სერგეი ლავროვი: დასავლეთი რუსეთის წინააღმდეგ საბაბებს ეძებს

© photo: courtesy of Press service of the Russian Foreign Ministry / გადასვლა მედიაბანკშისერგეი ლავროვი
სერგეი ლავროვი - Sputnik საქართველო
გამოწერა
რუსეთის საგარეო საქმეთა მინისტრს მიაჩნია, რომ ანალიტიკოსები, რომლებიც ახლა აშშ-სა და ევროპაში დომინირებენ, რუსეთის საწინააღმდეგოდ არაერთ საბაბს ეძებენ.

თბილისი, 10 დეკემბერი — Sputnik. დასავლეთს კიდევ ბევრი საბაბის მოგონება შეუძლია საიმისოდ, რომ რუსეთი სხვა სახელმწიფოების საქმეებში ჩარევაში დაადანაშაულოს, მიაჩნია რუსეთის საგარეო საქმეთა მინისტრს სერგეი ლავროვს.

„ბოლო დროს ჩვენ გვადანაშაულებენ იმაში, რომ ვერევით ბელორუსიაში, ჩავერიეთ მთიან ყარაბაღში მხოლოდ და მხოლოდ იმისთვის, რომ იქ დასავლეთის საწინააღმდეგოდ ჩვენი გეოპოლიტიკური პოზიციები განვიმტკიცოთ, თითქოს თურქეთთან ამ რეგიონის გაყოფაზე შევთანხმდით მხოლოდ იმისთვის, რომ დასავლეთმა იქ მდგომარეობა ვერ გაიმყაროს. აი, ასეთი ლოგიკა და ფსიქოლოგია აქვთ იმ ანალიტიკოსებს, რომლებიც ახლა ევროპასა და აშშ-ში დომინირებენ, მით უმეტეს, ბრიტანეთის კუნძულებზე“, – აღნიშნა მინისტრმა ტელეარხ RT-სთან ინტერვიუში.

მისი თქმით, მოსკოვი მზადაა მოვლენათა ნებისმიერი განვითარებისთვის.

სერგეი ლავროვი - Sputnik საქართველო
ლავროვი: რუსეთმა გერმანიასა და საფრანგეთს სარკისებური სანქციები დაუწესა

„სწორედ ამ დღეებში წავიკითხე, რომ აშშ-ის კონგრესი სანქციებს უწესებს რუსეთის მოკავშირე ბელორუსიას უბრალოდ იმისთვის, რომ არსებობს ასეთი მოკავშირე სახელმწიფო, და ის არ მოსწონთ მათ, ვისაც ბელორუსიაში მორიგი „ფერადი რევოლუციის“ მოწყობა სურს. ასე რომ, კიდევ არაერთი საბაბი გამოჩნდება — ამაში დარწმუნებული ვარ. დასავლეთს მათი ძებნაც ეხერხება და გამოგონებაც. ჩვენი დასავლელი კოლეგების სრულყოფილებას საზღვარი არ აქვს“, — თქვა ლავროვმა.

ნოემბერში აშშ-ის კონგრესის წარმომადგენელთა პალატამ მოიწონა კანონპროექტი, რომელიც ამერიკის პრეზიდენტს ანიჭებს უფლებას, შეუზღუდოს ქვეყანაში შესვლა ბელარუსის საარჩევნო კომისიის წევრებსა და იმ ჩინოვნიკებს, რომლებსაც აშშ-ში მასმედიაზე ზეწოლაში დამნაშავეებად მიიჩნევენ.

ყველა ახალი ამბავი
0