რუსული ვაქცინა

ექსპერტმა რუსული ვაქცინისადმი დასავლეთის ნეგატიური დამოკიდებულება განმარტა

67
(განახლებულია 17:25 11.12.2020)
მანამდე რუსეთის თავდაცვის სამინისტრომ გაავრცელა ინფორმაცია, რომ უცხოეთში გარკვეული სახსრები გამოიყო რუსული ვაქცინის რეპუტაციის შებღალვის მიზნით.

თბილისი, 11 დეკემბერი — Sputnik. დასავლეთის მცდელობა, მოახდინოს რუსული ანტიკორონავირუსული ვაქცინა „სპუტნიკ V“-ს დისკრედიტაცია, ნატოს წევრი ქვეყნების სამხედრო ძალისხმევაა რუსეთის შესაკავებლად, მიაჩნია სამხედრო ექსპერტს იგორ კოროტჩენკოს.

მანამდე რუსეთის თავდაცვის სამინისტროს ოფიციალურმა წარმომადგენელმა იგორ კონაშენკოვმა განაცხადა, რომ საზღვარგარეთის ქვეყნებში გამოიყო თანხები რუსული ვაქცინის დისკრედიტაციის მიზნით. მან ასევე გააფრთხილა საზოგადოება, რომ მალე „ფსევდოანალიტიკური გამოძიებების სერიები გამოჩნდება ცრუ თვითმხილველებზე დაყრდნობით“, რომლებშიც საუბარი იქნება რუსული ვაქცინის „საფრთხეებსა“ და „ვაქცინირებაზე საყოველთაო უარის“ თაობაზე.

ვაქცინის შექმნა, ექსპერტის აზრით, ეს დიდი პოლიტიკისა და ეროვნული უსაფრთხოების საკითხებია. კოროტჩენკოს თქმით, „სპუტნიკ V“-ს წინააღმდეგ საინფორმაციო კამპანია „რუსეთის შესაკავებლად დასავლეთის სამხედრო ძალისხმევების“ პარალელურად მიმდინარეობს.

„ეს არის რუსული ვაქცინის დისკრედიტაცია, რათა მისი საერთაშორისო ბაზარზე გასვლა გართულდეს. არადა, მისით ათობით სახელმწიფოა დაინტერესებული... ვაქცინასთან დაკავშირებული საკითხი, ეს ძირგამომთხრელი ძალისხმევები სამხედრო ფონს ედება. ამიტომაც არის ეს ნატოს ქვეყნების, უპირველესად, აშშ-ის მხრიდან, რუსეთის საწინააღმდეგო კომპლექსური პოლიტიკა“, — განაცხადა ექსპერტმა.

რუსეთის ჯანდაცვის სამინისტრომ მსოფლიოში პირველი ანტიკორონავირუსული ვაქცინა აგვისტოში დაარეგისტრირა, რომელიც გამალეის ეპიდემიოლოგიისა და მიკრობიოლოგიის ეროვნულ ცენტრში შეიქმნა. მას „სპუტნიკ V“ ეწოდა სახელად. ვაქცინა შექმნილია ადამიანის ადენოვირუსული ვექტორების პლატფორმაზე, რომელიც კარგადაა შესწავლილი და შემოწმებული. რუსი სპეციალისტების თქმით, მისი უმნიშვნელოვანესი უპირატესობა — ეს უსაფრთხოება, ეფექტურობა და ხანგრძლივი ნეგატიური შედეგების არარსებობაა.

67
თემები:
რუსეთი დღეს (716)
რუსული ვაქცინა

თურქეთში რუსული ვაქცინა „სპუტნიკ V"-ს წარმოება დაიწყება

43
ვაქცინა „სპუტნიკ V" ეფუძნება ადამიანის ადენოვირუსული ვექტორების კარგად შესწავლილ და შემოწმებულ პლატფორმას

თბილისი, 23 იანვარი – Sputnik. პირდაპირი ინვესტიციების რუსულმა ფონდმა ფარმაცევტული პროდუქციის წამყვან თურქ მწარმოებელთან კორონავირუსის საწინააღმდეგო ვაქცინა „სპუტნიკ V"-ს თურქეთში წარმოების შეთანხმება გააფორმა და ტექნოლოგიის ტრანსფერი დაიწყო, აცხადებენ ფონდში.

„წარმოების პოტენციური მოცულობა - წელიწადში „სპუტნიკ V"-ს მილიონობით დოზა, ასევე განიხილება მომავალში წარმოების შესაძლო გაფართოების საკითხი. ვაქცინის მიწოდება განხორციელდება როგორც თურქეთის შიდა ბაზარზე, ისე სხვა ქვეყნებში“, - აღნიშნეს ფონდში.

