მამაკაცი სმარტფონით

ახალი პროექტი: იაკუტიაში „ჭკვიანი სოფელი“ გაჩნდება

49
(განახლებულია 20:37 15.12.2020)
პროექტი „ჭკვიანი სოფელი“ არის „ჭკვიანი ქალაქის“ ანალოგი და ადაპტირებულია მცირე დასახლებულ პუნქტებზე — მუნიციპალური წარმონაქმნების ბიუჯეტების გათვალისწინებით.

თბილისი, 15 დეკემბერი — Sputnik. რესპუბლიკა სახას (იაკუტია) მოსახლეობისთვის ერთიანი ვებ-სერვისი „ჭკვიანი სოფელი“ შეიქმნება. ახალი ამბების ლენტები, ბლოგები, ეკოლოგიური მონიტორინგის სისტემების, ხანძარსაწინააღმდეგო სისტემების, ვიდეოდაკვირვების, გზების დაკეტვისა და რემონტის შესახებ ინფორმაციები იაკუტიის ნამის რაიონის თითოეული სოფლის სიტუაციურ ცენტრში იქნება თავმოყრილი, იუწყება РИА Новости. 

პროექტი „ჭკვიანი სოფელი“ არის „ჭკვიანი ქალაქის“ ანალოგი და ადაპტირებულია მცირე დასახლებულ პუნქტებზე — მუნიციპალური წარმონაქმნების ბიუჯეტების გათვალისწინებით. მისი მიზანია მოსახლეობის ცხოვრების ხარისხის გაუმჯობესება.

„რეგიონული IT–ცენტრები იმისთვის იქმნება, რომ IT–ტექნოლოგიები რესპუბლიკის სოფლებისა და ქალაქების განვითარებას მოემსახუროს. პროექტ „ჭკვიან სოფელს“, ნამის რაიონის მუნიციპალური ხელისუფლების გარდა, ციფრული პლატფორმის შემქმნელებიც უჭერენ მხარს. ამგვარად ეს პროექტი შეიძლება საპილოტო გახდეს იაკუტიის სოფლების გაციფრულების მიმართულებით“, — განაცხადა იაკუტიის ინოვაციების, ციფრული განვითარებისა და ინფოკომუნიკაციური ტექნოლოგიების მინისტრმა ანატოლი სემიონოვმა.

სამინისტროში მიაჩნიათ, რომ „ჭკვიანი სოფელი“ ასევე გახდება მუნიციპალური წარმონაქნების ადმინისტრაციათა დამხმარე, ვინაიდან ერთად თავმოყრილი ინფორმაცია მათ დასახლებული პუნქტის ეფექტურად მართვაში შეუწყობს ხელს.

მაგალითად, საქალაქო ოლქებისა და საგანგებო სიტუაციების შეტყობინების ჩაშენებული სისტემა, სახანძრო სიგნალიზაცია, ხანძრებისა და წყალდიდობების მონიტორინგი, ვიდეოდაკვირვება და ეკოლოგიური მონიტორინგი დადებით ცვლილებებს შეიტანს უსაფრთხოების უზრუნველყოფის საკითხში. საინჟინრო კომუნიკაციებთან, მობილური კავშირის სადგურებთან, საცხოვრებელ–კომუნალურ მეურნეობასთან, ელექტრომომარაგების ქსელებთან დაკავშირებული ინფორმაცია ხელს შეუწყობს დასახლებული პუნქტების ინფრასტრუქტურული საკითხების გადაჭრას. ხოლო კულტურის, მედიცინისა და ტურიზმის დაწესებულებებისადმი მიძღვნილი განყოფილება ახალ დონეზე გაიყვანს სოფლებისა და დაბების სოციალურ–კულტურულ საქმიანობას.  

ტექნოლოგიას საფუძვლად უდევს იაკუტსკის IT–პარკის კომპანია–რეზიდენტის მიერ შექმნილი პლატფორმა. შემქმნელები პროექტს დიდ მომავალს უწინასწარმეტყველებენ.

