რუსეთის საგარეო საქმეთა სამინისტრო

რუსეთმა ლატვიაში Baltnews-ისა და Sputnik-ის თანამშრომლების დაკავება დაგმო

37
(განახლებულია 17:26 04.12.2020)
მანამდე ანალოგიური ვითარება შეიქმნა ბალტიისპირეთის კიდევ ერთ რესპუბლიკაში, რაც ეუთოს მედიათავისუფლების საკითხთა წარმომადგენელმა უარყოფითად შეაფასა.

თბილისი, 4 დეკემბერი — Sputnik. რუსეთის საგარეო საქმეთა სამინისტრომ მკაცრად დაგმო ლატვიის ხელისუფლების მოქმედებები პორტალ Baltnews-ისა და „Sputnik–ლატვიის“ რუსულენოვანი ჟურნალისტების მიმართ, რომელთა საცხოვრებლებშიც ჩხრეკა ჩატარდა, იუწყება სააგენტო РИА Новости.

მანამდე „Sputnik–ახლო საზღვარგარეთი“ იუწყებოდა, რომ აღნიშნული მედიასაშუალებების თანამშრომლებს ლატვიის სისხლის სამართლის კოდექსის 84-ე მუხლის თანახმად წაუყენეს ბრალდება, რაც ევროკავშირის სანქციების რეჟიმის დარღვევას ითვალისწინებს. დაკითხვის შემდეგ მათ გაუსვლელობის ხელწერილები ჩამოართვეს. ბრალდებულებს ფულადი ჯარიმა ან პატიმრობა ემუქრებათ.

„ლატვიის სახელმწიფო უსაფრთხოების სამსახურის აგრესიულ ქმედებებს, რომლებიც 3 დეკემბერს გატარდა რიგაში Sputnik-ის ბიუროს რუსულენოვანი თანამშრომლების მიმართ, ვაფასებთ დემოკრატიული საზოგადოების საფუძვლების — მედიის თავისუფლებისა და აზრის გამოხატვის უფლების გათელვად. შეგახსენებთ, რომ ჟურნალისტები დააკავეს, დაკითხეს და გაჩხრიკეს, წარუდგინეს სისხლის სამართლის ბრალდებები“, — ნათქვამია საგარეო საქმეთა სამინისტროს საიტზე გამოქვეყნებულ განცხადებაში.

როგორც უწყებაში აღნიშნეს, „Sputnik–ლატვიის“ კოლექტივისთვის ევროკავშირის სანქციების რეჟიმის დარღვევაში ბრალის წაყენება კატეგორიულად მიუღებელია.

„აღნიშნული რესტრიქციები პერსონალური ხასიათისაა, შეეხება პირადად საერთაშორისო საინფორმაციო სააგენტო Россия сегодня-ს გენერალურ დირექტორს დმიტრი კისელიოვს და არ შეიძლება გავრცელდეს ყველაზე, ვინც მედიაჰოლდინგთან თანამშრომლობს“, — ხაზი გაუსვეს სამინისტროში.

საგარეო უწყებაში აცხადებენ, რომ „იმავდროულად გაუსწორდნენ საინფორმაციო საააგენტო Baltnews-ის რუსულენოვან ჟურნალისტებს და ასევე ლატვიის მთელ რიგ საზოგადო მოღვაწეებს“.

„ყოველივე ეს ნამდვილი სადამსჯელო აქციაა, რომელიც არანაირ ეჭვს არ ტოვებს, რომ ცრუ ბრალდებებს რუსოფობიული ქვეტექსტი აქვს. საკითხს ეუთოს საგარეო საქმეთა მინისტრების საბჭოზე დავაყენებთ“, — ნათქვამია განცხადებაში.

სამინისტროში იმედი აქვთ, რომ ეუთოს ახალი წარმომადგენელი მედიის თავისუფლების კუთხით უყურადღებოდ არ დატოვებს მომხდარს და მიუთითებს ლატვიას მასობრივი ინფორმაციის საშუალებებზე „მსგავსი თავდასხმების მიუღებლობაზე“ და ასევე „სიტყვის თავისუფლების უზრუნველყოფის სფეროში საერთაშორისო ვალდებულებების შესრულების აუცილებლობაზე“.

Россия сегодня-სა და RT-ს მთავარმა რედაქტორმა მარგარიტა სიმონიანმა, თავის მხრივ, იმედი გამოთქვა, რომ რუსეთი პასუხს გასცემს Baltnews-ისა და „Sputnik–ლატვიის“ თანამშრომლების სისხლის სამართლებრივ დევნას.

