ვაქცინა „სპუტნიკ V-ს“ წარმოება რუსეთში

Bloomberg-ი რუსული კოვიდ-ვაქცინის ძლიერ მხარეებს ასახელებს

64
(განახლებულია 16:08 10.01.2021)
ვაქცინამ მესამე ფაზის კვლევები უკვე გაიარა და მისი ეფექტურობა 90%-ს აჭარბებს. ამასთან ვაქცინირებულებში დაავადების მძიმე ფორმის არცერთი შემთხვევა არ გამოვლენილა.

თბილისი, 10 იანვარი — Sputnik. სააგენტო Bloomberg–ის ჟურნალისტი სემ ფაზელი რუსლ კოვიდ–ვაქცინა „სპუტნიკ V–ს“ კორონავირუსთან ბრძოლის ძლიერ კანდიდატად მიიჩენევს, რის შესახებაც მან სტატია გამოაქვეყნა.

ფაზელის თქმით, რუსეთი ამ პრეპარატით იმ მწარმოებლების ხუთეულში შევიდა, რომლებსაც წინასწარი შეკვეთები ჰქონდათ გაფომებული ვაქცინის მიწოდებაზე სხვადასხვა ქვეყნებთან.

ჟურნალისტი აღნიშნავს, რომ ვაქცინამ მესამე ფაზის კვლევები უკვე გაიარა და მისი ეფექტურობა 90%-ს აჭარბებს. ამასთან ვაქცინირებულებში დაავადების მძიმე ფორმის არცერთი შემთხვევა არ გამოვლენილა.

„ამ ფაქტების გათვალისწინებით, გამოცდების მესამე ფაზის შედეგების გარეშეც კი, არსებობს ყველა საფუძველი დასკვნისთვის, რომ ვაქცინა „სპუტნიკ V“ შეიძლება ისეთივე ძლიერი კანდიდატი იყოს, როგორებიცაა დასავლეთის ლაბორატორიებში შექმნილი პრეპარატები. რასაც ვერ ვიტყვით ჩინურ ვაქცინა CoronaVac–ის შესახებ“, — წერს ფაზელი.

მსოფლიოში პირველი კოვიდ–ვაქცინა „სპუტნიკ V“ გამალეის ეპიდემიოლოგიისა და მიკრობიოლოგიის ცენტრის სწავლულებმა შექმნეს რუსეთში. ქვეყნის ჯანდაცვის სამინისტრომ პრეპარატი გასული წლის აგვისტოში დაარეგისტრირა. ვაქცინა ადამიანის კარგად შესწავლილი და შემოწმებული ადენოვირუსული ვექტორების პლატფორმაზე დამზადდა, რომლის უმნიშვნელოვანესი უპირატესობაც არის უსაფრთხოება, ეფექტურობა და ასევე ხანგრძლივი ნეგატიური შედეგების  არქონა.

64
თემები:
რუსეთი დღეს (716)
ვაქცინა Спутник V

ინდოეთმა რუსული ვაქცინის გამოცდის მეორე ეტაპი დაასრულა

10
რუსეთში ინდოეთის ელჩის სიტყვებით, ცდების პირველი ორი ფაზა წარმატებით დასრულდა და დაიწყო მესამე ეტაპი

თბილისი, 25 იანვარი - Sputnik. კორონავირუსის საწინააღმდეგო რუსული ვაქცინა „სპუტნიკ  V“ ინდოეთში ცდების მესამე ეტაპის შემდეგ დარეგისტრირდება, იუწყება РИА Новости მოსკოვში ინდოეთის ელჩის, ვენკატეშ ვარმას სიტყვებზე დაყრდნობით.

„ინდოეთისა და რუსეთის თანამშრომლობა ჯანდაცვის სფეროში, მათ შორის, ვაქცინების მიმართულებით, პანდემიის პირობებში ძალიან კარგ დონეზეა, მიმდინარეობს რეგულარული კონტაქტები პირდაპირი ინვესტიციების რუსეთის ფონდსა და ინდურ კომპანიებს შორის“, - განაცხადა მან.

