რომან ბაბაიანი და მარგარიტა სიმონიანი

პატიოსანი პასუხების მოლოდინში: სომხეთის პრემიერ-მინისტრს უხერხული შეკითხვები დაუსვეს

82
ბაბაიანმა გააფრთხილა ფაშინიანი, რომ საკმარისი ინფორმაცია აქვს და ამიტომ მას არაგულწრფელი პასუხების გაცემა არ გამოუვა  

თბილისი, 14 ნოემბერი — Sputnik. რადიოსადგურ Говорит Москва-ს მთავარმა რედაქტორმა რომან ბაბაიანმა და RT-სა და Россия сегодня-ს მთავარმა რედაქტორმა მარგარიტა სიმონიანმა სომხეთის პრემიერ-მინისტრ ნიკოლ ფაშინიანს რამდენიმე კითხვა დაუსვეს მთიანი ყარაბაღის კონფლიქტის შესახებ ტელეარხ НТВ-ს ტოკ-შოუ "Своя правда-ს" ეთერში.

ბაბაიანის თქმით, ის ბაქოში დაიბადა და შესანიშნავად იცის, საიდან დაიწყო კონფლიქტი და როგორ ვითარდებოდა ის. წამყვანმა აღნიშნა, რომ ეცნობოდა თურქულ, აზერბაიჯანულ და სომხურ მედიასაშუალებებსაც, რის შემდეგაც აცნობიერებდა, რომ „რაღაც არასწორი ხდებოდა და ადამიანებს, რომლებიც ცხოვრობენ სომხეთში, უბრალოდ ატყუებენ“.

„ამასთან დაკავშირებით რამდენიმე კითხვა მაქვს ფაშინიანთან. მიმაჩნია, რომ ეს შეკითხვები მე უნდა დავსვა და დიდი იმედი მაქვს, რომ სომხეთის პრემიერ-მინისტრი მათზე პატიოსნად მიპასუხებს. საჭირო არ არის ჩემი მოტყუება, იმიტომ რომ მე საკმაოდ ფართო სპექტრის ინფორმაციას ვფლობ და მაშინვე მივხვდები, თუ მოტყუებას დაიწყებთ, ბატონო ფაშინიანო“, ― მიმართა ბაბაიანმა სომხეთის პრემიერს.

ფაშინიანისადმი მისი შეკითხვები ასე გამოიყურება:

  • მართალია, რომ რუსეთი ამ ომის პირველი დღიდანვე გთავაზობდათ დარეგულირების სხვადასხვა და ძალიან კარგ მოდელებს ― არა იმათ, რაც დღეს არის, არამედ ძალიან კარგს? და რომ თქვენ ყურადღებით ისმენდით ამ შეთავაზებებს და ყოველ ჯერზე უარს ამბობდით ― უბრალოდ უარს ამბობდით?
  • მართალია თუ არა, რომ ამ დაპირისპირების პირველივე წამებიდან, ომის პირველივე დღეებიდან თქვენ გთავაზობდნენ დახმარებას და ეს დახმარება თქვენ მომენტალურად გეწეოდათ ― თანაც დიდი ზომებით?
  • მართალია, რომ სომხეთის სამხედრო აეროდრომებზე, და არა მარტო, ათობით რუსული სამხედრო-სატრანსპორტო თვითმფრინავი ჯდებოდა?
  • მართალია, რომ თქვენ მიიღეთ შეიარაღების ის სისტემები, რომლებსაც ითხოვდით? პირადად თქვენ ითხოვდით და იღებდით.

