ვაქცინა კორონავირუსზე

რუსეთი კორონავირუსის საწინააღმდეგო ვაქცინას ყველა მსურველ ქვეყანას მიაწვდის

76
რუსეთი მსოფლიოში პირველი ქვეყანაა, რომელმაც კორონავირუსის საწინააღმდეგო ვაქცინა დაარეგისტრირა. ამჟამად ქვეყანაში მუშაობა კიდევ რამდენიმე პრეპარატზე მიმდინარეობს

თბილისი, 22 ნოემბერი - Sputnik. რუსეთი მხარს უჭერს „დიდი ოცეულის“ ფორუმის დოკუმენტის პროექტს, რომლის თანახმად კორონავირუსის საწინააღმდეგო ვაქცინა ყველასათვის ხელმისაწვდომი უნდა იყოს, და მზად არის ის ყველა მსურველ ქვეყანას მიაწოდოს. ამის შესახებ კრემლის ვებგვერდზეა ნათქვამი.

„რუსეთი მხარს უჭერს ამჟამინდელი სამიტის საკვანძო გადაწყვეტილების პროექტს, რომელიც ორიენტირებულია იმაზე, რომ ეფექტური და უსაფრთხო ვაქცინები ყველასათვის ხელმისაწვდომი გახდეს. ეჭვგარეშეა, იმუნიზაციის პრეპარატები საყოველთაო საზოგადოებრივ საკუთრებას უნდა წარმოადგენდეს. და ჩვენი ქვეყანა, რუსეთი, რა თქმა უნდა მზად არის მიაწოდოს ყველა მსურველს ჩვენი მეცნიერების მიერ შექმნილი ვაქცინები“, - განაცხადა პუტინმა.

რუსეთის ჯანდაცვის სამინისტრომ აგვისტოში დაარეგისტრირა მსოფლიოში პირველი კორონავირუსის საწინააღმდეგო ვაქცინა „სპუტნიკV",  რომელიც გამალეს ეპიდემიოლოგიისა და მიკრობიოლოგიის ეროვნულ კვლევით ცენტრში შეიქმნა. ვაქცინა სამკვირიანი შუალედით პრეპარატის ორი კომპონენტის შეყვანას ითვალისწინებს.

„სპუტნიკV" ჯანმოს იმ 10 ვაქცინის ჩამონათვალში შედის, რომლებიც ყველაზე ახლოსაა კლინიკური გამოცდების მესამე დაზის დასრულებასა და მასობრივი წარმოების დასაწყისთან. რუსეთმა ჯანმოს ვაქცინის დაჩქარებული რეგისტრაციისა და გადაკვალიფიკაციის შუამდგომლობით მიმართა.

სექტემბერში რუსულ სამეცნიერო ცენტრ „ვექტორში“ დასრულდა SARS-CoV-2-ის საწინააღმდეგო ვაქცინის კლინიკური ცდები. „ვექტორის“ ვაქცინა სახელწოდებით „ეპივაკკორონა“ კორონავირუსის საწინააღმდეგო მეორე რუსული ვაქცინა გახდა.

ასევე გრძელდება მუშაობა ჩუმაკოვის იმუნობიოლოგიური პრეპარატების შექმნისა და კვლევების ცენტრში ცოცხალი ვაქცინის შემუშავებაზე.

76
თემები:
COVID-19-ის პანდემია მსოფლიოში (1316)
რუსეთის უსაფრთხოების ფედერალური სამსახური შემთხვევის ადგილზე

კალინინგრადის ენერგეტიკულ ობიექტზე ტერაქტი აღიკვეთა: უსაფრთხოების სამსახურის განცხადება

12
დაკავებულს ქვეყნის ამჟამინდელი ხელისუფლებისადმი სიძულვილი ამოძრავებდა, ნათქვამია უსაფრთხოების ფედერალური სამსახურის რელიზში

თბილისი, 4 მარტი — Sputnik. დაკავებულია რუსეთის მოქალაქე, რომელიც კალინინგრადის ოლქში ენერგეტიკულ ობიექტზე ტერაქტს ამზადებდა, იუწყება რუსეთის უსაფრთხოების ფედერალური სამსახური.

