თბილისი, 16 იანვარი – Sputnik. ბრაზილიურმა კომპანია União-მ მარეგულირებელ ორგანო Anvisa-სგან ვაქცინა „სპუტნიკV"-ს სასწრაფო გამოყენების ნებართვა ითხოვა, იუწყება პორტალი G1.
აღნიშნულია, რომ საუბარია 10 მილიონ დოზაზე, რომელიც პირველ კვარტალში პოტენციურად ხელმისაწვდომი იქნება.
მანამდე ცნობილი გახდა, რომ რუსეთის პირდაპირი ინვესტიციების ფონდი და União Quimica შეთანხმდნენ, რომ წელს ბრაზილია „სპუტნიკV"-ს 150 მილიონ დოზას მიიღებს.
ვაქცინა „სპუტნიკV" გამალეის სახელობის ეპიდემიოლოგიისა და მიკრობიოლოგიის კვლევითი ცენტრის მიერ რუსეთის პირდაპირი ინვესტიციების ფონდთან თანამშრომლობით შემუშავდა. პრეპარატი ადამიანის ადენოვირუსის ვექტორის კარგად შესწავლილ პლატფორმაზეა შექმნილი, რომლის უპირატესობებია უსაფრთხოება, ეფექტურობა და ხანგრძლივი ნეგატიური შედეგების არარსებობა. პრეპარატმა 91,4%-იანი ეფექტურობა აჩვენა, ხოლო მძიმე შემთხვევებში - 100%-იანი.
რუსეთის გარდა, პრეპარატი უკვე რეგისტრირებულია არგენტინაში, ბოლივიაში, სერბეთში, ალჟირში, პალესტინაში, ვენესუელასა და პარაგვაიში.
