ვლადიმირ პუტინი

ვლადიმირ პუტინმა მთიანი ყარაბაღის მოვლენები შეაფასა

64
(განახლებულია 16:31 07.10.2020)
პრეზიდენტის თქმით, რუსეთში ამ დროისათვის 2 მილიონამდე აზერბაიჯანელი და 2 მილიონზე მეტი სომეხი ცხოვრობს, რომლებთანაც რუსეთის უამრავ მოქალაქეს მჭიდრო მეგობრობა და ნათესაობა აკავშირებს.

თბილისი, 7 ოქტომბერი — Sputnik. ყარაბაღში მიმდინარე მოვლენები — ეს ტრაგედიაა, განაცხადა რუსეთის ფედერაციის პრეზიდენტმა ვლადიმის პუტინმა.

მისი თქმით, რუსეთში ამ მოვლენების გამო ძალიან შფოთავენ.

„ეს ტრაგედიაა. ჩვენ ძალიან ვწუხვართ, იმიტომ რომ აზერბაიჯანიც, სომხეთიცა და მთიანი ყარაბაღიც — ეს ის ტერიტორიებია, რომლებზეც ჩვენთვის არაუცხო ადამიანები ცხოვრობენ“, — აღნიშნა პუტინმა ტელეარხ Россия 24-თან საუბრისას.

პრეზიდენტის თქმით, რუსეთში ამ დროისათვის 2 მილიონამდე აზერბაიჯანელი და 2 მილიონზე მეტი სომეხი ცხოვრობს, რომლებთანაც რუსეთის უამრავ მოქალაქეს მჭიდრო მეგობრობა და ნათესაობა აკავშირებს.  

ამასთან ვლადიმირ პუტინმა მოუწოდა მხარეებს, სასწრაფოდ შეწყვიტონ ცეცხლი მთიან ყარაბაღში.

  • „ადამიანები იღუპებიან, ორივე მხრიდან დიდი დანაკარგებია. იმედი გვაქვს, რომ უახლოეს დროში ეს კონფლიქტი გადაიჭრება“, — თქვა მან.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. მიმდინარეობს აქტიური საომარი მოქმედებები. მსხვერპლი არის ორივე მხარეს.

64
თემები:
რუსეთი დღეს (637)
მამაკაცი მკერდზე გადაჯვარედინებული ხელებით

მარტოხელა მამაკაცი: განაჩენი თუ... დასახელდა დაოჯახებისთვის კრიტიკული ასაკი

43
არის თუ არა განაჩენი 40 წელს გადაცილებული მამაკაცისთვის მარტოხელობა და რამდენად დიდია მისი დაქორწინების შანსი - ფსიქოლოგი განმარტავს

თბილისი, 22 ოქტომბერი — Sputnik. არის თუ არა მარტოხელობა 40 წლის ასაკში და აქვს თუ არა ამ ასაკში მამაკაცს დაოჯახების შანსი, ამის შესახებ რადიო Sputnik-თან ინტერვიუში ოჯახის ფსიქოლოგმა ნატალია პანფილოვამ ისაუბრა.

მისი თქმით, ორმოც წელზე მეტი ხნის მარტოხელა მამაკაცები იშვიათად ქორწინდებიან. მაშინაც კი, თუ მათ ცხოვრების თანამგზავრი ჰყავთ, ისინი არ ჩქარობენ ოჯახურ მარწუხებში მოქცევას.

„საშუალოდ 35 წლის შემდეგ ჰორმონალური ფონი თანდათან იცვლება. მამაკაცები მოწიფულობას ერგებიან და ამას თავისი შედეგები მოაქვს. ფსიქოლოგიური თვალსაზრისით, ადამიანები უფრო რიგიდულნი ხდებიან, მათ აღარ სურთ ექსპერიმენტები“, — აღნიშნა ნატალია პანფილოვამ.

ფსიქოლოგის განმარტებით, 35 წლამდე ასაკის მამაკაცები შეცდომებს უფრო ადვილად ეგუებიან, ხვდებიან, რომ მათი გამოსწორების შესაძლებლობა არსებობს. ასაკის მატებასთან ერთად კი გადამწყვეტი ნაბიჯებისა ეშინიათ, არ სურთ შეცვალონ კომფორტული და ჩვეული ცხოვრების წესი, რომელიც ამ დროისთვის ჩამოუყალიბდათ.

„მამაკაცს, რაც უფრო ახლოს არის 40 წელთან, მით უფრო ნაკლები შეცდომის დაშვება სურს. მას უკვე აღარ უნდა არანაირი ექსპერიმენტი. ამ ასაკში ადამიანს უკვე აქვს ჩვევები, რომლისგან თავის დაღწევაც  რთულია და ის არც ცდილობს მათ მოშორებას. თუ ქალი თანახმაა, მოერგოს ამ მამაკაცის ცხოვრებას, მაშინ ის მასთან ერთად იცხოვრებს, მაგრამ ეს სულაც არ ნიშნავს იმას, რომ ისინი დაქორწინდებიან“, — ამბობს პანფილოვა.

ამასთან ირკვევა, რომ იგივე ასაკის ქალბატონებსაც ნაკლებად აინტერესებთ 40 წელს გადაცილებული მამაკაცები.

