ვაქცინა Спутник V

ვაქცინა „სპუტნიკ  V“ COVID-19-ის „ბრიტანული“ შტამისგან იცავს - გამალეის ცენტრი

61
„სპუტნიკ  V“ - მსოფლიოში პირველი დარეგისტრირებული COVID-19-ის საწინააღმდეგო ვაქცინაა. ის გამალეის ცენტრშია შემუშავებული

თბილისი, 21 დეკემბერი - Sputnik. კორონავირუსის საწინააღმდეგო ვაქცინა „სპუტნიკ  V“-ს შეუძლია COVID-19-ის ბრიტანეთში გამოვლენილი ახალი შტამისგან დაცვა, განაცხადა გამალეის ცენტრის ხელმძღვანელმა ალექსანდრ გინცბურგმა.

„რასაკვირველია, დაიცავს... არ არსებობს არავითარი ჩვენება იმისა, რომ არ დაიცავს“, - აღნიშნა მან.

გაერთიანებულ სამეფოში აღმოაჩინეს კორონავირუს SARS-CoV-2-ის ახალი მუტაცია. სპეციალისტების სიტყვებით, ეს შტამი ჩვეულებრივ კორონავირუსთან შედრებით შესაძლოა 70%-ით უფრო სწრაფად ვრცელდებოდეს. ამასთან, ჯერ არაფერი მიუთითებს იმაზე, რომ ის უფრო სახიფათოა სიკვდილიანობის ან ჰოსპიტალიზაციის თვალსაზრისით.

ახალი ტიპის კორონავირუსის სწრაფი გავრცელების გამო ლონდონსა და ინგლისის სამხრეთ-აღმოსავლეთში შეზღუდვების ყველაზე მაღალი დონე დააწესეს. მსოფლიოს ბევრმა ქვეყანამ დიდ ბრიტანეთთან ავიამიმოსვლა შეაჩერა.

საქართველოს დიდ ბრიტანეთთან პირდაპირი საავიაციო კავშირი არა აქვს. თუმცა ნებისმიერი ქვეყნის მოქალაქე, რომელსაც ბოლო 14 დღის განმავლობაში დიდ ბრიტანეთში მოგზაურობის ისტორია აქვს, საქართველოში ჩამოსვლისას ვალდებული იქნება, 12-დღიანი კარანტინი გაიაროს.

„სპუტნიკ  V“ - მსოფლიოში პირველი COVID-19-ის საწინააღმდეგო რეგისტრირებული ვაქცინაა. ის შეიქმნა ადამიანის ადენოვირუსული ვექტორების შესწავლილ და შემოწმებულ პლატფორმაზე, რომლის მნიშვნელოვანი უპირატესობაა უსაფრთხოება, ეფექტურობა და გრძელვადიანი ნეგატიური შედეგების არარსებობა.

61
თემები:
COVID-19-ის პანდემია მსოფლიოში (1296)

რუსეთში COVID-19-ზე მასობრივი ვაქცინაცია დაიწყება

7
(განახლებულია 20:43 15.01.2021)
რუსეთში შემდეგი კვირიდან კორონავირუსზე მასობრივი ვაქცინაცია დაიწყება. პრეზიდენტმა ვლადიმირ პუტინმა მთავრობას უკვე დაავალა აუცილებელი ინფრასტრუქტურის მომზადება.

დაგვეხმარება თუ არა ვაქცინა „უფრო გართულებული“ პანდემიის დამარცხებაში? რომელ ქვეყნებში ცრიან ადამიანებს პრეპარატით „სპუტნიკ V“? და უნდა გვქონდეს თუ არა იაკუტიელი მეცნიერების მიერ არყის ფესვიდან დამზადებული ვაქცინის იმედი?

7
ვაქცინაცია

რუსეთში კორონავირუსის საწინააღმდეგო მესამე ვაქცინას დაარეგისტრირებენ

9
(განახლებულია 20:35 15.01.2021)
პრეპარატი არსებითად განსხვავდება სხვა ვაქცინებისგან, კლინიკურმა კვლევებმა მისი ეფექტურობა გამოავლინა.

თბილისი, 15 იანვარი – Sputnik. კორონავირუსის საწინააღმდეგო მესამე რუსული ვაქცინა უახლოეს დღეებში დარეგისტრირდება, განაცხადა „როსპოტრებნადზორის“ ხელმძღვანელმა ანა პოპოვამ.

უახლოეს დღეებში დარეგისტრირდება COVID-19-ის საწინააღმდეგო ვაქცინა, რომელიც შექმნილია რუსეთის მეცნიერებათა აკადემიის ჩუმაკოვის სახელობის ფედერალურ სამეცნიერო–კვლევით ცენტრში. ანა პოპოვას თქმით, წინასწარი კლინიკური ცდები „ძალიან კარგია და თვალსაჩინოა“.

ამგვარად, რუსეთი ერთადერთი ქვეყანაა მსოფლიოში, სადაც სხვადასხვა სამეცნიერო ბაზაზე უკვე სამი ეფექტური ვაქცინაა შემუშავებული.