ვარმას თქმით, „სპუტნიკ  V“-ს გამოცდის ორი ფაზა წარმატებით დასრულდა და დაიწყო მესამე.

„როგორც კი ის დასრულდება, ჩატარდება რეგისტრაცია და დაიწყება მისი წარმოება ინდოეთში სარეალიზაციოდ. ვფიქრობ, ეს მომდევნო ორი კვირის განმავლობაში მოხდება“, - აღნიშნა დიპლომატმა.

„როგორც კი ცდების მესამე ფაზა დასრულდება და ის ნებართვას მიიღებს, ჩვენ ვხედავთ ვაქცინის წარმოების შესაძლებლობას, ინდოეთისთვის, რუსეთისთვის, მთელი მსოფლიოსთვის ინდოეთის სიმძლავრეების გამოყენების გზით... ჩვენთან ვაქცინების წარმოებისთვის მნიშვნელოვანი სიმძლავრეებია განთავსებული - მსოფლიო წარმოების დაახლოებით 60 პროცენტი“, - აღნიშნა ელჩმა.

კორონავირუსის საწინააღმდეგო მსოფლიოში პირველი ვაქცინა რუსეთმა 2020 წლის აგვისტოში დაარეგისტრირა. პრეპარატ „სპუტნიკ V"-ს უპირატესობად სპეციალისტები მის უსაფრთხოებას, ეფექტურობასა და ხანგრძლივი ნეგატიური შედეგების არარსებობას ასახელებენ. „სპუტნიკV"-ს ეფექტურობა 90%-ს აღემატება, დაავადების მძიმე შემთხვევებში ვაქცინა სრულ დაცვას უზრუნველყოფს.

10
ნიკოლაი სვენტიცკი

როგორ ჩააბარონ ქართველმა აბიტურიენტებმა რუსეთის უნივერსიტეტებში: დეტალური ინსტრუქცია

11
რას უნდა მიაქციონ ყურადღება და რა დოკუმენტები მოამზადონ - რუსეთის უმაღლეს სასწავლებლებში უფასოდ მოხვედრის დეტალური ინსტრუქცია

თბილისი, 25 იანვარი - Sputnik. რისი გაკეთებაა საჭირო იმისთვის, რომ ქართველი აბიტურიენტები უფასოდ მოხვდნენ რუსეთის უმაღლეს სასწავლებლებში. ამის შესახებ Sputnik-საქართველოს პრესცენტრში საქართველოს რუსი თანამემამულეების ორგანიზაციის საკოორდინაციო საბჭოს თავმჯდომარე ნიკოლაი სვენტიცკიმ ისაუბრა.

ყოველწლიურად საქართველოში შვეიცარიის საელჩოსთან მოქმედი რუსეთის ფედერაციის ინტერესთა სექცია ატარებს კონკურსს საქართველოს მოქალაქეთა შესარჩევად რუსეთის უმაღლეს სასწავლებლებში მოსახვედრად. წელს აბიტურიენტებისა და სტუდენტების შესარჩევი კამპანია 2021-2022 სასწავლო წელს რუსეთის ფედერაციის ბიუჯეტის დაფინანსებით უმაღლეს სასწავლებლებში მოსახვედრად 20 იანვრიდან დაიწყო.

რუსეთში სხვადასხვა ქვეყნიდან სტუდენტების სასწავლო პროგრამა უკვე 16 წელია, ფუნქციონირებს. მთელი ამ დროის განმავლობაში რუსეთში საქართველოდან ყოველწლიურად დაახლოებით 120 სტუდენტი მიემგზავრება. თუმცა ამჯერად ქართველი აბიტურიენტებისთვის გამოყოფილი ადგილების ზუსტი რაოდენობა უცნობია. ნიკოლაი სვენტიცკი დარწმუნებულია, რომ ნებისმიერ შემთხვევაში საკმარისი ადგილი გამოიყოფა.

აბიტურიენტების რიცხვში მოსახვედრად აუცილებელია ანკეტის სწორად შევსება ვებგვერდზე education-in-russia.com.

