G20-ს ონლაინ-სამიტი

რუსეთის პრეზიდენტმა G20-ის სამიტზე მსოფლიოს უმთავრესი რისკები დაასახელა

25
პრობლემის მასშტაბები, რომელსაც კაცობრიობა მიმდინარე წელს შეეჯახა, უპრეცედენტოა, მიაჩნია რუსეთის ლიდერს

თბილისი, 21 ნოემბერი — Sputnik. „დიდი ოცეულის“ სამიტზე გამოსვლისას რუსეთის პრეზიდენტმა ვლადიმირ პუტინმა განაცხადა, რომ მსოფლიოში უმთავრეს რისკებად კვლავ მასობრივი უმუშევრობა და სიღარიბე რჩება, ნათქვამია კრემლის საიტზე.

„პრობლემის მასშტაბი, რომელსაც კაცობრიობა 2020 წელს შეეჯახა, მართლაც უპრეცედენტოა. კორონავირუსის ეპიდემიამ, გლობალურმა ლოკდაუნმა და ეკონომიკური აქტივობის გაყინვამ სისტემური ეკონომიკური კრიზისის დაწყებას შეუწყო ხელი, რომელიც თანამედროვე მსოფლიოს დიდი დეპრესიის შემდეგ არ უნახავს“, — თქვა პუტინმა.

მისი თქმით, ეროვნული ეკონომიკების ზრდა სერიზულადაა შერყეული, პანდემიამ ასობით ათასი ადამიანი იმსხვერპლა, ხოლო მილიონობით ადამიანმა სამუშაო და შემოსავალი დაკარგა.

„მთავარ რისკად, მიუხედავად ზოგი პოზიტიური სიგნალისა, მაინც რჩება ხანგრძლივი უმუშევრობა სირატაკისა და სოციალური მოუწყობლობის შემდგომი ზრდით. და აქ „ოცეულის“ როლი იმაში მდგომარეობს, რომ ეს არ დაუშვას“, — აღნიშნა რუსეთის პრეზიდენტმა.

რუსეთის ლიდერის თქმით, „დიდმა ოცეულმა“, 2008–2009 წლების გლობალური ფინანსური კრიზისის გამოცდილებაზე დაყრდნობით, მთელი რიგი მრავალმხრივი ინიციატივები აამუშავა პანდემიასთან დაკავშირებული ეკონომიკური რისკების კუპირების მიზნით და ასევე საქმიანი აქტიუურობის აღსადგენად — მათ შორის, გლობალური მართვის საკვანძო ინსტიტუტების ხაზით.

 

25
თემები:
რუსეთი დღეს (678)
გენადი ონიშჩენკო

ონიშჩენკომ განმარტა, რატომ არ უნდა აიცრას კორონავირუსზე უკლებლივ ყველა ადამიანი

10
მსოფლიოს ათობით ქვეყანა მუშაობს ახალი ტიპის კორონავირუსის საწინააღმდეგო ვაქცინაზე, რომელმაც მსოფლიოში აგორებული პანდემია უნდა შეაჩეროს

თბილისი, 28 ნოემბერი – Sputnik. რუსეთის ყოფილმა მთავარმა სანიტარულმა ექიმმა გენადი ონიშჩენკომ განაცხადა, რომ კორონავირუსის საწინააღმდეგო აცრა უნდა ჩაუტარდეს რისკ-ჯგუფებს, და არ მთელს მოსახლეობას, ამის შესახებ წერს РИА Новости.

მისი თქმით, რისკ-ჯგუფში შედიან არამარტო ხანდაზმული ადამიანები, არამედ ონკოლოგიური, ენდოკრინოლოგიური და კარდიოლოგიური დაავადებების მქონე ადამიანები. ყოფილი მთავარი სანიტარული ექიმის თქმით, ამ სიაში არიან ასევე მასწავლებლები და ექიმები.

„ეს საკმარისი იქნება ეპიპროცესის გასაჩერებლად“, - განმარტა მან.

ონიშჩენკომ ასევე მოუწოდა მოსახლეობას, სერიოზულად მოეკიდონ აცრებს, რადგან ეს „სერიოზული იმუნობიოლოგიური ოპერაციაა“, თანაც ზოგიერთი დაავადების დროს მათი გაკეთება უკუჩვენებების გამო არ შეიძლება.

„ყველა დანარჩენისთვის შედეგი იქნება უკვე ერთი თვის შემდეგ, გაჩნდება ანტისხეულების დამცავი დონე. ეს საშუალებას მოგვცემს კოლექტიური იმუნიტეტის 60%-ზე და მეტი დონის გამომუშავებისთვის“, - დასასრულს აღნიშნა მან.

