ბელარუსის პრეზიდენტი ალექსანდრე ლუკაშენკო და რუსეთის პრეზიდენტი ვლადიმირ პუტინი

„ბელარუსები თავად მოაგვარებენ“ - რაზე ისაუბრეს ლუკაშენკომ და პუტინმა სოჭში

96
(განახლებულია 21:33 14.09.2020)
ბელარუსის პრეზიდენტმა აღნიშნა, რომ რუსეთი და ბელარუსი ყოველთვის იმეგობრებენ და პუტინს არჩევნების შემდგომ პერიოდში მხარდაჭერისთვის მადლობა გადაუხადა

თბილისი, 14 სექტემბერი - Sputnik. 14 სექტემბერს სოჭში ბელარუსის პრეზიდენტ ალექსანდრე ლუკაშენკოსა და რუსეთის პრეზიდენტ ვლადიმირ პუტინს შორის მოლაპარაკებები მიმდინარეობს.

შეხვედრის დაწყებამდე რუსეთს პრეზიდენტმა აღნიშნა, რომ რესპუბლიკაში თავად უნდა მოაგვარონ სიტუაცია, რომელიც საპრეზიდენტო არჩევნების შემდეგ შეიქმნა.

„ჩვენ ვხედავთ, რასაკვირველია, ყველაფერი ვიცით, რომ ბელარუსში ვითარდება შიდა პოლიტიკური მოვლენები, დაკავშირებული სწორედ ამ არჩევნებთან. თქვენ კარგად იცნობთ ჩვენს პოზიციას: ჩვენ მხარს ვუჭერთ იმას, რომ ბელარუსებმა თავად, ყოველგვარი კარნახისა და გარედან ზეწოლის გარეშე, მშვიდად და ერთმანეთთან დიალოგის გზით თავად მოაგვარონ ვითარება და მივიდნენ ერთობლივ გადაწყვეტილებამდე, თუ როგორ განაგრძონ მუშაობა მომავალში“, - აღნიშნა პუტინმა.

ამასთან, დასძინა, რომ რუსეთში იციან ლუკაშენკოს ლოგიკური, მიზანშეწონილი და დროული წინადადების შესახებ, დაიწყონ მუშაობა ახალ კონსტიტუციაზე.

რუსეთის პრეზიდენტმა განსაკუთრებით გაუსვა ხაზი იმას, რომ რუსეთი ერთგული რჩება იმ შეთანხმებების, რომელიც კოლექტიური უსაფრთხოების შესახებ ხელშეკრულებიდან The Collective Security Treaty Organization (CSTO) გამომდინარეობს.

„რუსეთმა იტვირთა გარკვეული ვალდებულებები და იმისგან დამოუკიდებლად, თუ ვინაა ხელისუფლების სათავეში ამ მომენტში, ქვეყანამ ეს ვალდებულებები უნდა შეასრულოს“, - აღნიშნა მან.

პუტინმა განაცხადა ასევე, რომ რუსეთი აპირებს ბელარუსისთვის 1,5 მილიარდი დოლარის ოდენობის სახელმწიფო კრედიტის გამოყოფის შესახებ შეთანხმების შესრულებას.

გარდა ამისა, პრეზიდენტებმა ქვეყნებს შორის ტვირთბრუნვის საკითხი განიხილეს. პუტინის თქმით, რუსეთი და ბელარუსი ავითარებენ მდგრად და ღრმა კოოპერაციას ზოგიერთი მიმართულებით. აქვე დასძინა, რომ კორონავირუსის პანდემიამ ტვირთბრუნვა შეამცირა. თუმცა, როგორც მან აღნიშნა, დარწმუნებულია, რომ მომავალში ერთობლივი ძალისხმევის შედეგად ეკონომიკური ურთიერთობები ძველ ნიშნულს დაუბრუნდება და კიდევ უფრო გაღრმავება.