განაცხადის წარდგენის წესი

შესარჩევ ღონისძიებებში მონაწილეობისათვის საჭიროა რეგისტრაციის გავლა და ანკეტის შევსება ვებგვერდზე.

საჭიროა განაცხადზე დასკანერებული დოკუმენტების მიმაგრება ვებგვერდზე მითითებული ჩამონათვალის შესაბამისად. ქართულ ენაზე წარდგენილ დოკუმენტებს თან უნდა ერთვოდეს ნოტარიულად დამოწმებული თარგმანი რუსულ ენაზე.

მხოლოდ მას შემდეგ, რაც ანკეტის ყველა ველი შეივსება, განმცხადებელი აჭერს ღილაკს „შესამოწმებლად გაგზავნა“ (отправить на проверку), რის შემდეგაც განაცხადი სისტემის ბაზაში ხვდება. მონაცემების შესწორება შესაძლებელია, მაგრამ მთავარია სისტემაში მოხვედრა.

პირველ ეტაპზე აუცილებელია ვებგვერდზე აიტვირთოს დასკანერებული საზღვარგარეთის პასპორტი, ასევე, აბიტურიენტების შემთხვევაში - პირველი სემესტრის სასკოლო შეფასება, სტუდენტების შემთხვევაში - დიპლომები.

20 თებერვლის შემდეგ იწყება დოკუმენტების შემოწმება, რის შემდეგაც უკვე მარტის პირველ ნახევარში პრეტენდენტს გასაუბრებაზე დაიბარებენ. სამედიცინო ცნობის, აბიტურიენტების მეორე სემესტრის შეფასების წარდგენა მეორე ეტაპზეა შესაძლებელი.

Николай Свентицкий
© Sputnik / Alex Shlamov
ნიკოლაი სვენტიცკი

გასაუბრების გრაფიკის თაობაზე ინფორმაცია განთავსდება 20 თებერვლის შემდეგ. კითხვების დასმის საშუალება აბიტურიენტს ან სტუდენტს შეუძლია ვებგვერდზე - education-in-russia.com ან საქართველოში რუსეთის ფედერაციის ინტერესთა სექციის ვებგვერდზე.

დამატებითი რჩევები

აუცილებელია ყველა გრაფის შევსება, დასრულების შემდეგ კი ყველა ველის ყურადღებით შემოწმება:

  • ფოტოსურათი აუცილებელია;
  • საქართველოში რუსეთის ფედერაციის ინტერესთა სექციაში გასაუბრებაზე მიწვევის შემთხვევაში, აუცილებელია ანკეტის ამობეჭდვა;
  • დოკუმენტების მთელი პაკეტი, მათ შორის, ატესტატების, დიპლომების, სერტიფიკატების დედნები - რუსეთში სწავლის მსურველებმა თან უნდა იქონიონ;
  • განაცხადის შევსებისას შესაძლებელია ექვსი, მაგრამ ერთ ქალაქში არაუმეტეს ორი უმაღლესის მითითება;
  • მთელი დოკუმენტაცია უნდა ითარგმნოს რუსულ ენაზე და დამოწმდეს ნოტარიულად, შემდეგ კი აიტვირთოს ვებგვერდზე PDF-ფორმატში;
  • აუცილებელია მიმდინარე შეფასებების შემცველი ცნობის მიმაგრება.

თუ სტუდენტი/აბიტურიენტი აბარებს, მაგალითად, სამედიცინო ან ეკონომიკურ უმაღლეს სასწავლებელში, საჭიროა უმაღლესი შეფასების მიღება ბიოლოგიაში, ქიმიასა და მათემატიკაში. გასაუბრებაზე ამ სფეროდან კითხვები დაისმება.