თავდაპირველად მის შესაქმნელად სპეციალისტები საერთაშორისო მეთოდებსა და სტანდარტებს იყენებდნენ, რათა მომავალში სისტემა არა მარტო რუსეთის ტერიტორიაზე, არამედ მის ფარგლებს გარეთაც გაევრცელებინათ. მათი თქმით, საზღვარგარეთ მცირე დასახლებულ პუნქტებს ასევე არ შეუძლიათ თავს ავტომატიზაციის ძვირადღირებული პროგრამების შეძენის უფლება მისცენ.  

გეგმის თანახმად, „ჭკვიანი სოფელი“ 2021 წლის პირველ კვარტალში ამუშავდება.

49
თემები:
რუსეთი დღეს (713)
შახტა

ტრაგედია ტიხოვის სახელობის შახტში: დაღუპულია სამი ადამიანი

57
(განახლებულია 17:03 22.01.2021)
მომხდარ ფაქტზე გამოძიება რუსეთის ფედერაციის სსკ-ის 217-ე მუხლის მესამე ნაწილით დაიწყო. რეგიონის ხელისუფლება დაღუპულთა ოჯახებს მატერიალურ დახმარებას ჰპირდება.

თბილისი, 22 იანვარი – Sputnik. კემეროვოს ოლქის ლენინსკ–კუზნეცკის რაიონში მდებარე ტიხოვის სახელობის შახტში სამთო მასის ჩამოშლის შედეგად სამი ადამიანი დაიღუპა, იუწყება РИА Новости რეგიონის საგამოძიებო კომიტეტზე დაყრდნობით.

შემთხვევის დროს ტერიტორიაზე 44 ადამიანი იმყოფებოდა, მათგან მხოლოდ 41-ის ამოყვანა მოხერხდა.

„ამ დროისათვის ორი მაღაროელის ცხედარია ნაპოვნი, კიდევ ერთი მაღაროელის ადგილმდებარეობის დადგენის მიზნით სამძებრო ღონისძიებები გრძელდება. მომხდარ ფაქტზე აღძრულია სისხლის სამართლის საქმე“, – განაცხადეს უწყების პრეს-სამსახურში.

მოგვიანებით გავრცელებული ინფორმაციით, მაშველებმა მესამე მაღაროელის ცხედარიც იპოვეს.

შემთხვევის ადგილზე საგამოძიებო ჯგუფი მუშაობს.

შახტში, სადაც უბედური შემთხვევა მოხდა, ამ დროისთვის მუშაობა შეჩერებულია.

57
თემები:
რუსეთი დღეს (713)
Sputnik V

„ინოვაციური განსხვავება“: ექსპერტმა „სპუტნიკ V-ს“ უპირატესობა დაასახელა

22
(განახლებულია 14:19 21.01.2021)
ამ დროისათვის რუსეთში კლინიკური გამოცდების ეტაპზეა კიდევ ერთი - „ცოცხალი“ ვაქცინა, რომლის დასარეგისტრირებლად ჯანდაცვის სამინისტროს უკვე გადაეგზავნა დოკუმენტაცია

თბილისი, 21 იანვარი — Sputnik. კორონავირუსის საწინააღმდეგო რუსული ვაქცინა „სპუტნიკ V“ უკეთეს შედეგებს აჩვენებს, ვიდრე ერთვექტორიანი პრეპარატები, განაცხადა მეცნიერთა საექსპერტო საბჭოს წარმომადგენელმა კარლოს სალამ.

„ჩვენ ყოველთვის გვაინტერესებდა ადენოვირუსების სხვადასხვა ვექტორების გამოყენების სტრატეგია [ამ მეთოდის] დიდი ეფექტურობის ჰიპოთეზის გამო. და ეს წარმოჩინდა: იმავე პლატფორმაზე დამზადებულ ვაქცინებთან შედარებისას უკეთეს შედეგებს ვხედავთ“, — ციტირებს РИА Новости სალას სიტყვებს.

ექსპერტმა ამას ინოვაციური შედეგი უწოდა.

