახლშიც შეგიძლიათ სიმტკიცე აჩვენოთ. პრინციპული პოზიციებითა და საკუთარი აზრის დაცვით ბევრ რამეს მიაღწევთ, ხოლო გარშემომყოფებს თქვენი მოსაზრებების გათვალისწინება და ნებსით თუ უნებლიეთ კომპრომისებზე წასვლა მოუწევთ.

მორიელი: დღეს უზარმაზარი ენერგია გაქვთ. შეგიძლიათ გააკეთოთ ისეთი რამ, რაც ადრე წარმოუდგენლად გეჩვენებოდათ. მიზნისკენ ნაბიჯის გადადგმა, რთული ამოცანის ამოხსნასთან მიახლოება ან ჩიხიდან გამოსავლის მოძებნა – ეს ყველაფერი თქვენთვის დღეს ძალიან ადვილია. შეიძლება მოგეჩვენოთ კიდეც, რომ გზაზე არანაირი ისეთი დაბრკოლება არ არის, რომელსაც ვერ გადალახავთ. და ეს ბევრ რამეში სიმართლეცაა.

მშვილდოსანი: დღეს მთელი ძალით მოგიწევთ დამალვა სხვა ადამიანების მცდელობებისგან, რომ თქვენს ცხოვრებაში უცერემონიოდ შემოიჭრან და თავი მოგაბეზრონ. განწყობა გაქვთ, რომ მშვიდად გააკეთოთ თქვენი საქმეები, მაგრამ გარშემომყოფები ხშირად არ გაცდიან: რაღაცას გთხოვენ, რაღაცას ითხოვენ თქვენგან, პრეტენზიებს გიყენებენ... დღის ბოლოს უზარმაზარი დაძაბულობა შეიძლება დაგიგროვდეთ და საკმარისი იქნება ერთი ნაპერწკალი, რომ მძლავრი აფეთქება მოხდეს.

თხის რქა: დღეს ძვირფას იდეებსა და აზრებს აფრქვევთ. გასაკვირი არაა, რომ მათი სწრაფად გაზიარება გინდათ სხვებისთვის. მაგრამ თუ ვერ მოახრეხებთ თქვენი აზრების „სამსჯავროზე“ გატანას, დიდად არ შეწუხდეთ. საკმარისი იქნება, თუ ერთ დაინტერესებულ და კარგ მსმენელს იპოვით და ასევე მყუდრო ადგილს, სადაც არავინ შეგიშლით ხელს. ეს დაგეხმარებათ, რომ თქვენი იდეა სრულყოთ და დაუმუშავებელი ალმასი ბრწყინვალე ბრილიანტად აქციოთ.

მერწყული: დღეს გარშემომყოფები გაგაღიზიანებენ. თუნდაც გზაზე არ გეღობებოდნენ და თქვენს მუშაობას არანაირად არ უშლიდნენ ხელს, შეიძლება მოგეჩვენოთ, რომ ირგვლივ მყოფები მხოლოდ თავიანთი არაორგანიზებული იერით გწყვეტენ მნიშვნელოვან საქმეებს. დიდ დროსა და ძალას დახარჯავთ იმაზე, რომ გარშემომყოფები „გონზე მოიყვანოთ“. ადამიანები კი იფიქრებენ, რომ არაფრის გამო ედავებით და მართალიც იქნებიან.

თევზები: დღეს გაქვთ შანსი, რომ რამე ახალსა და საინტერესოს წააწყდეთ, რაც მომავალში თქვენს ბედზე აისახება. ეს, შეიძლება, იყოს ადამიანი, ან ახალი ცოდნა, შთაბეჭდილება, გრძნობა... თქვენი განწყობაც იმგვარია, რომ ერთ ადგილზე გაჩერება არ გინდათ, მზად ხართ მოძრაობისა და სირბილისთვისაც კი, რომ თქვენს ბედს შეეგებოთ. თქვენი გულიცა და გონებაც გახსნილია იქნება, ხოლო ცნობისწადილი თამამი, რომელიც მოულოდნელი საქციელის ბიძგს მოგცემთ.

0