რუსული ვაქცინა

რუსულმა ვაქცინამ 60 წელს ზემოდ ასაკის ადამიანებისთვის 90%-ზე მაღალი ეფექტურობა აჩვენა

71
კლინიკური კვლევების შედეგებმა ჯანდაცვის სამინისტრო დააკმაყოფილა და მან ამ კატეგორიის მოსახლეობის ასაცრელად „სპუტნიკის“ გამოყენების ნებართვა გასცა

თბილისი, 26 დეკემბერი – Sputnik. კორონავირუსის საწინააღმდეგო ვაქცინამ „სპუტნიკ V“ 60 წელს ზემოდ ასაკობრივი ჯგუფისთვის 90%-ზე მაღალი ეფექტურობა აჩვენა, აცხადებენ პრეპარატის შემქმნელები Twitter-ში.

„სპუტნიკ V“ ამ და სხვა ასაკობრივ ჯგუფებს სრულად იცავს დაავადების დამძიმებისგან“, - ნათქვამია განცხადებაში.

კლინიკური კვლევების შედეგებმა სამედიცინო ხელისუფლება დააკმაყოფილა, და ჯანდაცვის სამინისტრომ მოსახლეობის ამ კატეგორიის ასაცრელად „სპუტნიკ V“-ის გამოყენების ნებართვა გასცა. ახლა ვაქცინის გამოყენება დაშვებულია 18 წლის და 18 წელს ზემოდ ასაკის პირთათვის.

„სპუტნიკ V“ მსოფლიოში პირველი რეგისტრირებული  ანტიკორონავირუსული ვაქცინაა, რომელიც გამალეის ეპიდემიოლოგიისა და მიკრობიოლოგიის ეროვნულ ცენტრში შეიქმნა. ვაქცინა შექმნილია ადამიანის ადენოვირუსული ვექტორების პლატფორმაზე, რომელიც კარგადაა შესწავლილი და შემოწმებული.

ზაფხულში პრეპარატმა წარმატებით გაიარა კვლევების ორი სტადია 18-60 წლის მოხალისეებზე, რომელთაც აცრის შედეგად SARS-CoV-2-ის მიმართ იმუნური პასუხი და ანტისხეულები გამოუმუშავდათ. რეგისტრაციის შემდგომი კვლევების სტადია სექტემბერში დაიწყო. რუსეთის გარდა, კვლევები ტარდება არაბეთის გაერთიანებულ საამიროებში, ვენესუელასა და ბელარუსში.

ტესტებში ათობით ათასი ადამიანი მონაწილეობს, მათ შორის ხანდაზმულები და ადამიანები რისკ-ჯგუფებიდან. კვლევების მონაცემების მესამე შუალედური ანალიზის შემდეგ „სპუტნიკმა“ 91%-იანზე მაღალი ეფექტურობა აჩვენა, თანაც მძიმე შემთხვევებში მაჩვენებელმა ას პროცენტს მიაღწია.

ავიცრათ თუ გადავიტანოთ? სიმართლე COVID-19-ის ვაქცინის შესახებ >>

დეკემბრის დასაწყისში რუსეთში სამოქალაქო ვაქცინაცია დაიწყო, პრეპარატის პარტიები ყველა რეგიონს მიაწოდეს. ჯერჯერობით ვაქცინაცია შეუძლიათ ჩაიტარონ იმ ადამიანებმა, თუ არიან 18-დან 60 წლამდე ასაკის, არ აქვთ რაიმე ქრონიკული დაავადება, არ მიუღიათ მონაწილეობა კორონავირუსის საწინააღმდეგო ვაქცინის კვლევებში, არიან მრავალფუნქციური ცენტრის თანამშრომლები, კულტურული დაწესებულებების, სავაჭრო და მომსახურების სფეროს, ტრანსპორტის, ენერგეტიკის, მრეწველობის და მედიის მუშაკები. თანდათანობით მოქალაქეთა კატეგორიების სია გაფართოვდება.

მეძუძურ დედებისთვის ვაქცინის გაკეთება ეკრძალებათ.

71
რუსული ვაქცინა

თურქეთში რუსული ვაქცინა „სპუტნიკ V"-ს წარმოება დაიწყება

54
(განახლებულია 09:08 24.01.2021)
ვაქცინა „სპუტნიკ V" ეფუძნება ადამიანის ადენოვირუსული ვექტორების კარგად შესწავლილ და შემოწმებულ პლატფორმას

თბილისი, 23 იანვარი – Sputnik. პირდაპირი ინვესტიციების რუსულმა ფონდმა ფარმაცევტული პროდუქციის წამყვან თურქ მწარმოებელთან კორონავირუსის საწინააღმდეგო ვაქცინა „სპუტნიკ V"-ს თურქეთში წარმოების შეთანხმება გააფორმა და ტექნოლოგიის ტრანსფერი დაიწყო, აცხადებენ ფონდში.

„წარმოების პოტენციური მოცულობა - წელიწადში „სპუტნიკ V"-ს მილიონობით დოზა, ასევე განიხილება მომავალში წარმოების შესაძლო გაფართოების საკითხი. ვაქცინის მიწოდება განხორციელდება როგორც თურქეთის შიდა ბაზარზე, ისე სხვა ქვეყნებში“, - აღნიშნეს ფონდში.

თურქი პარტნიორები დიდ დაინტერესებას ავლენენ ვაქცინის მიმართ, რომლის ეფექტურობა 90%-ს აღემატება, განაცხადეს ფონდში.

ვაქცინა „სპუტნიკ V" ეფუძნება ადამიანის ადენოვირუსული ვექტორების კარგად შესწავლილ და შემოწმებულ პლატფორმას და დამტკიცებულია რუსეთში, ბელარუსში, არგენტინაში, არაბეთის გაერთიანებულ საამიროებში, უნგრეთში, სერბეთში, ბოლივიაში, ალჟირში, პალესტინაში, ვენესუელაში, პარაგვაიში და თურქმენეთში. დაწყებულია ვაქცინის ევროკავშირში რეგისტრაციის ინიცირების პროცესი.

54
ვაქცინაცია რუსეთში

რუსეთში კორონავირუსის საწინააღმდეგო ვაქცინის 7,6 მილიონი დოზაა წარმოებული

6
(განახლებულია 14:18 23.01.2021)
ქვეყნის პრემიერ-მინისტრის თქმით, მიმდინარე წლის პირველ კვარტალში კორონავირუსზე 20 მილიონ რუსეთის მოქალაქეს აცრიან

თბილისი, 23 იანვარი - Sputnik. რუსეთში COVID-19-ის საწინააღმდეგო ვაქცინის უკვე 7,6 მილიონი დოზაა წარმოებული, განაცხადა რუსეთის პრემიერ-მინისტრმა ტატიანა გოლიკოვამ.

„შემიძლია ვთქვა, რომ ახლა ვაქცინის უკვე 7,6 მილიონი დოზაა წარმოებული, 2,1 მილიონი დოზა ქვეყნის რეგიონებს მიეწოდათ“, - განაცხადა მან.

მისი თქმით, სხვაობა აიხსნება იმით, რომ ვაქცინის ეს მოცულობები სხვადასხვა დროს არის წარმოებული. ვაქცინის ხარისხისა და უსაფრთხოების უზრუნველსაყოფად ის ხარისხის კონტროლს გადის, შემდეგ კი გამოსაყენებლად მიეწოდება.

ვიცე-პრემიერმა ასევე განაცხადა, რომ რუსეთში ვაქცინაციის 2 250 პუნქტი მუშაობს.

„იმ მომენტისთვის, როდესაც პრეზიდენტმა მასშტაბურიდან მასობრივ ვაქცინაციაზე გადასვლის განკარგულება გასცა, რუსეთში იყო 1300-მდე ვაქცინაციის კაბინეტი, ახლა კი უკვე 2 250“, - განაცხადა გოლიკოვამ.

6
თბილისის ხედი

კორონავირუსთან ბრძოლაზე დახარჯულ თანხებს სახელმწიფო აუდიტის სამსახური შეისწავლის

0
საქართველოს სახელმწიფო აუდიტის სამსახურის შემოწმების მიზანია საბიუჯეტო სახსრების ხარჯვის ეფექტურობის დადგენა

თბილისი, 24 იანვარი – Sputnik. საქართველოს მთავრობის მიერ COVID-19-ის წინააღმდეგ გატარებულ ღონისძიებებზე გაწეულ ხარჯებს სახელმწიფო აუდიტის სამსახური შეისწავლის, იუწყება პირველი არხი.

სამსახურის მონაცემებით, 2021 წელს ის ასევე გეგმავს, განახორციელოს საკარანტინე ზონების მოსაწყობად გაფორმებული ხელშეკრულებების, ასევე პანდემიის პერიოდში ჯანდაცვის სერვისების ეფექტიანობის და მცირე და საშუალო ბიზნესის განვითარების ღონისძიებების შემოწმებას.

აუდიტის მიზანია, შეისწავლოს რამდენად ეფექტიანი იყო საბიუჯეტო სახსრების ხარჯვა.

რა შემოწმდება

გასული წლის ივნისში კორონავირუსის პანდემიის ფონზე მთავრობამ შეცვალა ქვეყნის ბიუჯეტი და 1,8 მილიარდი ლარი ანტიკრიზისული ღონისძიებების განსახორციელებლად მიმართა.

ამ სახსრების დიდი ნაწილი სოციალურ დახმარებაზე დაიხარჯა.

გარდა ამისა, 44 მილიონი ლარი საკარანტინე ზონების მომსახურების დაფარვას მოხმარდა, ხოლო 151 მილიონი ლარი - კორონავირუსით განპირობებულ ჯანდაცვის სისტემის ხარჯებზე - მათ შორის ტესტებზე, პირადი ჰიგიენის საშუალებებზე და სხვ.

კიდევ 559,2 მილიონი ლარი გამოიყო შეღავათებსა და სუბსიდიებზე ბიზნესისა და კლინიკებისთვის, მათ შორის მცირე გრანტებზე, საკრედიტო-საგარანტიო სქემაზე, კლინიკების სუბსიდირებაზე და ა.შ.

საქართველოში კორონავირუსის პირველი შემთხვევა 26 თებერვალს დაფიქსირდა. 23 იანვრის მონაცემებით, ინფიცირებულთა საერთო რაოდენობამ მიაღწია 252 972-ს, საიდანაც გამოჯანმრთელდა 240 629 ადამიანი, ხოლო გარდაიცვალა – 3 038.

0