გარდა ამისა:

  • უნდა მიეთითოს მთელი ინფორმაცია პრეტენდენტის აქტივობის - სემინარებში, ოლიმპიადებში, მასტერკლასებში, კონკურსებში მონაწილეობის შესახებ, რაც დამატებითი ბონუსებია შერჩევისას;
  • ძირითადი ყურადღება უნდა მიექცეს სამედიცინო ცნობებს, რომელთა მიმაგრება ანკეტაზე PDF-ფორმატით აუცილებელია, მათ გარეშე ანკეტა სრულად შევსებულად არ ჩაითვლება;
  • მათ, ვინც ქართულ სკოლას ამთავრებს, მაგრამ სრულყოფილად ფლობს რუსულ ენას, აუცილებლად უნდა ჰქონდეთ რუსული ენის პედაგოგის, ან უმჯობესია სკოლის დირექციის მიერ გაცემული ცნობა; ხოლო მათთვის, ვისაც საშუალო ან უმაღლესი განათლება რუსულ ენაზე აქვთ მიღებული, საკმარისია ნიშნები ატესტატსა ან დიპლომში;
  • აღსანიშნავია, რომ რეგისტრაციის შემდეგ შესაძლებელია ანკეტის რედაქტირება: მთავარია - არ შეიძლება მათი რეგისტრაცია რამდენჯერმე ზედიზედ, ამან შეიძლება ვებგვერდის სისტემა დააზიანოს;
  • თუ კანდიდატს ორი ქვეყნის მოქალაქეობა აქვს - საქართველოსი და რუსეთის - თხოვნაა, აიტვირთოს ორივე დასკანერებული საზღვარგარეთის პასპორტი.

თუ კანდიდატს არ შეუძლია პირადად დაესწროს შესარჩევ ტურებს, მაგალითად, იმ მომენტში არ იმყოფება ქვეყანაში, ამ შემთხვევაში აუცილებელია დისტანციური გასაუბრების თხოვნის შემცველი მიმართვის გაგზავნა საქართველოში რუსეთის ფედერაციის ინტერესთა სექციის ხელმძღვანელის სახელზე.

11
საქართველოს ზამთრის პეიზაჟები

დღის ასტროპროგნოზი ზოდიაქოს ნიშნებისთვის: 26 იანვარი

0
(განახლებულია 11:58 25.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 26 იანვარია, სამშაბათი. მზარდი მთვარე კირჩხიბის ნიშანშია. ამ დღეს პლანეტა მარსი მფარველობს.

დღევანდელი დღე ადამიანებისგან მეტ კონკრეტულობას მოითხოვს. ნებისმიერი გაურკვევლობა გაღიზიანებას გამოიწვევს. გამძაფრდება რეაქციები მიმდინარე მოვლენებზე, რაც, შესაძლოა, კონფლიქტების საფუძველი გახდეს. ამავე დროს დღეს ძალიან იოლი იქნება ღრმად მიმალულ გრძნობებზე საუბარი, ადამიანისთვის პირდაპირ თქმა, თუ რას ფიქრობთ მასზე. თუმცა, ამ შემთხვევაში სჯობს, ფარგლებს არ გასცდეთ და უკმეხად არაფერი წამოგცდეთ – ამას ურთიერთობებში ბზარის შეტანა შეუძლია.

2021 წლის ჰოროსკოპი ზოდიაქოს ნიშნებისთვის>>

ვერძი: დღეს თქვენთვის საქმეების მოწესრიგების დღეა. თუნდაც ეს გაწერილი არ გქონდეთ, დიდი ალბათობით, ამის აუცილებლობას შექმნილი ვითარება მოითხოვს. მოწესრიგება შეიძლება დასჭირდეს თქვენს სამუშაო ადგილს, ან საქმეებსა და გეგმებს. არ არის გამორიცხული, რომ მოწესრიგების პროცესში დავიწყებული რამ აღმოაჩინოთ, რომელიც დღემდე აქტუალური და თან – საკმაოდ ფასეული.