ანალოგიური ვითარება შეიქმნა გასულ წელს ესტონეთში, როდესაც ქვეყნის პოლიციისა და საზღვრის დაცვის დეპარტამენტის ხელმძღვანელობა „Sputnik–ესტონეთის“ თანამშრომლებს მათ წინააღმდეგ სისხლის სამართლის საქმის აღძვრით დაემუქრა, თუ ისინი სათავო ორგანიზაციასთან თანამშრომლობას არ შეწყვეტდნენ. აღნიშნული ქმედებების საფუძვლად მათ ევროკავშირის მიერ 2014 წლის 17 მარტს ფიზიკური და იურიდიული პირებისთვის დაწესებული სანქციები დაასახელეს. თუმცა ევროკავშირის რესტრიქციები ეხებოდა არა საერთაშორისო საინფორმაციო სააგენტო Россия сегодня-ს, რომელშიც შედის Sputnik, არამედ პირადად მის გენერალურ დირექტორს დმიტრი კისელიოვს. როგორც მანამდე ეუთოს მედიათავისუფლების საკითხების წარმომადგენელმა არლემ დეზირმა აღნიშნა, ტალინის სწრაფვა, გაავრცელოს ევროკავშირის პერსონალური სანქციები „Sputnik–ესტონეთის“ თანამშრომლებზე, პრობლემებს ქმნის მასობრივი ინფორმაციის საშუალებების თავისუფლების სფეროში.

37
თემები:
რუსულენოვანი ჟურნალისტების შევიწროება ბალტიისპირეთში (49)

ციმბირში მაინინგ კომპანიამ 40 000 წლის მამონტის ეშვები აღმოაჩინა და მუზეუმს გადასცა

38
ციმბირის ქალაქ კემეროვოს ჩრდილოეთით 25 კილომეტრის დაშორებით ნახშირის მაღაროში აღმოჩენილი ოთხი მამონტის ეშვი ხუთშაბათს კუზბასის სახელმწიფო მუზეუმს გადაეცა

მამონტის ნაშთები აღმოაჩინეს იანვარში, ურალის სამთო მეტალურგიული კომპანიის საკუთრებაში არსებულ მაღაროში, რომელიც არის რუსეთის წამყვანი ქვანახშირის მწარმოებელი. ურალის სამთო მეტალურგიული კომპანიის შვილობილი კომპანიის "კუზბასრაზრეზუგოლის" საზოგადოებასთან ურთიერთობის განყოფილების ხელმძღვანელმა ლარისა ბერესტნევამ აღნიშნა, რომ ექსკავატორები მას თიხის ფენაში მუშაობისას წააწყდნენ. 

"სავარაუდოდ, ეს ოთხი ეშვი ოთხ სხვადასხვა მამონტს ეკუთვნის. ერთი შეხედვით, ძვლების დიამეტრი განსხვავებულია, რაც მაფიქრებინებს, რომ ისინი სხვადასხვა მამონტებს ეკუთვნით, თუმცა დარწმუნებული არ ვარ", - განაცხადა სამეცნიერო დეპარტამენტის უფროსმა დიმიტრი სლობოდინმა.

"თარიღის დადგენა? ჯერ რთული სათქმელია. აუცილებელია შეისწავლოთ ადგილმდებარეობა, სადაც ისინი აღმოაჩინეს. მაგრამ, სავარაუდოდ, ეს იქნება ათიდან ორმოც ათას წლამდე”, - აღნიშნა მან.

აღმოჩენები მალე გამოიფინება მუზეუმში, მაგრამ მანამდე მისი კარგად შესწავლა და მომზადებაა საჭირო.

38
 „სპუტნიკ V“

რუსული ვაქცინა „სპუტნიკV“ გაცემული ნებართვების რაოდენობით მსოფლიოში მეორე ადგილს იკავებს

57
(განახლებულია 16:14 06.03.2021)
იმ ქვეყნების მოსახლეობის რაოდენობამ, რომლებმაც ვაქცინა „სპუტნიკV“ დაარეგისტრირეს, 1,2 მილიარდ ადამიანს გადააჭარბა.

თბილისი, 6 მარტი – Sputnik. რუსული ვაქცინა „სპუტნიკV“-მ სახელმწიფო რეგულატორების მიერ გაცემული ნებართვების რაოდენობით კორონავირუსის საწინააღმდეგო ვაქცინებს შორის მეორე ადგილზე გადაინაცვლა და გაუსწრო Pfizer-ს, ნათქვამია ვაქცინა „სპუტნიკV"-ს Twitter-ის ოფიციალურ აკაუნტში.

სახელმწიფოების რაოდენობით, რომლებმაც პრეპარატის გამოყენება დაუშვეს, პირველ ადგილს იკავებს ვაქცინა AstraZeneca (49 ქვეყანა), შემდეგ მოდის „სპუტნიკV“ (45 ქვეყანა). მესამე პოზიციას იკავებს Pfizer (43 ქვეყანა). შემდეგ მოდის Moderna (19 ქვეყანა), სამი ჩინური ვაქცინა Sinopharm (18), Sinovac (16), CanSino (4). მერვე ადგილზეა Johnson & Johnson-ის ვაქცინა, რომელიც ოთხმა ქვეყანამ მოიწონა.