„მეორე ასეთი ქვეყანა მსოფლიოში არ არის, სადაც საკუთარი ვაქცინები გამოავლინეს – გარდა იმისა, რომ შექმნეს ლაბორატორიაში, წარმოების შესაძლებლობაც მისცეს. ეს უიშვიათესი, უნიკალური შემთხვევაა“, – აღნიშნა პოპოვამ.

ჩუმაკოვის ცენტრის ვაქცინა, მსოფლიოში რეგისტრირებული სხვა პრეპარატებისგან განსხვავებით, არის პირველი თაობის ვაქცინა (ვირიონული), ანუ შეიცავს მთლიან, დაუნაწევრებელ, მაგრამ მოკლულ SARS-CoV-2 ვირუსს და არა მის ნაწილს.

როგორც ცნობილია, რუსეთში რეგისტრირებულია კორონავირუსის საწინააღმდეგო ორი ვაქცინა – „სპუტნიკ V“, რომელიც გამალეის ცენტრშია შექმნილი, და „როსპოტრებნადზორის“ ვირუსოლოგიისა და ბიოტექნოლოგიების ცენტრ „ვექტორის“ მიერ შექმნილი ვაქცინა. მოსკოვში მასობრივი ვაქცინაცია 5 დეკემბერს დაიწყო, რუსეთის სხვა რეგიონებში – 15 დეკემბერს. 

9
ეკატერინე ტიკარაძე

ტიკარაძე: აუცილებლად ავიცრები და არ ვისარგებლებ არანაირი პრიორიტეტით

0
საქართველოში კორონავირუსის საწინააღმდეგო ვაქცინაციის გეგმის მომზადებასა და მის შესყიდვაზე სპეციალურად შექმნილი უწყებათშორისი კომისია მუშაობს

თბილისი, 15 იანვარი - Sputnik. საქართველოს ჯანდაცვის მინისტრი ეკატერინე ტიკარაძე კორონავირუსზე აუცილებლად აიცრება, ამის შესახებ მან ტელეკომპანია „რუსთავი 2“-ის ეთერში განაცხადა.

ჯანდაცვის მინისტრის განმარტებით, ქვეყანაში გარანტირებულად ხარისხიანი ვაქცინა შემოვა, ამის გარანტიებს კი COVAX-პლატფორმა იძლევა.

„რა თქმა უნდა, ავიცრები იმ კატეგორიაში, რომელშიც ვაქცინაციის საჭიროება მექნება და არ ვისარგებლებ პრიორიტეტით… ზუსტად ვიცი, რა ხარისხის ვაქცინაცია იქნება ქვეყანაში და ვაქცინას აუცილებლად გავიკეთებ“, - განაცხადა ეკატერინე ტიკარაძემ.

ტიკარაძის თქმით, საუბარია Pfizer-ის ვაქცინაზე, რომლის დოზირებაც ორეტაპიანია. მან ასევე აღნიშნა, რომ გარანტირებულად ხარისხიანი ვაქცინა შემოვა, ამის გარანტიებს კი COVAX-პლატფორმაზე გასაგზავნად დღეს უკვე გამზადდა წერილი ყველა იმ შესრულებული სამუშაოების შესახებ, რომელიც საქართველოში ვაქცინაციის მომზადების პერიოდისთვის განხორციელდა.

„მზადდება გარკვეული დოკუმენტაცია როგორც საკანონმდებლო, ასევე საინფორმაციო მიმართულებით. გეგმაზომიერად მივყვებით ყველა იმ პროცესს, რომელიც საჭიროა შეუფერხებელი და უსაფრთხო ვაქცინაციისთვის“, - განაცხადა ჯანდაცვის მინისტრმა.

მინისტრმა ასევე აღნიშნა, რომ ქვეყანაში ვაქცინების შესანახად დამატებითი მაცივრების შეძენის საჭიროება არ არის.

საქართველოს პირველ ეტაპზე COVID-19-ის საწინააღმდეგო ვაქცინის იმ რაოდენობით შეძენის უფლება აქვს, რომელიც მოსახლეობის 20%-სთვის იქნება საკმარისი. ქვეყანამ 1 400 ათასი დოზა ვაქცინის შესაძენად პირველი შენატანი — 4 მლნ დოლარი უკვე განახორციელა. აღნიშნული რაოდენობა 700 ათას ადამიანზეა გათვლილი.

პრემიერი: ვაქცინასთან დაკავშირებით ბევრი აბსურდული ჭორი ვრცელდება >>

საქართველოში კორონავირუსის საწინააღმდეგო ვაქცინაციის გეგმის მომზადებასა და მის შესყიდვაზე სპეციალურად შექმნილი უწყებათშორისი კომისია მუშაობს, რომელიც ასევე უზრუნველყოფს კოვიდ-ვაქცინაციის დასაწყებად საჭირო ტექნიკურ სამუშაოებს.

0