ვაქცინა „სპუტნიკ V“, რომელიც ადამიანის ადენოვირუსული ვექტორების საფუძველზეა დამზადებული, გასული წლის აგვისტოში დარეგისტრირდა რუსეთში, რითაც ის COVID-19–ის პროფილაქტიკის პირველი ვაქცინა გახდა მსოფლიოში. ვაქცინა გამალეის ცენტრში შეიქმნა რუსეთის პირდაპირი ინვესტიციების ფონდის ხელშეწყობით. პრეპარატი ორი კომპონენტის შეყვანას ითვალისწინებს სამკვირიანი შუალედით.

მეორე რუსული ვაქცინა კორონავირუსის წინააღმდეგ — ეს ნოვოსიბირსკის ცენტრ „ვექტორში“ შექმნილი „ეპივაკკორონაა“.

გარდა ამისა, ამ დროისათვის კლინიკური გამოცდების ეტაპზეა ჩუმაკოვის ცენტრში შექმნილი „ცოცხალი“ ვაქცინაც. რუსეთის ჯანდაცვის სამინისტრომ უკვე მიიღო დოკუმენტები მისი რეგისტრაციისათვის.

22
თემები:
რუსეთი დღეს (713)
წიწვოვანი ტყით დაფარული კლდე

დღის ასტროპროგნოზი ზოდიაქოს ნიშნებისთვის: 23 იანვარი

0
(განახლებულია 10:21 22.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 23 იანვარია, შაბათი. მზარდი მთვარე ტყუპის ნიშანშია. ამ დღეს პლანეტა სატურნი მფარველობს.

დღეს პრიორიტეტული ლოგიკა და პრაგმატიზმი იქნება. გამძაფრდება ისეთი თვისებები, როგორიცაა გონივრულობა, ფხიზელი გათვლები, ემოციები და გრძნობები მეორე პლანზე გადაიწევს. ლოგიკა სიყვარულშიც კი „ჩაერევა“, ამიტომ ეს დღე სრულიად არ შეესაბამება რომანტიკულ „სიგიჟეებს“, სამაგიეროდ იდეალურია კონკრეტული ნაბიჯებისა და წინადადებებისთვის. სხვა სფეროებში ცივი გონება ყველაზე რთული ამოცანების ამოხსნაშიც კი დაგვეხმარება.

ბედის სიურპრიზები 2021 წელს და ზოდიაქოს სამი რჩეული ნიშანი>>

ვერძი: დღეს ინტელექტუალური და ფილოსოფიური საუბრების ხასიათზე დადგებით, ამიტომ თქვენი მთავარი მიზანი ღირსეული თანამოსაუბრის პოვნა იქნება. თუნდაც ასეთი პიროვნება ვერ იპოვოთ, საკუთარ მოთხოვნილებას მაინც დაიკმაყოფილებთ თუნდაც უბრალო მეგობრულ საუბარში, რომელიც შეგიძლიათ გადააქციოთ ინტელექტუალურ კამათად ან ერუდიციაში აზრატულ შეჯიბრებაში. თქვენთვის მთავარი არა შედეგი, არამედ აზრების ემოციური გაცვლის პროცესი გახდება.

კურო: დღევანდელი დრო შეგიძლიათ დაუთმოთ გეგმების შედგენას და განსაკუთრებით იმ სფეროებში, რომლებიც ძალიან გეფონებათ გულზე. ვარსკვლავები დახმარებას გპირდებიან ნებისმიერ პროექტში, რომელიც თანხებთან და მის გონივრულ ინვესტიციებთან, ბიზნესის გაფართოებასთან ან შვებულების საინტერესო ადგილას გატარებასთან არის დაკავშირებული. თქვენი გონება მკაფიოდ და კონსტრუქციულად იმუშავებს, ხოლო იდეების მთავარი ღირსება პრაქტიკულობა იქნება.

