დმიტრი პესკოვი

თურქი სამხედროები აზერბაიჯანში: პესკოვმა კომენტარი გააკეთა

110
(განახლებულია 19:50 16.11.2020)
მანამდე გავრცელდა ინფორმაცია, რომ თურქეთის პრეზიდენტმა მეჯლისს უკვე წარუდგინა ბრძანებულების პროექტი აზერბაიჯანში თურქი სამხედროების გაგზავნის შესახებ.

თბილისი, 16 ნოემბერი — Sputnik. თურქეთის პარლამენტში სამხედრო მოსამსახურეების აზერბაიჯანში გაგზავნის შესახებ პრეზიდენტ რეჯეფ ერდოღანის ბრძანებულების პროექტის შეტანა — ეს რესპუბლიკის კანონმდებლობით გათვალისწინებული შიდა პროცედურაა, განუცხადა ჟურნალისტებს რუსეთის პრეზიდენტის პრეს-მდივანმა დმიტრი პესკოვმა.

მანამდე სააგენტო Anadolu-მ გაავრცელა ინფორმაცია, რომ პრეზიდენტ ერდოღანის ბრძანებულების პროექტი უკვე წარედგინა თურქეთის პარლამენტს, რომელიც საკითხის განხილვას უახლოეს დღეებში გეგმავს.

„საქმე ისაა, რომ აზერბაიჯანის ტერიტორიაზე იქნება მონიტორინგის ცენტრიც, თურქი სამხედროები იქ უნდა გაიგზავნონ — ეს შიდა პროცედურების შესრულებაა, იმ პროცედურებისა, რომლებსაც თურქეთის შიდა კანონმდებლობა ითვალისწინებს“, — განმარტა პესკოვმა.

რაც შეეხება მონიტორინგის ცენტრის შექმნას აზერბაიჯანის ტერიტორიაზე, პესკოვის თქმით, ეს „რუსეთისა და თურქეთის ორმხრივი მოლაპარაკების პროდუქტია“.

აზერბაიჯანის, სომხეთისა და რუსეთის ლიდერებმა — ილჰამ ალიევმა, ნიკოლ ფაშინიანმა და ვლადიმირ პუტინმა 9 ნოემბერს ხელი მოაწერეს განცხადებას მთიან ყარაბაღში 10 ნოემბრიდან ცეცხლისა და საომარი მოქმედებების შეწყვეტის შესახებ. ამ დროისათვის ყარაბაღში რუსი სამშვიდობოები შედიან, აზერბაიჯანი და სომხეთი დაკავებულ პოზიციებზე რჩებიან და ამასთან მიმდინარეობს ტყვეთა გაცვლა. ნოემბერ–დეკემბერში სომხეთმა აზერბაიჯანს უნდა გადასცეს მთიანი ყარაბაღის ტერიტორიების დიდი ნაწილი.

11 ნოემბერს პრეზიდენტმა ერდოღანმა განაცხადა, რომ ანკარამ და მოსკოვმა ხელი მოაწერეს მემორანდუმს, რომელიც ყარაბაღში ცეცხლის შეწყვეტის რეჟიმის კონტროლის ცენტრის შექმნას ითვალისწინებდა, და რომ თურქეთი მონაწილეობას მიიღებს „ერთობლივ სამშვიდობო მისიაში“.

ამ განცხადებამდე ცოტა ხნით ადრე კი რუსეთის პრეზიდენტის პრეს-მდივანი დმიტრი პესკოვი განმარტავდა, რომ მოსკოვი და ანკარა ყარაბაღის საკითხზე მონიტორინგის ცენტრის მეშვეობით ითანამშრომლებდნენ, რომელიც აზერბაიჯანის ტერიტორიაზე განთავსდება, ხოლო „ერთობლივ სამშვიდობო ძალებზე საუბარი არ ყოფილა“.

 

110
თემები:
რუსეთი დღეს (678)
გენადი ონიშჩენკო

ონიშჩენკომ განმარტა, რატომ არ უნდა აიცრას კორონავირუსზე უკლებლივ ყველა ადამიანი

22
მსოფლიოს ათობით ქვეყანა მუშაობს ახალი ტიპის კორონავირუსის საწინააღმდეგო ვაქცინაზე, რომელმაც მსოფლიოში აგორებული პანდემია უნდა შეაჩეროს

თბილისი, 28 ნოემბერი – Sputnik. რუსეთის ყოფილმა მთავარმა სანიტარულმა ექიმმა გენადი ონიშჩენკომ განაცხადა, რომ კორონავირუსის საწინააღმდეგო აცრა უნდა ჩაუტარდეს რისკ-ჯგუფებს, და არ მთელს მოსახლეობას, ამის შესახებ წერს РИА Новости.

მისი თქმით, რისკ-ჯგუფში შედიან არამარტო ხანდაზმული ადამიანები, არამედ ონკოლოგიური, ენდოკრინოლოგიური და კარდიოლოგიური დაავადებების მქონე ადამიანები. ყოფილი მთავარი სანიტარული ექიმის თქმით, ამ სიაში არიან ასევე მასწავლებლები და ექიმები.

„ეს საკმარისი იქნება ეპიპროცესის გასაჩერებლად“, - განმარტა მან.

