სერგეი ლავროვი

რუსეთის საგარეო პოლიტიკის ვექტორი: ლავროვმა 2020 წლის შედეგები შეაჯამა

43
რუსეთის საგარეო პოლიტიკური უწყების ხელმძღვანელმა სერგეი ლავროვმა ორშაბათის პრესკონფერენციაზე 2020 წლის შედეგები შეაჯამა

კონფლიქტი მთიან ყარაბაღში, ურთიერთობა აშშ-ის პრეზიდენტის ახალ ადმინისტრაციასთან და რუსი ჟურნალისტების დევნა ლატვიაში - რუსეთის მთავარმა დიპლომატმა ქვეყნის საგარეო პოლიტიკასთან დაკავშირებულ ყველაზე აქტუალურ საკითხებზე ისაუბრა.

ყარაბაღი საიდუმლოს გარეშე

რუსეთის, სომხეთისა და აზერბაიჯანის 9 ნოემბრის სამმხრივი განცხადება, რომელმაც წერტილი დაუსვა მთიან ყარაბაღში ექვსკვირიან საბრძოლო მოქმედებებს, არ შეიცავს არავითარ საიდუმლო დანართებს, განაცხადა ლავროვმა.

„არავითარი საიდუმლო დანართები არ არსებობს. ვერც ვხედავ, რა თემები შეიძლება იყოს რაღაც „საიდუმლოს“ საგანი“, - აღნიშნა მინისტრმა.

ამასთან, მან ხაზი გაუსვა, რომ მოსკოვს არც კი უფიქრია მთიანი ყარაბაღის დამოუკიდებლობის აღიარება და მისი შეყვანა რუსეთის შემადგენლობაში.

„რაც შეეხება იმ ეგზოტიკურ წინადადებას, რომ მთიანი ყარაბაღი რუსეთის ფედერაციის შემადგენლობაში შევიდეს... რამდენადაც მესმის, ყარაბაღის დამოუკიდებლობა არავის უღიარებია, მათ შორის, არც თავად სომხეთის რესპუბლიკას —ასეთი რამ აზრადაც არ მოგვსვლია. ჩვენ იმით ვხელმძღვანელობთ, რომ ამ რეგიონის ყველა საკითხი რეგიონის ქვეყნებს შორის, პირველ რიგში კი, აზერბაიჯანსა და სომხეთს შორის უნდა გადაწყდეს“, - განაცხადა ლავროვმა დღევანდელ პრესკონფერენციაზე.

გასული წლის სექტემბრის ბოლოს მთიან ყარაბაღში შეიარაღებული კონფლიქტი განახლდა,  რომელშიც სომხეთმა და აზერბაიჯანმა ერთმანეთი დაადანაშაულეს. რუსეთის შუამავლობით ქვეყნები 2020 წლის 10 ნოემბრიდან სამხედრო მოქმედებების სრულ შეწყვეტაზე შეთანხმდნენ. ხელშეკრულების პირობების მიხედვით, სომხეთი და აზერბაიჯანი დაკავებულ პოზიციებზე დარჩნენ, მთიანი ყარაბაღის ტერიტორიაზე კი რუსი სამშვიდობოები შევიდნენ, რომლებიც მხარეთა გამყოფი ხაზისა და ყარაბაღისა და სომხეთის დამაკავშირებელი დერეფნის გასწვრივ განლაგდნენ. გარდა ამისა, სომხეთი ქელბაჯარის, ლაჩინის და აღდამის რაიონის დათმობაზე დათანხმდა. მიმდინარეობს ტყვეთა გაცვლის პროცესი.

რას შეიძლება ველოდოთ ბაიდენისგან?

ლავროვმა განმარტა, რომ სახელმწიფო დეპარტამენტის თანამდებობებზე აშშ-ის ყოფილი ლიდერის, ბარაკ ობამას ეპოქის დიპლომატების წამოყენება მოსკოვსა და ვაშინგტონს შესაძლებლობას აძლევს, მოლაპარაკებები წინასწარი „შემზადების“ გარეშე დაიწყონ.