ტყუპი: ეს ის დღეა, როდესაც, სურვილის შემთხვევაში, ნებისმიერ საკითხში შეგიძლიათ სიცხადის შეტანა. თქვენი გონება იმუშავებს მკაფიოდ, გააანალიზებს და ლოგიკურად გადაწყვეტს ამოცანებს. თუ რამე საკითხის არსში ჩაწვდომა მოგინდებათ, საკმარისი იქნება ფაქტების მოპოვება, ხოლო სწორ დასკვნებს თავად გამოიტანთ. თქვენი გამჭრიახობა ირგვლივ მყოფთა თვალში განსაკუთრებულად მომხიბლავი აღმოჩნდება და ეს გასაგებიცაა – არაფერი ისე არ ამშვენებს ადამიანს, როგორც საკუთარ თავთან მეგობრობა.

კირჩხიბი: ვარსკვლავები გირჩევენ, ჩაიხედოთ საკუთარ გულში და დაფიქრდეთ, რომელიმე საკითხში ჩიხში ხომ არ შეხვედით? შესაძლოა, ასეც არის, მაგრამ გეშინიათ, რომ ამაში საკუთარ თავს გამოუტყდეთ. არა აქვს მნიშვნელობა, რას ეხება ეს საკითხი – მეგობრობას, მუშაობას, ფულსა თუ სიყვარულს. მთავარი ისაა, რომ თავის მოტყუების დრომ ჩაიარა, დროა, ფაქტებს პირდაპირ შეხედოთ თვალებში. თუ მოვლენებს გააანალიზებთ, მიხვდებით, რომ გზას გადაუხვიეთ, მაგრამ ეს საშიში არაა. კარგი დღეა იმისთვის, რომ გათავისუფლდეთ ილუზიებისგან და სხვადასხვა ვარიანტიდან ერთი სწორი შეარჩიოთ.

ლომი: ასტროლოგები გირჩევენ, ერთ–ერთი ადამიანი, რომელიც თქვენ გვერდითაა, კარგად გაიცნოთ. არ არის აუცილებელი, ეს რომანტიკული სწრაფვის ობიექტი იყოს. შეიძლება აღმოჩნდეს უბრალო ნაცნობი, კოლეგა ან შემთხვევითი ადამიანი. დღეს თქვენს ურთიერთობებში ლოგიკა იქნება წინა პლანზე წამოწეული და გაქვთ შანსი, რომ მაქსიმალური ინფორმაცია მიიღოთ ნებისმიერზე. ჩვეულებრივ საუბარს, მაგალითად ამინდზე, სჯობს, თანამოსაუბრის ბიოგრაფიისა და მისწრაფებების შესახებ მეტი ინფორმაცია გაიგოთ, თქვენიც გაუზიაროთ და ურთიერთობები ახალ დონეზე გადაიყვანოთ. ეს მომავალში აუცილებლად გამოგადგებათ.

ქალწული: დღეს კარგი იქნება, თუ ორომტრიალს გაერიდებით და საკუთარ ფიქრებთან მარტო დარჩებით, საკუთარ გულს მოუსმენთ. ფილოსოფიურად განწყობილებს თამამად შეგიძლიათ ნებისმიერი კითხვის დასმა – არის დიდი ალბათობა იმისა, რომ თუ საკუთარ თავში ჩაიხედავთ, პასუხსაც მიიღებთ. არ შეუშინდეთ ისეთ გლობალურ კითხვებსაც კი, როგორიცაა „რა მინდა ამ ცხოვრებისგან?“ „რა გავაკეთო მომავალში?“ და ა.შ. ამის პასუხები არის, ის თქვენს სულში ღრმადაა ჩამალული და სადღაც გულის კუთხე–კუნჭულში პასუხები უკვე იცით კიდეც.

სასწორი: დღეს თქვენი წარმატების გარანტი საკუთარი ძალების ობიექტურად შეფასებაა. დღის განმავლობაში შეიძლება გაჩნდეს ისეთი ვითარება, როდესაც სპეციალისტის კონსულტაცია დაგჭირდებათ. შესაძლოა, ეს ინფორმაციის ნაკლებობა იყოს, ან ექიმის რჩევა დაგჭირდეთ. ასეა თუ ისე, უნდა გახსოვდეთ, რომ ერთი თავი კარგია, მაგრამ ორი – უკეთესი. ყველას რომ მხოლოდ საკუთარი თავის იმედი ჰქონდეს, დღემდე პირველყოფილებივით გამოქვაბულებში ვიცხოვრებდით.