„მიპასუხეთ ამ კითხვებზე და მაშინ ჩვენ შევეცდებით გავერკვეთ, გაქვთ თუ არა თქვენ უნარი, პსუხი აგოთ იმაზე, რაც  ჩაიდინეთ, გაქვთ თუ არა უნარი, უხელმძღვანელოთ ქვეყანას.  და შესაძლოა, იმ ადამიანებმა, რომლებიც დღეს კიდევ გიჭერენ მხარს, ძალიან ბევრი ახალი შეიტყონ. უბრალოდ უპასუხეთ ამ შეკითხვებს პატიოსნად. თუ პატიოსნად გვიპასუხებთ, მორიგ კითხვებს დაგისვამთ, უკვე უფრო კონკრეტულს და თქვენ ვეღარ მოახერხებთ თავის დაძვრენას“, ― ასე დაასრულა ბაბაიანმა  მიმართვა.  

როგორ მარგარიტა სიმონიანმა აღნიშნა, მასაც ჰყავს სხვადასხვა წყაროები და ფაშინიანს კიდევ ერთი შეკითხვა დაუსვა:  

„მართალია თუ არა, რომ მთელი ამ ხნის განმავლობაში თქვენ, ბატონო ფაშინიანო, რჩევას ეკითხებოდით, უსასრულოდ ესაუბრებოდით არც ისე მაღალი რანგის მეგობრებს აშშ-ში, და სწორედ ამიტომ აყოვნებდით, ამიტომ არ იღებდით იმ გადაწყვეტილებებს, რომლებიც უნდა მიგეღოთ და რომლებსაც რუსეტი გთავაზობდათ იმისთვის, რომ ეს ყველაფერი შეჩერებულიყო? მართალია თუ არა, რომ ამ მოლაპარაკებებმა და თქვენმა მომლაპარაკებლებმა, თქვენმა აუჩქარებლობამ, თქვენმა გაურკვევლობა და ორ სკამზე დაჯდომის მცდელობამ მოიტანა ის, რაც მოიტანა?“ ― დასვა შეკითხვა სიმონიანმა.    

კოლეგის შეკითხვის კომენტირებისას ბაბაიანმა განაცხადა, რომ მან იცის პასუხი ამ კითხვაზე, მაგრამ დაიცდის, სანამ მას ფაშინიანი არ გამოეხმაურება.

82
თემები:
ესკალაცია ყარაბაღში 2020 (138)
რუსი სამშვიდობოები სტეპანაკერტში

რუსმა სამშვიდობოებმა სტეფანაკერტში საველე ჰოსპიტალი გაშალეს

14
(განახლებულია 18:21 30.11.2020)
რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა მოაწერეს.

თბილისი, 30 ნოემბერი — Sputnik. რუსეთის თავდაცვის სამინისტრომ მთიან ყარაბაღში საველე ჰოსპიტალი გაშალა, იუწყება სააგენტო РИА Новости.

„დასრულებულია პნევმოკარკასული მოდულების განთავსება. პირველ რიგში სამშვიდობო კონტინგენტის სამედიცინო მომსახურებაზე ვართ ორიენტირებული. ასევე მზად ვართ დახმარება აღმოვუჩინოთ მშვიდობიან მოსახლეობასაც და საკუთარ ფონდებზე 40-მდე ადამიანი განვათავსოთ“, — განუცხადა ჟურნალისტებს სამედიცინო რაზმის ხელმძღვანელმა იაროსლავ ივანოვმა.

მისი თქმით, ჰოსპიტალი აღჭურვილია სარეანიმაციო, ფუნქციონალური დიაგნოსტიკის, ლაბორატორიული დიაგნოსტიკის, საოპერაციო განყოფილებებითა და ასევე სტომატოლოგიური და ოფთალმოლოგიური კაბინეტებით. ადგილზე არის ფილტვების ხელოვნური ვენტილაციის, ულტრაბგერითი კვლევისა და რენტგენის აპარატებიც.

რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა — ვლადიმირ პუტინმა, ილჰამ ალიევმა და ნიკოლ ფაშინიანმა მოაწერეს. შეთანხმება ცეცხლის სრულ შეწყვეტასა და ტყვეებისა და დაღუპულთა ცხედრების გაცვლას ითვალისწინებს. ამასთან სომხეთი აზერბაიჯანს ქელბაჯარის, ლაჩინისა და აღდამის რაიონებს უბრუნებს.