„ნაცნობი ხალხია. ეს, ერთი მხრივ, შემხვედრი სურვილის არსებობის შემთხვევაში, რუსულ-ამერიკულ დღის წესრიგთან დაკავშირებით იმ მრავალრიცხოვან წინადადებებზე რეაგირების სურვილის არსებობის შემთხვევაში, რომლებიც ჩვენ წამოვაყენეთ და რომლებიც კვლავ მაგიდაზეა, დიდი შესვენებისა და „შემზადების“ გარეშე მოლაპარაკებების დაწყების შესაძლებლობას იძლევა. მეორე მხრივ კი - საშუალებას გვაძლევს, მიახლოებით წარმოვიდგინოთ, რა ხაზს გაატარებენ აშშ-ის ახალი ადმინისტრაციის საგარეო პოლიტიკური გუნდის ძველი ახალი წევრები. მით უფრო, რომ თავად დიდად არც მალავენ თავიანთ ჩანაფიქრებს, გეგმებს რეგულარულ ინტერვიუებში, სტატიებსა და ყველა იმ რეკომენდაციაში, რომელიც შეერთებული შტატების მთავარ ანალიტიკურ ცენტრებში, მათ შორის, ატლანტიკურ საბჭოსა და სხვა სტრუქტურებში ისმის“, - აღნიშნა რუსმა მინისტრმა.

ლავროვი იმედოვნებს, რომ აშშ-ის ახალი პრეზიდენტი ჯო ბაიდენი შეიარაღებაზე კონტროლის სპეციალისტია.

„დაველოდოთ, თავად ჯო ბაიდენიც განიარაღების სფეროს, შეიარაღებაზე კონტროლის სფეროს სპეციალისტია. ვფიქრობ, ის დაინტერესებული იქნება, რომ ჰყავდეს პროფესიონალური და არა პროპაგანდისტული გუნდი“, - ხაზი გაუსვა მან.

ლავროვის აზრით, ბაიდენის ადმინისტრაციამ იცის, რომ რუსეთი მზადაა სხვადასხვა საკითხზე თანამშრომლობისთვის.

სტრატეგიული შეიარაღების შესახებ მე-3 შეთანხმებას რუსეთსა და აშშ-ს შორის 2011 წლის 5 თებერვალს მოეწერა ხელი. დოკუმენტის თანახმად, ყოველი მხარე თავის ბირთვულ არსენალს ამცირებს იმგვარად, რომ შვიდი წლის შემდეგ და მომავალში შეიარაღების ჯამური ოდენობა არ აღემატებოდეს 700 კონტინენტთაშორის ბალისტიკურ რაკეტას, ბალისტიკურ რაკეტას წყალქვეშა ნავებსა და მძიმე ბომბდამშენებზე; ასევე, 1550 საბრძოლო ნაწილს და 800 გამშვებ დანადგარს. ამჟამად სტრატეგიული შეიარაღების შესახებ მე-3 შეთანხმება რუსეთსა და აშშ-ს შორის შეიარაღების შეზღუდვის შესახებ ერთადერთი მოქმედი ხელშეკრულებაა, თუმცა მას ვადა 5 თებერვალს ეწურება. თუ ის არ გაგრძელდება, მსოფლიოში აღარ იარსებებს არცერთი შეთანხმება, რომელიც უმსხვილეს ბირთვულ სახელმწიფოთა არსენალს შეზღუდავს.

მშვიდობიანი წვრთნები

რუსეთისა და ჩინეთის სამხედრო წვრთნები არ არის მიმართული იაპონიის წინააღმდეგ, მათი მიზანია იმ ავიაციის საბრძოლო მზადყოფნის უზრუნველყოფა, რომელიც რუსეთისა და ჩინეთის საზღვრებს იცავს, განაცხადა ლავროვმა.

„რაც შეეხება ჩვენს ურთიერთობას იაპონიასთან, ჩვენ მიგვაჩნია, რომ ეს ურთიერთობა ძალიან სასიკეთოა. ურთიერთობები ყოველთვის მეგობრული იყო, ყოველთვის არსებობდა რუსეთის პრეზიდენტისა და მისი იაპონელი კოლეგების, პრემიერ-მინისტრების პირადი სიმპათიები“, - აღნიშნა ლავროვმა პრესკონფერენციაზე.

როგორც ლავროვმა აღნიშნა, იგი დარწმუნებულია, პრემიერ იოშიჰიდე სუგასთანაც მოსკოვს პირადი კონტაქტები ჩამოუყალიბდება.

„თუ რეგიონში სამხედრო სიტუაციაზე ვისაუბრებთ, დიახ, ჩვენ ჩინეთის სახალხო რესპუბლიკასთან ერთობლივი სამუშაოთი ვართ დაკავებული, მათ შორის, სამხედრო წვრთნების სახითაც. რუსეთ-ჩინეთის წვრთნები - ეს პრინციპულად ახალი არ არის - სახმელეთო სწავლებაც რამდენჯერმე ჩატარდა, შანხაის თანამშრომლობის ორგანიზაციის ფორმატშიც და ორმხრივ ფორმატშიც. ახლა წვრთნები საჰაერო-კოსმოსური ძალების ხაზით იყო. ისინი არ არის მიმართული იაპონიის წინააღმდეგ, უბრალოდ გამიზნულია ავიაციის საბრძოლო მზადყოფნის უზრუნველსაყოფად, რომელიც რუსეთისა და ჩინეთის სახალხო რესპუბლიკის საზღვრების უსაფრთხოებას იცავს“, - აღნიშნა მინისტრმა.