ონიშჩენკომ ასევე მოუწოდა მოსახლეობას, სერიოზულად მოეკიდონ აცრებს, რადგან ეს „სერიოზული იმუნობიოლოგიური ოპერაციაა“, თანაც ზოგიერთი დაავადების დროს მათი გაკეთება უკუჩვენებების გამო არ შეიძლება.

„ყველა დანარჩენისთვის შედეგი იქნება უკვე ერთი თვის შემდეგ, გაჩნდება ანტისხეულების დამცავი დონე. ეს საშუალებას მოგვცემს კოლექტიური იმუნიტეტის 60%-ზე და მეტი დონის გამომუშავებისთვის“, - დასასრულს აღნიშნა მან.

მსოფლიოს მასშტაბით კორონავირუსით ინფიცირების რაოდენობა უკვე 61 მილიონ ადამიანს აჭარბებს, გარდაიცვალა 1,4 მილიონზე მეტი პაციენტი. ჯანდაცვის მსოფლიო ორგანიზაციამ 11 მარტს COVID-19-ის აფეთქება პანდემიად გამოაცხადა.

22
თემები:
COVID-19-ის პანდემია მსოფლიოში

გზა მშივოდბისკენ: როგორ ეხმარება რუსეთი მთიანი ყარაბაღის მკვიდრებს - ვიდეო

23
არაღიარებული მთიანი ყარაბაღის რესპუბლიკის მკვიდრები მშვიდობიან ცხოვრებას უბრუნდებიან. ამაში მათ რუსი სამშვიდობოები და რუსეთის საგანგებო სიტუაციების მართვის სამინისტრო ეხმარებათ

საინჟინრო ჯარები გზებს ასუფთავებენ და სატრნასპორტო მოძრაობას აღადგენენ, გამნაღმველები განაგრძობენ საბრძოლო ქმედებების ზონის განაღმვას და ფეთქებადი საგნებისგან გაწმენდას. მაშველებმა რეგიონში ჩაიტანეს სპეცტექნიკა, სამშენებლო მასალები და ჰუმანიტარული დახმარება. კიდევ რით დაეხმარება რუსეთი ყარაბაღის მცხოვრებებს - იხილეთ ჩვენს ვიდეოში.

23
სავსე მთვარე

მთვარის კალენდარი: 29 ნოემბერი რისი გაკეთება შეიძლება და რისი არა

0
(განახლებულია 12:22 27.11.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

  • 29 ნოემბერი, კვირა. ამ დღეს მზე მართავს. მზარდი მთვარე კუროს ნიშანშია.

გვიან საღამოს მთვარე ტყუპის ნიშანში გადავა.

კუროს დღეს კარგია, როცა საქმეს საფუძვლიანად აკეთებთ. ხელსაყრელი დღეა ახალი სამსახურის დაწყების, ფინანსური გარიგებების გაფორმებისთვის, უძრავი ქონებისა და ზოგადად, ქონებრივი საკითხებით დაინტერესებისთვის.

ეს დღე ძალიან კარგი დროა სიყვარულისთვის. ქალები განსაკუთრებით მომაჯადოებელი ხდებიან. ხელსაყრელი დროა ერთობლივად ბუნებაში გასვლისთვის. ამ დღეებში ყალიბდება ურთიერთობები, როდესაც პარტნიორები ერთმანეთის გვერდით თავს გრძნობენ დაცულად, სტაბილურად. ესაა ურთიერთპატივისცემაზე, დახმარებასა და მხარდაჭერაზე დაფუძნებული კავშირი, მათ შორის, ფინანსური თვალსაზრისითაც. ამ ურთიერთობებს რამდენადმე აკლია ცეცხლი და მგზნებარება, ამიტომ სასურველია მასში არტისტიზმის შეტანა.

რეკომენდებულია მტკიცე და აქტიური მოქმედებები, მნიშვნელოვანი და სერიოზული საქმეების დაწყება, ნაბიჯების დაფიქრებითა და ყურადღებით გადადგმა, ურთიერთობები სხვადასხვა ადამიანებთან, ოჯახური და მეგობრული თუ კოლეგიალური კავშირების გამტკიცება–მოგვარება, კარიერიაზე ზრუნვა, ბიზნეს–საქმიანობა, ფინანსური საკითხების გადაწყვეტა, სხვისი პრობლემებისთვის თავის არიდება.

არარეკომენდებულია უსაქმურობა, ენერგიის დახარჯვა უმნიშვნელო მოვლენებზე და წვრილმანებზე.

არახელსაყრელი დღეა მგზავრობისთვის.

თმის შეჭრა, შეღებვა: კარგი დღეა თმის შეჭრისთვის – თმა კარგად გაიზრდება და მისი მდგომარეობა გაუმჯობესდება. შეიძლება თმის შეღებვაც. მანიკურისთვის ნეიტრალური დღეა.

მებაღეობა: კურო ერთ–ერთი ნაყოფიერი ნიშანია. ამ დღეს კარგია მცენარეების დარგვა–გადარგვა, მიწაში არსებულ მავნებლებთან ბრძოლა, ყვავილებისთვის სასუქის მიცემა, ზამთრის მარაგის გაკეთება და მოსავლის აღება.

0