ფილმის ფირი

Sputnik-ის ჟურნალისტის სცენარით გადაღებული ფილმი კინოფესტივალზე აჩვენეს

16
(განახლებულია 17:34 04.10.2020)
ჩაიფიქრა რა საბავშვო ფილმის სცენარის დაწერა, Sputnik-ის კორესპონდენტი ლევ რიჟკოვი იმდენად გაიტაცა საქმემ, რომ „რუსული მატრიცის“ გადაღება მოისურვა.

მასში არის სიყვარულიც, განგსტერებიცა და... ჩაკეტილი საზღვრებიც, როგორც ამასწინანდელი კარანტინისას.

მოსკოვის 42-ე კინოფესტივალზე, რომელიც მოსკოვში გაიხსნა, პროგრამა „სპექტრში“ ერთადერთი რუსული სურათი იყო ნაჩვენები ― სახელწოდებით Москвы не бывает. ფილმის სცენარის ავტორი საერთაშორისო საინფორმაციო სააგენტო Sputnik-ის ჟურნალისტი ლევ რიჟკოვია. დანარჩენი ორი ათეული ფილმი სხვადასხვა ქვეყნებშია გადაღებული ― დაწყებული პოლონეთით და დასრულებული პორტუგალიით.   

ლევ რიჟკოვისთვის სრული მეტრაჟი დებიუტია. სასცენაროს გამოცდილება მას ჰქონდა, მაგრამ დოკუმენტურ კინოში. რამდენიმე წლის წინ მან სცენარი დაწერა RT.doc-ის გადამღები ჯგუფისთვის, რომელიც იარარის წარმოების შესახებ დოკუმენტურ სერიალზე მუშაობდა.

მხატვრულ ფილმ Москвы не бывает-თან დაკავშირებით კი ყველაფერი შემთხვევით მოხდა და Sputnik-ში მუშაობის გარეშე არც გამოვიდოდა. 2015 წელს ლევ რიჟკოვი რედაქციის დავალებით დსთ-სა და ბალტიის ქვეყნების ფესტივალ „კინოშოკზე“ წავიდა ანაპაში, სადაც გაიცნო კიდეც ხალხი კინოს ინდუსტრიიდან. 

ერთ-ერთმა რეჟისორმა ჰკითხა რიჟკოვს, ხომ ვერ დაწერდა სცენარს საბავშვო ფილმისთვის? მოსკოვში დაბრუნებულმა ჟურნალისტმა საბავშვო ფილმის „წერა“ კი დაიწყო, მაგრამ დაწერა არა უბრალოდ „სადიდო“ ფიმის სცენარი, არამედ კინოლენტისა ― ჩახლართული კრიმინალურ-მისტიკური სიუჟეტით, რომელსაც თავად „რუსულ მატრიცას“ უწოდებს.

„ფილმის გმირი, უბრალო მუშა ბიჭი ლიოხა, სულაც არ არის სუპერმენი. ყველა მისი მცდელობა, აეწყო ცხოვრება, კატასტროფით მთავრდება. ამიტომაც ლიოხა უბრალოდ მიჰყვება დინებას. ერთხელაც, თავისი სისულელით, განგსტერებს გადაუჭრა გზა ― მიწვდომელი ლამაზმანი შეუყვარდა, რომელიც პროვინციიდან მოსკოვში წასვლის იდეით იყო შეპყრობილი. და აქ ირკვევა, რომ დედაქალაქისკენ არცერთი გზა არ მიდის, კვალში კი განგსტერები უდგანან“, ― ჰყვება ფილმის სიუჟეტურ ხაზს ავტორი.

სცენარისტი გამოტყდა, რომ სურათს საფუძვლად მისი ორი მოთხრობა დაედო, რომლებიც საკმაოდ დიდი ხნის წინ დაწერა და მარტო ინტერნეტში გამოაქვეყნა. მათგან გამოვიდა კიდეც „რაღაც მესამე“, რაც ფილმის სცენარად იქცა.  

„რეჟისორი დმიტრი ფიოდოროვი და პროდიუსერი ალექსეი არხიპოვი მაშინვე დაინტერესდნენ ისტორიით. მაგრამ შემოკლება მაიძულეს, იმიტომ რომ 2,5 საათიანი სურატი გამოვიდა. ამდენ ხანს კი დარბაზში ბლოკბასტერის საყურებლადაც კი ჭირს გაჩერება. თუმცა კიდევ უკეთესი გამოვიდა ― გაქრა ისეთი სისულელეები, როგორებიცაა გმირების წარსულში დაბრუნება“, ― ამბობს ლევ რიჟკოვი.

