რუსული ვაქცინის შეფუთვა

Gam-COVID-Vac: ბელარუსში რუსული ვაქცინის კვლევა ჩატარდება

49
(განახლებულია 19:49 17.09.2020)
მანამდე მინსკი და მოსკოვი რუსული ვაქცინა Sputnik V-ს ტესტირების მესამე ფაზაში ბელარუსის მონაწილეობაზე შეთანხმდნენ.

თბილისი, 17 სექტემბერი — Sputnik. ბელარუსმა კორონავირუსის საწინააღმდეგო რუსული ვაქცინის კლინიკური კვლევების ჩასატარებლად დოკუმენტების პაკეტი მიიღო, წერს ქვეყნის ჯანმრთელობის დაცვის სამინისტროს პრეს-სამსახური Telegram-არხზე.

ამ დროისათვის მიმდინარეობს დოკუმენტების შესწავლა. ექსპერტთა ჯგუფში შედიან საწარმო „ჯანდაცვის ექსპერტიზისა და კვლევების ცენტრის“ თანამშრომლები და ასევე ეპიდემიოლოგიისა და ინფექციური დაავადებების სფეროს სპეციალისტები. მათ პრეპარატის „ეფექტურობისა და უსაფრთხოების შესახებ სანდო მონაცემების მიღების შესაძლებლობა“ უნდა შეაფასონ და ამასთან განიხილონ ტესტირებასთან დაკავშირებული ეთიკური საკითხები.

„ვაქცინის გამოცდა ორმაგ ბრმა პლაცებო–კონტროლირებად დიზაინში იგეგმება. აღნიშნული გამოცდა იქნება ნაწილი ფართომასშტაბიანი კვლევისა Gam-COVID-Vac, რომელიც რუსეთის ფედერაციის ტერიტორიაზე ტარდება“, — ნათქვამია რელიზში.

ბელარუსულ ტესტებში ასამდე მოხალისე მიიღებს მონაწილეობას. კვლევაში ჩართვის მსურველებს განაცხადების შეტანა მინსკისა და ვიტებსკის საკვლევ სივრცეებად შერჩეული რვა ორგანიზაციის საიტებზე შეუძლიათ.

მანამდე მინსკი და მოსკოვი რუსული ვაქცინა Sputnik V-ს ტესტირების მესამე ფაზაში ბელარუსის მონაწილეობაზე შეთანხმდნენ.

პირველი ქვეყანა, რომელიც COVID-19-ის საწინააღმდეგო რუსულ ვაქცინას მიიღებს, ბელარუსი იქნება>>

აგვისტოში რუსეთმა COVID-19-ის წინააღმდეგ მსოფლიოში პირველი ვაქცინა დაარეგისტრირა სახელწოდებით Sputnik V, რომელიც გამალეის ცენტრში შეიქმნა რუსეთის პირდაპირი ინვესტიციების ფონდთან ერთად.

კლინიკური გამოცდებისას პრეპარატმა კვლევის მონაწილეების 100 პროცენტს ჩამოუყალიბა მდგრადი ჰუმორალური და უჯრედული იმუნური პასუხი და ამავდროულად არ გამოუწვევია არანაირი არასასურველი რეაქცია არც ერთი კრიტერიუმით.

ამასთან, ვირუსის გამანეიტრალებელი ანტისხეულების რაოდენობა აცრილ მოხალისეებში 1,4–1,5-ჯერ აღემატებოდა COVID-19-სგან განკურნებული პაციენტების ორგანიზმში არსებულს.

 

49
თემები:
მსოფლიო დღეს (2175)

მოლდოვის საპრეზიდენტო არჩევნები. რა სიურპრიზს უმზადებს აშშ კიშინიოვს

23
(განახლებულია 19:22 23.10.2020)
აშშ მოლდოვისთვის 1 ნოემბრის საპრეზიდენტო არჩევნების შემდეგ რევოლუციურ სცენარს ამზადებს. ამის შესახებ განაცხადა რუსეთის საგარეო დაზვერვის სამსახურის დირექტორმა სერგეი ნარიშკინმა.

