Sputnik V-ს უცხოეთში გაგზავნა

რუსეთმა ვაქცინა „სპუტნიკ  V“ გაეროში წარადგინა

48
(განახლებულია 23:17 02.12.2020)
ვირტუალურ ღონისძიებაზე საუბარი შეეხო პრეპარატის გამოცდას, მის ფასს, დაგეგმილ საწარმოო მოცულობას და უცხოელ პარტნიორებთან თანამშრომლობას

თბილისი, 2 დეკემბერი - Sputnik. რუსეთის მუდმივმა წარმომადგენლობამ გაეროში და ჯანდაცვის სამინისტრომ გაეროს გენერალური ასამბლეის სპეციალური სესიის ველზე კორონავირუსის საწინააღმდეგო ვაქცინის „სპუტნიკ  V“-ს პრეზენტაცია გამართეს, იუწყება РИА Новости.

როგორც ჯანდაცვის მინისტრმა მიხეილ მურაშკომ აღნიშნა, ვაქცინის კლინიკურ ცდებში მონაწილეობა მიიღო 40 ათასზე მეტმა ადამიანმა. ცდები ტარდება რუსეთში, ბელარუსში, ინდოეთში, არაბთა გაერთიანებულ საამიროებსა და ვენესუელაში, გარდა ამისა, იხილება პრეპარატის გამოცდის საკითხი ბრაზილიასა და სხვა ქვეყნებში.

„ამ მომენტისთვის ის მთავარ კანდიდატ-ვაქცინებს შორისაა, რომლებიც კლინიკური ცდების დასასრულსა და მასობრივი წარმოების დასაწყისს უახლოვდებიან“, - განაცხადა მურაშკომ და დასძინა, რომ „სპუტნიკ  V“-მ აჩვენა „მძლავრი იმუნური პასუხი და ანტისხეულების პასუხი“.

მისი სიტყვებით, პრეპარატის კლინიკური ცდები ჯერაც გრძელდება, თუმცა 100 ათასი რუსეთის მოქალაქე რისკ-ჯგუფიდან უკვე აიცრა.

ვაქცინის წარმოება

როგორც რუსეთის პირდაპირი ინვესტიციების ფონდის ხელმძღვანელმა კირილ დმიტრიევმა განაცხადა, ფონდმა „სპუტნიკ V“-ს დასამტკიცებლად განაცხადი 40 ქვეყანაში წარადგინა და მუშაობს ამ ქვეყნებში მარეგულირებლებთან. მისი აზრით, სახელმწიფოებისთვის მნიშვნელოვანია, ჰქონდეთ პორტფელი, რომელშიც სხვადასხვა ვაქცინა იქნება წარმოდგენილი.

როგორც ფონდის ხელმძღვანელმა აღნიშნა, მარტისთვის წარმოების მოცულობა უცხო ქვეყნებში, სულ მცირე, იქნება თვეში 40 მილიონი დოზა - 40 მილიონი ადამიანისთვის.

როდესაც რუსი მწარმოებლები დააკმაყოფილებენ შიდა ბაზრის მოთხოვნილებას, ფონდი განიხილავს ვაქცინის ექსპორტის საკითხს. ფონდის ხელმძღვანელის თქმით, განაცხადი ვაქცინის 1,2 მილიარდი დოზის შეძენაზე 50-ზე მეტი ქვეყნიდან იქნა წარმოდგენილი.

ვაქცინის ფასი

„ჩვენი ვაქცინის ერთი დოზა 10 დოლარზე ნაკლები ეღირება, რაც გაცილებით იაფია მ-რნმ-ის ბაზაზე დამზადებული ზოგიერთი ვაქცინის ფასზე („სპუტნიკ V“ ადამიანის ადენოვირუსის საფუძველზეა შექმნილი). ჩვენ მიზნად გვაქვს დასახული, ეს ვაქცინა მსოფლიოსთვის ხელმისაწვდომი გავხადოთ - ის ყველა ქვეყანაში ერთი და იმავე ფასად გაიყიდება“, - განაცხადა დმიტრიევმა.

ვაქცინა ორი დოზისგან შედგება. როგორც ადრე აღნიშნავდნენ შემქმნელები, „სპიუტნიკ V"-ს ღირებულება სულ მცირე ორჯერ ნაკლები იქნება იმ მ-რნმ-ის (მატრიცული რიბონუკლეინის მჟავა) საფუძველზე შექმნილი ვაქცინების ღირებულებაზე, რომლებსაც მსგავსი ეფექტურობა გააჩნია.

