სერგეი ლავროვი

ლავროვი: რუსეთი მზადაა COVID-19-ის ვაქცინაციის საკითხზე ევროპასთან თანამშრომლობისთვის

56
რუსეთმა მსოფლიოში პირველმა დაარეგისტრირა კორონავირუსის საწინააღმდეგო ვაქცინა, ახლა კი ქვეყანაში „კოვიდ-19“-ის კიდევ რამდენიმე ვაქცინა მუშავდება

თბილისი, 4 ნოემბერი - Sputnik. რუსეთი მზადაა ევროპის საბჭოსთან ითანამშრომლოს კორონავირუსის ვაქცინაციის საკითხებზე, მიმართა საგარეო საქმეთა მინისტრმა სერგეი ლავროვმა ევროსაბჭოს მინისტრთა კომიტეტის 130-ე ონლაინსესიის მონაწილეებს. ამის შესახებ იუწყება РИА Новости.

ლავროვის თქმით, კორონავირუსმა დაამტკიცა, რომ ევროპელებს საერთო საფრთხეების პირისპირ ერთობის შენარჩუნება სჭირდებათ.

„რუსეთში სერტიფიცირებულია კორონავირუსის პირველი ვაქცინა „სპუტნიკ V“. მუშავდება კიდევ ორი ვაქცინა... ვიცით, რომ ჩვენი ქვეყნის ეს წარმატება ყველას არ უხარია. მაგრამ არანაირი პოლიტიკური მოსაზრებები, არანაირი ეკონომიკური გათვლები არ უნდა დადგეს საკუთარ მოქალაქეთა ჯანმრთელობის დაცვის ინტერესებზე მაღლა“, - განაცხადა მინისტრმა.

საგარეო საქმეთა მინისტრმა ხაზი გაუსვა, რომ მოსკოვს ყოველთვის სჯეროდა „ევროპის საბჭოს გამაერთიანებელი პოტენციალის“ და მასში „საერთო ევროპული სახლის პირველსახეს“ ხედავდა.

„თუმცა უნდა ვაღიაროთ, რომ ამ „სახლში“ ჩვენი ოცდახუთწლიანი ცხოვრების გამოცდილება არცალსახაა - არის როგორც უდავო მიღწევები, ისე აუხდენელი ოცნებები და იმედგაცრუებები“,  - დაასკვნა ლავროვმა.

რუსეთის ჯანდაცვის სამინისტრომ აგვისტოში დაარეგისტრირა მსოფლიოში პირველი კორონავირუსის საწინააღმდეგო ვაქცინა „სპუტნიკV",  რომელიც გამალეს ეპიდემიოლოგიისა და მიკრობიოლოგიის ეროვნულ კვლევით ცენტრში შეიქმნა. ვაქცინა სამკვირიანი შუალედით პრეპარატის ორი კომპონენტის შეყვანას ითვალისწინებს.

სექტემბერში რუსულ სამეცნიერო ცენტრ „ვექტორში“ დასრულდა SARS-CoV-2-ის საწინააღმდეგო ვაქცინის კლინიკური ცდები. როგორც „როსპოტრებნადზორის“ ხელმძღვანელმა ანა პოპოვამ განაცხადა, „ვექტორის“ ვაქცინა სახელწოდებით „ეპივაკკორონა“ კორონავირუსის საწინააღმდეგო მეორე რუსული ვაქცინა გახდება.

წინა კვირას უნგრეთმა რუსეთსა ან ჩინეთში წარმოებული ვაქცინის შეძენის მზადყოფნა გამოხატა. ევროკომისიის პასუხი კი იყო, რომ ევროკავშირის ტერიტორიაზე არ შეიძლება ისეთი პრეპარატების გამოყენება, რომლებსაც ევროპაში სერტიფიცირება არ გაუვლიათ.

56
თემები:
COVID-19-ის პანდემია მსოფლიოში (1234)
რუსი სამშვიდობოები სტეპანაკერტში

რუსმა სამშვიდობოებმა სტეფანაკერტში საველე ჰოსპიტალი გაშალეს

14
(განახლებულია 18:21 30.11.2020)
რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა მოაწერეს.