მსოფლიოს მასშტაბით კორონავირუსით ინფიცირების რაოდენობა უკვე 61 მილიონ ადამიანს აჭარბებს, გარდაიცვალა 1,4 მილიონზე მეტი პაციენტი. ჯანდაცვის მსოფლიო ორგანიზაციამ 11 მარტს COVID-19-ის აფეთქება პანდემიად გამოაცხადა.

10
თემები:
COVID-19-ის პანდემია მსოფლიოში

გზა მშივოდბისკენ: როგორ ეხმარება რუსეთი მთიანი ყარაბაღის მკვიდრებს - ვიდეო

14
არაღიარებული მთიანი ყარაბაღის რესპუბლიკის მკვიდრები მშვიდობიან ცხოვრებას უბრუნდებიან. ამაში მათ რუსი სამშვიდობოები და რუსეთის საგანგებო სიტუაციების მართვის სამინისტრო ეხმარებათ

საინჟინრო ჯარები გზებს ასუფთავებენ და სატრნასპორტო მოძრაობას აღადგენენ, გამნაღმველები განაგრძობენ საბრძოლო ქმედებების ზონის განაღმვას და ფეთქებადი საგნებისგან გაწმენდას. მაშველებმა რეგიონში ჩაიტანეს სპეცტექნიკა, სამშენებლო მასალები და ჰუმანიტარული დახმარება. კიდევ რით დაეხმარება რუსეთი ყარაბაღის მცხოვრებებს - იხილეთ ჩვენს ვიდეოში.

14
დაკეტილი რესტორნები შარდენის ქუჩაზე

„რესტორატორთა ასოციაციის“ პრეზიდენტი : „ეპიდემიოლოგები საკუთარ კომპეტენციას გაცდნენ...“

0
28 ნოემბერს ქვეყანაში შექმნილი ეპიდვითარების გამო დაწესებული შეზღუდვების მიხედვით, რესტორნები და კვების ობიექტები მთლიანად მიტანის სერვისზე გადავიდნენ

თბილისი, 28 ნოემბერი - Sputnik. შექმნილი ეპიდემიოლოგიური ვითარებიდან გამოსავალი იყო ოქროს შუალედი, რითაც შეიძლებოდა პანდემიის მართვა და ამდენი ადამიანიც არ დარჩენილიყო უმუშევარი. განაცხადა რესტორატორთა ასოციაციის დამფუძნებელმა, შოთა ბურჯანაძემ ჟურნალისტებთან საუბრისას.

ბურჯანაძის აზრით, რეგულაციები, რომელიც საკოორდინაციო საბჭომ სარესტორნო ბიზნესის კუთხით დააწესა, უნდა ყოფილიყო უფრო მეტად დაბალანსებული. სწორედ ეს იქნებოდა ოქროს შუალედი.

„აქ გამოსავალი იყო ოქროს შუალედი, ეს არის ის, რითაც შეგვეძლო გვემართა კოვიდიც და ამდენი ადამიანიც არ დარჩენილიყო უმუშევარი. ეს უფრო რთული გზაა, რადგან მეტი ადამიანური და სახელმწიფოებრივი რესურსი სჭირდება“, - განაცხადა ბურჯანაძემ.

მისი თქმით, ეპიდემიოლოგებმა, რომლებიც ვერ მართავენ სიტუაციას, ყველაზე მარტივი გადაწყვეტილება მიიღეს.

„რეალურად, ეპიდემიოლოგები არ არიან იმ კომპეტენციაში, რომ ორივე მხარე მართონ, ამიტომ თავის ჩარჩოში უნდა ჩაეტიონ. ისინი გადიან ამ ჩარჩოდან და ისეთ მითითებებს იძლევიან, რომლებიც ქვეყანას უდიდეს პრობლემამდე მიიყვანს“, - განაცხადა შოთა ბურჯანაძემ.

საქართველოში 28 ნოემბრიდან რთული ეპიდვითარების გამო  ხელისუფლების მიერ დაწესებული ახალი შეზღუდვები ამოქმედდა, რომლებიც 2021 წლის 31 იანვრამდე იქნება ძალაში.

შეზღუდვების მიხედვით, რესტორნები და კვების ობიექტები ქვეყნის მასშტაბით მთლიანად გადადიან მიტანის სერვისზე.

საქართველოში კორონავირუსის მეორე ტალღა მძვინვარებს. ყოველდღიურად ინფიცირების რამდენიმე ათასი ახალი შემთხვევა ფიქსირდება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 4 472-ით გაიზარდა და ინფიცირებულთა საერთო რიცხვმა 127 942-ს მიაღწია.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში