ვაქცინა „ეპივაკკორონა“

რუსეთში კორონავირუსის მეორე ვაქცინა გამოსცადეს

84
(განახლებულია 17:13 30.09.2020)
ეს ვაქცინა ახალი კორონავირუსისგან იმუნიტეტს მთელი ცხოვრების განმავლობაში არ იძლევა, მაგრამ დაცვას, სულ მცირე, ნახევარი წელი უზრუნველყოფს.

თბილისი, 30 სექტემბერი – Sputnik. რუსეთის ვირუსოლოგიისა და ბიოტექნოლოგიის სახელმწიფო სამეცნიერო ცენტრ „ვექტორის“ სპეციალისტებმა COVID-19-ის საწინააღმდეგო ვაქცინის კლინიკური კვლევების დასრულების შესახებ განაცხადეს, აღნიშნა „როსპოტრებნადზორის“ ხელმძღვანელმა ანა პოპოვამ, იუწყება РИА Новости.

ცნობილია, ვინ არ შეიძლება აიცრას COVID-19-ზე: აკადემიკოსი განმარტავს>>

„ვექტორის“ ვაქცინა COVID-19-ზე იმუნიტეტს მთელი ცხოვრების განმავლობაში არ იძლევა, მაგრამ დაცვას, სულ მცირე, ნახევარი წელი უზრუნველყოფს. რაც შეეხება მის უსაფრთხოებას, პრეპარატ „ეპივაკკორონას“ (ЭпиВакКорона) ტესტირების პირველ ფაზას არანაირი საშიშროება არ გამოუვლენია.

„კლინიკური კვლევები „ვექტორში“ სწორედ დღეს დასრულდა“, – განაცხადა პოპოვამ ტელეარხ НТВ-სთან ინტერვიუში.

მისი თქმით, ვაქცინაცია სურვილისამებრ ჩატარდება, მაგრამ თუ ეს პროფესიულ რისკებს უკავშირდება, მაშინ შეიძლება აუცილებელიც გახდეს.

ვაქცინის რეგისტრაციას რუსეთის ჯანდაცვის სამინისტრო ჯერ კიდევ გასულ კვირაში შეუდგა. პროცესის დასრულება 15 ოქტომბერს იგეგმება. „ვექტორმა“ ყველა აუცილებელი დოკუმენტი შემოწმებისთვის ჯანდაცვის სამინისტროს გუშინ ჩააბარა.

ამის შემდეგ ვაქცინის გამოცდა გაგრძელდება. პრეპარატს დატესტავენ 60 წელს ზემოთ ასაკისა და ქრონიკული დაავადებების მქონე ადამიანებზე, ასევე ჩატარდება პლაცებო–კონტროლირებადი რეგისტრაციისშემდგომი კვლევები სხვადასხვა ასაკის 5000 ადამიანზე. სულ მესამე ეტაპის კვლევებში მონაწილეობას სულ ცოტა 3 ათასი მოხალისე მიიღებს.

კორონავირუსის რუსული ვაქცინა: რომელ ქვეყნებს სურთ მისი ყიდვა>>

მეცნიერებმა აღნიშნეს, რომ ცდების შედეგების მასალები უახლოეს თვეებში რუსეთისა და საზღვარგარეთის გამოცემებში დაიბეჭდება. „ეპივაკკორონას“ „ვექტორში“ დაამზადებენ, სამოქალაქო მიმოქცევაში მისი ორი ვარიანტის გაშვება იგეგმება.

ეს უკვე მეორე რუსული ვაქცინაა, რომელმაც ადამიანებზე ცდა წარმატებით გაიარა. პირველი „სპუტნიკ-V“ (Gam-COVID-Vac) აგვისტოს დასაწყისში დარეგისტრირდა.

84
თემები:
რუსეთი დღეს (767)
რუსეთისა და აშშ-ის სახელმწიფო დროშები

ახალი ანტირუსული „შავი სია“: შეერთებულმა შტატებმა სანქციების ჩამონათვალი გამოაქვეყნა

35
(განახლებულია 18:24 03.03.2021)
ახალი სანქციების დაწესების შემდეგ რუსეთის საგარეო საქმეთა სამინისტროს წარმომადგენელმა მარია ზახაროვამ ვაშინგტონს მოუწოდა, „შეწყვიტოს ცეცხლთან თამაში“.