თბილისი, 30 ნოემბერი — Sputnik. რუსეთის თავდაცვის სამინისტრომ მთიან ყარაბაღში საველე ჰოსპიტალი გაშალა, იუწყება სააგენტო РИА Новости.

„დასრულებულია პნევმოკარკასული მოდულების განთავსება. პირველ რიგში სამშვიდობო კონტინგენტის სამედიცინო მომსახურებაზე ვართ ორიენტირებული. ასევე მზად ვართ დახმარება აღმოვუჩინოთ მშვიდობიან მოსახლეობასაც და საკუთარ ფონდებზე 40-მდე ადამიანი განვათავსოთ“, — განუცხადა ჟურნალისტებს სამედიცინო რაზმის ხელმძღვანელმა იაროსლავ ივანოვმა.

მისი თქმით, ჰოსპიტალი აღჭურვილია სარეანიმაციო, ფუნქციონალური დიაგნოსტიკის, ლაბორატორიული დიაგნოსტიკის, საოპერაციო განყოფილებებითა და ასევე სტომატოლოგიური და ოფთალმოლოგიური კაბინეტებით. ადგილზე არის ფილტვების ხელოვნური ვენტილაციის, ულტრაბგერითი კვლევისა და რენტგენის აპარატებიც.

რუსი სამშვიდობოები მთიან ყარაბაღში 10 ნოემბრის სამმხრივი ხელშეკრულების ფარგლებში შედიან, რომელსაც ხელი რუსეთის, აზერბაიჯანისა და სომხეთის ლიდერებმა — ვლადიმირ პუტინმა, ილჰამ ალიევმა და ნიკოლ ფაშინიანმა მოაწერეს. შეთანხმება ცეცხლის სრულ შეწყვეტასა და ტყვეებისა და დაღუპულთა ცხედრების გაცვლას ითვალისწინებს. ამასთან სომხეთი აზერბაიჯანს ქელბაჯარის, ლაჩინისა და აღდამის რაიონებს უბრუნებს.

ბაქოში შეთანხმება ერევნის კაპიტულაციად შეაფასეს. პრეზიდენტმა ალიევმა აღნიშნა, რომ დოკუმენტი მაქსიმალურად ხელსაყრელია აზერბაიჯანისთვის.

სომხეთის პრემიერ-მინისტრმა ნიკოლ ფაშინიანმა კი აღიარა, რომ დოკუმენტი მისთვის მძიმედ მისაღები იყო, თუმცა ამან შესაძლებლობა მისცა ქვეყანას, შეენარჩუნებინა ყარაბაღის ტერიტორია, რასაც წინააღმდეგ შემთხვევაში მთლიანად დაკარგავდა. ამას ერევანში საპროტესტო აქციები მოჰყვა პრემიერ-მინისტრის გადადგომის მოთხოვნით.

 

14
თემები:
ესკალაცია ყარაბაღში 2020
ექიმები რეანიმაციაში

ორი ხილული სიმპტომი: დასახელდა COVID-19-ის მძიმე ფორმის წინასწარი ნიშნები

233
(განახლებულია 15:19 30.11.2020)
ექიმის თქმით, ამ ორი სიმპტომით გამოკვლევის გარეშეც შეიძლება დადგინდეს, ემუქრება თუ არა პაციენტს COVID-19-ის მძიმე ფორმა.

თბილისი, 30 ნოემბერი — Sputnik. კორონავირუსის მძიმე ფორმის დადგომაზე ორი მთავარი სიმპტომი შეიძლება მიუთითებდეს — რამდენიმე დღის განმავლობაში 38 გრადუსის ზემოთ ტემპერატურა და სუნთქვის პრობლემები, აცხადებს ექიმი ვლადისლავ მოჰამედ ალი.

მისი თქმით, რამდენიმე დღის განმავლობაში შენარჩუნებული მაღალი ტემპერატურა ციტოკინური შტორმის დასაწყისზე მიანიშნებს.

„ციტოკინური შტორმი — ბიოქომიური რეაქციების კასკადია, რაშიც ორგანიზმში მიმდინარე ანთებით პროცესებზე პასუხისმგებელი ფაქტორებია ჩართული. ციტოკინური შტორმისას უპირველესად ფილტვები ზიანდება, თუმცა იმავდროულად სხვა ორგანოებსაც ადგება დარტყმა“, — განმარტავს მოჰამედ ალი.

