ვლადიმირ პუტინი

პუტინმა რუსეთში კორონავირუსთან დაკავშირებულ სიტუაციაზე ისაუბრა

40
რუსეთის პრეზიდენტმა აღნიშნა, რომ ზოგიერთ რეგიონში კორონავირუსის გავრცელების გამო რთული სიტუაცია შეინიშნება, ამიტომ ინფექციასთან ბრძოლაში უმაქნისობას ადგილი არ უნდა ჰქონდეს

თბილისი, 18 ნოემბერი – Sputnik. რუსეთის პრეზიდენტმა ვლადიმირ პუტინმა განაცხადა, რომ კორონავირუსით გამოწვეული სიკვდილიანობის ზრდა განსაკუთრებულ შეშფოთებას იწვევს, ამის შესახებ РИА Новости წერს.

ბოლო მონაცემებით, რუსეთში ეპიდემიის დროს კორონავირუსით 1 991 998 ადამიანი დაინფიცირდა, აქედან 34,3 ათასი გარდაიცვალა, 1,5 მილიონზე მეტი გამოჯანმრთელდა. გასულ დღე-ღამეში გამოვლინდა 20 985 დაავადებული, 456 პაციენტი გარდაიცვალა (გაზაფხულიდან რეკორდული მაჩვენებელი), 25 179 ადამიანი გამოჯანმრთელდა.

„დაავადების გამოვლენის ახალი შემთხვევების რაოდენობა იზრდება, ამას რიცხვები მოწმობს. სამწუხაროდ, იზრდება მძიმე გართულებების რაოდენობაც. და რაც ყველაზე საგანგაშოა, იმატებს სიკვდილიანობის მაჩვენებელი“, - განაცხადა მან მთავრობის წევრებთან გამართულ თათბირზე.

ამასთან დაკავშირებით სახელმწიფოს მეთაურმა რეგიონებს დაავალა:

  • დაუყოვნებლივ მოხდინონ რეაგირება კორონავირუსთან ბრძოლაში შექმნილ შეფერხებებზე და სასწრაფოდ გამოასწორონ სიტუაცია;
  • გაანალიზდეს სიტუაცია, რომელიც რეგიონებში იმ პაციენტებს ეხება, რომლებიც კორონავირუსზე სახლში მკურნალობენ;
  • გადაწყდეს პაციენტების პოლიკლინიკებთან კავშირის საკითხი;
  • განხორციელდეს COVID-19-ის სამკურნალო პრეპარატების არამარტო წარმოება და შეძენა, არამედ პაციენტებისთვის მიწოდება;
  • უზრუნველყოფილი იქნას დამატებითი გადახდები წლის ბოლომდე სამედიცინო დაწესებულებების იმ სტუდენტებისთვის, რომლებიც ჩართულნი არიან კორონავირუსის წინააღმდეგ ბრძოლაში.  აღნიშნულმა გადახდებმა შესაძლოა თვეში ათი ათასი რუბლი შეადგინონ;
  • ამოქმედდეს უმსხვილესო რუსული კომპანიების გამოცდილება, „როსატომის“ ჩათვლით;
  • რეგიონებში წლის ბოლომდე კონტროლს დაექვემდებაროს სოციალური დახმარების გაცემა.

პუტინმა ასევე მოუწოდა გუბერნატორებს თავი შეიკავონ იმ მონაცემების „შელამაზებისგან“, რომლებიც კორონავირუსს უკავშირდება.

„ეს სრულიად დაუშვებელია - სიტუაცია ისე წარმოაჩინო, თითქოს ყველაფერი კარგადაა. კეთილგანწყობილი ანგარიშები, გაჩუმება არავის სჭირდება - არც აქ, არც ცენტრში, არც რეგიონებში“, - აღნიშნა პუტინმა.

პრეზიდენტმა ხაზგასმით აღნიშნა, რომ ახლა სუბიექტები ძალიან ნელა ითვისებენ მათთვის გამოყოფილ თანხებს, შექმნილ სიტუაციაში კი ასეთი მოუქნელობა დაუშვებელია, საჭიროა ხისტი მოქმედებები.

40
თემები:
COVID-19-ის პანდემია მსოფლიოში (1239)
სომხური მხარის მიერ მიტოვებული ტანკი

მოსაზრება: რატომ დაკარგა სომხეთმა დიდი რაოდენობით სამხედრო ტექნიკა?