კურო: დღეს გარშემომყოფებთან და მათ შორის, ახლობელ ადამიანებთან დისონანსში იქნებით. შესაძლოა, მოგეჩვენოთ, რომ თქვენ ირგვლივ ადამიანები ძალიან სერიოზული განწყობით დაიარებიან, ისინი კი, თავის მხრივ, უკმაყოფილო იქნებიან თქვენი უზრუნველობით. სერიოზულ კამათს ეს, დიდი ალბათობით, არ გამოიწვევს, თუმცა იმისთვის, რომ ირგვლივ მყოფებთან ურთიერთობებში ბზარი არ გაჩნდეს, ხშირად მოირგეთ „სერიოზული და ჭკვიანი“ ადამიანის სახე, თუნდაც ეს ძალზე სასაცილოდ გეჩვენებოდეთ.

ტყუპი: დღეს მზად ხართ, რომ მტკიცე და შეიძლება რადიკალური ზომებიც გადადგათ და ეს განსაკუთრებით ფინანსების სფეროს ეხება. იმის ნაცვლად, რომ ასჯერ გაზომოთ და ერთხელ გაჭრათ, ასჯერ გაჭრის განწყობაზე იქნებით. ერთი მხრივ, არის საფრთხე, რომ ფული ქარს გაატანოთ; მეორე მხრივ კი ეს საბრძოლო განწყობა ბიძგს მოგცემთ, გადადგათ ის ფინანსური ნაბიჯები, რომლებიც უკვე მომწიფებულია და დიდი ხანია, გადაწყვეტას მოითხოვს.

კირჩხიბი: დღეს კირჩხიბები კრიტიკოსების სახით მოგვევლინებით. ამასთან, თქვენი კრიტიკა ყველა ნაკლებად იქნება მიმართული საკუთარი თავისადმი, კრიტიკის ობიექტები დიდწილად გარშემომყოფები იქნებიან. თქვენი შენიშვნები ადამიანებს შეცდომების გამსოწორებას აიძულებს, თუმცა ყველაფერი მარტივადაც არ იქნება. თქვენი ბრძნული რჩევები, შესაძლოა, ყურს მიღმა გატარდეს, ხოლო კრიტიკა კი წყენის წყარო გახდეს. თქვენი გადასაწყვეტია – ღირს თუ არა კრიტიკაზე დროისა და ძალების  დახარჯვა, თან, როდესაც შედეგის იმედი ნაკლებადაა.

ლომი: დღეს დიდი ალბათობაა, რომ ირგვლივ მყოფი ადამიანები შეეცადონ, თავიანთი წილი პასუხისმგებლობა თქვენ მხრებზე გადმოიტანონ. ისინი იგრძნობენ, რომ დამყოლ ხასიათზე ხართ და ამის გამოყენებას ურცხვად შეეცდებიან. ამის გამოსწორება შეგიძლიათ, თუ მკაცრად დაიცავთ თქვენს პოზიციებს და აღკვეთ ამგვარ მცდელობებს. სხვაგვარად მოგიწევთ სხვისი საქმეების გაკეთება და საკუთარის გადადება.

ქალწული: მთელი დღე გარედან აკვიატებული ზეწოლა შეიძლება იგრძნოთ. შესაძლოა, ეს დროის დეფიციტი იყოს, ან ვითარება მოითხოვდეს თქვენგან სწრაფ მოქმედებებს, ასევე გარშემომყოფები გამუდმებით მოგმართავდნენ თხოვნით. ნებისმიერ შემთხვევაში, ამ ზეწოლისგან გათავისუფლება გაგიჭირდებათ, ამიტომ, სჯობს, შეეგუოთ ასეთ მდგომარეობას. ყველაფერს აჯობებს, განმარტოვდეთ, თუ ამის შესაძლებლობა გაქვთ და სიმშვიდეში მიხედოთ თქვენს საქმეებს.

სასწორი: დღეს იშვიათი შანსი გაქვთ, რომ რომელიმე საქმეში დიდი ნაბიჯი გადადგათ წინ. მთავარია, საჭირო მომენტი დროულად დაინახოთ, ხელიდან არ გაუშვათ და მტკიცედ, მკაფიოდ იმოქმედოთ. აქტიური და შეუპოვარი მოქმედებების წყალობით გამარჯვების დიდი შესაძლებლობა გაქვთ. გამოიყენეთ ეს დღე ახალი სიმაღლეების დასაპყრობად და კონკურენტების უკან ჩამოსატოვებლად.

მორიელი: დღეს სამართლიანობის გრძნობა გამძაფრდება თქვენში. მზად ხართ, ვინმე ან რამე საკუთარი მკერდით დაიცვათ, თუ ჩათვლით, რომ მას ჩაგრავენ და ავიწროებენ. რას იზამთ, ხანდახან ცუდი არაა სამართლიანობისთვის ბრძოლა და მოძალადისთვის ადგილის მიჩენა. თუმცა დღეს უსამართლობა შეიძლება იქაც „დაინახოთ“, სადაც ამის ნატამალიც კი არაა. ასე რომ, მეტი დაკვირვება გმართებთ, რომ განგაშის ზარი ტყუილუბრალოდ არ შემოჰკრათ.

მშვილდოსანი: დღეს, შესაძლოა, მთელი დღე ჭეშმარიტების ფუჭ ძებნაში დაკარგოთ, თან დარწმუნებული იყოთ, რომ ის „სადღაც აქვეა“. ეს ძებნა ნებისმიერ საკითხს შეიძლება უკავშირდებოდეს – ურთიერთობებს, მუშაობას, პირად ცხოვრებას. თუმცა, რაც არ უნდა მოგეჩვენოთ, რომ სამართლიანობა „ჰა და ჰა, გაიმარჯვებს“, იცოდეთ, რომ ეს მხოლოდ მოჩვენებაა. შეიძლება გაკვირვებულმა აღმოაჩინოთ, რომ „სუფთა სახის“ ჭეშმარიტება თითქმის უსარგებლო რამაა და თქვენ გარდა ის არავის სჭირდება.

თხის რქა: ასტროლოგები დღეს მხოლოდ პირდაპირი გზებით სიარულს გირჩევენ. საკუთარ თამაშის წამოწყების მცდელობას, ან, უფრო უარესი – რამის დამალვას ან დამახინჯებას, სავალალო შედეგები შეიძლება მოჰყვეს. თუ საჭირო შედეგის მიღება გსურთ, ღიად, პირდაპირ და პატიოსნად უნდა იმოქმედოთ. გარშემომყოფებიც სწორედ ამ თვისებებს დააფასებენ თქვენში. მაგრამ ერთიცაა – გულწრფელობასაც თავის საზღვრები აქვს და დაიცავის ეს ფარგლები.

მერწყული: დღეს საჭირო შედეგების მისაღწევად იმის ლაპარაკი მოგიწევთ, რასაც თქვენგან ელოდებიან და არა იმის, რასაც სინამდვილეში ფიქრობთ. ხანდახან შეიძლება გაჩუმებაც უპრიანი იყოს. რას იზამთ, გულწრფელობა ზოგჯერ უადგილოა ხოლმე და მით უმეტეს – მნიშვნელოვან საუბრებში, მოლაპარაკებებში. დღეს თუ სათქმელს პირდაპირ იტყვით, შეიძლება ავნოთ საქმესაც და საკუთარ თავსაც. თუ გაჩუმდებით, მომგებიან პოზიციაში აღმოჩნდებით.

თევზები: დღეს საქმიანობაში მტკიცედ და საბრძოლოდ ხართ განწყობილი. რატომ უნდა იწვალოთ კვანძის გახსნაზე, როცა მისი ნაჯახით გადაჭრა შეიძლება? ყველაზე საინტერესო ისაა, რომ ზოგიერთ საკითხში რადიკალური ზომები სწორედაც რომ ყველაზე მომგებიანი შეიძლება აღმოჩნდეს. მაგრამ ისეთ საქმეებს, რომლებიც დროსა და დელიკატურ დამოკიდებულებას საჭიროებს, სჯობს, სათოფეზეც არ გაეკაროთ. ან წინასწარ შეეგუოთ, რომ ისინი, ასეთ შემთხვევაში, სრული კრახისთვისაა განწირული.

0