თურქი პარტნიორები დიდ დაინტერესებას ავლენენ ვაქცინის მიმართ, რომლის ეფექტურობა 90%-ს აღემატება, განაცხადეს ფონდში.

ვაქცინა „სპუტნიკ V" ეფუძნება ადამიანის ადენოვირუსული ვექტორების კარგად შესწავლილ და შემოწმებულ პლატფორმას და დამტკიცებულია რუსეთში, ბელარუსში, არგენტინაში, არაბეთის გაერთიანებულ საამიროებში, უნგრეთში, სერბეთში, ბოლივიაში, ალჟირში, პალესტინაში, ვენესუელაში, პარაგვაიში და თურქმენეთში. დაწყებულია ვაქცინის ევროკავშირში რეგისტრაციის ინიცირების პროცესი.

43
ვაქცინაცია რუსეთში

რუსეთში კორონავირუსის საწინააღმდეგო ვაქცინის 7,6 მილიონი დოზაა წარმოებული

5
(განახლებულია 14:18 23.01.2021)
ქვეყნის პრემიერ-მინისტრის თქმით, მიმდინარე წლის პირველ კვარტალში კორონავირუსზე 20 მილიონ რუსეთის მოქალაქეს აცრიან

თბილისი, 23 იანვარი - Sputnik. რუსეთში COVID-19-ის საწინააღმდეგო ვაქცინის უკვე 7,6 მილიონი დოზაა წარმოებული, განაცხადა რუსეთის პრემიერ-მინისტრმა ტატიანა გოლიკოვამ.

„შემიძლია ვთქვა, რომ ახლა ვაქცინის უკვე 7,6 მილიონი დოზაა წარმოებული, 2,1 მილიონი დოზა ქვეყნის რეგიონებს მიეწოდათ“, - განაცხადა მან.

მისი თქმით, სხვაობა აიხსნება იმით, რომ ვაქცინის ეს მოცულობები სხვადასხვა დროს არის წარმოებული. ვაქცინის ხარისხისა და უსაფრთხოების უზრუნველსაყოფად ის ხარისხის კონტროლს გადის, შემდეგ კი გამოსაყენებლად მიეწოდება.

ვიცე-პრემიერმა ასევე განაცხადა, რომ რუსეთში ვაქცინაციის 2 250 პუნქტი მუშაობს.

„იმ მომენტისთვის, როდესაც პრეზიდენტმა მასშტაბურიდან მასობრივ ვაქცინაციაზე გადასვლის განკარგულება გასცა, რუსეთში იყო 1300-მდე ვაქცინაციის კაბინეტი, ახლა კი უკვე 2 250“, - განაცხადა გოლიკოვამ.

5
თბილისი

დღის ასტროპროგნოზი ზოდიაქოს ნიშნებისთვის: 24 იანვარი

0
(განახლებულია 13:46 23.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 24 იანვარია, კვირა. მზარდი მთვარე ტყუპის ნიშანშია. ამ დღეს პლანეტა მზე მფარველობს.

დღეს შესანიშნავი დღეა იმისთვის, რომე ნებისმიერ გადაუჭრელ საკითხში, ეხება ეს სამუშაოსა თუ პირად ცხოვრებას, სიცხადე შეიტანოთ. თუ შეძლებთ გრძნობების გაკონტროლებას, გაქვთ შანსი, რომ ჩაწვდეთ პრობლემის არსს და ერთადერთი სწორი გადაწყვეტილება მიიღოთ. მაგრამ საფრთხე ისაა, რომ ვნებათაღელვა და ტემპერამენტი მომატებული იქნება, ამიტომ, ეცადეთ, გამოავლინოთ მხოლოდ პოზიტიური ენერგია, ხოლო ნეგატიური დამალოთ, არ მოაწყოთ „საქმის გარჩევა“ საყვარელ ადამიანთან – ეს შეიძლება ძალიან მძიმე შედეგით დამთავრდეს.

2021 წლის ჰოროსკოპი ზოდიაქოს ნიშნებისთვის>>

ვერძი: დღეს უნარი გაქვთ, საქმის არსს ჩასწვდეთ და თითოეული საკითხი „ატომებისა და მოლეკულების“ დონეზე „დაშალოთ“. ამან, შესაძლოა, სრულიად ახალ, მათ შორის, მოულოდნელ დასკვნებამდე მიგიყვანოთ. ყველაზე უბრალო ყოველდღიურ საქმეებშიც კი, თუ მათ სხვა კუთხით შეხედავთ, ადრე უხილავ ნიუანსებს დაინახავთ. ასევე იქნება ადამიანებთან მიმართებითაც – ირგვლივ მყოფნი თქვენგან სულ უმნიშვნელო საიდუმლოსაც ვერ დამალავენ.