თბილისი, 3 მარტი — Sputnik. აშშ-ის ფინანსთა სამინისტრომ გამოაქვეყნა რუსეთის მოქალაქეების სია, რომლებსაც სანქციები დაუწესდათ ბლოგერ ალექსეი ნავალნის გამო.

სანქციების სიაში მოხვდნენ:

  • რუსეთის უშიშროების ფედერალური სამსახურის დირექტორი ალექსანდრ ბორტნიკოვი,
  • რუსეთის გენერალური პროკურორი იგორ კრასნოვი,
  • კრემლის ადმინისტრაციის უფროსის პირველი მოადგილე სერგეი კირიენკო,
  • სასჯელაღსრულების ფედერალური სამსახურის ხელმძღვანელი ალექსანდრ კალაშნიკოვი,
  • თავდაცვის მინისტრის მოადგილეები ალექსეი კრივარუჩკო და პაველ პოპოვი,
  • კრემლის საშინაო პოლიტიკის სამმართველოს ხელმძღვანელი ანდრეი იარინი.

გავრცელებული ცნობით, ამ პირების მთელი ქონება, რომელიც აშშ-ის იურისდიქციაში აღმოჩნდება, დაიბლოკება.

გარდა ამისა, „მასობრივი განადგურების იარაღის გავრცელების შესახებ რუსული პროგრამის მხარდამჭერი საქმიანობისთვის“ ამერიკული სანქციები დაუწესდა 13 ორგანიზაციას, რომელთაგან ცხრა რუსეთში მდებარეობს, სამი გერმანიაში და ერთი შვეიცარიაში.

რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ აშშ-ის ახალი სანქციები „მტრულ ანტირუსულ გამოხდომად“ შეაფასა და მოუწოდა ვაშინგტონს, „შეწყვიტოს ცეცხლთან თამაში“.

მანამდე, 2 თებერვალს მოსკოვის სასამართლომ გააუქმა ალექსეი ნავალნის მიმართ პირობითი სასჯელი „ივ როშეს“ საქმეზე და გამოსაცდელი ვადის არაერთხელ დარღვევისთვის 3,5 წლით თავისუფლების აღკვეთა შეუფარდა საერთო რეჟიმის კოლონიაში მოხდით. მოსკოვის საქალაქო სასამართლომ კანონიერად მიიჩნია ნავალნისთვის პირობითი სასჯელის რეალურით შეცვლა. მას კოლონიაში დაახლოებით 2,5 წლის გატარება მოუწევს.

რუსეთმა არაერთხელ უარყო, რომ ნავალნის დევნას პოლიტიკური ხასიათი აქვს, რაც, სააგენტო РИА Новости-ს ცნობით, ასევე დაადასტურა ადამიანის უფლებათა ევროპულმა სასამართლომ. თუმცა მან რუსეთის ხელისუფლებას ალექსეი ნავალნისთვის შინაპატიმრობის მისჯის გამო კომპენსაციის გადახდა დააკისრა, რომელიც უკვე გადახდილია.

ალექსეი ნავალნის ინციდენტი

ალექსეი ნავალნი გასული წლის 20 აგვისტოს გადაიყვანეს ომსკის ჰოსპიტალში მას შემდეგ, რაც ის შეუძლოდ გახდა თვითმფრინავში. გამოკვლევის შემდეგ ომსკელმა ექიმებმა პაციენტის შეუძლოდ გახდომის ძირითად მიზეზად ნივთიერებათა ცვლის დარღვევა დაასახელს, რამაც სისხლში შაქრის დონის მკვეთრი ცვლილება გამოიწვია. ომსკელ მედიკოსებს ნავალნის სისხლსა და შარდში საწამლავის ნიშნები არ აღმოუჩენიათ.

მოგვიანებით ბლოგერი გერმანიაში გადააფრინეს. გერმანიის მთავრობამ სამხედრო ექიმებზე დაყრდნობით განაცხადა, რომ ნავალნი „ნოვიჩოკის“ ჯგუფის სუბსტანციითაა მოწამლული. კრემლში ამასთან დაკავშირებით ითქვა, რომ ბერლინს არ უცნობებია მოსკოვისთვის თავისი დასკვნები.

ამასთან რუსეთი აცხადებს, რომ გერმანიის დაზვერვას (BND) 1990-იანი წლებიდან აქვს წვდომა „ნოვიჩოკზე“, ხოლო კიდევ ოცი დასავლური ქვეყანა, მათ შორის, დიდი ბრიტანეთი, აშშ, შვედეთი და ჩეხეთი სწავლობდნენ მას. რაც შეეხება რუსეთს, მოსკოვის განმარტებით, პრეზიდენტის 1992 წლის ბრძანებულების შესაბამისად, ქვეყანამ შეწყვიტა ქიმიური იარაღის სფეროში სამუშაოების წარმოება, ხოლო 2017 წელს სრულად გაანადგურა ამგვარი ნივთიერებების არსებული მარაგი.

ოქტომბრის დასაწყისში ქიმიური იარაღის აკრძალვის ორგანიზაციამ განაცხადა, რომ ნავალნის ორგანიზმში აღმოჩენილი ნივთიერებები არ არის შესული აკრძალული პრეპარატების ნუსხაში, თუმცა ისინი მახასიათებლებით „ნოვიჩოკის“ ანალოგიურია. მიუხედავად ამისა, ევროკავშირმა მაინც დააწესა ანტირუსული სანქციები.

35
თემები:
რუსეთი დღეს (767)

COVID-19 უკან იხევს: დსთ-ის ქვეყნებში ინფიცირების რიცხვი იკლებს

16
(განახლებულია 21:23 02.03.2021)
კორონავირუსი უკან იხევს, ამან უკვე სტაბილური სახე მიიღო, განაცხადეს „როსპოტრებნადზორში“. COVID-19-თან ბრძოლაში წარმატება მოიტანა ტესტირებამ, სოციალურმა დისტანციამ და ვაქცინაციამ.

შესაძლებელია თუ არა კოლექტიური იმუნიტეტის გამომუშავება აცრის გარეშე? როდის დაარეგისტრირებენ რუსული პრეპარატი „სპუტნიკ V“-ს მსუბუქ ფორმას? გაქრება თუ არა ჩვენი ცხოვრებიდან COVID-19 სამუდამოდ? – იხილეთ ვიდეო.

16
ეკა ჩხეიძე

„საშინელი ავარიის შემდეგ აღმოვჩნდი ჩემი მეგობრის ცოლი...“ - რა შეემთხვა ცნობილ მსახიობს

0
(განახლებულია 17:26 03.03.2021)
ეკა ჩხეიძის უცნობი ისტორიის შესახებ ხდება ცნობილი. ნახეთ რა შეემთხვა ცნობილ მსახიობს 20 წლის წინ და როგორ შეცვალა მისი ცხოვრება ერთმა ავარიამ

მსახიობმა ეკა ჩხეიძემ პირადი ცხოვრების შესახებ ისაუბრა და გაიხსენა ამბები, რომლებმაც ის შეცვალა. ერთ-ერთია ავარიის ისტორია, რომლის დროსაც ძალიან დაშავდა და დაერღვა ვესტიბულური აპარატი, დიდხანს ვერ დადიოდა.

აღმოჩნდა, რომ დაშავებულს მეგობარი აკითხავდა და ბოლოს ცოლობა თხოვა. მსახიობის თქმით, არასდროს გათხოვდებოდა, რომ არა ეს ავარია, რომელმაც მისი ცხოვრება რადიკალურად შეცვალა, თანაც ამ პერიოდში ჰყავდა სერიოზული თაყვანისცმემელი, რომელიც ასევე თხოვდა ცოლობას, და უცებ მეგობარს გაყვა ცოლად, რომელსაც ბავშვობიდან იცნობდა.

„სერიოზულად არ აღიქმებოდა ეს. ყველაზე ვიფიქრებდი, ოღონდ მასზე არა. ამ ავარიამ სრულიად შეცვალა ჩვენი ურთიერთობა, დამოკიდებულება ერთმანეთის მიმართ და გადაწყვიტა ჩვენი ბედი. 20 წელი ვიცხოვრეთ ერთად და გვყავს ორი შვილი“, - ამბობს ეკა ჩხეიძე „რუსთავი 2“-ის დილის გადაცემაში საუბრისას.

0
თემები:
სელებრითების ცხოვრება