გაეროს გენასამბლეა

ომის მსხვერპლთა ხსოვნა: გაეროს გენასამბლეამ ერთხმად მიიღო რუსეთის რეზოლუცია

53
(განახლებულია 14:23 06.11.2020)
გაერთიანებული ერების ორგანიზაცია მის წევრ ყველა სახელმწიფოს აძლევს რეკომენდაციას, აღნიშნოს ხსოვნის დღეებად დაწესებული თარიღები.

თბილისი, 6 ნოემბერი — Sputnik. გაეროს გენერალურმა ასამბლეამ ერთხმად მიიღო რუსეთის რეზოლუცია მეორე მსოფლიო ომის მსხვერპლთა ხსოვნის პატივისცემის შესახებ, იუწყება РИА Новости.

დოკუმენტში ნათქვამია, რომ გაეროს გენერალური ასამბლეა ეყრდნობა 2004 წელს მიღებულ თავისივე რეზოლუციას, რომლითაც 8 და 9 მაისი ხსოვნისა და შერიგების დღეებად არის გამოცხადებული.

გენასამბლეის ახლად მიღებული რეზოლუცია „სთავაზობს გაერთიანებული ერების ორგანიზაციის სისტემების ქვეყნებს, არასამთავრობო ორგანიზაციებსა და კერძო პირებს, შესაბამისი სახით აღნიშნონ ეს დღეები როგორც მეორე მსოფლიო ომის ყველა მსხვერპლის ხსოვნის დღე“.

 

53
თემები:
რუსეთი დღეს (891)
მარია ზახაროვა

„მკაცრი დემარში“ - ბრიტანეთის ელჩი რუსეთის საგარეო უწყებაშია დაბარებული

21
(განახლებულია 15:05 24.06.2021)
როგორც რუსეთის საგარეო უწყების ოფიციალური წარმომადგენელი ამბობს, ბრიტანეთის ელჩი დღეს მივა სამინისტროში

თბილისი, 24 ივნისი − Sputnik. დიდი ბრიტანეთის ელჩი რუსეთში დებორა ბრონერტი დღეს ქვეყნის საგარეო საქმეთა სამინისტროში გამოცხადდება, სადაც მას შავ ზღვაში მომხდარ ინციდენტთან დაკავშირებით „მკაცრ დემარშს“ მოუწყობენ, განაცხადა რუსეთის საგარეო უწყების ოფიციალურმა წარმომადგენელმა მარია ზახაროვამ ტელეარხ Россия 24თან ინტერვიუში.

„ჩვენ გუშინ ვთქვით, რომ ბრიტანეთის ელჩი დავიბარეთ. საგარეო საქმეთა სამინისტროში ის დღეს მოვა და მას მკაცრ დემარშს მოვუწყობთ“, − აღნიშნა ზახაროვამ.  

ამასთან, უწყების ოფიციალური წარმომადგენლის თქმით, ეს შეხვედრა „ლონდონისთვის უსიამოვნო“ იქნება, და იქვე დაამატა, რომ ამიერიდან ყველა მსგავს ინციდენტს შესაბამისი ხისტი პასუხები გაეცემა.

ზახაროვამ ყურადღება გაამახვილა იმაზეც, რომ ლონდონმა რამდენჯერმე შეცვალა თავისი ვერისია მომხდართან დაკავშირებით, რათა რუსეთის საზღვრების დარღვევა რამენაირად აეხსნა.

„არსებობს ვიდეოკადრები, ფაქტობრივი მტკიცებულებები. და რაც ყველაზე გასაკვირია, არა მარტო ჩვენი, არამედ ბრიტანელი ჟურნალისტის მხრიდანაც“, − განაცხადა დიპლომატმა.

რუსეთის თავდაცვის უწყების ცნობით, 23 ივნისს, ბრიტანეთის სამეფო ფლოტის ესკადრონული ნაღმმზიდი HMS Defender-ი, მოსკოვის დროით დილის 11:52 საათზე, სამი კილომეტრით ღრმად შევიდა რუსეთის ტერიტორიულ წყლებში. ამის შემდეგ რუსულმა მხარემ ხომალდის ეკიპაჟი გააფრთხილა, რომ იარაღს გამოიყენებდნენ იმ შემთხვევაში, თუ ხომალდი იმავე კურსით განაგრძობდა სვლას. 