ფილმის გადაღება 2017 წლის შემოდგომაზე დაიწყო მოსკოვის მახლობლად მდებარე პაწაწა ქალაქ ერმოლინოში. და გადამღებმა ჯგუფმა მაშინვე ააფორიაქა ადგილობრივი საერთო საცხოვრებლის მოსახლეთა მშვიდი ცხოვრება. მათ პირველად ნახეს არა მარტო „კინოშნიკები“, არამედ გადასაღები ტექნიკაც ― კამერები და რელსები, რომლებიც მათ სახლში დააყენეს.

„მობინადრეები ძალიან გაკვირვებულები იყვნენ. მთავარი როლის შემსრულებელმა ივან ფედოტოვმა იმდენად დამაჯერებლად შეასრულა ნასვამი ყმაწვილის როლი, რომ მათ დაიჯერეს, თითქოს ასეთი სცენების დროს მსახიობები მართლაც თვრებიან. ხოლო როდესაც მან ფანჯრიდან ქვებით სავსე ბადურა გადააგდო, აღშფოთდნენ და ჩემთან მოცვივდნენ საჩივლელად, აქ რა ხულიგნობა და ალკოჰოლიზმი მოაწყვეთო. ძლივს ავუხსენით და დავარწმუნეთ, რომ ყველაფერი რიგში იყო და უფრო მეტიც, მათ საერთო საცხოვრებელს საერთაშორისო კინოფესტივალზე აჩენებდნენ. ვინ წარმოიდგენდა, რომ მაშინ არ ვიტყუებოდი?“ ― იცინის სცენარისტი.

ფილმის პრემიერა მოსკოვის საერთაშორისო ფესტივალზე ჯერ კიდევ გაზაფხულზე უნდა შემდგარიყო, მაგრამ პანდემიის გამო გადაიდო შემოდგომისთვის.

16
თემები:
რუსეთი დღეს (642)
ტანკერები

აზოვის ზღვაში რუსულ ტანკერზე ორი ძლიერი აფეთქება მოხდა

122
ნავთობმზიდზე სულ 13 ადამიანი იმყოფებოდა, აქედან ათის გადარჩენა მოხერხდა, აფეთქების შედეგად სამი ადამიანი წყალში აღმოჩნდა

თბილისი, 24 ოქტომბერი — Sputnik. ორი აფეთქება მოხდა აზოვის ზღვაში მყოფ რუსულ ტანკერზე „გენერალი აზი ასლანოვი“ , ეკიპაჟს ათი წევრი ევაკუირებულია, სამი ადამიანი წყალში აღმოჩნდა, იუწყება РИА Новости საგანგებო სამსახურის წარმომადგენელზე დაყრდნობით.

მისი თქმით, აფეთქებები აზოვის ზღვის აკვატორიაში ხანძრის შემდეგ მოხდა. ტანკერზე სულ 13 ადამიანი იმყოფებოდა.

როგორც საგანგებო სიტუაციების სამინისტროში იუწყებიან, გემი პორტ „კავკაზიდან“ დონის როსტოვში მიემართებოდა. წინასწარი ინფორმაციით, ტანკერი ცარიელია.

ასევე ვრცელდება ინფორმაცია, რომ ტანკერზე ნავთობპროდუქტების გამონაბოლქვი აფეთქდა, გემი ერთ მხარეს გადაიხარა. შესაბამის სამსახურში შეტყობინება აფეთქების შესახებ 18:40 საათზე შევიდა. 19:21 საათზე თბომავალ „სირიუსის“ ეკიპაჟმა ტანკერიდან ეკიპაჟის 10 წევრი აიყვანა.

მაშველები წყალში ეკიპაჟის სამ წევრს ეძებენ.

122
თემები:
რუსეთი დღეს (642)

მოლდოვის საპრეზიდენტო არჩევნები. რა სიურპრიზს უმზადებს აშშ კიშინიოვს

43
(განახლებულია 19:22 23.10.2020)
აშშ მოლდოვისთვის 1 ნოემბრის საპრეზიდენტო არჩევნების შემდეგ რევოლუციურ სცენარს ამზადებს. ამის შესახებ განაცხადა რუსეთის საგარეო დაზვერვის სამსახურის დირექტორმა სერგეი ნარიშკინმა.

