რუსეთის პრეზიდენტი ვლადიმირ პუტინი

პუტინმა მთიან ყარაბაღში სამშვიდობო ოპერაციის შესახებ ბრძანებულებას მოაწერა ხელი

62
რუსეთის პრეზიდენტმა თავდაცვის უწყებას დაავალა, ყარაბაღში მშვიდობისმყოფელთა როტაცია წელიწადში სულ მცირე ორჯერ განახორციელოს

თბილისი, 12 ნოემბერი — Sputnik. რუსეთის პრეზიდენტმა ვლადიმირ პუტინმა ხუთშაბათს, 12 ნოემბერს „მთიან ყარაბაღში მშვიდობის შესანარჩუნებლად ღონისძიებათა შესახებ ბრძანებულებას“ მოაწერა ხელი, იუწყება Sputnik-აზერბაიჯანი.

ბრძანებულება ხელმოწერილია ფედერაციათა საბჭოს #355 დადგენილების შესაბამისად - „რუსეთის შეიარაღებული ძალების ქვეყნის ფარგლებს გარეთ და მთიან ყარაბაღში ცეცხლის შეწყვეტის რეჟიმის და მშვიდობის შენარჩუნების მიზნით გამოყენების შესახებ“.

დოკუმენტის თანახმად, ყარაბაღში 5 წლის ვადით გაიგზავნება რუსეთის შეიარაღებული ძალების გასამხედროებული ფორმირება 1960-მდე სამხედრო მოსამსახურის შემადგენლობით, მომდევნო ხუთწლიან პერიოდებში ავტომატური გახანგრძლივებით იმ შემთხვევაში, თუ შესაბამისი ხუთწლიანი პერიოდის ამოწურვამდე ექვსი თვით ადრე აზერბაიჯანი და სომხეთი მიღწეული შეთანხმებების დაცვის შეწყვეტაზე არ განაცხადებენ.

სამშვიდობო კონტინგენტი განლაგდება მთიანი ყარაბაღის კონფლიქტის ზონაში, მხარეთა გამყოფ ზოლზე და ლაჩინის დერეფნის გასწვრივ.

რუსეთის პრეზიდენტმა ასევე თავდაცვის უწყებას დაავალა, ყარაბაღში რუს მშვიდობისმყოფელთა როტაცია წელიწადში სულ მცირე ორჯერ განახორციელოს.

ყარაბაღის საკითხზე აზერბაიჯანის, რუსეთისა და სომხეთის ლიდერების სამმხრივ განცხადებას ხელი 2020 წლის 10 ნოემბერს მოეწერა. განცხადების თანახმად, მთიანი ყარაბაღის კონფლიქტის ზონაში 2020 წლის 10 ნოემბრის მოსკოვის დროით 00:00 საათიდან ცეცხლის და ყველა სამხედრო მოქმედების სრული შეწყვეტა მოხდა.

62
თემები:
ესკალაცია ყარაბაღში 2020 (137)
გენადი ონიშჩენკო

ონიშჩენკომ განმარტა, რატომ არ უნდა აიცრას კორონავირუსზე უკლებლივ ყველა ადამიანი

10
მსოფლიოს ათობით ქვეყანა მუშაობს ახალი ტიპის კორონავირუსის საწინააღმდეგო ვაქცინაზე, რომელმაც მსოფლიოში აგორებული პანდემია უნდა შეაჩეროს

თბილისი, 28 ნოემბერი – Sputnik. რუსეთის ყოფილმა მთავარმა სანიტარულმა ექიმმა გენადი ონიშჩენკომ განაცხადა, რომ კორონავირუსის საწინააღმდეგო აცრა უნდა ჩაუტარდეს რისკ-ჯგუფებს, და არ მთელს მოსახლეობას, ამის შესახებ წერს РИА Новости.

მისი თქმით, რისკ-ჯგუფში შედიან არამარტო ხანდაზმული ადამიანები, არამედ ონკოლოგიური, ენდოკრინოლოგიური და კარდიოლოგიური დაავადებების მქონე ადამიანები. ყოფილი მთავარი სანიტარული ექიმის თქმით, ამ სიაში არიან ასევე მასწავლებლები და ექიმები.

„ეს საკმარისი იქნება ეპიპროცესის გასაჩერებლად“, - განმარტა მან.