მათი ინფორმაციით, დაკავებულის მოტივი არსებული ხელისუფლებისადმი სიძულვილია.

„აღკვეთილია ტერაქტი კალინინგრადის ოლქის ენერგეტიკულ ობიექტზე. დაკავებულია რუსეთის მოქალაქე, რომელიც ტერაქტს მოქმედი ხელისუფლებისადმი სიძულვილის მოტივით გეგმავდა ამასთან რეგიონის მცხოვრებლებს ტერორისტულ საქმიანობაში ჩასართავად იბირებდა“, — ნათქვამია უსაფრთხოების ფედერალური სამსახურის რელიზში.

აღსანიშნავია, რომ ფიგურანტის სახლში აღმოჩენილია თვითნაკეთი ბომბი, მისი დამზადების ინსტრუქცია და კომპონენტები. გარდა ამისა, ძალოვანებმა იქვე იპოვეს „რუსეთის აღმასრულებელი და საკანონმდებლო ორგანოების შეურაცხმყოფელი მასალები“.

რელიზში არ არის დაკონკრეტებული, როდის დააკავეს ტერაქტის დამგეგმავი, თუმცა გამომდინარე იქიდან, რომ აღკვეთის ღონისძიება ჯერჯერობით შეფარდებული არ არის, შეიძლება გაკეთდეს დასკვნა. რომ ეს ამ დღეებში მოხდა.

ამ დროისათვის აღძრულია  სისხლის სამართლის საქმე.

 

12
თემები:
რუსეთი დღეს
რუსეთისა და აშშ-ის სახელმწიფო დროშები

ახალი ანტირუსული „შავი სია“: შეერთებულმა შტატებმა სანქციების ჩამონათვალი გამოაქვეყნა

43
(განახლებულია 18:24 03.03.2021)
ახალი სანქციების დაწესების შემდეგ რუსეთის საგარეო საქმეთა სამინისტროს წარმომადგენელმა მარია ზახაროვამ ვაშინგტონს მოუწოდა, „შეწყვიტოს ცეცხლთან თამაში“.

თბილისი, 3 მარტი — Sputnik. აშშ-ის ფინანსთა სამინისტრომ გამოაქვეყნა რუსეთის მოქალაქეების სია, რომლებსაც სანქციები დაუწესდათ ბლოგერ ალექსეი ნავალნის გამო.

სანქციების სიაში მოხვდნენ:

  • რუსეთის უშიშროების ფედერალური სამსახურის დირექტორი ალექსანდრ ბორტნიკოვი,
  • რუსეთის გენერალური პროკურორი იგორ კრასნოვი,
  • კრემლის ადმინისტრაციის უფროსის პირველი მოადგილე სერგეი კირიენკო,
  • სასჯელაღსრულების ფედერალური სამსახურის ხელმძღვანელი ალექსანდრ კალაშნიკოვი,
  • თავდაცვის მინისტრის მოადგილეები ალექსეი კრივარუჩკო და პაველ პოპოვი,
  • კრემლის საშინაო პოლიტიკის სამმართველოს ხელმძღვანელი ანდრეი იარინი.

გავრცელებული ცნობით, ამ პირების მთელი ქონება, რომელიც აშშ-ის იურისდიქციაში აღმოჩნდება, დაიბლოკება.

გარდა ამისა, „მასობრივი განადგურების იარაღის გავრცელების შესახებ რუსული პროგრამის მხარდამჭერი საქმიანობისთვის“ ამერიკული სანქციები დაუწესდა 13 ორგანიზაციას, რომელთაგან ცხრა რუსეთში მდებარეობს, სამი გერმანიაში და ერთი შვეიცარიაში.

რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ აშშ-ის ახალი სანქციები „მტრულ ანტირუსულ გამოხდომად“ შეაფასა და მოუწოდა ვაშინგტონს, „შეწყვიტოს ცეცხლთან თამაში“.