რაც შეეხება ახალგაზრდა გოგონებს, ხშირად დიდი სიამოვნებით იწყებენ ურთიერთობას უფროს კაცებთან, მაგრამ როგორც კი აღმოაჩენენ, რომ მასთან გამუდმებით მორგებაა საჭირო, ხოლო მამაკაცი ურთიერთობებში უფრო შორს  წასვლას არ აპირებს, ისინიც მაშინვე კარგავენ ინტერესს.

43
თემები:
მსოფლიო და მეცნიერება
„რიჩარდ III“ ვახტანგოვის თეატრის სცენაზე

უკვე მესამედ: ქართველი რეჟისორის დადგმა მოსკოველი მაყურებლის რჩეულ სპექტაკლებს შორისაა

41
(განახლებულია 20:32 21.10.2020)
ცნობილი ქართველი რეჟისორის ავთანდილ ვარსიმაშვილის „რიჩარდ III“ რუსეთის დედაქალაქის ყველაზე პოპულარული სპექტაკლების ტოპში უკვე მესამედ მოხვდა.

თბილისი, 21 ოქტომბერი – Sputnik. სპექტაკლი „რიჩარდ III“, რომელიც ქართველმა რეჟისორმა ავთანდილ ვარსიმაშვილმა მოსკოვის ვახტანგოვის სახელობის სახელმწიფო აკადემიური თეატრის სცენაზე 2017 წელს დადგა, Ticketland.ru-ს ვერსიით ყველაზე პოპულარული წარმოდგენების ტოპ–ათეულში შევიდა.

ავთანდილ ვარსიმაშვილი უკრაინაში ფესტივალის პრიზიორი გახდა>>

რუსულ სცენაზე გრიბოედოვის სახელობის თბილისის რუსული დრამატული თეატრის სამხატვრო ხელმძღვანელი ქართულ გუნდთან ერთად მუშაობდა. სპექტაკლის სცენოგრაფია მირიან შველიძეს ეკუთვნის, კოსტიუმების მხატვარია თეო კუხიანიძე, მუსიკალურად კი სპექტაკლი ელისო ორჯონიკიძემ გააფორმა. წარმოდგენაში გია ყანჩელის მუსიკა ჟღერს.

სპექტაკლში მონაწილეობენ მსახიობები: მაქსიმ სევრინოვსკი, ოლგა ტუმაიკინა, ელენა სოტნიკოვა, ქსენია კუბასოვა, იგორ კარტაშოვი და სხვები.

„პიესა „რიჩარდ III“ გენიალურია. ესაა ხელისუფლების ენციკლოპედია, „ძერჟავული“ ძალის, გვირგვინის ხელში ჩაგდების სახელმძღვანელო. შექსპირმა ყველა დროისა და ხალხის დიქტატორის ხასიათი ზუსტად წარმოადგინა ნაპოლეონამდე, სტალინამდე, ჰიტლერამდე და ხელისუფლების სხვა უზურპატორებამდე რამდენიმე საუკუნით ადრე. მან თითქოს გვიწინასწარმეტყველა მათი გამოჩენა და ამავე დროს ფანტასტიკურად ზუსტად აღწერა დიქტატორის პიროვნების გახრწნის ფსიქოლოგიური პროცესი, როდესაც მას უკვე სისხლი ახრჩობს და ცხოვრებაში მთავარი მიზანი აღარ აქვს“, – აღნიშნა ვარსიმაშვილმა.

ქართველი რეჟისორის სპექტაკლის გარდა, ტოპ–დადგმებში ვახტანგოვის თეატრის კიდევ ორი სპექტაკლი მოხვდა – რიმას ტუმინასის „ევგენი ონეგინი“ და გლებ პანფილოვის „აუდიენცია“.

41
თემები:
საქართველო და კულტურა
პოლიცია შემთხვევის ადგილზე

მარტყოფში არასრულწლოვანმა ახალგაზრდა მამაკაცი მოკლა

0
მკვლელობაში ეჭვმიტანილი პირი სამართალდამცავებმა უკვე დააკავეს. მკვლელობის მოტივი ამ დროისთვის უცნობია

თბილისი, 22 ოქტომბერი – Sputnik. გარდაბნის მუნიციპალიტეტის სოფელ მარტყოფში ფიზიკურ დაპირისპირებას ახალგაზრდა მამაკაცის სიცოცხლე ემსხვერპლა, იუწყება შსს–ს პრეს–სამსახური.

არსებული ინფორმაციით, 2001 წელს დაბადებულ მამაკაცს ცივი იარაღით სასიკვდილო ჭრილობა არასრულწლოვანმა, 16 წლის თანასოფლელმა მიაყენა. დაჭრილი საავადმყოფოში მიყვანისთანავე გარდაიცვალა.

მკვლელობის მოტივი ამ დროისთვის უცნობია. მასმედიაში გავრცელებული ინფორმაციით, დაპირისპირებულებს კამათი ადრეც მოსვლიათ.

პოლიციამ ბრალდებული ცხელ კვალზე დააკავა.

გამოძიება დაწყებულია სსკ-ის 108-ე მუხლით, რაც განზრახ მკვლელობას გულისხმობს და ითვალისწინებს შვიდიდან 15 წლამდე ვადით პატიმრობას.

0
თემები:
შემთხვევები საქართველოში