სტუდენტები აუდიტორიაში

კვოტები, გრანტები და სტიპენდიები: რას მიიღებენ უცხოელი სტუდენტები რუსეთში

20
(განახლებულია 13:48 18.11.2020)
„როსსოტრუდნიჩესტვოს“ ხელმძღვანელმა ევგენი პრიმაკოვმა Россия сегодня-ს ონლაინ–კონფერენციის ფარგლებში ფედერალური სააგენტოს საქმიანობაში ცვლილებებზე ისაუბრა.

მარია ნაუმენკო

უცხოელებს სტიპენდიას მისცემენ

რუსეთი შეცვლის ქვეყნის უმაღლეს სასწავლებლებში უცხოეთის მოქალაქეებისთვის უფასო სწავლებაზე კვოტების გაცემის სისტემას, დაამატებს რა საგრანტო და სასტიპენდიო შემადგენელს, განაცხადა დსთ-ის, უცხოეთში მცხოვრები თანამემამულეებისა და საერთაშორისო ჰუმანიტარული თანამშრომლობის საქმეთა ფედერალური სააგენტოს („როსსოტრუდნიჩესტვო“) ხელმძღვანელმა ევგენი პრიმაკოვმა. მისი აზრით, ასეთ შემთხვევაში ნიჭიერ უცხოელ ახალგაზრდებს აღარ მოუწევთ სასწავლო პროცესისგან მოწყვეტა, ხოლო თავად ეს ზომა რუსეთის ფედერაციაში მეტ აბიტურიენტს მიიზიდავს.

„თუ სტუდენტებს რუსეთში სახელმწიფოს ხარჯზე სწავლის უფლებას ვაძლევთ, ჩვენი სურვილია, რომ მათ ისწავლონ და არა ტაქსისტებად, დარაჯებად და კიდევ სადღაც წავიდნენ სამუშაოდ უსახსრობის გამო“, — აღნიშნა პრიმაკოვმა.

სააგენტოს ხელმძღვანელმა მაგალითად ამერიკული და ევროპული სტრუქტურები მოიტანა, რომლებიც სტიპენდიებსა და გრანტებს გასცემენ.

„რუსეთი [გასცემს] მხოლოდ კვოტას. მიმაჩნია, რომ ამ კვოტიდან რაღაც ნაწილი მინიმალური სტიპენდიით უნდა იყოს უზრუნველყოფილი. მაშინ ეს სასარგებლო იქნება. ეს არ არის არც ბიუჯეტის ფულის ხარჯვა და არც ქველმოქმედება. ეს არის ის, რაც მერე, შორ დისტანციაზე აუცილებლად გადაფარავს ამ ხარჯებს“, — ხაზი გაუსვა პრიმაკოვმა.

„როსსოტრუდნიჩესტვოს“ ხელმძღვანელის თქმით, ის უცხოელები, რომლებიც რუსეთში მიიღებენ განათლებას, საკუთარ ქვეყნებში უნდა დასაქმდნენ, კეთილი ნების ელჩები უნდა იყვნენ, გააძლიერონ თავიანთი ქვეყნების სუვერენიტეტი და ხელი შეუწყონ რუსეთთან ურთიერთობების გაუმჯობესებას.  

კვოტები გაორმაგდება

ამასთან კვოტების რაოდენობა რუსეთის უმაღლესებში სწავლებაზე არ მოიმატებს. პრიმაკოვმა აღნიშნა, რომ შესაბამისი გადაწყვეტილება უკვე მიიღო პრეზიდენტმა ვლადიმირ პუტინმა. ახლა პროგრამა 15 ათას საბიუჯეტო ადგილზეა გათვლილი. 2023-2024 წლებისთვის კი ის ორჯერ მეტი იქნება.