ონიშჩენკომ ასევე მოუწოდა მოსახლეობას, სერიოზულად მოეკიდონ აცრებს, რადგან ეს „სერიოზული იმუნობიოლოგიური ოპერაციაა“, თანაც ზოგიერთი დაავადების დროს მათი გაკეთება უკუჩვენებების გამო არ შეიძლება.

„ყველა დანარჩენისთვის შედეგი იქნება უკვე ერთი თვის შემდეგ, გაჩნდება ანტისხეულების დამცავი დონე. ეს საშუალებას მოგვცემს კოლექტიური იმუნიტეტის 60%-ზე და მეტი დონის გამომუშავებისთვის“, - დასასრულს აღნიშნა მან.

მსოფლიოს მასშტაბით კორონავირუსით ინფიცირების რაოდენობა უკვე 61 მილიონ ადამიანს აჭარბებს, გარდაიცვალა 1,4 მილიონზე მეტი პაციენტი. ჯანდაცვის მსოფლიო ორგანიზაციამ 11 მარტს COVID-19-ის აფეთქება პანდემიად გამოაცხადა.

10
თემები:
COVID-19-ის პანდემია მსოფლიოში

გზა მშივოდბისკენ: როგორ ეხმარება რუსეთი მთიანი ყარაბაღის მკვიდრებს - ვიდეო

14
არაღიარებული მთიანი ყარაბაღის რესპუბლიკის მკვიდრები მშვიდობიან ცხოვრებას უბრუნდებიან. ამაში მათ რუსი სამშვიდობოები და რუსეთის საგანგებო სიტუაციების მართვის სამინისტრო ეხმარებათ

საინჟინრო ჯარები გზებს ასუფთავებენ და სატრნასპორტო მოძრაობას აღადგენენ, გამნაღმველები განაგრძობენ საბრძოლო ქმედებების ზონის განაღმვას და ფეთქებადი საგნებისგან გაწმენდას. მაშველებმა რეგიონში ჩაიტანეს სპეცტექნიკა, სამშენებლო მასალები და ჰუმანიტარული დახმარება. კიდევ რით დაეხმარება რუსეთი ყარაბაღის მცხოვრებებს - იხილეთ ჩვენს ვიდეოში.

14
თამო ვაშალომიძე

„დაიბადა ჩემი ბიჭი“ - თამო ვაშალომიძე მამა-შვილის ემოციურ ფოტოს აქვეყნებს

0
(განახლებულია 20:23 28.11.2020)
ცნობილი ფოტომოდელი დედა გახდა. ნახეთ ემოციური ფოტო, რომელიც თამო ვაშალომიძემ რამდენიმე წუთის წინ სოციალურ ქსელში განათავსა

თამო ვაშალომიძე, ფაქტობრივად, საიდუმლოს გარეშე ცხოვრობს. ერთადერთი, რაც მოდელმა თაყვანისმცემლებს დღემდე არ გაუმხილა - მისი პირველი პარტნიორის ვინაობაა. მოდელმა რამდენიმე წუთის წინ ახალშობილი ვაჟის ფოტო გამოაქვეყნა და დაწერა, რომ სიტყვებით ვერ გადმოსცემს, როგორი ბედნიერია.

თამომ მამა-შვილის ფოტოც გამოაქვეყნა, სადაც მის რჩეულს, ბიზნესმენ აკა სამხარაძეს შვილი ხელში უჭირავს და სიყვარულით სავსე თვალებით დაჰყურებს.

რამდენიმე თვეა თაყვანისმცემლებმა შეამჩნიეს, რომ მის გვერდზე ეროტიკული ხასიათის სურათებმა იკლო, ხოლო ოჯახურმა იდილიამ იმატა. თამო ვაშალომიძის ახალი პარტნიორი აკა სამხარაძეა. ის ბიზნესმენია, რომელიც სამედიცინო სფეროში საქმიანობს. ფოტომოდელის განცხადებით, ისინი ერთ წელზე მეტია, რაც ერთმანეთს ხვდებიან. ეს ერთი ნახვით შეყვარებას ჰგავს.

ფოტომოდელის განმარტებით, ბიზნესმენი მას საჩუქრებითა და ულევი ყურადღებით ანებივრებს, რის გამოც მათი ურთიერთობა უფრო და უფრო საინტერესოა. როგორც ჩანს, პატარა სოფია მამინაცვალს გულგრილს არ ტოვებს. თამოს სოციალური ქსელებიდან ირკვევა, რომ მამინაცვალი და თამოს ქალიშვილი ერთად დროს ხშირად ატარებენ.

0