მისი თქმით, მოლდოვის მოქმედი ლიდერი იგორ დოდონი აშშ-ს არ აწყობს, რადგან ის „დსთ-ის ქვეყნებთან, მათ შორის რუსეთთანაც, კონსტრუქციული დიალოგის მომხრეა. მან ხაზი გაუსვა, რომ აშშ-ის სახელმწიფო დეპარტამენტმა უკვე უკვე მოუწოდა საკუთარ საელჩოს კიშინიოვში „წინასწარ განაწყონ ოპოზიცია მასობრივი საპროტესტო აქციებისათვის“, თუ დოდონს კვლავ აირჩევენ. საპრეზიდენტო არჩევნებში, გარდა მოქმედი პრეზიდენტისა, მონაწილეობას მიიღებს კიდევ შვიდი კანდიდატი. დოდონის მთავარ მოწინააღმდეგედ მიიჩნევა ოპოზიციური პარტია „მოქმედება და სოლიდარობის“ ლიდერი მაია სანდუ, რომელიც საკუთარი პროდასავლური პოზიციითაა ცნობილი.

23
ვლადიმირ პუტინი

ვლადიმირ პუტინმა ყარაბაღის ახალ კონფლიქტში დაღუპულთა რაოდენობა დაასახელა

73
(განახლებულია 13:18 23.10.2020)
რუსეთის პრეზიდენტის თქმით, მთიან ყარაბაღში არსებული ვითარება – ეს არის კონფლიქტი მისი ყველაზე უარესი ვარიანტით.

თბილისი, 23 ოქტომბერი — Sputnik. მთიან ყარაბაღში სომხეთი–აზერბაიჯანის კონფლიქტის ესკალაციის შემდეგ თითქმის 5 ათასი ადამიანია დაღუპული, განაცხადა რუსეთის პრეზიდენტმა ვლადიმირ პუტინმა კლუბ „ვალდაის“ სხდომაზე.

„ორივე მხრიდან დიდია დანაკარგი... დაღუპულთა საერთო რაოდენობა უკვე ხუთ ათასს უახლოვდება“, — განაცხადა რუსეთის ლიდერმა.

მისი თქმით, მოსკოვი მრავალი წლის განმავლობაში სთავაზობდა მხარეებს პრობლემის დარეგულირების სხვადასხვა ვარიანტებს, მაგრამ პოზიციების შეთანხმება ვერ მოხერხდა და, შესაბამისად, „მივიღეთ კონფლიქტი მისი ყველაზე უარესი ვარიანტით“.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. 

მოგვიანებით რუსეთის, საფრანგეთისა და აშშ-ის ლიდერებმა ერთობლივი განცხადება გაავრცელეს მთიან ყარაბაღში შექმნილ სიტუაციასთან დაკავშირებით. ვლადიმირ პუტინმა, დონალდ ტრამპმა და ემანუელ მაკრონმა მოუწოდეს აზერბაიჯანსა და სომხეთს, დაუყოვნებლივ შეწყვიტონ საბრძოლო მოქმედებები მთიან ყარაბაღში და აღადგინონ მოლაპარაკებები. მოწოდებას შეუერთდა გერმანიის კანცლერი ანგელა მერკელიც. თურქეთმა კი განაცხადა, რომ აზერბაიჯანს ნებისმიერი სახის დახმარებას გაუწევს, რომელიც მას დასჭირდება მთიანი ყარაბაღის კონფლიქტში.

9 ოქტომბერს მოსკოვში რუსეთის, სომხეთისა და აზერბაიჯანის საგარეო საქმეთა მინისტრები — სერგეი ლავროვი, ზოგრაბ მნაცაკანიანი და ჯეიჰუნ ბაირამოვი შეხვდნენ მთიანი ყარაბაღის თემაზე მოსალაპარაკებლად. დაახლოებით ათსაათიანი მოლაპარაკებების შედეგად მხარეები ცეცხლის ჰუმანიტარულ რეჟიმში შეწყვეტაზე შეთანხმდნენ, რაც ძალაში 10 ოქტომბრის დღის 12 საათზე შევიდა. მიუხედავად ამისა, საომარი მოქმედებები არ შემწყდარა, რაშიც კონფლიქტის მხარეები კვლავ ერთმანეთს ადანაშაულებდნენ. 

ჰუმანიტარული დაზავების მორიგი მცდელობა მხარეებს 18 ოქტომბრის ღამით ჰქონდათ, თუმცა უკვე რამდენიმე საათის შემდეგ ბაქომაც და ერევანმაც კვლავ გაავრცელეს განცხადებები შეთანხმების დარღვევის შესახებ, რაშიც ერთმანეთს სდებენ ბრალს.