ბაქოში შეთანხმება ერევნის კაპიტულაციად შეაფასეს. პრეზიდენტმა ალიევმა აღნიშნა, რომ დოკუმენტი მაქსიმალურად ხელსაყრელია აზერბაიჯანისთვის.

სომხეთის პრემიერ-მინისტრმა ნიკოლ ფაშინიანმა კი აღიარა, რომ დოკუმენტი მისთვის მძიმედ მისაღები იყო, თუმცა ამან შესაძლებლობა მისცა ქვეყანას, შეენარჩუნებინა ყარაბაღის ტერიტორია, რასაც წინააღმდეგ შემთხვევაში მთლიანად დაკარგავდა. ამას ერევანში საპროტესტო აქციები მოჰყვა პრემიერ-მინისტრის გადადგომის მოთხოვნით.

 

14
თემები:
ესკალაცია ყარაბაღში 2020 (138)
ექიმები რეანიმაციაში

ორი ხილული სიმპტომი: დასახელდა COVID-19-ის მძიმე ფორმის წინასწარი ნიშნები

201
(განახლებულია 15:19 30.11.2020)
ექიმის თქმით, ამ ორი სიმპტომით გამოკვლევის გარეშეც შეიძლება დადგინდეს, ემუქრება თუ არა პაციენტს COVID-19-ის მძიმე ფორმა.

თბილისი, 30 ნოემბერი — Sputnik. კორონავირუსის მძიმე ფორმის დადგომაზე ორი მთავარი სიმპტომი შეიძლება მიუთითებდეს — რამდენიმე დღის განმავლობაში 38 გრადუსის ზემოთ ტემპერატურა და სუნთქვის პრობლემები, აცხადებს ექიმი ვლადისლავ მოჰამედ ალი.

მისი თქმით, რამდენიმე დღის განმავლობაში შენარჩუნებული მაღალი ტემპერატურა ციტოკინური შტორმის დასაწყისზე მიანიშნებს.

„ციტოკინური შტორმი — ბიოქომიური რეაქციების კასკადია, რაშიც ორგანიზმში მიმდინარე ანთებით პროცესებზე პასუხისმგებელი ფაქტორებია ჩართული. ციტოკინური შტორმისას უპირველესად ფილტვები ზიანდება, თუმცა იმავდროულად სხვა ორგანოებსაც ადგება დარტყმა“, — განმარტავს მოჰამედ ალი.

მეორე სიმპტომი — ეს ქოშინია.

„ქოშინის გაჩენა ან მისი გაძლიერება ასევე არის იმის ნიშანი, რომ ფილტვების დაზიანების ფართობი იზრდება“, — აცხადებს ექიმი.

მისი თქმით, COVID-19-ის მძიმე ფორმის მაუწყებელი სხვა სიმპტომები მხოლოდ ლაბორატორიულად ან სხვა სამედიცინო ინსტრუმენტებით შეიძლება გამოვლინდეს.

 

201
თემები:
COVID-19-ის პანდემია მსოფლიოში
ნათია თურნავა

ნათია თურნავა: „ზამთრის კურორტები აგენერირებს ძალიან დიდ მობილობას“

0
ეკონომიკის მინისტრ ნათია თურნავას განცხადებით, ზამთრის კურორტებზე შეზღუდვების დაწესება აუცილებელი იყო, რადგან იქ ეპიდაფეთქების საფრთხე არსებობდა.

თბილისი, 30 ნოემბერი – Sputnik. იმ დროს, როდესაც ახალი კორონავირუსით მოსახლეობის დღიური ინფიცირების მაჩვენებელი თუნდაც თბილისში აჭარბებს 1000 ადამიანს, წარმოუდგენელია, რომ ზამთრის კურორტებზე არ მოხდეს ეპიდემიის აფეთქება, განაცხადა საქართველოს ეკონომიკისა და მდგრადი განვითარების მინისტრმა ნათია თურნავამ ტელეკომპანია „რუსტავი 2“-ის ეთერში.