„ჩვენ არ ვიცით, რა სიტუაცია იქნება ეკონომიკაში კორონავირუსის გამო. მაგრამ ჩვენ მაინც იქიდან ამოვდივართ, რომ გადაწყვეტილება არის და სტუდენტების რაოდენობა გაიზრდება. ჩვენ დაინტერესებული ვართ, რომ ყოფილი საბჭოთა რესპუბლიკებიდან, დსთ-ის ქვეყნებიდან მეტი ადამიანი ჩამოვიდეს“, — განაცხადა პრიმაკოვმა.

პრიორიტეტები

პრიმაკოვის თქმით, „როსსოტრუდნიჩესტვო“ თავის ახალ კონცეფციაში განსაკუთრებულ ყურადღებას პოსტსაბჭოთა სივრცის ქვეყნებს დაუთმობს.

„ჩვენი ყველაზე მნიშვნელოვანი ცვლილებები არის არა საორგანიზაციო, არამედ აზრობრივი ხასიათისა. ეს არ არის უარი შიდა პერიმეტრზე, არამედ არის ფოკუსი ახლო პერიმეტრზე, ანუ მუშაობა ყოფილ სსრკ-თან. ეს პრიორიტეტი ჩვენ გაწერილი გვაქვს რუსეთის საგარეო პოლიტიკურ კონცეფციაში. ჩვენ უბრალოდ ვაპირებთ ამ პრიორიტეტის რეალიზებას ჩვენი რესურსების გადანაწილების გზით“, — განმარტა მან.

ამასთან, თუ მანამდე „როსსოტრუდნიჩესტვოს“ ამოცანა ჰუმანიტარული ყოფნით გამოიხატებოდა კულტურის, ენისა და მეცნიერების სფეროებში, ახალა დღის წესრიგი მნიშვნელოვნად გაფართოებულია. პრიმაკოვის აზრით, გამოფენები და ხალხური ანსამბლების ვიზიტები — ეს დაბალეფექტური მუშაობის მაგალითია.

„ახლა ჰუმანიტარული ტრეკი მოიცავს ადამიანის უფლებებისა და სოციალურ ასპექტებს, ადამიანის წვდომას სიკეთეებზე და უფლებებზე. განახლებული „როსსოტრუდნიჩესტვო“ — ეს არის სააგენტო, რომელიც აყალიბებს და მუშაობს საზოგადოებრივ აზრთან უცხოეთში. ეს პრინციპული რამაა. ჩვენ ვერ დავკმაყოფილდებით იმით, რომ უბრალოდ წარმოვაჩენთ ჩვენს დროშას და ჩვენს კულტურას“, — დაასკვნა ევგენი პრიმაკოვმა.

20
თემები:
რუსეთი დღეს (678)
გენადი ონიშჩენკო

ონიშჩენკომ განმარტა, რატომ არ უნდა აიცრას კორონავირუსზე უკლებლივ ყველა ადამიანი

10
მსოფლიოს ათობით ქვეყანა მუშაობს ახალი ტიპის კორონავირუსის საწინააღმდეგო ვაქცინაზე, რომელმაც მსოფლიოში აგორებული პანდემია უნდა შეაჩეროს

თბილისი, 28 ნოემბერი – Sputnik. რუსეთის ყოფილმა მთავარმა სანიტარულმა ექიმმა გენადი ონიშჩენკომ განაცხადა, რომ კორონავირუსის საწინააღმდეგო აცრა უნდა ჩაუტარდეს რისკ-ჯგუფებს, და არ მთელს მოსახლეობას, ამის შესახებ წერს РИА Новости.

მისი თქმით, რისკ-ჯგუფში შედიან არამარტო ხანდაზმული ადამიანები, არამედ ონკოლოგიური, ენდოკრინოლოგიური და კარდიოლოგიური დაავადებების მქონე ადამიანები. ყოფილი მთავარი სანიტარული ექიმის თქმით, ამ სიაში არიან ასევე მასწავლებლები და ექიმები.

„ეს საკმარისი იქნება ეპიპროცესის გასაჩერებლად“, - განმარტა მან.