აღნიშნულ გაფრთხილებაზე ბრიტანულ ეკიპაჟს რეაგირება არ მოუხდენია. შესაბამისად, უკვე 12:06 და 12:08 საათებზე რუსულმა სასაზღვრო-სანაპირო ხომალდმა გამაფრთხილებელი ცეცხლი გახსნა, ხოლო კიდევ ცხრა წუთის შემდეგ გამანადგურებელმა Су-24м ასევე გამაფრთხილებელი ბომბები ჩამოყარა ესკადრონული ნაღმმზიდის გზაზე. ბრიტანულმა Defender-მა რუსეთის ფედერაციის ტერიტორიული წყლები 12:23 საათზე დატოვა.

21
თემები:
რუსეთი დღეს (891)
ანგელა მერკელი

მერკელი: ევროკავშირმა რუსეთის პროვოკაციებზე რეაგირების მექანიზმი უნდა შექმნას

17
(განახლებულია 16:56 24.06.2021)
გერმანიის კანცლერს მიაჩნია, რომ ევროკავშირმა, რომელიც „აღმოსავლეთ პარტნიორობის“ ქვეყნებზე პასუხისმგებელია, შესაბამისი პასუხი უნდა გასცეს რუსეთის აქტიურობას.

თბილისი, 24 ივნისი − Sputnik. რუსეთის პროვოკაციებზე ერთიანი რეაქციისთვის ევროკავშირმა მექანიზმი უნდა შექმნას, განაცხადა გერმანიის კანცლერმა ანგელა მერკელმა ბუნდესტაგში გამოსვლისას, იუწყება საინფორმაციო სააგენტო РИА Новости.

„ბოლო თვეების მოვლენებმა აშკარად დაგვანახა − და არა მარტო გერმანიაში, რომ რუსეთის მრავალრიცხოვან პროვოკაციებზე ჩვენი არაკოორდინირებულად რეაგირება საკმარისი არ არის. ამის ნაცვლად უნდა შევქმნათ მექანიზმი, რათა ერთობლივად გავცეთ პასუხი პროვოკაციებს. რუსეთის ჰიბრიდული შეტევებისთვის წინააღმდეგობის გაწევას მხოლოდ ასე შევძლებთ“, − აღნიშნა მერკელმა.

კანცლერის თქმით, ევროკავშირმა, რომელიც, გარდა იმისა, რომ რუსეთის გეოგრაფიული მეზობელია, გამომდინარე იქიდან, რომ ასევე არის „აღმოსავლეთ პარტნიორობის“ ქვეყნებზე პასუხისმგებელი, რუსეთის აქტიურობას შესაბამისი პასუხი უნდა გასცეს.

„ჩემი აზრით, ჩვენ, როგორც ევროკავშირმა, ამასთან დაკავშირებით პირდაპირი კონტაქტები უნდა ვეძებოთ რუსეთის პრეზიდენტთან. მივესალმები, რომ ამერიკის პრეზიდენტი ჯო ბაიდენი ესაუბრა რუსეთის პრეზიდენტს, მაგრამ ეს საკმარისი არ არის. ევროკავშირმა დიალოგის ფორმატი უნდა შექმნას, სხვა გზით კონფლიქტები ვერ გადაიჭრება“, − მიაჩნია მერკელს.

გარდა ამისა, კანცლერი დარწმუნებულია, რომ ასევე უნდა ჩამოყალიბდეს რუსეთთან საერთო სტრატეგიული ინტერესების პროგრამა, მაგალითად, კლიმატის, მშვიდობისა და უშიშროების, ლიბიასა და სირიაში კონფლიქტების მოგვარების მიმართულებებით.

ევროკავშირისა და მოსკოვის ურთიერთობები 2014 წლიდან გაუარესდა, როდესაც დასავლეთმა რუსეთი უკრაინის საქმეებში ჩარევაში დაადანაშაულა და სანქციები დაუწესა. მოსკოვში ყველა ბრალდებას უარყოფენ და აცხადებენ, რომ რუსეთი არ არის შიდაუკრაინული კონფლიქტის მხარე, ხოლო ყირიმის საკითხი საბოლოოდ დახურულია. ამასთან რუსეთი ასევე უარყოფს დასავლეთის ბრალდებებს „აგრესიულ ქმედებებში“.