ლუკაშენკომ, თავის მხრივ, რუს კოლეგას არჩევნების შემდგომ პერიოდში მხარდაჭერისთვის მადლობა გადაუხადა.

როგორც ცნობილია, ბელარუსში საპრეზიდენტო არჩევნების შედეგების გამოცხადების შემდეგ არეულობა დაიწყო. საპროტესტო აქციების შედეგად, შსს-ს მონაცემებით, დააკავეს 6,7 ათასამდე ადამიანი, დაშავდა ასობით მოქალაქე. ხელისუფლებამ ოფიციალურად სამი პირის გარდაცვალება დაადასტურა.

96
თემები:
მსოფლიო დღეს (2091)
ევროკავშირის დროშა

„შესაძლო პუნქტი“: ევროკავშირში რუსეთის წინააღმდეგ ახალი სანქციები მზადდება

44
(განახლებულია 10:37 25.09.2020)
წყაროს თქმით, ევროკავშირში მუდმივი წარმომადგენლების სხდომის დღის წესრიგში მონიშნულია პუნქტი რუსეთის მიმართ ახალი სასანქციო ჩამონათვალის შესახებ

თბილისი, 25 სექტემბერი — Sputnik. ევროკავშირის წევრი ქვეყნების მუდმივი წარმომადგენლების კომიტეტმა (COREPER) 28 სექტემბრის სხდომაზე შესაძლოა, უკრაინის გამო რუსეთისთვის დაწესებული ინდივიდუალური სანქციების ფარგლებში, ახალი ჩამონათვალის საკითხი განიხილონ, იუწყება РИА Новости ევროკავშირში არსებულ წყაროზე დაყრდნობით.

წყაროს თქმით, COREPER–ის სხდომის დღის წესრიგში მონიშნულია „შესაძლო პუნქტი“ ახალი სასანქციო ჩამონათვალის შესახებ იმ ქმედებების გამო, რომლებიც „ძირს უთხრის ან ემუქრება უკრაინის ტეროტორიულ მთლიანობას, სუვერენიტეტსა და დამოუკიდებლობას“.

ამასთან წყარომ განმარტა, რომ ახალი სასანქციო სიის დასამტკიცებლად შეიძლება წერილობითი პროცედურა ამოქმედდეს.

„პუნქტი მონიშნულია როგორც შესაძლო. ამ ეტაპზე უცნობია, დამტკიცდება თუ არა ის“, — თქვა მან.

რუსეთსა და დასავლეთის ქვეყნებს შორის ურთიერთობა მას შემდეგ გამწვავდა, რაც ყირიმი რუსეთს შეუერთდა ნახევარკუნძულზე ჩატარებული საყოველთაო რეფერენდუმის შედეგებით. დასავლეთმა რუსეთი ჩარევაში დაადანაშაულა და მის წინააღმდეგ სანქციები აამოქმედა, რაზეც მოსკოვმა საპასუხო ზომებით ირეაგირა: ევროპული საქონელი საკუთარი წარმოების პროდუქციით ჩაანაცვლა და განაცხადა, რომ რუსეთთან სანქციების ენაზე საუბარი კონტრპროდუქტიულია. ამასთან რუსეთის ხელისუფლებამ არაერთხელ აღნიშნა, რომ უკრაინაში მიმდინარე კონფლიქტში მხარეს არ წარმოადგენს.

რუსული გაზსადენის მშენებლობაზე დასაქმებულ ხომალდებს აღარ დააზღვევენ>> 

ინდივიდუალური სანქციები რუსეთისა და უკრაინის იმ მოქალაქეთა წინააღმდეგ, რომლებსაც ევროკავშირი უკრაინის ტერიტორიული მთლიანობისა და სუვერენიტეტის შებღალვაში სდებს ბრალს, პირველად 2014 წლის მარტში დაწესდა და მას შემდეგ რეგულარულად ხანგრძლივდება ვადაში. აღნიშნული სანქციები ეხება 174 პირსა და 44 ორგანიზაციას. მიმდინარე წლის 10 სექტემბერს ევროკავშირმა მორიგ ჯერზე გაახანგრძლივა სანქციები ექვსი თვით — 2021 წლის მარტის შუა რიცხვებამდე.