„მასმედიის თავისუფლება“ ლატვიაში

ლატვიაში Sputnik-ისა და Baltnews-ის ჟურნალისტების ირგვლივ ვითარებაზე საუბრისას ლავროვმა ხაზი გაუსვა, რომ რუსეთი აუცილებლად აამოქმედებს საერთაშორისო მექანიზმებს ამ ვითარების მოსაგვარებლად.

„ჩვენ უბრალოდ სადღაც კი არ უნდა დავაფიქსიროთ, რომ ჩვენთვის მიუღებელია ნაციონალური კანონმდებლობის, საერთაშორისო ვალდებულებების მსგავსი უხეში დარღვევები. აუცილებლად უნდა ჩავრთოთ საერთაშორისო მექანიზმები. ჩვენ წარდგენა გავაკეთეთ გაეროშიც, ეუთოშიც და ევროპის საბჭოშიც და ამგვარ მუშაობას განვაგრძობთ...“, - ხაზი გაუსვა მინისტრმა.

ლავროვის თქმით, აღნიშნულ სიტუაციაში მასმედიის თავისუფლების დარღვევის უდავო მტკიცებულებები არსებობს.

„როდესაც მასმედიის თავისუფლების უხეში დარღვევის უდავო ფაქტები გვაქვს ხელთ, თანაც სისხლის სამართლის საქმის აღძვრის მუქარით, ის მექანიზმები, რომლებიც გაეროს უფლებადაცვით ფორმატებში არსებობს... ვერ გაამართლებს იმას, რასაც თქვენ მიმართ სჩადიან“, - დასძინა მინისტრმა.

როგორც მანამდე გახდა ცნობილი, შვიდი რუსულენოვანი ლატვიელი ჟურნალისტი, მათ შორის, Baltnews-ისა და Sputnik–ლატვიას თანამშრომლები, 2020 წლის დეკემბერში დააკავეს. მათ ევროკავშირის სანქციების რეჟიმის დარღვევაში დასდეს ბრალი. ჟურნალისტების საცხოვრებელ სახლებში ჩატარდა ჩხრეკა, რის შემდეგაც მათ გაუთქმელობისა და ქვეყნიდან გაუსვლელობის შესახებ ხელწერილები ჩამოართვეს. ბრალდებები წარუდგინეს ლატვიის სისხლის სამართლის კოდექსის 84-ე მუხლით, რომელიც ითვალისწინებს სასჯელს „გაეროს, ევროკავშირისა და სხვა საერთაშორისო ორგანიზაციების მიერ დაწესებული სანქციების რეჟიმის დარღვევისთვის“. Sputnik.Латвия და Baltnews დაკავშირებულია საერთაშორისო საინფორმაციო სააგენტო Россия сегодня-სთან.

43
„როსია სეგოდნიას“ შენობა მოსკოვში

მედიაჯგუფი Россия сегодня ჟურნალისტებისა და ბლოგერების კონკურსს აცხადებს

3
(განახლებულია 13:09 04.03.2021)
კონკურსი „ჩვენი დროის გმირი“ საკავშირო რადიოს ლეგენდარული დიქტორის, იური ლევიტნის სახელს ატარებს, რომლის უნიკალური ხმაც ფაშიზმზე გამარჯვებასთან ასოცირდება

თბილისი, 4 მარტი — Sputnik. მედიაჯგუფმა Россия сегодня–მ იური ლევიტანის სახელობის საერთაშორისო კონკურსი გამოაცხადა სახელწოდებით „ჩვენი დროის გმირი“.

ჟურნალისტებსა და ბლოგერებს საკუთარი ნამშევრების ოთხ ნომინაციაში წარდგენა შეუძლიათ: საავტორო სატელევიზიო პროგრამა, საავტორო რადიოპროგრამა, აუდიოპოდკასტი და ვიდეობლოგი.

განაცხადების მიღება 2021 წლის 5 მაისამდე გაგრძელდება პროექტის ვებგვერდზე. 

კონკურსის ჟიური, რომელშიც ტიტულოვანი რუსი ჟურნალისტები, ტელე– და რადიოწამყვანები, ცნობილი მედიაექსპერტები შევლენ, საუკეთესო ნამუშევრებს შეარჩევენ თანა მედროვე გმირების შესახებ. საექსპერტო ჯგუფი ჩამოაყალიბებს შორტ–ლისტს, რომელიც 15 ივნისს გამოქვეყნდება პროექტის გვერდზე.