მანამდე, 2 თებერვალს მოსკოვის სასამართლომ გააუქმა ალექსეი ნავალნის მიმართ პირობითი სასჯელი „ივ როშეს“ საქმეზე და გამოსაცდელი ვადის არაერთხელ დარღვევისთვის 3,5 წლით თავისუფლების აღკვეთა შეუფარდა საერთო რეჟიმის კოლონიაში მოხდით. მოსკოვის საქალაქო სასამართლომ კანონიერად მიიჩნია ნავალნისთვის პირობითი სასჯელის რეალურით შეცვლა. მას კოლონიაში დაახლოებით 2,5 წლის გატარება მოუწევს.

რუსეთმა არაერთხელ უარყო, რომ ნავალნის დევნას პოლიტიკური ხასიათი აქვს, რაც, სააგენტო РИА Новости-ს ცნობით, ასევე დაადასტურა ადამიანის უფლებათა ევროპულმა სასამართლომ. თუმცა მან რუსეთის ხელისუფლებას ალექსეი ნავალნისთვის შინაპატიმრობის მისჯის გამო კომპენსაციის გადახდა დააკისრა, რომელიც უკვე გადახდილია.

ალექსეი ნავალნის ინციდენტი

ალექსეი ნავალნი გასული წლის 20 აგვისტოს გადაიყვანეს ომსკის ჰოსპიტალში მას შემდეგ, რაც ის შეუძლოდ გახდა თვითმფრინავში. გამოკვლევის შემდეგ ომსკელმა ექიმებმა პაციენტის შეუძლოდ გახდომის ძირითად მიზეზად ნივთიერებათა ცვლის დარღვევა დაასახელს, რამაც სისხლში შაქრის დონის მკვეთრი ცვლილება გამოიწვია. ომსკელ მედიკოსებს ნავალნის სისხლსა და შარდში საწამლავის ნიშნები არ აღმოუჩენიათ.

მოგვიანებით ბლოგერი გერმანიაში გადააფრინეს. გერმანიის მთავრობამ სამხედრო ექიმებზე დაყრდნობით განაცხადა, რომ ნავალნი „ნოვიჩოკის“ ჯგუფის სუბსტანციითაა მოწამლული. კრემლში ამასთან დაკავშირებით ითქვა, რომ ბერლინს არ უცნობებია მოსკოვისთვის თავისი დასკვნები.

ამასთან რუსეთი აცხადებს, რომ გერმანიის დაზვერვას (BND) 1990-იანი წლებიდან აქვს წვდომა „ნოვიჩოკზე“, ხოლო კიდევ ოცი დასავლური ქვეყანა, მათ შორის, დიდი ბრიტანეთი, აშშ, შვედეთი და ჩეხეთი სწავლობდნენ მას. რაც შეეხება რუსეთს, მოსკოვის განმარტებით, პრეზიდენტის 1992 წლის ბრძანებულების შესაბამისად, ქვეყანამ შეწყვიტა ქიმიური იარაღის სფეროში სამუშაოების წარმოება, ხოლო 2017 წელს სრულად გაანადგურა ამგვარი ნივთიერებების არსებული მარაგი.

ოქტომბრის დასაწყისში ქიმიური იარაღის აკრძალვის ორგანიზაციამ განაცხადა, რომ ნავალნის ორგანიზმში აღმოჩენილი ნივთიერებები არ არის შესული აკრძალული პრეპარატების ნუსხაში, თუმცა ისინი მახასიათებლებით „ნოვიჩოკის“ ანალოგიურია. მიუხედავად ამისა, ევროკავშირმა მაინც დააწესა ანტირუსული სანქციები.

43
თემები:
რუსეთი დღეს
საპროტესტო აქცია პარლამენტის წინ

შედგება თუ არა მოლაპარაკება ხელისუფლებასა და ოპოზიციას შორის?

0
(განახლებულია 12:07 04.03.2021)
ორიოდე დღის წინათ საქართველოს ევროპაში ერთ-ერთ ნომერ პირველ მომლაპარაკებლად ცნობილი ევროსაბჭოს პრეზიდენტი შარლ მიშელი ეწვია და ფაქტობრივად, 31 ოქტომბრის შემდეგ გაბუტული ხელისუფლება და ოპოზიცია პრეზიდენტის სასახლეში მოლაპარაკების ერთ მაგიდასთან დასვა.

ამ შეხვედრას შეიძლება, თამამად ეწოდოს მოლაპარაკების მეხუთე რაუნდი, რადგან სწორედ ევროპელი და ამერიკელი დიპლომატების მიერ დაწყებული დიალოგის გაგრძელებას გავდა. თუმცა უცნაური ის აღმოჩნდა, რომ მხარეებმა ევროპელ სტუმართან მოლაპარაკებებზე თანხმობა დააფიქსირეს, ორკვირიანი ვადაც დათქვეს კონკრეტული საკითხების მოსაგვარებლად და შეთანხმების გასაფორმებლად და მეორე დღეს პარლამენტის პიკეტირება დაიწყო. ცნობილია, რომ პიკეტირება და შემდეგ მომიტინგეების დაკავება მაინცადამაინც სასიკეთოდ ვერ მოქმედებს შეთანხმების პროცესზე.

და მაინც, რაზე შეიძლება, შეთანხმდნენ ოპოზიცია და ხელისუფლება? ერთ-ერთი მთავარი თემა ნიკა მელიას გამოშვებაა, რომლის რამდენიმე სამართლებრივი საფუძველი ნამდვილად არსებობს და ეს ხელისუფლებას ნამდვილად არ გაუჭირდება, თუ სურვილი იარსებებს. კახა კუკავა, მაგალითად, ერთ-ერთ საგაზეთო ინტერვიუში ამბობს, მელიას 2-3 დღეში გაათავისუფლებენო და ვნახოთ, შესრულდება თუ არა ეს პროგნოზი. აქ, ყველაზე მეტად, სწორედ პრეზიდენტის ინსტიტუტის სამედიაციო ფუნქციის გამოყენება შეიძლება. რაც შეეხება დანარჩენ საკითხებს:

ვადამდელი არჩევნები - ხელისუფლება აცხადებს, რომ მისი დანიშვნის არანაირი სამართლებრივი საფუძველი არ არსებობს, მაგრამ მიუხედავად ამისა, მაინც შექმნა კომისია, რომელიც პარლამენტში საარჩევნო დარღვევებს გამოიძიებს. მმართველი პარტიის ერთ-ერთი ლიდერი ირაკლი კობახიძე კი აცხადებს, რომ თუკი 1 პროცენტის გაყალბებას მაინც დაამტკიცებს ოპოზიცია, ის მზადაა, გადადგეს და ვადამდელ არჩევნებზეც თანახმაა. თუმცა ოპოზიციამ შესანიშნავად იცის, რომ ვერაფერსაც ვერ დაამტკიცებს, რადგან თუ რაიმის დამტკიცება შეეძლოთ, ეს თავად ცხელ კვალზე - არჩევნების დროს იყო ყველაზე უკეთ შესაძლებელი. თუმცა მეორეს მხრივ, ფაქტია, რომ მმართველ გუნდს მხარს არჩევნებზე მოსული მოსახლეობის 48 პროცენტი უჭერს, უმრავლესობის გული კი ან ინდიფერენტულია, ან ნაციონალური მოძრაობის სხვადასხვა შტო მოსწონს. ამ ფონზე ყველაზე გონივრული სწორედ საარჩევნო ცვლილებებია.

საკონსტიტუციო ცვლილებები - ცნობილია, რომ 2024 წლის არჩევნებისათვის კონსტიტუციაში 5-პროცენტიანი ბარიერია ჩაწერილი, რაც მოლაპარაკების ერთ-ერთი თემაა. საუბარია როგორც ამ ბარიერის 3 პროცენტამდე დაწევაზე, ასევე საერთოდ ბუნებრივი ბარიერის შემოღებაზე, რაც იმას ნიშნავს, რომ ყველა საარჩევნო სუბიექტი ვინც 1 პროცენტს მაინც აიღებს, პარლამენტში მოხვდება. 5-პროცენტიან ბარიერს კი დღევანდელი მოცემულობით მხოლოდ „ქართული ოცნება“ და „ნაციონალური მოძრაობა“ ლახავს. ეხლა ექსპერტები გახარიას პოპულარობის გამო საუბრობენ იმაზეც, რომ შესაძლოა, გახარიამ ე. წ. მესამე ძალა შექმნას, რომელიც სრულიად შეცვლის ქართულ პოლიტიკურ ლანდშაფტს, მაგრამ ჯერ არც არავინ იცის, ბრუნდება კი გიორგი გახარია პოლიტიკაში თუ მას მხოლოდ ასეთი დემარშით წასვლა სურდა და ამით მოსახლეობის მხრიდან მთავრობის მიმართ არსებული პრეტენზიების გადამისამართება.

საკონსტიტუციო ცვლილებებს 113 ხმა სჭირდება მაშინ, როცა პარლამენტში დღეს 100 დეპუტატია. რამდენჯერმე გაიჟღერა ხათუნა სამნიძისა და თამარ კორძაიას მხრიდან, რომ ისინი მზად არიან, ერთჯერადად შევიდნენ პარლამენტში და ხმა მხოლოდ საკონსტიტუციო ცვლილებებს მისცენ. თუმცა პარლამენტში ერთჯერადი მხოლოდ საშვია და ისიც არაა სრულფასოვანი. საქმიან ადამიანებს იქ მუდმივი საშვი აქვთ. ასე რომ, იქ შესვლა, დისკუსიებში მონაწილეობა და საკონსტიტუციო ცვლილებების მიღება სწორედ იმ საკანონმდებლო პროცესის ნაწილია, რის გამოც ხალხმა აირჩია როგორც ხელისუფლება, ისე ოპოზიცია.

პლებისციტი - აი, ეს კი გაცილებით მარტივია. „ლელო“ და ვაშაძის „სტრატეგია აღმაშენებელი“, როგორც ჩანს, მუდმივად ვადამდელი არჩევნების მოთხოვნით დაიღალნენ. თანაც, ხელისუფლება ამტკიცებს, ეს წითელი ხაზია, ვადამდელს არ დავნიშნავთ და სხვა რაც გინდათ, მოითხოვეთო. პლებისციტი თემაზე, უნდა თუ არა საქართველოს მოსახლეობას ახალი ვადამდელი საპარლამენტო არჩევნები - ამაზე ევროპელი დიპლომატებიც საუბრობენ, თუმცა ძალიან მარტივი ლოგიკით, პლებისციტი და შემდეგ ისედაც გეგმიური ადგილობრივი არჩევნები ამ კორონაპანდემიის ხანაში შეიცავს როგორც ჯანმრთელობის რისკებს, ასევე ეკონომიურად საკმაოდ მძიმე ტვირთად დააწვება ისედაც რთულ მდგომარეობაში მყოფ ბიუჯეტს.

საარჩევნო ცვლილებები - ყველა ის ცვლილება, რაზეც საუბარი იყო ხელისუფლებისა და ელისაშვილის „მოქალაქეების“ მოლაპარაკებისას, ინიცირებულია უკვე პარლამენტში. სავარაუდოდ, ორ კვირაში მათი პირველი მოსმენით მიღებაც შეიძლება. ცვლილებები ნამდვილად სასარგებლოა იმ კუთხით, რომ ყველა დონის საარჩევნო კომისიაში ყველა პარტიის წარმომადგენლობას და ხმების ელექტრონულად დათვლას ითვალისწინებს. წესით, ამ ცვლილებების შემდეგ ოპოზიციამ გაყალბებაზე საუბარს ან თავი უნდა დაანებოს, ანდა საკუთარ თავს დააბრალოს.

რაზე შეთანხმდებიან ხელისუფლება და ოპოზიცია დამატებით ამ ორი კვირის ვადაში, სულ მალე გახდება ცნობილი. მანამდე კი იმ ნაბიჯებზე მოგახსენეთ, რაც უკვე გადაიდგა და მომავალშიც, სავარაუდოდ, გადაიდგმება პოლიტიკური კრიზისის დასაძლევად.

 

0