ახალი კორონავირუსის გავრცელების პრევენციის მიზნით, 28 ნოემბრიდან საქართველოს ზამთრის კურორტებმა მუშაობა შეწყვიტეს, სასტუმროებს კლიენტების მიღება აეკრძალათ, ხოლო საბაგიროები, სათხილამურო ტრასები, რესტორნები და კაფეები დაიკეტა.

„ზამთრის კურორტები აგენერირებს ძალიან დიდ მობილობას. ზამთარში ყველაზე მეტი დამსვენებელი სტუმრობს ბაკურიანს, გუდაურს. ეს არის არა უბრალოდ ოჯახები, ვინც გადის დასასვენებლად, არამედ მოთხილამურეები თავის ოჯახებთან ერთად დამატებითი კონტინგენტია და აქედან გამომდინარე, არანაირი გარანტია, რომ იქ არ გავრცელდება ვირუსი, არ არსებობს“, - აღნიშნა მინისტრმა.

თურნავას თქმით, ბევრი მაგალითი არსებობს ევროპული ქვეყნების, სადაც ინფიცირების ახალი ტალღა პერიოდულად სწორედ ზამთრის კურორტებიდან მოდიოდა, ამიტომაც ინფექციის გავრცელების რისკი საქართველოს ზამთრის კურორტებზეც არსებობს.

მინისტრმა აქვე ისიც აღნიშნა, რომ ტურისტულ ინდუსტრიას მთავრობის მხრიდან უპრეცედენტო დახმარება  გაეწია.

„ახლა, ბოლო პაკეტი რაც არის ტურისტული ინდუსტრიის დახმარების, ეს არის ის, რომ 4 თვის ქონების გადასახადი, რომელიც გადავუვადეთ 2020 წელს ჩამოეწერათ, მთელი 2021 წელი ეპატიათ უკვე წინასწარ ქონების გადასახადი, გარდა ამისა, მოქმედებს ჩვენი პროგრამა, რომელიც 12 თვის განმავლობაში ბანკის სესხის პროცენტის სუბსიდირებას ითვალისწინებს. ახლა გავაფართოვეთ პროგრამა და რესტორნებიც ჩავრთეთ“, - აღნიშნა თურნავამ.

მინისტრის თქმით, ეს არ არის ჩანაცვლება სრულფასოვანი სეზონის, მაგრამ სრულფასოვანი ზამთრის ტურისტული სეზონი პანდემიის პირობებში ვერ ჩატარდებოდა და ეს ძალიან კარგად ესმით თავადაც სასტუმროებსაც. თუმცა, მისი თქმით, სასტუმროების მეპატრონეებთან დიალოგის რეჟიმი გაგრძელდება.

„თუმცა, რა თქმა უნდა, კარგად გვესმის, რომ ზამთრის კურორტებზე მდებარე სასტუმროებს მეტი დახმარება და თანადგომა დასჭირდებათ და მათთან ერთად დიალოგის რეჟიმში გამოვკვეთავთ იმ პრობლემატიკას, რაზეც შეიძლება ცალკე ვიმსჯელოთ და გადავწყვიტოთ“, - აღნიშნა ნათია თურნავამ.

საქართველოში ზამთრის კურორტები ოთხ რეგიონში მდებარეობს: გუდაურში (მცხეთა-მთიანეთი), თეთნულდი და ჰაწვალი (სვანეთი), ბაკურიანი და კოხტა მიტარბი (სამცხე-ჯავახეთი), გოდერძი (აჭარა). ამ კურორტებზე ტურისტული სეზონი დეკემბრის დასაწყისში იხსნება და მარტის ბოლომდე გრძელდება.

0
თემები:
COVID-19 საქართველოში