კონკურსის გამარჯვებულების ვინაობასა და საპრიზო ადგილებს ჟიური ონლაინ–დაჯილდოების ცერემონიაზე გამოაცხადებს 2021 წლის 24 ივნისს. საპრიზო ფონდი 80 ათასი რუბლია თითოეულ ნომინაციაში. გამარჯვებულებს ფულადი ჯილდოს გარდა ასევე გადაეცემათ დიპლომები.

კონკურსის პირობებსა და ნამუშევრების მიმართ ტექნიკურ მოთხოვნებს შეგიძლიათ გაეცნოთ კონკურსის გვერდზე. 

„ჩვენი კონკურსი უნიკალური დიქტორის, იური ლევიტანის ხსოვნას ეძღვნება და ჩვენი მედიაჯგუფისთვის მნიშვნელოვანი თარიღის — „სოვინფორმბიუროს“ დაარსებიდან 80 წლის იუბილეს წინ იღებს სტარტს. ჩვენთვის ეს პროექტი კიდევ ერთი შესაძლებლობაა,  ვლაპარაკოთ მათზე, ვინც ჩვენი დროის ჭეშმარიტი გმირია. და გავაკეთოთ ეს სწორედ იმ მედიაფომატებში, რომლებსაც თანამედროვე აუდიტორია იღებს. ჩვენ გვსურს მივცეთ შესაძლებლობა ჟურნალისტებსა და ბლოგერებს, გამოავლინონ ნიჭი, წარმოაჩინონ აზრის კრეატიულობა და ოსტატობა, და, რაც მთავარია, გვსურს შთავაგონოთ ადამიანებს ნამდვილი გმირობა“, — განაცხადა Россия сегодня–ს გენერალურმა დირექტორმა დმიტრი კისელიოვმა.

კონკურსის მონაწილეთა ნამუშევრები უნდა წარმოაჩენდეს ავტორის ორიგინალურ იდეასა და მასალის მოწოდებისადმი ინდივიდუალურ მიდგომას, ჟურნალისტურ ოსტატობასა და პროფესიონალიზმს, უნარს, შეძრას მაყურებლისა და მსმენელის გული.

მედიაჯგუფ Россия сегодня–ს კონკურსი საკავშირო რადიოს ლეგენდარული დიქტორის, იური ლევიტნის სახელს ატარებს. მისი უნიკალური ხმა ასოცირდება „სოვინფორმბიუროს“ საფრონტო ცნობებთან, რომელსაც ლევიტანი მთელ ქვეყანას აცნობდა დიდი სამამულო ომის დროს.

კონკურსი „ჩვენი დროის გმირი“ მედიაჯგუფ Россия сегодня–ს საიუბილეო ღონისძიებების ნაწილია, რომელიც „სოვინფორმბიუროს“ 80 წლისთავს ეძღვნება. სამამულო ომოს დაწყებიდან ორი დღის შემდეგ, 1941 წლის 24 ივნისს დაარსებული „სოვინფორმბიუროდან“ იწყება უმსხვილესი საერთაშორისო საინფორმაციო სააგენტოების — Новости–ს, РИА Новости–სა და საერთაშორისო მედიაჯგუფ Россия сегодня–ს ისტორია. წლის განმავლობაში მედიაჯგუფის რესურსებზე განხორციელდება მთელი რიგი პროექტები, რომლებიც სააგენტოებისა და სხვადასხვა წლებში მათი თანამშრომლების ისტორიებს მიეძღვნება.

Россия сегодня — საერთაშორისო მედიაჯგუფი, რომლის მისიაა მსოფლიო მოვლენების ოპერატიული და დაბალანსებული გაშუქება, აუდიტორიისთვის საკვანძო მოვლენებზე სხვადასხვა თვალსაზრისის მიწოდება. Россия сегодня წარმოადგენს საინფორმაციო რესურსების ხაზს: უცხოეთში საერთაშორისო საინფორმაციო სააგენტო და რადიო „სპუტნიკი“, რუსეთში — „რია ნოვოსტი“,პრაიმი“, „ინოსმი“, „უკრაინა,რუ“,ბალტნიუსი“ და „ტოკ–ი“.