კურო: დღეს რაღაც ისეთ საქმეში იქნებით ჩართული, რომელიც ასე თუ ისე ფულთან არის დაკავშირებული. ეს შეიძლება ნებისმიერი რამ იყოს – ხელმძღვანელობასთან ხელფასზე საუბრიდან დაწყებული ბანალურ კამათამდე ზედმეტი ხარჯების გამო. ვარსკვლავები გირჩევენ, არ გაცხარდეთ ასეთი ლაპარაკის დროს და მოერიდოთ უსარგებლო დეტალებს. ეცადეთ, შეინარჩუნოთ სიმშვიდე და ფაქტებზე გაამახვალითო ყურადღება. წყენასა და ურთიერთპრეტენზიებს სერიოზული პრობლემების შექმნა შეუძლია დღეს.

ტყუპი: დღეს თქვენ ხმაში მბრძანებლური ტონი გაიჟღერებს. გარშემომყოფებისთვის საკუთარ სიმართლის მტკიცებას დაიწყებთ და არაა გამორიცხული, რომ ზედმეტად გაცხარდეთ. ზედმეტად თავდაჯერებული ბრძანდებით, ასი პროცენტით გჯერათ, რომ რასაც აკეთებთ, სწორად აკეთებთ. ირგვლივ მყოფებს კი ამაში ეჭვი ეპარებათ და დახმარების სურვილი არა აქვთ, რაც, შესაძლოა, საბოტაჟს დაემსგავსოს. დღე რომ უაზრო კამათში არ გავიდეს, უნდა მოთოკოთ თქვენი მღელვარება, შეაჩეროთ სხვებზე ზეწოლა. ბოლოს და ბოლოს, ხომ შეიძლება ამ ადამიანებთან შეთანხმება ჩხუბის გარეშე?

კირჩხიბი: კარგი დღეა იმისთვის, რომ ურთიერთობებში სიცხადე შეიტანოთ, თუ, რა თქმა უნდა, ამის აუცილებლობას ხედავთ. რაზეც ვერ ბედავთ დალაპარაკებას, კითხვები, რომლების დასმაც გერიდებათ – ეს ყველაფერი შეიძლება დღეს გააკეთოთ უშიშრად. თქვენი განწყობა იმგვარია, რომ იყოთ პატიოსანი, გულწრფელი და გამგები თანამოსაუბრე. ეს დაგეხმარებათ, რომ ისაუბროთ პრეტენზიების გარეშე თუნდაც ყველქზე ფაქიზ თემებზე.

ლომი: დღეს, შესაძლოა, რაღაც საკითხში თავდაჯერებულობამ გიღალატოთ. რაშიც ასი პროცენტით იყავით დარწმუნებული, არაა გამორიცხული, რომ სულ სხვაგვარად დაინახოთ, მოულოდნელი მხრიდან შეხედოთ მას. ასევე შესაძლებელია, რომ რაღაც საკითხზე მოსაზრება შეიცვალოთ. სხვა სიტყვებით რომ ვთქვათ, დღეს მზად უნდა იყოთ ცვლილებებისთვის, თუნდაც ეს ცვლილებები მხოლოდ თქვენს თავში „დატრიალდეს“.

ქალწული: მზად ხართ, ყველაფერს ძირისძირობამდე ჩაუღრმავდეთ, თუნდაც სულ უბრალო და მცირე მნიშვნელობის საკითხი იყოს. გაურკვევლობა საქმეებში თუ სიტყვებში გაგაღიზიანებთ და იქამდე „იკირკიტებთ“ საკითხში, სანამ ყველაფერი ნათელი არ გახდება. ეს დაგეხმარებათ, რომ შეცდომებს აარიდოთ თავი. თუმცა, იმდენ კითხვას დასვამთ დაზუსტების მიზნით, რომ გარშემომყოფებს შეიძლება მოეჩვენოთ, რომ დასცინით მათ.