43
(განახლებულია 19:26 03.12.2020)
მთიან ყარაბაღში საომარი მოქმედებების დროს ექსპერტულ და მედიასივრცეში დისკუსია დაიწყო იმ რუსული წარმოების იარაღის ეფექტურობის შესახებ, რომელიც სომხურ მხარეს ჰქონდა.

მაგრამ იარაღშია საქმე თუ პირადი შემადგენლობის მომზადებასა და თავდაცვის ორგანიზებაში?

დღეისათვის შეინიშნება ცალკეული მცდელობები იმისა, რომ სომხური მხარის მარცხი რუსული წარმოების „უსარგებლო“ გამანადგურებელ Су-30-СМ-ს, „ბრმა“ საზენიტო კომპლექს С-300-ებს, რადიოელექტრონული ბრძოლის „არაეფექტურ“ კომპლექსებსა და „მდარე სისტემის“ ტანკებს დაბრალდეს. თითქოს სომხეთს არასდროს შეეძინოს მესამე ქვეყნების იარაღი (მაგალითად, ინდოეთისგან Swathi-ს რადარები), ხოლო აზერბაიჯანული არმია მხოლოდ ისრაელის ან თურქული წარმოების იარაღით სარგებლობდა, რამაც განაპირობა კიდეც „დიდი გარდატეხა“.  

საერთო დისკურსი: ყარაბაღი კორექტივებს შეიტანს რუსული იარაღის მოკავშირეებისა და პარტნიორებისთვის მიწოდებებში. მსგავსი მსჯელობების ოჩოფეხა სქემები სამხედრო–პოლიტიკური ხელმძღვანელობის სტრატეგიულ შეცდომებსა და მსოფლიო იარაღის ბაზარზე დაუნდობელ კონკურენციას ნიღბავს. მიზანშეწონილია რეალობას დავუბრუნდეთ.

მოსკოვმა სომხეთს რამდენიმე სამხედრო კრედიტი გამოუყო. შემდგომი სამხედრო აღმშენებლობა — სომხური მხარის საქმეა. თუ რუსული წარმოების საზენიტო–სარაკეტო სისტემა С-300-ები ყარაბაღში საომარ მოქმედებებში მონაწილეობდა და ისინი ჰაერსაწინააღმდეგო თავდაცვის საიმედო სისტემების არქონის გამო დაზიანდა, მაშინ ზემოთ ნახსენებ 40 მილიონ დოლარიან ინდურ Swathi-ს აქტივობის არანაირი კვალი არც კი დაუტოვებია. არადა, შეეძლო კი სარეკლამო ანოტაციაში ჩამოთვლილი მახასიათებლების თანახმად. შესაძლოა ჯარმა ახალი რადარების ათვისება ვერ მოასწრო. სომეხი სპეციალისტების სწავლება შეიძლება გადამწყვეტ (სუსტ) რგოლად წარმოჩინდეს რუსული წარმოების სამხედრო ტექნიკის ექსპლუატაციაშიც (იარაღი თავისით არ ისვრის). და, რაღა თქმა უნდა, სამხედრო საქმეში სრულიად მიუღებელია არაორგანიზებულობა და თვითკმაყოფილება.

დანაკარგები და ნადავლი

აზერბაიჯანის პრეზიდენტმა ილჰამ ალიევმა 1 დეკემბერს დაწვრილებით ისაუბრა სომხური მხარის სამხედრო ტექნიკის დანაკარგებზე მთიან ყარაბაღში. გრძელ ჩამონათვალში ასობით ერთეული სხვადასხვა სახის იარაღი მოხვდა — განადგურებული თუ ნადავლის სახით ხელში ჩაგდებული. აზერბაიჯანის პრეზიდენტმა სარაკეტო კომპლექსებიც ახსენა, ზალპური ცეცხლის რეაქტიული სისტემებიც, ტანკებიცა და რადიოელექტრონული ბრძოლის საშუალებებიც.

ამ ციფრებისა თუ აზერბაიჯანის მხარის დანაკარგების განზრახ „მიჩქმალვის“ მიმართ სხვადასხვაგვარი დამოკიდებულება შეიძლება არსებობდეს, მაგრამ შექმნილ ვითარებაში (შვიდი რაიონის დაბრუნება) პრეზიდენტს არ ჰქონდა მიზეზი, რადიკალურად გაეზვიადებინა მოწინააღმდეგის დანაკარგების შესახებ მონაცემები. კანოზომიერად ჩნდება კითხვა სომხური დაჯგუფებების სამხედრო ორგანიზაციის თაბაზე მთიან ყარაბაღში 44-დღიანი ბრძოლებისას.