მისი თქმით, მოლდოვის მოქმედი ლიდერი იგორ დოდონი აშშ-ს არ აწყობს, რადგან ის „დსთ-ის ქვეყნებთან, მათ შორის რუსეთთანაც, კონსტრუქციული დიალოგის მომხრეა. მან ხაზი გაუსვა, რომ აშშ-ის სახელმწიფო დეპარტამენტმა უკვე უკვე მოუწოდა საკუთარ საელჩოს კიშინიოვში „წინასწარ განაწყონ ოპოზიცია მასობრივი საპროტესტო აქციებისათვის“, თუ დოდონს კვლავ აირჩევენ. საპრეზიდენტო არჩევნებში, გარდა მოქმედი პრეზიდენტისა, მონაწილეობას მიიღებს კიდევ შვიდი კანდიდატი. დოდონის მთავარ მოწინააღმდეგედ მიიჩნევა ოპოზიციური პარტია „მოქმედება და სოლიდარობის“ ლიდერი მაია სანდუ, რომელიც საკუთარი პროდასავლური პოზიციითაა ცნობილი.

43
არჩევნები

31 ოქტომბრის არჩევნებისთვის ბიულეტენების ბეჭდვა დღეს დასრულდება

0
(განახლებულია 11:37 26.10.2020)
ბიულეტენების ბეჭდვა უსაფრთხოების ნორმების ყველა წესის დაცვით მიმდინარეობს. პროცესს ადგილობრივი ორგანიზაციების 16 დამკვირვებელი აკვირდება.

თბილისი, 26 ოქტომბერი — Sputnik. 31 ოქტომბრის საპარლამენტო არჩევნებისთვის თბილისის შვიდ სტამბაში საარჩევნო ბიულეტენების ბეჭდვა ორშაბათს დასრულდება. 

ბიულეტენების ბეჭდვის პროცესს, რომელიც სამი დღეა გრძელდება, ცენტრალური საარჩევნო კომისიის წევრებთან ერთად სადამკვირვებლო ორგანიზაციების წარმომადგენლები აკვირდებიან. არჩევნებისთვის სულ 7 102 600 ბიულეტენი დაიბეჭდება.

საქართველოში 31 ოქტომბრის საპარლამენტო, საკრებულოების შუალედური, მერების რიგგარეშე და აჭარის უმაღლესი საბჭოს არჩევნები იმართება. ბოლო მონაცემებით, ამომრჩეველთა ერთიან სიაში 3 526 032 ადამიანია რეგისტრირებული.

3 160,9 ათასი ბიულეტენი განკუთვნილია პროპორციული საარჩევნო სისტემისთვის (პარტიული სიები და ბლოკები), 3 097,8 ათასი კი მაჟორიტარულისთვის, 584 ათასი აჭარის უმაღლესი საბჭოს, 40,1 ათასი საკრებულოს შუალედური, 219,8 ათასი კი მერების არჩევნებისთვის.

საარჩევნო ბიულეტენები თანმიმდევრობით დაინომრება და 50-50 ცალად აიკინძება ბლოკნოტების სახით.

ბიულეტენები 3 725 საარჩევნო უბანზე განაწილდება. აღსანიშნავია, რომ ბიულეტენები ასევე იბეჭდება ეთნიკური უმცირესობების ენებზე: აქედან ქართულ-აზერბაიჯანული ბიულეტენები მიეწოდება 213 საარჩევნო უბანს, ხოლო ქართულ-სომხური - 135 საარჩევნო უბანს. საოლქო საარჩევნო კომისიები კენჭისყრის დაწყებამდე არაუგვიანეს 12 საათისა უზრუნველყოფენ ბიულეტენების მიწოდებას საუბნო საარჩევნო კომისიებისათვის. 

ამასთან, თბილისის, თელავის, თეთრიწყაროსა და ონის მუნიციპალიტეტების 39 საარჩევნო უბანზე, მოქალაქეები მიიღებენ 3 ბიულეტენს: პროპორციული, მაჟორიტარული არჩევნებისა და ადგილობრივი თვითმმართველობის ორგანოების (საკრებულო) არჩევნებისთვის.
კასპის, ონის, ხარაგაულის, თერჯოლისა და ქუთაისის მუნიციპალიტეტებში, ჯამში 255 საარჩევნო უბანზე, სადაც მერების არჩევნები იმართება, ამომრჩეველი სამი სახის ბიულეტენს მიიღებს.

რაც შეეხება აჭარას, სადაც საპარლამენტო არჩევნების პარალელურად აჭარის უმაღლესი საბჭოს არჩევნები ტარდება, ამომრჩეველი ოთხი სახის ბიულეტენს მიიღებს.

ბიულეტენების ბეჭდვა უსაფრთხოების ნორმების ყველა წესის დაცვით მიმდინარეობს. პროცესს ადგილობრივი ორგანიზაციების 16 დამკვირვებელი აკვირდება.

0
თემები:
საქართველოს საპარლამენტო არჩევნები 2020