სასწორი: დღეს უნდა გადაწყვიტოთ, რა არის ის, რისგანაც დიდი ხნის წინ უკვე უნდა გათავისუფლებულიყავით და ახლისთვის დაგეთმოთ ადგილი. შესაძლოა, უკან გექაჩებათ უკვე ყავლგასული რაღაც იდეები, განუხორციელებელი გეგმები, შეუსრულებელი ვალდებულებების ტვირთი. არ არის გამორიცხული, რომ დღეს რომელიმე ილუზიასთან ან ოცნებასთან დამშვიდობება მოგიწიოთ, მაგრამ მხოლოდ იმისთვის, რომ წინ ნამდვილი პერსპექტივები გახსნათ.

მორიელი: დღეს არანაირ კომპრომისზე წასასვლელად არ ხართ მზად. თქვენი „დიახ“ ნიშნავს „დიახ“–ს და „არა“ – არას. მათ შორის სხვა არაფერი არსებობს. ასეთი უაპელაციო მცდელობა, რომ სამყარო შავ და თეთრ ფერებად დაყოთ, გარშემომყოფების მხრიდან აუცილებლად წინააღმდეგობას გამოიწვევს. დღეს ძალზე ემოციური და სიმართლისმოყვარული ბრძანდებით, ამიტომ ურთიერთობების გამორკვევის ნებისმიერი მცდელობა კამათით დამთავრდება. ეს რომ არ მოხდეს, უნდა გათავისუფლდეთ ილუზიისგან, რომ ვინმესთვის რამის დამტკიცებას შეძლებთ – ეს დღეს ნამდვილად არ გამოგივათ.

მშვილდოსანი: ექსპერტების მთავარი რჩევა დღეს ასეთია – არ იჩქაროთ არანაირი სერიოზული გადაწყვეტილების მიღება. სჯობს, დრო ინფორმაციის შეგროვებას დაუთმოთ. შესაძლოა, რაღაც ვერ გაითვალისწინეთ ან სათანადო ცნობები არ მოგეპოვებათ. შეცდომა არ დაუშვათ, დღეს ფაზლის ყველა დეტალი უნდა ააწყოთ: დაელაპარაკოთ საკითხის მცოდნე ადამიანებს, იპოვოთ პასუხები კითხვებზე, მოიძიოთ და ჩაუსხდეთ წიგნებს, შეისწავლოთ ფაქტები. მხოლოდ ამის შემდეგ შეგიძლიათ „ბრძოლის ველზე“ გასვლა.

თხის რქა: დიდი ალბათობით, მოგიწევთ საკუთარი შეხედულების გადახედვა რომელიმე ადამიანზე, რამე მოვლენაზე ან პრობლემაზე. ეს, შესაძლოა, საკუთარი სურვილის მიუხედავად გააკეთოთ, უბრალოდ, სიტუაციის გამო რაღაც ფაქტები შეიძლება ჩაგივარდეთ ხელში, რომელთა გათვალისწინებაც მოგიწევთ. ამან რომ მთელი დღე კალაპოტიდან არ ამოგაგდოთ, სჯობს, მოულოდნელობისთვის მზად იყოთ და აუცილებლობის შემთხვევაში რაღაც საკითხში მოქნილობა გამოავლინოთ.

მერწყული: დღეს გარშემომყოფებთან ურთიერთობებში, სავარაუდოდ, ძალიან გაჯიუტდებით. იმის გათვალისწინებით, რომ ძალზე ემოციური ხართ და ყველაფეი ადვილად გწყინთ, არ არის გასაკვირი, რომ ცხარე კონფლიქტების წყარო გახდეთ. ასტროლოგები გირჩევენ, დღეს თქვენთვის შეინახოთ ძვირფასი, „ერთადერთი სწორი“ მოსაზრება და მას ხმამაღლა გამოთქვამთ, მაშინ მზად იყავით, რომ კომპრომისზე წახვიდეთ და ბოდიშიც მოიხადოთ.

თევზები: ყველაფერი წესრიგში და სისუფთავეში უნდა იყოს – სულშიც, ფიქრებშიცა და მუშაობის მხრივაც. ყველაფერს ხედავთ და ამჩნევთ – სულ მცირე მტვრის ნაწილაკსაც კი და მთელი ძალით ცდილობთ დასუფთავებას. უმნიშვნელო არეულობას ან სიბინძურესაც კი გარშემომყოფების ნაკლოვანებების – მათი არაიდეალურად სუფთა საქციელისა და სიტყვების გამოვლენა შეუძლია. ნაკლებსავარაუდოა, რომ დღეს ვინმემ ან რამემ შეაკავოს თქვენი მისწრაფება, რომ პირდაპირ მიახალოთ სათქმელი სისუფთავის „დამრღვევს“.

0