სტენინის სახელობის საერთაშორისო ფოტოკონკურსმა 2021 წლისთვის ნამუშევრების მიღება დაიწყო

24
(განახლებულია 18:35 22.12.2020)
18-დან 30 წლამდე ასაკის პროფესიონალ ფოტოგრაფებს საშუალება ეძლევათ, მონაწილეობა მიიღონ საერთაშორისო ფოტოკონკურსში.

თბილისი, 22 დეკემბერი — Sputnik. მოსკოვში სტარტი აიღო ანდრეი სტენინის სახელობის ფოტოჟურნალისტიკის მეშვიდე საერთაშორისო კონკურსმა. მსოფლიოს ახალგაზრდა ფოტორეპორტიორების განაცხადების მიღება ტრადიციულად დაიწყო მედიაჯგუფ Россия Сегодня-ს დაღუპული ფოტოკორესპონდენტის დაბადების დღეს.

18-დან 30 წლამდე ასაკის პროფესიონალ ფოტოგრაფებს საკუთარი ნამუშევრების წარდგენა შეუძლიათ საიტზე stenincontest.ru — რუსულ, ინგლისურ და ჩინურ ენებზე. კონკურსზე წარმოდგენილი სერიული თუ ცალკეული ნამუშევრები უნდა შეესაბამებოდეს ოთხ ნომინაციას: „მთავარი ახალი ამბები“, „სპორტი“, „ჩემი პლანეტა“ და „პორტრეტი. ჩვენი დროის გმირი“. თითოეულ ნომინაციაში შეიძლება წარდგენილი იყოს თითო ნამუშევარი ცალკეული ან სერიული ფოტოებიდან. საკონკურსო განაცხადების მიღება 2021 წლის 28 თებერვლამდე (ჩათვლით) გაგრძელდება.

კონკურსის საპრიზო ფონდი 2021 წლისთვის 125, 100 და 75 ათასი რუბლია პირველი, მეორე და მესამე ადგილებისთვის თითოეულ ნომინაციაში. ხოლო სტენინის სახელობის კონკურსის უმაღლესი ჯილდოს, გრან–პრის მფლობელი 700 ათას რუბლს მიიღებს.

არანაკლებ მნიშვნელოვანი იქნება ახალგაზრდა ფოტორეპორტიორებისთვის მიცემული შესაძლებლობა, წარმოადგინონ თავიანთი ნამუშევრები რუსულ და საერთაშორისო არენაზე — კონკურსის საგამოფენო ტურნე ევროპის, აზიის, ლათინური ამერიკის, აფრიკისა და ახლო აღმოსავლეთის ქვეყნებში კონკურსის განუყოფელი ნაწილია.

2018 წლიდან კონკურსის საექსპოზიციო მოედნების ჩამონათვალს დაემატა გაერთიანებული ერების ორგანიზაციის შტაბ-ბინა ნიუ-იორკში. 2019 წლიდან კი კონკურსის გამოფენები სტრასბურგშიც იმართება ევროსაბჭოს შენობაში.

ანდრეი სტენინის სახელობის კონკურსის კურატორის, Россия сегодня-ს ვიზუალური პროექტების სამსახურის ხელმძღვანელის ოქსანა ოლეინიკის თქმით:

„კონკურსის მომდევნო წლის დაწყება ჩვენთვის ყოველთვის არის პროფესიონალური ადრენალინის გამოტყორცნა. ეს არის ახალი ნამუშევრების, ახალი სახელების, ახალი აღმოჩენების სასიხარულო მოლოდინი. წელს კონკურსის სტარტი მსოფლიოსთვის ესოდენ რთულ — COVID-19-ის პანდემიის პირობებში სიმბოლურიცაა. ცხოვრების ახალ გარემოებებს შეუძლია ჩვევების შეცვლა და ნამუშევრების ახალი რეალობების კარნახი, მაგრამ ასევე შეუძლია შეცვალოს საბაზო ფასეულობები — პროფესიონალიზმი, შექმნის სურვილი, იდეებისა და მსოფლმხედველობის გაზიარების სურვილი პოტენციური მაყურებლისთვის. ჩვენს კონკურსს ყველაფერი დაგეგმილი აქვს. დარწმუნებული ვართ, რომ ჩვენს კონკურსანტებსაც. ჩვენ გვჯერა მათი და ველოდებით მათგან ახალ ნამუშევრებს, ახალ რაკურსებს, ახალ თემებს. და, რაღა თქმა უნდა, წარმატებებსა და გამარჯვებას ვუსურვებთ მათ“.