 

44
თემები:
მსოფლიო დღეს (2091)
ვლადიმირ პუტინი

რუსმა მწერალმა პუტინი ნობელის მშვიდობის პრემიაზე წარადგინა

25
(განახლებულია 10:02 25.09.2020)
აკადემიკოსის თქმით, მის მიერ პუტინის წარდგენას ნობელის მშვიდობის პრემიაზე, ამერიკული მხრიდან „მძვინვარე რეაქცია“ მოჰყვა

თბილისი, 25 სექტემბერი — Sputnik. რუსმა აკადემიკოსმა და მწერალმა სერგეი კომკოვმა პრეზიდენტი ვლადიმირ პუტინი ნობელის მშვიდობის პრემიაზე წარადგინა 2021 წლისთვის, რის შესახებაც მან პრესკონფერენციაზე განაცხადა.

„ეს უკვე ფაქტობრივად მეოთხე წარდგენაა ნობელის მშვიდობის პრემიაზე. განაცხადი მიმდინარე წლის 9 სექტემბერს გავგზავნე და უკვე 10 სექტემბერს ის ოსლოში ნობელის პრემიერის შტაბბინაში მშვიდობის კომიტეტმა მიიღო“, — განაცხადა კომკოვმა.

მისი თქმით, მას შემდეგ, რაც ნობელის კომიტეტის ერთ–ერთმა მდივანმა ხელი მოაწერა განაცხადს მისი მიღების თაობაზე, „ამერიკის მხრიდან მძვინვარე რეაქცია“ დაიწყო.

„უკვე საღამოს, ადგილობრივი დროით 16 სააათის შემდეგ, ოსლოში ამერიკის წარმომადგენელმა <...> სასწრაფოდ ლამის ხელით დაწერა განცხადება ნობელის მშვიდობის პრემიაზე ტრამპის წარდგენის შესახებ — კაცმა არ იცის, რისთვის: არაბეთის საამიროებსა და ისრაელს შორის რაღაც კონფლიქტური სიტუაციის დარეგულირებისთვის“, — აღიშნა კომკოვმა.

მისი თქმით, ნობელის კომიტეტმა მომდევნო წლის მარტამდე უნდა განიხილოს განაცხადები და ამის შემდეგ ყველას, ვისაც წინადადება აქვს გაგზავნილი, წერილობით უნდა შეატყობინოს, რომ მათი განაცხადი მიღებულია, განხილული და დარეგისტრირებული.

აღნიშნულთან დაკავშირებით კომენტარი გააკეთა რუსეთის პრეზიდენტის პრესმდივანმა დმიტრი პესკოვმა და განაცხადა, რომ თუ ვლადიმირ პუტინს პრემიას მიანიჭებენ — მშვენიერი იქნება, თუ არა — ეს საშინელება არ არის.

„თქვენ ხომ იცით, რომ ამ პრემიაზე აბსოლუტურად განსხვავებულ ადმიანებს წარადგენენ. ეს იმათი ინიციატივაა, ვინც ამგვარ წინადადებას აყენებს. ამ შემთხვევაში ეს აღნიშნული მწერალია. არსებობს ნომინანტების განხილვის გარკვეული პროცედურა. თუ გადაწყვეტილებას მიიღებენ, შესანიშნავი იქნება, არ მიიღებენ და არც ამაშია არაფერი საშინელება“, — უთხრა პესკოვმა ჟურნალისტებს.

 

25
თემები:
რუსეთი დღეს
ნადირობა

საქართველოში  უკანონო ნადირობის 304 შემთხვევა გამოვლინდა

0
(განახლებულია 13:20 25.09.2020)
უკანონო ნადირობის ყველაზე მეტი-230  შემთხვევა დასავლეთის რეგიონული სამმართველოს სამოქმედო ტერიტორიაზე დაფიქსირდა.