48
თემები:
COVID-19-ის პანდემია მსოფლიოში (1304)
სტრატეგიული სარაკეტო კომპლექსი კონტინენტთშორისი ბალისტიკური რაკეტით

„საკითხი დახურულია“: პოლიტოლოგი СНВ-3-ის შესახებ აშშ–რუსეთის გადაწყვეტილებას აფასებს

23
(განახლებულია 20:17 27.01.2021)
სამშაბათს აშშ-ისა და რუსეთის პრეზიდენტებს შორის სატელეფონო საუბარი შედგა, რა დროსაც ორი ქვეყნის ლიდერი СНВ-3-ის გახანგრძლივებაზე შეთანხმდა.

თბილისი, 27 იანვარი — Sputnik. ამერიკის შეერთებულმა შტატებმა და რუსეთმა სტრატეგიული შემტევი შეიარაღების შემცირებაზე შეთანხმების (СНВ-3) გახანგრძლივებას მიაღწიეს მოსკოვის პირობებით, რაზეც სამხედრო პოლიტოლოგმა რადიო Sputnik-ის ეთერში კომენტარი გააკეთა.

მანამდე რუსეთის საგარეო საქმეთა მინისტრის მოადგილემ სერგეი რიაბკოვმა განაცხადა, რომ ვაშინგტონი დაეთანხმა შეთანხმება СНВ-3-ის გახანგრძლივებას „ხუთი წლით წინასწარი პირობებისა და ყოველგვარი დამატებების გარეშე“.

სამშაბათს აშშ-ისა და რუსეთის პრეზიდენტებს — ჯოზეფ ბაიდენსა და ვლადიმირ პუტინს შორის სატელეფონო საუბარი შედგა. ორივე ლიდერი კმაყოფილი დარჩა ნოტების გაცვლით СНВ-III-ის გახანგრძლივების შესახებ.

თეთრი სახლის მონაცემებით, ბაიდენმა და პუტინმა ადმინისტრაციების თანამშრომლებს სწრაფი მუშაობის განკარგულება მისცეს, რათა შეთანხმების გაგრძელება 5 თებერვლამდე მოესწროს, რა დროსაც შეთანხმების მოქმედების ვადა იწურება.

რუსეთის დუმის მონაცემებით, პრეზიდენტმა პუტინმა უკვე წარადგინა დოკუმენტი რატიფიკაციისთვის, რომელიც СНВ-3-ის გახანგრძლივებას 2026 წლის 5 თებერვლამდე ითვალისწინებს. სახელმწიფო სათათბირო კანონპროექტს დღეს განიხილავს პლენარულ სხდომაზე.

როგორც სამხედრო პოლიტოლოგი ანდრეი კოშკინი აღნიშნავს, ორი ქვეყნის ლიდერის ესოდენ სწრაფ გადაწყვეტილებას აშკარა სარგებლის მოტანა შეუძლია.

„გუშინ საუბარი შედგა აშშ-ის პრეზიდენტ ჯოზეფ ბაიდენსა და რუსეთის პრეზიდენტ ვლადიმირ პუტინს შორის. ამ საუბრის შედეგია გადაწყვეტილება, პირველ რიგში, შეერთებული შტატების მხრიდან, დაეთანხმოს СНВ-3-ის გახანგრძლივების ყველა იმ პირობას, რომლებსაც მანამდე რუსეთი სთავაზობდა. ანუ, შეთანხმების გახანგრძლივებას ყოველგვარი პირობის გარეშე. შეიძლება ჩაითვალოს, რომ ასეთი გახანგრძლივება შედგა, ვინაიდან ორივე მხარემ უკვე ჩაუშვა შეთანხმების რატიფიკაციის მექანიზმი. როგორც იტყვიან, საკითხი დახურულია. მიმაჩნია, რომ სწორედ ასეთი სწრაფი გადაწყვეტილება მოიტანს სარგებელს, პირველ რიგში, მსოფლიოში სტაბილიზაციისთვის. რათა შემდგომში შესაძლებელი იყოს, არა სტაბილიზაციის მექანიზმების დაშლა, როგორც ეს აშშ-ის 45-ე პრეზიდენტის დონალდ ტრამპის დროს იყო, არამედ ახლების შექმნა, რომლებიც გამალებული შეიარაღების მოთოკვას უზრუნველყოფს“, — განაცხადა კოშკინმა.

შეთანხმება СНВ-3, რომელსაც ხელი 2010 წელს მოეწერა, ხოლო ძალაში 2011 წლის 5 თებერვალს შევიდა, ერთადერთი მოქმედი შეთანხმებაა რუსეთსა და აშშ-ს შორის შეიარაღების შეზღუდვის თაობაზე. მის თანახმად, თითოეულმა მხარემ თავისი ბირთვული არსენალი აუცილებლად უნდა შეამციროს იმგვარად, რომ შეიარაღების ჯამური რაოდენობა არ აღემატებოდეს 700 საკონტინენტთაშორისო ბალისტიკურ რაკეტას, წყალქვეშა ნავების ბალისტიკურ რაკეტებსა და მძიმე ბომბდამშენებს, 1500 ქობინს („ბოეგოლოვკა“) და 800 განთავსებულ და განუთავსებელ გამშვებ მოწყობილობას.