 

73
თემები:
ესკალაცია ყარაბაღში 2020
ქეთა თოფურია

ის, რაზეც ყველა ქალი ოცნებობს - ორსულ ქეთა თოფურიას საქმრომ ასეთი სიურპრიზი გაუკეთა

0
(განახლებულია 19:13 23.10.2020)
ქეთა თოფურიას საყვარელი მამაკაცი ძალიან ანებივრებს. ნახეთ რა საჩუქრები აჩუქა ბიზნესმენმა ლევ ძენგოვმა საყვარელ ქალს

რუსეთში მოღვაწე ქართველ შემსრულებელზე მუდამ საუბრობენ. მისი ცხოვრების სტილისა და პოპულარული პარტნიორების გამო ქეთა ტაბლოიდების ფავორიტია. ქეთა თოფურია რუსი და ქართველი ჟურნალისტების ერთ-ერთი გამორჩეული რესპონდენტია. რეიტინგული ვარსკვლავი სითამამით გამოირჩევა და რუსული ესტრადა A'Studio-სთან ერთად არაერთხელ დაიპყრო.

View this post on Instagram

Summer mood🙃🤞🏽💫 #tbt

A post shared by Keti Topuria (@keti_one_official) on

ქეთა თოფურიას პირადი ცხოვრება ქართული და რუსული პრესის ყურადღების ცენტრში ხშირად ხვდება. რეპერ გუფთან დაშორების შემდეგ A'Studio-ს ქართველმა სოლისტმა პირობა დადო, რომ პირად ცხოვრებაზე არასდროს ისაუბრებდა, თუმცა შემდეგ ერთ-ერთ ინტერვიუში მაინც ამომწურავი პასუხი გასცა გუფთან რომანისა და ქმართან დაშორების შესახებ გავრცელებულ ჭორებს. მოგვიანებით კი ახალ პარტნიორზეც ალაპარაკდა. არც ისე დიდი ხნის წინ კი ფეხმძიმობაზე ქართველ ჟურნალისტს ამომწურავი პასუხი გასცა. მიუხედავად ამისა, მის გარშემო ჭორები არ წყდება.

View this post on Instagram

🏝🤍

A post shared by Keti Topuria (@keti_one_official) on

ქეთა თოფურიას ახალი რჩეული დიპლომატი ლევ დენგოვია. ქეთამ რუსულ გადაცემაში თქვა, რომ ახლანდელი რჩეული მინსკში გაიცნო. თოფურია რამდენიმე თვეა რჩეულ მამაკაცთან ერთად ცხოვრობს, მოგზაურობს და უბრალოდ ცხოვრებით ტკბება. მისი სოციალური ქსელის „სთორები“ ერთობლივი ფოტო-ვიდეოებით არის მოცული. უსიმპათიურესი ბიზნესმენი ქალბატონებში დიდ აჟიოტაჟს იწვევს.

View this post on Instagram

💭🙃

A post shared by Keti Topuria (@keti_one_official) on

სანამ პანდემია დაიწყებოდა, ცნობილმა მომღერალმა სტილის შეცვლა დაიწყო. შესამჩნევი ცვლილებები გამოხმაურების გარეშე არ დარჩა. არტისტის გარდერობში მომრავლდა Oversize კაბები და მაისურები, რამაც თაყვანისმცემლებს ეჭვი გაუჩინა. ტაბლოიდები მის ფეხმძიმობაზე აქტიურად წერენ, თაყვანისმცემლები კი ერთხმად აღნიშნავენ, რომ ქეთას მალე ვაჟი ეყოლება. ბოლოდროინდელ ფოტოებსა თუ ვიდეოებზე მომღერლის წამოზრდილი მუცელი ადვილად შესამჩნევია.

ცოტა ხნის წინ ქეთამ „ინსტაგრამის“ „სთორიზე“ ულამაზესი ყვავილების თაიგულები გამოაქვეყნა და ბიზნესმენი მონიშნა. როგორც ჩანს, შეყვარებული ორსულ ქეთას სიურპრიზებით ძალიან ანებივრებს და საჩუქრებს არ იშურებს. დაბადების დღეზე ბიზნესმენმა საყვარელ ქალს 2700 ევროიანი თეთრი ოქროს ბრილიანტებით გაწყობილი სამაჯური აჩუქა.

0
თემები:
სელებრითების ცხოვრება