თბილისი, 25 სექტემბერი – Sputnik. ნადირობის სეზონის გახსნიდან დღემდე საქართველოს მასშტაბით უკანონო ნადირობის 304 ფაქტი გამოვლინდა, იუწყება გარემოსდაცვითი ზედამხედველობის დეპარტამენტი. 

საქართველოში გადამფრენ ფრინველებზე ნადირობის სეზონი 22 აგვისტოს გაიხსნა. არემოსდაცვითი ზედამხედველობის დეპარტამენტის თანამშრომლები ნადირობის სეზონის ფარგლებში ნადირობის წესების დარღვევის გამოვლენისა და უკანონო ნადირობის აღკვეთის მიზნით საქართველოს მასშტაბით 24-საათიან გაძლიერებულ კონტროლს ახორციელებენ.

უწყების ცნობით, უკანონო ნადირობის ყველაზე მეტი – 230  შემთხვევა დასავლეთ საქართველოს ტერიტორიაზე დაფიქსირდა.  რაც შეეხება დედაქალაქს, აქ სამი ფაქტი დაფიქსირდა.

„გარემოსდაცვითი ზედამხედველობის დეპარტამენტის თანამშრომლებმა სამცხე-ჯავახეთში უკანონო ნადირობის 21, აღმოსავლეთ რეგიონული სამმართველოს სამოქმედო ტერიტორიაზე-18, აჭარასა და გურიაში-14, სამეგრელო -ზემო სვანეთში-7. ქვემო ქართლში-6, კახეთში კი 5 ფაქტი გამოავლინეს“, – აღნიშნულია განცხადებაში.

სპეციალისტებმა შემოწმების დროს 279 ხელნაკეთი მოწყობილობა ე.წ. „მანოკი“ ამოიღეს. გარდა ამისა, გამოვლენილი სამართალდარღვევებიდან 20 შემთხვევაში სამართალდამრღვევები დაწესებული მოსაკრებლის გადახდის დამადასტურებელი ქვითრის გარეშე ნადირობდნენ, 12 მონადირეს კი დაურეგისტრირებელი იარაღი აღმოაჩნდა. 

გარემოსდაცვითი ზედამხედველობის დეპარტამენტი მოქალაქეებს მოუწოდებს, კანონდარღვევის დაფიქსირების შემთხვევაში, მიმართონ გარემოს დაცვისა და სოფლის მეურნეობის სამინისტროს „ცხელ ხაზს“ – 153 (ზარი უფასოა, ანონიმურობა დაცულია), რათა მყისიერად მოხდეს კანონდარღვევაზე რეაგირება.

საქართველოში ნადირობისათვის დაშვებულ გადამფრენ ფრინველთა ცალკეულ სახეობებზე დაწესებულია ნადირობის ვადები და დღიური ლიმიტები.

ნადირობის დროს იკრძალება მცენარეული საფარის დაწვა, გარეული ფრინველის კვერცხის შეგროვება და გაყიდვა, ცხოველთა ბუდეების, ბუნაგების, საცხოვრებელი ადგილების მოშლა ან განადგურება, ცხოველთა მასობრივი მოპოვებისთვის სხვადასხვა მოწყობილობის გამოყენება, ნადირობა თვითმფრინავიდან, ვერტმფრენიდან, ავტომობილიდან, მოტოციკლიდან, კატარღებიდან, ძრავიანი ნავებიდან და სხვა მოტორიანი სატრანსპორტო საშუალებებიდან.

ნადირობა ასევე აკრძალულია სახელმწიფო ნაკრძალებში, ეროვნულ პარკებში და მათ გარშემო 500-მეტრიან ზონაში, საქართველოს ქალაქების ადმინისტრაციულ საზღვრებში.

0
თემები:
ჩვენ და ბუნება