მორიელი: დღეს, შესაძლოა, დისკუსიის სურვილი გაგიჩნდეთ. ამასთან მარტო დისკუსიის კი არა, არამედ სკანდალის. თქვენი საბრძოლო განწყობა კამათში გამოვლინდება, გაგიჩნდებათ სურვილი, რომ გარშემომყოფებს თქვენი სიმართლე დაუმტკიცოთ და ამას ვერავინ შეეწინააღმდეგება. ერთადერთი, რაც მათ დარჩენიათ, ისაა, რომ დაეთანხმონ თქვენს არგუმენტებს და აღიარონ თქვენი ინტელექტუალური უპირატესობა – ასეთ შემთხვევაში სრულიად კმაყოფილი დარჩებით.

მშვილდოსანი: დღეს თავდაჯერებულობა მოგაკლდებათ. მერყეობა მოგეძალებათ თითქმის ყველა საქმეში, რასაც ხელს მოჰკიდებთ. ეს, რა თქმა უნდა, თქვენს საქმიანობაზე კარგად არ აისახება. თუნდაც ყველაფერი თავისი რიგით მიდიოდეს, მაინც უამრავი ეჭვი გაგიჩნდებათ. ამის გამო შეიძლება საქმე დაყოვნდეს, შეფერხდეს. აუცილებელია, რომ დილიდანვე განეწყოთ აქტიურად, საქმიანად. ამისთვის საკმარისი იქნება დილის ვარჯიში და კონტრასტული შხაპის მიღება. ნახავთ, რომ ცხოვრებაში ახალი ნათელი ფერები შემოიჭრება და მერყეობა სადღაც გაქრება.

თხის რქა: დღეს გაქვთ შანსი, რომ რაღაც ახალი ვალდებულებები აიღოთ, რომლებიც კარგ პერსპექტივებს გპირდებათ. საუბარი შეიძლება იყოს ხელისა და გულის შემოთავაზებაზე, სამუშაოს ახალ მიმართულებაზე, კარიერაზე და ა.შ. თუ ასე არ მოხდა, შეიძლება ახალ იდეას ან ვითარებას „გადაეყაროთ“, რომელიც დროთა განმავლობაში ახალ სიმაღლეზე აგიყვანთ. ექსპერტები გირჩევენ, არ შეუშინდეთ ახალ ვალდებულებებსა და მოვალეობებს – ის საკმაოდ კარგ წარმატებებს მოგიტანთ.

მერწყული: დღეს, თუ მოინდომებთ, ნებისმიერ საუბარში შეძლებთ თქვენი ცოდნითა და გონებით გაბრწყინებას. ხართ ძალზე კომუნიკაბელური და გაქვთ უნარი, რომ თანამოსაუბრეს საკუთარი ერუდიცია ძალდაუტანებლად წარუდგინოთ. ეს დაგეხმარებათ სხვადასხვა პროექტის წარდგენაში, მოლაპარაკებების წარმოებაში და სხვ. ინტელექტუალურ ურთიერთობებში ტოლს ვერავინ დაგიდებთ. თქვენი ერუდიცია აქტუალური იქნება ყველაფერში, სიყვარულშიც კი.

თევზები: დღეს, შესაძლოა, საკუთარი სახლის ან რამე პირადი სივრცის – ავტომობილის, აგარაკის, სამუშაო ადგილის მოწყობის სურვილი გაგიჩნდეთ. ამასთან, ამ პროცესში სხვების ჩართვის სურვილიც გაიღვიძებს – თქვენი იდეები იმდენად „გლობალური“ იქნება, რომ მარტო ამას ვერ გაუმკლავდებით. თქვენს ახლობლებს გაუმართლებს, თუ მხოლოდ საფუძვლიანი დალაგებით შემოიფარგლებით. ისეთ განწყობაზე ხართ, რომ არაა გამორიცხული, კაპიტალური რემონტიც კი წამოიწყოთ.

0