ტესტირება კორონავირუსზე

კომბინირებული ვაქცინა: რუსეთში ახალი პრეპარატის შექმნაზე მუშაობენ

51
(განახლებულია 20:05 14.01.2021)
გრიპისა და კორონავირუსის საწინააღმდეგო კომბინირებული ვაქცინის გამოცდები მომდევნო წლის დასაწყისისთვის იგეგმება

თბილისი, 14 იანვარი — Sputnik. კომბინირებული ვაქცინა, რომელიც ადამიანებს ერთდროულად გრიპისგანაც დაიცავს და კორონავირუსისგანაც, რუსეთში შესაძლოა მომავალი წლის ბოლომდე გამოჩნდეს, განაცხადა РИА Новости–სთან საუბრისას გამალეის ეროვნული ცენტრის დირექტორმა ალექსანდრ გინცბურგმა.

როგორც მეცნიერმა აღნიშნა, მსგავსი პრეპარატების შექმნის ტექნოლოგია უკვე შემუშავებულია: ახლა უკვე მიმდინარეობს მისი ადაპტირება ვირუსის გრიპისა და COVID-19–ს აღმძვრელის სხვადასხვა ვარიანტებზე.

„ჩვენ ახლა ყველაფერს ვამუშავებთ იმ შტამებზე, რომლებიც გვაქვს, მერე კი აქტუალური შტამების ჩართვასაც ვგეგმავთ. <...> კლინიკურ გამოცდებს მომდევნო წლის დასაწყისში შევუდგებით“, — დააზუსტა გინცბურგმა.

გრიპისა და კორონავირუსისგან დამცავი კომბინირებული ვაქცინის შექმნაზე მანამდე ასევე ისაუბრა სახელმწიფო სამეცნიერო ცენტრ „ვექტორის“ გენერალურმა დირექტორმა რინატ მაქსიუტოვმაც. მისი გამოცდა ნოემბრის პირველ რიცხვებში დაიწყო ცხოველებზე და ეფექტურობა გამოავლინა.

51
თემები:
რუსეთი დღეს (716)
მილგამყვანი ხომალდი „ფორტუნა“

„ჩრდილოეთის ნაკადი-2“: „ფორტუნამ“ დანიის წყლებში მუშაობა განაახლა

7
(განახლებულია 10:58 25.01.2021)
„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით.

თბილისი, 25 იანვარი — Sputnik. მილგამყვანმა ხომალდმა „ფორტუნამ“ დანიის წყლებში „ჩრდილოეთის ნაკადი–2–ის“ მშენებლობაზე მუშაობა განაახლა, იუწყება პროექტი ოპერატორი Nord Stream 2 AG––ი.

„ხომალდმა „ფორტუნამ“ დაიწყო მუშაობა გაზსადენ „ჩრდილოეთის ნაკადი–2–ზე“. მუშაობა მიღწეული შეთანხმებების შესაბამისად მიმდინარეობს“, — განაცხადეს კომპანიაში.

„ჩრდილოეთის ნაკადი 2“

„ჩრდილოეთის ნაკადი-2“ მოიცავს გაზსადენის ორი ხაზის მშენებლობას, რომელთა საერთო სიმძლავრე 55 მილიარდი კუბური მეტრია წელიწადში და გაჭიმულია რუსეთის სანაპიროდან გერმანიამდე ― ბალტიის ზღვის გავლით. გაზსადენი გადის რუსეთის, ფინეთის, შვედეთის, დანიისა და გერმანიის ეკონომიკურ ზონებზე ან ტერიტორიულ წყლებზე.

პროექტს ახორციელებს Nord Stream 2 AG, რომლის ერთადერთი აქციონერია „გაზპრომი“.

აშშ-ის ხელისუფლება ეწინააღმდეგება პროექტს და ცდილობს, ევროკავშირს თავს მოახვიოს თავისი თხევადი გაზი. მოწინააღმდეგეთა შორის ასევე არიან უკრაინა და ევროპის ქვეყნები. 2019 წლის დეკემბერში აშშ-ის პრეზიდენტმა დონალდ ტრამპმა ხელი მოაწერა 2020 წლის თავდაცვის ბიუჯეტს, რომელიც სანქციებს ითვალისწინებს „ჩრდილოეთის ნაკადი 2“-ის მიმართ. შედეგად, შვეიცარიულმა კომპანია Allseas-მა, რომელიც გაზსადენის გაყვანაზე მუშაობს, საქმიანობა შეაჩერა და ხომალდები გაიყვანა.

გაზსადენზე მუშაობა გასული წლის დეკემბერში განახლდა გერმანიის ეკონომიკურ ზონაში ხომალდ „ფორტუნას“ გამოყენებით. დანიის ხელისუფლებასთან შეთანხმებით, პროექტზე მუშაობის განახლება მიმდინარე წლის 15 იანვრიდან გახდა შესაძლებელი. ამასთან, შეერთებულმა შტატებმა 19 იანვარს სანქციები დაუწესა ხომალდ „ფორტუნას“ და მის მფლობელ კომპანიასაც.

 

7
თემები:
საერთაშორისო პანორამა
რუსული ვაქცინა

თურქეთში რუსული ვაქცინა „სპუტნიკ V"-ს წარმოება დაიწყება

86
(განახლებულია 09:08 24.01.2021)
ვაქცინა „სპუტნიკ V" ეფუძნება ადამიანის ადენოვირუსული ვექტორების კარგად შესწავლილ და შემოწმებულ პლატფორმას

თბილისი, 23 იანვარი – Sputnik. პირდაპირი ინვესტიციების რუსულმა ფონდმა ფარმაცევტული პროდუქციის წამყვან თურქ მწარმოებელთან კორონავირუსის საწინააღმდეგო ვაქცინა „სპუტნიკ V"-ს თურქეთში წარმოების შეთანხმება გააფორმა და ტექნოლოგიის ტრანსფერი დაიწყო, აცხადებენ ფონდში.

„წარმოების პოტენციური მოცულობა - წელიწადში „სპუტნიკ V"-ს მილიონობით დოზა, ასევე განიხილება მომავალში წარმოების შესაძლო გაფართოების საკითხი. ვაქცინის მიწოდება განხორციელდება როგორც თურქეთის შიდა ბაზარზე, ისე სხვა ქვეყნებში“, - აღნიშნეს ფონდში.

თურქი პარტნიორები დიდ დაინტერესებას ავლენენ ვაქცინის მიმართ, რომლის ეფექტურობა 90%-ს აღემატება, განაცხადეს ფონდში.

ვაქცინა „სპუტნიკ V" ეფუძნება ადამიანის ადენოვირუსული ვექტორების კარგად შესწავლილ და შემოწმებულ პლატფორმას და დამტკიცებულია რუსეთში, ბელარუსში, არგენტინაში, არაბეთის გაერთიანებულ საამიროებში, უნგრეთში, სერბეთში, ბოლივიაში, ალჟირში, პალესტინაში, ვენესუელაში, პარაგვაიში და თურქმენეთში. დაწყებულია ვაქცინის ევროკავშირში რეგისტრაციის ინიცირების პროცესი.

86
სულისა და სხეულის ჰარმონია- ქალი ზღვის პირას

„დამნაშავე“ ჰორმონები რატომ ვერ ვიკლებთ წონაში?

3490
(განახლებულია 11:11 25.01.2021)
ჭარბი წონა, როგორც წესი, ზედმეტი საკვების მიღებითა და არასაკმარისი ფიზიკური დატვირთვით აიხსნება. თუმცა, ადამიანის ორგანიზმი ბევრად უფრო რთულია...
3490