ონიშჩენკომ ასევე მოუწოდა მოსახლეობას, სერიოზულად მოეკიდონ აცრებს, რადგან ეს „სერიოზული იმუნობიოლოგიური ოპერაციაა“, თანაც ზოგიერთი დაავადების დროს მათი გაკეთება უკუჩვენებების გამო არ შეიძლება.

„ყველა დანარჩენისთვის შედეგი იქნება უკვე ერთი თვის შემდეგ, გაჩნდება ანტისხეულების დამცავი დონე. ეს საშუალებას მოგვცემს კოლექტიური იმუნიტეტის 60%-ზე და მეტი დონის გამომუშავებისთვის“, - დასასრულს აღნიშნა მან.

მსოფლიოს მასშტაბით კორონავირუსით ინფიცირების რაოდენობა უკვე 61 მილიონ ადამიანს აჭარბებს, გარდაიცვალა 1,4 მილიონზე მეტი პაციენტი. ჯანდაცვის მსოფლიო ორგანიზაციამ 11 მარტს COVID-19-ის აფეთქება პანდემიად გამოაცხადა.

10
თემები:
COVID-19-ის პანდემია მსოფლიოში

გზა მშივოდბისკენ: როგორ ეხმარება რუსეთი მთიანი ყარაბაღის მკვიდრებს - ვიდეო

13
არაღიარებული მთიანი ყარაბაღის რესპუბლიკის მკვიდრები მშვიდობიან ცხოვრებას უბრუნდებიან. ამაში მათ რუსი სამშვიდობოები და რუსეთის საგანგებო სიტუაციების მართვის სამინისტრო ეხმარებათ

საინჟინრო ჯარები გზებს ასუფთავებენ და სატრნასპორტო მოძრაობას აღადგენენ, გამნაღმველები განაგრძობენ საბრძოლო ქმედებების ზონის განაღმვას და ფეთქებადი საგნებისგან გაწმენდას. მაშველებმა რეგიონში ჩაიტანეს სპეცტექნიკა, სამშენებლო მასალები და ჰუმანიტარული დახმარება. კიდევ რით დაეხმარება რუსეთი ყარაბაღის მცხოვრებებს - იხილეთ ჩვენს ვიდეოში.

13
არმენ სარქისიანი

სომხეთის პრეზიდენტი რუსეთში კერძო ვიზიტით იმყოფება

0
პრეზიდენტი მოსკოვში გეგმავს მთიანი ყარაბაღის გარშემო მიმდინარე პროცესებისა და სომხეთში არსებული ვითარების განხილვას დიასპორის წარმომადგენლებთან

თბილისი, 28 ნოემბერი — Sputnik. სომხეთის პრეზიდენტი არმენ სარქისიანი რუსეთში კერძო ვიზიტით გაემგზავრა, იუწყება Sputnik-სომხეთი.

პრეზიდენტის პრესსამსახურის ცნობით, იგი სომხური თემის წარმომადგენლებთან გამართავს დისკუსიებს მთიანი ყარაბაღსა და სომხეთში არსებული სიტუაციის ირგვლივ, ასევე შეხვდება დიასპორის წარმომადგენლებს.

ვითარება მთიან ყარაბაღში

სექტემბრის ბოლოს მთიან ყარაბაღში დაიწყო შეიარაღებული კონფლიქტი, რომელშიც სომხეთმა და აზერბაიჯანმა ერთმანეთი დაადანაშაულეს. რუსეთის შუამავლობით მხარეები 2020 წლის 10 ნოემბრიდან ცეცხლისა და საბრძოლო მოქმედებების შეწყვეტაზე შეთანხმდნენ.

ხელშეკრულების მიხედვით, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთმა აზერბაიჯანს უნდა გადასცეს მთიანი ყარაბაღის ტერიტორიების დიდი ნაწილი. ამ დროისათვის ყარაბაღში რუსი სამშვიდობოები შედიან, რომლებიც მხარეთა გამყოფ ხაზზე და იმ დერეფნის გასწვრივ განლაგდებიან, რომელიც ყარაბაღს სომხეთთან აკავშირებს.

0
თემები:
ესკალაცია ყარაბაღში 2020