იმ 45 ქვეყნის მოსახლეობის რაოდენობამ, რომლებმაც ვაქცინა „სპუტნიკV“ დაარეგისტრირეს, 1,2 მილიარდ ადამიანს გადააჭარბა.

ამჟამად „სპუტნიკ V“-ს გამოყენება დამტკიცებულია რუსეთში, ბელარუსში, არგენტინაში, ბოლივიაში, სერბეთში, ალჟირში, პალესტინაში, ვენესუელაში, პარაგვაიში, თურქმენეთში, უნგრეთში, არაბთა გაერთიანებულ საემიროებში, ირანში, გვინეას რესპუბლიკაში, ტუნისში, სომხეთში, მექსიკაში, ნიკარაგუაში, სერბთა რესპუბლიკაში (ბოსნიას და ჰერცეგოვინის ენტიტეტი), ლიბანში, მიანმარში, პაკისტანში, მონღოლეთში, ბაჰრეინში, მონტენეგროში, სენტ-ვინსენტი და გრენადინებში, ყაზახეთში, უზბეკეთში, გაბონში, სან-მარინოში, განაში, სირიაში, ყირგიზეთში, გაიანაში, ეგვიპტეში, ჰონდურასში, გვატემალაში, მოლდოვაში, სლოვაკეთში, ანგოლაში, ჯიბუტიში, კონგოს რესპუბლიკაში, შრი-ლანკაში, ლაოსსა და ერაყში.

პარასკევს ევროპის წამლების სააგენტომ (ЕМА) დაიწყო „სპუტნიკ V“-ს სარეგისტრაციო დოსიეს ექსპერტიზა - პრეპარატს ამოწმებენ ევროკავშირის სტანდარტებთან შესაბამისობაზე ეფექტურობისა და ხარისხის კუთხით.

რუსეთის ჯანდაცვის სამინისტრომ „სპუტნიკ V“-ს 2020 წლის აგვისტოში დაარეგისტრირა. ვაქცინა გამალეის ცენტრში შემუშავდა.

სამეცნიერო ჟურნალმა The Lancet-მა გამოქვეყნდა ნაშრომი, რომელიც „სპუტნიკV“-ს კლინიკური კვლევების მესამე ფაზის შედეგებს ასახავს. ნაშრომის თანახმად, „სპუტნიკ V“-ს ეფექტურობა 91,6%-ს შეადგენს და ის იმუნოგენურობისა და უსაფრთხოების მაღალ დონეს ავლენს. ვაქცინა ახალი კორონავირუსული ინფექციით დაავადების მძიმე შემთხვევებისგან სრულ დაცვას უზრუნველყოფს.

საზღვარგარეთის ბაზრებზე ვაქცინა „სპუტნიკ V–ს“  პოპულარიზაციით რუსეთის პირდაპირი ინვესტიციების ფონდია დაკავებული. როგორც ფონდის ხელმძღვანელი კირილ დმიტრიევი აცხადებდა მანამდე, რუსული ვაქცინისადმი ნდობა იზრდება, ვინაიდან მას არ აქვს გვერდითი მოვლენები და არ იწვევს ალერგიას.  ვაქცინა შექმნილია კარგად შესწავლილ და შემოწმებულ ადენოვირუსული ვექტორების პლატფორმაზე, რომლის მნიშვნელოვანი უპირატესობა არის უსაფღთხოება, ეფექტურობა და ხანგრძლივი ნეგატიური შედეგების არარსებობა.   

57
საპატრულო პოლიცია

თელავში 27 წლის  მამაკაცმა ოჯახის სამი წევრი მოკლა

0
(განახლებულია 18:49 07.03.2021)
მომხდარის შესახებ დამატებითი ინფორმაცია ამ დროისთვის უცნობია. გამოძიება ოჯახური ნიშნით დამამძიმებელ გარემოებაში ჩადენილი განზრახ მკვლელობის მუხლით მიმდინარეობს

თბილისი, 7 მარტი - Sputnik. კახეთში საშინელი ტრაგედია მოხდა - თელავში, გოშაძის ქუჩაზე 27 წლის მამაკაცმა ცეცხლსასროლი იარაღით მშობლები და ბებია მოკლა და მიიმალა, იუწყება ტელეკომპანია „რუსთავი2“.

შემთხვევა ცოტა ხნის წინ მოხდა. ადგილზე პოლიციაა მობილიზებული.

შსს-ს ინფორმაციით, დანაშაულის ჩამდენი პირის დაკავების მიზნით საგამოძიებო და ოპერატიული ღონისძიებები ინტენსიურ რეჟიმში ტარდება.

ტრაგედიის მიზეზები ჯერჯერობით უცნობია.

მომხდარ ფაქტზე გამოძიება ოჯახური ნიშნით დამამძიმებელ გარემოებაში ჩადენილი განზრახ მკვლელობის მუხლით (სსკ-ის 11 პრიმა-109-ე მუხლი) მიმდინარეობს.

 

0