2018 წლის 5 თებერვალი იყო უკიდურესი ვადა, რა დროისთვისაც რუსეთსა და შეერთებულ შტატებს СНВ-3-ის შეთანხმებაზე საკონტროლო მაჩვენებლებისთვის უნდა მიეღწიათ. შეთანხმებას ვადა 2021 წლის 5 თებერვალს გასდის.

რუსეთის პრეზიდენტმა ვლადიმირ პუტინმა 2020 წლის 16 ოქტომბერს წამოაყენა შეთანხმების ყოველგვარი პირობის გარეშე ერთი წლის ვადით გახანგრძლივების წინადადება, თუმცა ვაშინგტონი არ დაეთანხმა მას. აშშ სხვადასხვა პირობებით მოითხოვდა მოლაპარაკებებში პეკინის ჩართვას ახალი სამმხრივი ბირთვული შეთანხმების შესამუშავებლად, თუმცა ჩინეთი იდეას არ დაეთანხმა.

23
თემები:
რუსეთი დღეს
ბავშვი კატასთან ერთად

ცემინებისა და ასთმის გარეშე: შექმნილია კატებზე ალერგიის საწინააღმდეგო ვაქცინა

37
(განახლებულია 19:57 27.01.2021)
სპეციალისტების თქმით, კატებზე ალერგიის საწინააღმდეგო ვაქცინის შექმნა ნამდვილი სენსაციაა, ვინაიდან ასეთი დაავადება არ იკურნება.

თბილისი, 27 იანვარი — Sputnik. ალერგია მსოფლიოში ერთ-ერთი ყველაზე გავრცელებული დაავადებაა. პლანეტის მოსახლეობის დაახლოებით მესამედი ალერგიის ამა თუ იმ ფორმით იტანჯება, მაგრამ კატებზე ალერგია მალე შეიძლება სამუდამოდ დასრულდეს, იუწყება რადიო Sputnik. 

გავრცელებული ინფორმაციით, რუსი მეცნიერები ქმნიან პრეპარატს, რომელიც მილიონობით ადამიანს კატებზე ალერგიისგან გადაარჩენს. სეჩენოვის უნივერსიტეტმა უკვე დაასრულა კვლევები და, როგორც მისი რექტორი პიოტრ გლიბოჩკო აცხადებს, სპეციფიკური ალერგენები თითქმის მზად არის.

სავარაუდოდ, კატებზე ალერგიის საწინააღმდეგო ვაქცინა 2021 წლის ბოლომდე დარეგისტრირდება.

სპეციალისტების თქმით, ეს ნამდვილი სენსაციაა, რადგან ალერგია არ იკურნება, მისი გაკონტროლება მხოლოდ მედიკამენტების დახმარებით ხდება.

აღსანიშნავია ისიც, რომ ჯერჯერობით გაუგებარია, ეს ვაქცინა მათ დაეხმარება, ვისაც კატაზე ალერგია უკვე აქვს, თუ დაავადების განვითარების თავიდან ასაცილებლად იქნება გამოყენებული.

37
თემები:
მსოფლიო და მეცნიერება

თუ გინდა თავი 007-ად იგრძნო, ანუ სადამდე მივიდა ტექნიკა?!

0
ძალიან მალე ნებისმიერ ჩვენგანს შეუძლია თავი ჯეიმს ბონდად წარმოიდგინოს და ტელეფონის ნაცვლად… თითით ილაპარაკოს!

დიახ, სამხრეთკორეულმა სტარტაპმა Innomdle Lab. ჭკვიანი სამაჯური შექმნა, რომელიც ისე მუშაობს, როგორც ბლუთუზ-გარნიტურა და ის ბგერას ხელის თითში ატარებს.

როცა ვინმე დაგირეკავთ, სამაჯური ვიბრაციას დაიწყებს, თქვენ კი თითი ჯერ ღილაკს უნდა დააჭიროთ, შემდეგ კი ყურზე მიიდოთ და ვუალა! ილაპარაკეთ, რამდენიც გნებავთ.

სხვათა შორის, ეს სიახლე სულაც არ ღირს ძვირი. გავრცელებული ინფორმაციით, Sgnl სულ რაღაც 139 აშშ დოლარი ღირს.

 

0