მეორე სიმპტომი — ეს ქოშინია.

„ქოშინის გაჩენა ან მისი გაძლიერება ასევე არის იმის ნიშანი, რომ ფილტვების დაზიანების ფართობი იზრდება“, — აცხადებს ექიმი.

მისი თქმით, COVID-19-ის მძიმე ფორმის მაუწყებელი სხვა სიმპტომები მხოლოდ ლაბორატორიულად ან სხვა სამედიცინო ინსტრუმენტებით შეიძლება გამოვლინდეს.

 

233
თემები:
COVID-19-ის პანდემია მსოფლიოში (1234)
ლაბორატორია

საქართველოში კორონავირუსი აივ–ინფექციის შემთხვევების შემცირების მიზეზი გახდა

0
(განახლებულია 09:28 01.12.2020)
საქართველოს იმუნოლოგიის ცენტრში აღნიშნავენ, რომ ტესტი აივ/შიდსის გამოსავლენად და კონსულტაციები საქართველოს მოქალაქეებისთვის უფასო და ანონიმურია

თბილისი, 1 დეკემბერი – Sputnik. კორონავირუსის პანდემიის გამო წელს შემცირდა აივ–ტესტირების გავლის მსურველთა რაოდენობა, რამაც, შესაბამისად, შეამცირა აივ–ინფიცირების შემთხვევების რაოდენობა, ნათქვამია საქართველოს ინფექციური პათოლოგიის, შიდსისა და კლინიკური იმუნოლოგიის ცენტრის განცხადებაში.

მსოფლიოში 1 დეკემბერს შიდსთან ბრძოლის საერთაშორისო დღე აღინიშნება. 2020 წლის თემაა „საერთაშორისო სოლიდარობა, გაზიარებული პასუხისმგებლობა“.

საქართველო და აივ-ინფექცია: ბოლო მონაცემები>>

როგორც ცენტრის განცხადებაშია აღნიშნული, კორონავირუსის პანდემია მტკივნეულად აისახა აივ/შიდსით დაავადებულ ადამიანებზეც.

„უნდა გავხდეთ ამ ორი პანდემიის წინააღმდეგ ბრძოლის თანამონაწილე. შემოგვიერთდით და დავასრულოთ Covid-19 და შიდსის ეპიდემია საქართველოში! ეპიდემიის დასრულებისთვის მნიშვნელოვანია იცოდე შენი აივ–სტატუსი და თუ ხარ აივ–ინფიცირებული, დროულად დაიწყო მკურნალობა. დროულად დაწყებული მკურნალობა კი სრულფასოვანი ცხოვრების საწინდარია“, – ნათქვამია განცხადებაში.

ცენტრის განცხადებაში ასევე აღნიშნულია, რომ კრიტიკულად მნიშვნელოვანია კვლავ აივ–შიდსთან ბრძოლისთვის დამატებითი ფინანსების მობილიზაცია, რათა ამაღლდეს საზოგადოების ცნობიერება ამ საკითხში და გაუმჯობესდეს ინფიცირებული ადამიანების ცხოვრების ხარისხი.

ამ დროისთვის საქართველოს ინფექციური პათოლოგიის, შიდსისა და კლინიკური იმუნოლოგიის ცენტრის მიერ რეგისტრირებულია 8598 აივ–ინფიცირებული, აქედან 6422 მამაკაცია, ხოლო 2176 – ქალი. პაციენტების უმრავლესობა 29–39 წლისაა. შიდსი განუვითარდა 4 441 პაციენტს, გარდაიცვალა 1 781.

კიდევ ერთი: აივ-ინფექციისგან მსოფლიოში მესამე ადამიანი განიკურნა>>

30 ნოემბრის მონაცემებით, ქვეყანაში მკურნალობს 5 379 პაციენტი, აქედან 46 ბავშვია. საქართველოში აივ–შიდსის დიაგნოზი პირველად 1989 წელს დაისვა.

ინფექციური პათოლოგიის, შიდსისა და კლინიკური იმუნოლოგიის ცენტრში მოქალაქეებს ახსენებენ, რომ ტესტი აივ0შიდსზე და კონსულტაცია საქართველოს მოქალაქეებისთვის არის უფასო და ანონიმური.

0