17
თემები:
საერთაშორისო პანორამა
თურქეთის დროშა

საქართველო და თურქეთი თავისუფალი ვაჭრობის ხელშეკრულების გაფართოებას გეგმავენ

0
თავისუფალი ვაჭრობის შესახებ ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

თბილისი, 24 ივნისი - Sputnik. საქართველომ და თურქეთმა ქვეყნებს შორის თავისუფალი ვაჭრობის ხელშეკრულების ფარგლებში განიხილეს სოფლის მეურნეობის პროდუქტებზე ტარიფების შემდგომი ლიბერალიზაცია და დოკუმენტში სერვისებით ვაჭრობის ჩართვის შესაძლებლობა, იტყობინება საქართველოს ეკონომიკისა და მდგრადი განვითარების სამინისტროს პრესსამსახური.

ანკარამ უმასპინძლა საქართველო-თურქეთის თავისუფალი ვაჭრობის ხელშეკრულების შედეგად დაარსებული ერთობლივი კომიტეტის მე -12 სხდომას, რომლის ფარგლებში გაიმართა მოლაპარაკებები დოკუმენტში შესწორებების შეტანის შესახებ.

საქართველოს დელეგაციას ხელმძღვანელობდა ეკონომიკის მინისტრის მოადგილე გენადი არველაძე, ხოლო თურქეთის დელეგაციას - ვაჭრობის მინისტრის მოადგილე მუსტაფა თუზჯუ.

არველაძის თქმით, ქვეყნებს შორის თავისუფალი ვაჭრობის შესახებ შეთანხმებაში შეტანილი ცვლილება, განსაკუთრებით სოფლის მეურნეობის ტარიფების შემდგომი ლიბერალიზაციის შესახებ, გაზრდის ექსპორტს საქართველოდან თურქეთში და დაეხმარება ქართველ მწარმოებლებს, თავიანთი სოფლის მეურნეობის პროდუქტები თურქეთის ბაზარზე კონკურენტუნარიანი გახადონ. მისივე თქმით, ამ საკითხზე თურქულ მხარესთან კონსულტაციების პროცესი წარმატებით მიმდინარეობს.

კომიტეტის შემდეგი სხდომა თბილისში 2021 წლის ბოლოს გაიმართება, მანამდე კი კონსულტაციები ექსპერტების დონეზე ონლაინ რეჟიმში გაგრძელდება.

თავისუფალი ვაჭრობის ხელშეკრულება საქართველოსა და თურქეთს შორის 2007 წელს გაფორმდა და ის გარკვეული საქონლის იმპორტზე გადასახადისგან გათავისუფლებას ითვალისწინებს.

საქართველოს სავაჭრო პარტნიორებს შორის თურქეთი პირველ ადგილზეა – 2021 წლის იანვარ–მაისში, გასული წლის ანალოგიურ პერიოდთან შედარებით, მეზობელ ქვეყანასთან საგარეო სავაჭრო ბრუნვა 35%–ით გაიზარდა და 758,1 მლნ დოლარი – საქართველოს საერთო სავაჭრო ბრუნვის 15,1% შეადგინა.

გასულ წელს საქართველოსა თურქეთს შორის სავაჭრო ბრუნვა, 2019 წლის იმავე პერიოდთან შედარებით, 12,2%-ით შემცირდა და 1,6 მლრდ დოლარი შეადგინა.  მიუხედავად ამისა, 2020 წელსაც თურქეთი საქართველოს ერთ-ერთი მთავარი სავაჭრო პარტნიორი იყო.

საქართველოდან თურქეთში ექსპორტზე გადის ფეროშენადნობები, ტრიკოტაჟის ნაწარმი, ფოლადის ნახევარფაბრიკატები, შავი ლითონის ჯართი და სხვა საქონელი.

თურქეთიდან შემოდის 10 და მეტი ადამიანის გადასაყვანი ავტომობილები, სატვირთო ავტომობილი, შავი ლითონის მილები, მილაკები და ღრუ პროფილები, სამკურნალო პრეპარატი და ა.შ. 

0