განადგურებული სომხური ტექნიკის დიდი რაოდენობა შეიძლება სასტიკი ბრძოლებით აიხსნას, მაგრამ ამასთან განცვიფრებას იწვევს მიტოვებული 79 ტანკი 47 ქვეითთა საბრძოლო მანქანა, 104 საარტილერიო დანადგარი (ზარბაზნები და ნაღმმტყორცნები), 5 საზენიტო დანადგარი „შილკა“, 93 სპეცავტომობილი, 270 სატვირთო ავტომობილი (შესალოა ეს ნადავლი კიდეც გამოფინონ პრეზიდენტის სიტყვების დასტურად).

სომხური მხარის ესოდენ წარმოუდგენელ „გულუხვობას“ მხოლოდ ორი ახსნა შეიძლება ჰქონდეს: საბრძოლო ტექნიკა არაორგანიზებული (სტიქიური) უკანდახევის დროს მიატოვეს, ან საწვავი დროულად არ მიაწოდეს (ზურგის უზრუნველყოფის პრობლემები) და მანქანები უბრალოდ ვერ წაიყვანეს.

ნებისმიერ შემთხვევაში, აქ საორგანიზაციო დასკვნებია გამოსატანი, მაგრამ ეს სომხეთის სამხედრო–პოლიტიკური ხელმძღვანელობისა და გენერალური შტაბის გასაკეთებელია.

43
მზის ჩასვლა

როდის შეუქმნის გადახურებული მზე დედამიწას საფრთხეს: ცნობილი გახდა თარიღი

90
(განახლებულია 17:09 03.12.2020)
უახლოეს ათწლეულებში მზის აქტიურობა დაიკლებს და მაგნიტური ქარიშხლების რაოდენობა შემცირდება, თუმცა ამავდროულად გაიზრდება გალაქტიკური კოსმოსური გამოსხივება.

თბილისი, 3 დეკემბერი — Sputnik. მზე, რომელმაც თავისი სიცოცხლის ნახევარი გალია, დედამიწას გადახურებით რამდენიმე მილიონი წლის შემდეგ დაემუქრება, განაცხადა РИА Новости-სთან ინტერვიუში კოსმოსური კვლევების ინსტიტუტის დირექტორმა ანატოლი პეტრუკოვიჩმა.

„როცა ჩვენი ვარკვლავი დაიბადა, უფრო ცივი იყო, ვიდრე ახლაა. დროთა განმავლობაში ის თანდათან ხურდება და მისი გამოსხივება იზრდება. თანამედროვე გაგებით, მზე დედამიწას უკვე რამდენიმე მილიონი წლის შემდეგ შეუქმნის საფრთხეს, ვინაიდან მისგან წამოსული სითბური ნაკადი მეტისმეტად ცხელი იქნება დედამიწის თანამედროვე კლიმატისთვის“, — აღნიშნა მეცნიერმა.

თუმცა, პეტრუკოვიჩის თქმით, კაცობრიობას ჯერ კიდევ ძალიან დიდი დრო აქვს ამ პრობლემის გადასაჭრელად — მაგალითად, ატმოსფეროს დარეგულირებისა თუ დედამიწიდან გაფრენის გზით.

ამასთან მეცნიერმა აღნიშნა, რომ უახლოეს ათწლეულებში მოსალოდნელია მზის აქტიურობისა და მაგნიტური ქარიშხლების რაოდენობის შემცირება. თუმცა ამავდროულად გაიზრდება გალაქტიკური კოსმოსური გამოსხივება, რასაც დედამიწისთვის არა, მაგრამ საპლანეტთაშორისო ფრენებისთვის ძალიან დიდი მნიშვნელობა აქვს.

 

90
თემები:
მსოფლიო და მეცნიერება
სავსე მთვარე

მთვარის კალენდარი: 4 დეკემბერი რისი გაკეთება შეიძლება და რისი არა

0
(განახლებულია 15:12 02.12.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 4 დეკემბერი, პარასკევი. ამ დღეს ვენერა მართავს. კლებადი მთვარე 16:49 საათამდე კირჩხიბის ნიშანშია, ხოლო შემდეგ ლომის ნიშანში გადავა.

მთვარე კირჩხიბში – ესაა სენტიმენტური გრძნობების, ემოციური მერყეობის დღე, მგრძნობირობა მატულობს, ამიტომ საჭიროა დიპლომატიურობა.