ანდრეი სტენინის სახელობის საერთაშორისო კონკურსი 2020 წელს უმსხვილესი რუსული და საერთაშორისო მედიასაშუალებების, საინფორმაციო სააგენტოებისა და ფოტოსაზოგადოებების მხარდაჭერით ჩატარდა. რამდენიმე ნომინაციის პარტნიორები იყვნენ შანხაის გაერთიანებული მედიაჯგუფი, გაზეთ „ჩაინა დეილის“ ინტერნეტ–პორტალი, არაბული საინფორმაციო ჰოლდინგი „ალ–მაიადინ TV“ და ასევე წითელი ჯვრის საერთაშორისო კომიტეტი.

კონკურსის შესახებ: ანდრეი სტენინის სახელობის ფოტოჟურნალისტიკის საერთაშორისო კონკურსი, რომელიც საინფორმაციო სააგენტო Россия сегодня-ს ორგანიზებით იუნესკოს საკითხთა რუსეთის კომიტეტის ეგიდით ტარდება, მიზნად ისახავს ახალგაზრდა ფოტორეპორტიორების მხარდაჭერას და თანამედროვე ფოტოჟურნალისტიკისადმი საზოგადოების ყურადღების მიპყრობას. ეს არის ადგილი ახალგაზრდა, ნიჭიერი, საზრიანი და ყველაფერ ახლისადმი გახსნილი ფოტოგრაფებისთვის, სადაც ისინი საზოგადოებას ყურადღებას ამახვილებინებენ ადამიანებსა და მათ გარშემო მიმდინარე მოვლენებზე.

2021 წელს კონკურსის გენერალური საინფორმაციო პარტნიორები არიან: საინფორმაციო და ახალი ამბების პორტალი Вести.Ru, სახელმწიფო ტელეარხი Россия-Культура. კონკურსის საერთაშორისო საინფორმაციო პარტნიორები არიან: საინფორმაციო სააგენტო და რადიო Sputnik, საინფორმაციო სააგენტო Askanews, მედიაჰოლდინგი Independent Media, საინფორმაციო სააგენტო Notimex, ახალი ამბების სააგენტო ANA, ტელეარხი და პორტალი RT, Shanghai United Media Group (SUMG), გაზეთების — China Daily და The Paper-ის, ასევე მედიაქსელ Al Mayadeen-ის ინტერნეტ-პორტალები, საინფორმაციო სააგენტო Prensa Latina, საინფორმაციო სააგენტო News1, ინტერნეტ-პორტალი DBW, ახალი ამბების პორტალი Brasil247.

დარგობრივი პარტნიორების სტატუსში კონკურსს მხარს უჭერენ: ჟურნალი National Geographic რუსეთი, პორტალები Russian Photo და Photo-study.ru, ფოტოსკოლა Академия фотографии, საინფორმაციო პორტალი YOung JOurnalists, ჟურნალი Fotoargenta, ფოტოჟურნალისტიკის კლუბი „ნიუ დელი“, ჟურნალები Enfoque Visual და LF Magazine, საერთაშორისო პარტნიორია ფესტივალი PhotON.

 

24
თემები:
რუსეთი დღეს (705)

რუსეთში COVID-19-ზე მასობრივი ვაქცინაცია დაიწყება

7
რუსეთში შემდეგი კვირიდან კორონავირუსზე მასობრივი ვაქცინაცია დაიწყება. პრეზიდენტმა ვლადიმერ პუტინმა მთავრობას უკვე დაავალა აუცილებელი ინფრასტრუქტურის მომზადება

დაგვეხმარება თუ არა ვაქცინა „უფრო გართულებული“ პანდემიის დამარცხებაში? რომელ ქვეყნებში ცრიან ადამიანებს პრეპარატი „სპუტნიკ ვ-თი“? და უნდა გვქონდეს თუ არა იაკუტიელი მეცნიერების მიერ არყის ფესვიდან დაზმზადებული ვაქცინის იმედი?

7
ვაქცინაცია

რუსეთში კორონავირუსის საწინააღმდეგო მესამე ვაქცინას დაარეგისტრირებენ

7
პრეპარატი არსებითად განსხვავდება სხვა ვაქცინებისგან, კლინიკურმა კვლევებმა მისი ეფექტურობა გამოავლინა

თბილისი, 15 იანვარი - Sputnik. კორონავირუსის საწინააღმდეგო მესამე რუსული ვაქცინა უახლოეს დღეებში დარეგისტრირდება, განაცხადა „როსპოტრებნადზორის“ ხელმძღვანელმა ანა პოპოვამ.

უახლოეს დღეებში დარეგისტრირდება COVID-19-ის საწინააღმდეგო ვაქცინა, რომელიც შექმნილია რუსეთის მეცნიერებათა აკადემიის ჩუმაკოვის სახელობის ფედერალურ სამეცნიერო კვლევით ცენტრში. ანა პოპოვას თქმით, წინასწარი კლინიკური ცდები „ძალიან კარგია და თვალსაჩინოა“.

ამგვარად, რუსეთი ერთადერთი ქვეყანაა მსოფლიოში, სადაც სხვადასხვა სამეცნიერო ბაზაზე უკვე სამი ეფექტური ვაქცინაა შემუშავებული.

„მეორე ასეთი ქვეყანა მსოფლიოში არ არის, სადაც საკუთარი ვაქცინები გამოავლინეს - გარდა იმისა, რომ შექმნეს ლაბორატორიაში, წარმოების შესაძლებლობაც მისცეს. ეს უიშვიათესი, უნიკალური შემთხვევაა“, - აღნიშნა პოპოვამ.

ჩუმაკოვის ცენტრის ვაქცინა, მსოფლიოში რეგისტრირებული სხვა პრეპარატებისგან განსხვავებით, არის პირველი თაობის ვაქცინა (ვირიონული) ანუ შეიცავს მთლიან, დაუნაწევრებელ, მაგრამ მოკლულ SARS-CoV-2 ვირუსს და არა მის ნაწილს.

როგორც ცნობილია, რუსეთში რეგისტრირებულია კორონავირუსის საწინააღმდეგო ორი ვაქცინა - „სპუტნიკ V“ , რომელიც გამალეის ცენტრშია შექმნილი, და „როსპოტრებნადზორის“ ვირუსოლოგიისა და ბიოტექნოლოგიების ცენტრ „ვექტორის“ მიერ შექმნილი ვაქცინა. მოსკოვში მასობრივი ვაქცინაცია 5 დეკემბერს დაიწყო, რუსეთის სხვა რეგიონებში - 15 დეკემბერს. 

7
ღვთისმშობლის ტაძარი. 1896 წელი

გურიაში რელიგიურ ნიადაგზე მომხდარი კონფლიქტი აღმოფხვრილია

0
მომხდარი იყო პროვოკაცია და სოფლის მოსახლეობამ ძველებურად ერთად ცხოვრება უნდა განაგრძოს, განაცხადეს შეხვედრის მონაწილეებმა

თბილისი, 15 იანვარი – Sputnik. ჩოხატაურის მუნიციპალიტეტის სოფელ ბუკნარში მუსლიმი თემის, ქრისტიანებისა და მთავრობის წარმომადგენლებს შორის გაიმართა შეხვედრა, რომლის ფარგლებში, მონაწილეების თქმით, მხარეებს შორის შეთანხმება შედგა.

კონფლიქტი ბუკნარში იმის გამო დაიწყო, რომ ადგილობრივმა მუსლიმებმა ტრადიციული პარასკევის ლოცვის წასაკითხად კერძო სახლში სამლოცველოს მოწყობა გადაწყვიტეს. ამის გამო სოფელში გავრცელდა ხმა, რომ ბუკნარში აპირებენ მეჩეთის აშენებას, რამაც ადგილობრივ მართლმადიდებელთა უკმაყოფილება გამოიწვია.

შეხვედრის მონაწილეებმა აღნიშნეს, რომ მომხდარი იყო პროვოკაცია, მათ გასაყოფი არაფერი არ აქვთ და უწინდებურად ერთად ცხოვრება უნდა განაგრძონ.

„ინციდენტი, რაც რამდენიმე დღის განმავლობაში მიმდინარეობდა, სრულად აღმოიფხვრა. როგორც ადგილობრივი მოსახლეობა, მუსლიმები და მართლმადიდებელი ქრისტიანები აცხადებდნენ, ერთეული ადამიანების მიერ პროვოცირებულმა ფაქტმა მიიღო საკმაოდ მახინჯი განვრცობა და ეს დღეები იყო სამარცხვინო ფურცელი ჩვენი სოფლისთვის. დაპირისპირებულ მხარეებად წოდებულმა ადამიანებმა გაუცვალეს ერთმანეთს თავიანთი მოსაზრებები, კიდევ ერთხელ დააფიქსირეს, რომ მათ გასაყოფი არაფერი აქვთ და გრძელდება მეგობრული თანაცხოვრება“, - განაცახდა პარლამენტის წევრმა ნინო წილოსანმა.

ორი დღის წინ მომხდარი პირველი დაპირისპირებისა და ჩხუბის შემდეგ სამი ადამიანი, მათ შორის ორი მოზარდი მუსლიმი თემიდან, საავადმყოფოში მოხვდა. პოლიციამ ინციდებტის ერთ-ერთი დამნაშავე პირი დააკავა.

 

0