3
რუსეთის უსაფრთხოების ფედერალური სამსახური შემთხვევის ადგილზე

კალინინგრადის ენერგეტიკულ ობიექტზე ტერაქტი აღიკვეთა: უსაფრთხოების სამსახურის განცხადება

19
დაკავებულს ქვეყნის ამჟამინდელი ხელისუფლებისადმი სიძულვილი ამოძრავებდა, ნათქვამია უსაფრთხოების ფედერალური სამსახურის რელიზში

თბილისი, 4 მარტი — Sputnik. დაკავებულია რუსეთის მოქალაქე, რომელიც კალინინგრადის ოლქში ენერგეტიკულ ობიექტზე ტერაქტს ამზადებდა, იუწყება რუსეთის უსაფრთხოების ფედერალური სამსახური.

მათი ინფორმაციით, დაკავებულის მოტივი არსებული ხელისუფლებისადმი სიძულვილია.

„აღკვეთილია ტერაქტი კალინინგრადის ოლქის ენერგეტიკულ ობიექტზე. დაკავებულია რუსეთის მოქალაქე, რომელიც ტერაქტს მოქმედი ხელისუფლებისადმი სიძულვილის მოტივით გეგმავდა ამასთან რეგიონის მცხოვრებლებს ტერორისტულ საქმიანობაში ჩასართავად იბირებდა“, — ნათქვამია უსაფრთხოების ფედერალური სამსახურის რელიზში.

აღსანიშნავია, რომ ფიგურანტის სახლში აღმოჩენილია თვითნაკეთი ბომბი, მისი დამზადების ინსტრუქცია და კომპონენტები. გარდა ამისა, ძალოვანებმა იქვე იპოვეს „რუსეთის აღმასრულებელი და საკანონმდებლო ორგანოების შეურაცხმყოფელი მასალები“.

რელიზში არ არის დაკონკრეტებული, როდის დააკავეს ტერაქტის დამგეგმავი, თუმცა გამომდინარე იქიდან, რომ აღკვეთის ღონისძიება ჯერჯერობით შეფარდებული არ არის, შეიძლება გაკეთდეს დასკვნა. რომ ეს ამ დღეებში მოხდა.

ამ დროისათვის აღძრულია  სისხლის სამართლის საქმე.

 

19
თემები:
რუსეთი დღეს
მაია ასათიანი

„ბუბუ შეყვარებულია...“ - მაია ასათიანი უსაყვარლეს ფოტოებს აქვეყნებს

0
(განახლებულია 13:49 04.03.2021)
მაია ასათიანის თეთრმა ცუგა ბუბუმ რჩეული იპოვა. ნახეთ რა ფოტოებს აქვეყნებს ტელეწამყვანი სოციალურ ქსელში

ცნობილი ტელეწამყვანი სოციალურ ქსელში სასიხარული ინფორმაციას ავრცელებს. როგორც ჩანს, მისმა საყვარელმა ძაღლმა ბუბუმ სიყვარული იპოვა. მაიამ „ინსტაგრამის“ „სთორიზე“ ძაღლების წყვილის უსაყვარლესი ფოტოები გამოაქვეყნა.

მაია ასათიანს ორი ძაღლი ჰყავს - ბუბუ და ჰასკი დუდი. ცნობილმა ტელეწამყვანმა ერთი თვის წინ სოციალურ ქსელში სამწუხარო ინფორმაცია გაავრცელა. ჟურნალისტი წერდა, რომ მისი ძაღლი თუთა დაიღუპა, ამის მიზეზი კი ეზოში მომხდარი შემთხვევა გახდა. „ეზოში დიდ ძაღლს დაუყეფა და იმან დაგლიჯა“, - დაწერა მაია ასათიანმა.

პოპულარული ჟურნალისტი ბოლო დროს სამ ძაღლთან და თუთიყუშთან ერთად ცხოვრობდა. თუთა, დუდი და ბუბუ მაიას „ინსტაგრამის“ „სთორების“ მთავარი გმირები იყვნენ. ასათიანის სოციალური ქსელის ვიდეოების უმეტესობა სახლშია გადაღებული. კადრებზე ჰარმონიული ხედი, ბუნება, მისი უსაყვარლესი ძაღლები და თუთიყუში დომინირებს.

მაიამ სიმშვიდე საკუთარ თავთან განმარტოებაში იპოვა, თუმცა ოჯახის წევრებს უფრო და უფრო დაუახლოვდა. ჟურნალისტი სკანდალური ცხოვრების მიუხედავად უამრავ ადამიანს უყვარს. მის გარშემო განსაკუთრებულად გულწრფელი ადამიანები ერთადერთი ქალიშვილის გარდაცვალების შემდეგ გამოჩნდნენ. მათ შორის არიან მაიას დედა, ნახევარდები და მამინაცვალი, რომლებიც მას გვერდიდან არ შორდებიან.

0
თემები:
სელებრითების ცხოვრება