ამ დროს ძლიერდება რომანტიკული განწყობა, ადამიანები უფრო მეოცნებენი ხდებიან და მოგონებებს ეძლევიან. საწინააღმდეგო სქესის წარმომადგენლებთან ურთიერთობები უფრო სულიერი და ემოციურად სავსე ხდება.

სიყვარულში მგზნებარება უკან იხევს და წინა პლანზე სინაზე გამოდის. ძალიან მნიშვნელოვანია, რომ პარტნიორს აჩვენოთ თქვენი თანაგრძნობა, ზრუნვა, ნდობა. ამავე დროს, აუცილებლად უნდა გააკონტროლოთ თქვენი გრძნობები და ემოციები. ასევე არის საშიშროება, რომ სხვისი გავლენის ქვეშ მოექცეთ.

ამ დღეს დაწყებული ურთიერთობები ძალიან ხშირად ქორწინებით გვირგვინდება.

ხოლო მთვარე ლომის ნიშანში – ენერგიული. შემოქმედებითი განახლებისა და აღმავლობის დროა. იღვიძებს ოპტიმიზმი, თავდაჯერებულობა, მჭევრმეტყველება, საბრძოლო სული, უმჯობესდება განწყობა, ასევე ჩნდება რისკის სურვილი.

კარგი დღეა პრეზენტაციების, კულტურული, სპორტული და სხვა ღონისძიებების ჩატარებისთვის, ხელმძღვანელობასთან ურთიერთობების გაუმჯობესებისთვის.

მთვარე ლომის ნიშანში საუკეთესო დღეებია სიყვარულისთვის. „ერთი ნახვით შეყვარება" ყველაზე ხშირად სწორედ ლომის ნიშანში ხდება. ხელსაყრელი დღეა სექსუალური ურთიერთობების, ფლირტისთვის. ურთიერთობები ადვილად ყალიბდება და შემდეგ თანდათანობით შეიძლება მტკიცე კავშირში გადაიზარდოს. ამ დღეებში ყალიბდება ერთობლივი შემოქმედების ურთიერთობების მოდელი, ანუ ძალიან კარგია ერთად წასვლა კულტურულ ღონისძიებებზე.

რეკომენდებულია გუნდური მუშაობა, ფინანსური საკითხების გადაჭრა, აქტიური მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი საკითხების მიღება, კავშირების გამტკიცება, ახალი საქმეების დაწყება.

არარეკომენდებულია შურისა და არაკეთილმოსურნეობის გამოჩენა, გარემოებების იმედად ყოფნა, პასიურობა.

ხელსაყრელი დღეა მგზავრობისთვის.

თმის შეჭრა, შეღებვა: კირჩხიბის დღეები ძალზე მგრძნობიარეა ნებისმიერი პროცედურის მიმართ. ამ დღეს არაა რეკომენდებული თმის შეჭრა, შეღებვა. კარგი დღეა სახის ნიღბისთვის.

ასევე არახელსაყრელი დროა მანიკურისთვის.

როდესაც მთვარე ლომის ნიშანში გადავა, ძალზე წარმატებული და იღბლიანი დროა იმისთვის, რომ სალონს ეწვიოთ. ამ დღეს კარგი იქნება თმის შეღებვაც და დახვევაც, მათ შორის, ქიმიური.

მანიკურის გაკეთებაც შეიძლება, მაგრამ ამ საქმის მიმართ შემოქმედებითი დამოკიდებულება უპრიანი იქნება.

მებაღეობა: კირჩხიბი ერთ–ერთი ნაყოფიერი ნიშანია. შეიძლება სინესტის მოყვარული და დეკორატიულ–ფოთლოვანი ხეების დარგვა, ფორმის მიმცემი გასხვლა, ნაყოფიანი ხეებისა და ბუჩქების შეწამვლა, ოთახისა და აივნის მცენარეების მორწყვა.

არასასურველია ისეთი მცენარეების დარგვა–დათესვა, რომლებიც დიდი სიმაღლის იზრდებიან, ხილის ხეებისა და ბუჩქებისთვის გამხმარი ტოტების მოშორება.

რაც შეეხება საღამოს, როცა მთვარე ლომის ნიშანში გადავა – ლომი არცთუ ნაყოფიერი ნიშანია. შეიძლება ზამთრის მარაგის გასაკეთება კომპოტებისა და კონსერვების სახით.

0