რუსეთის საგარეო საქმეთა სამინისტრო

ბერლინის განცხადება ნავალნიზე: რუსეთი კომენტარს აკეთებს

49
(განახლებულია 18:41 09.09.2020)
მანამდე G7-ის წევრმა ქვეყნებმა მოუწოდეს რუსეთს, სასწრაფოდ განმარტონ, ვინ არის პასუხისმგებელი ნავალნის მოწამვლაზე, და დამნაშავეები პასუხისგებაში მისცეს.

თბილისი, 9 სექტემბერი — Sputnik. გერმანიამ, მიუხედავად რუსეთის ყველა მიმართვისა „ალექსეი ნავალნის საქმეზე“, მაინც ვერ შეძლო მოეხდინა ოპერატიული და კონსტრუქციული რეაგირება, განაცხადეს რუსეთის საგარეო საქმეთა სამინისტროში, რის შესახებაც წერს სააგენტო РИА Новости. 

სამშაბათს აშშ-ის სახელმწიფო დეპარტამენტმა გაავრცელა G7-ის წევრი ქვეყნების განცხადება, რომლითაც ისინი მოუწოდებენ რუსეთს, სასწრაფოდ განმარტონ, ვინ არის პასუხისმგებელი ნავალნის მოწამვლაზე, და დამნაშვეები პასუხისგებაში მისცეს.

„მიუხედავად ჩვენი მიმართვებისა, ბერლინში მაინც არ ჩათვალეს შესაძლებლად, ოპერატიულად და კონსტრუქციულად მოეხდინათ მათზე რეგირება“, — ნათქვამია საგარეო საქმეთა სამინისტროს საიტზე.

უწყებაში აცხადებენ, რომ რუსეთს არაკონსტრუქციულად მიაჩნია გერმანიის მიდგომა ალექსეი ნავალნის ირგვლივ განვითარებული მოვლენებისადმი.

„გერმანიის ხელისუფლების ამგვარი არაკონსტრუქციული მიდგომის ფონზე პარალელურად გრძელდება რუსეთზე უსაფუძვლო თავდასხმები. ფართო მასირებული სადეზინფორმაციო კამპანია აშკარად მოწმობს იმას, რომ მისი ინიციატორები ძირითად ამოცანად მიიჩნევენ არა ნავალნის ჯანმრთელობასა და მისი ჰოსპიტალიზაციის ნამდვილი მიზეზების დადგენას, არამედ სასანქციო განწყობების მობილიზაციას“, — ნათქვამია განცხადებაში.

რუსეთის საგარეო საქმეთა სამინისტროში ხაზგასმით აღნიშნავენ, რომ გერმანიისგან „ნავალნის საქმეზე“ მონაცემების არარსებობის პირობებში „ამ საქმის გარშემო ისტერია მხოლოდ იზრდება“. ამასთან, მონაცემების არარსებობა ხელს უშლის რუსეთს, აამოქმედოს აუცილებელი მექანიზმები ნავალნის თავს გადამხდარი მოვლენების დასადგენად.

„ზემოთ ნახსენები ინფორმაციის არარსებობა (ნავალნის სამედიცინო გამოკვლევის შესახებ — რედ.) ხელს უშლის რუსეთის სამართალდამცველ ორგანოებს, აამოქმედონ ყველა აუცილებელი საპროცესო მექანიზმი მომხდარის დასადგენად“, — წერია სამინისტროს კომენტარში.

უწყებაში ირწმუნებიან, რომ გერმანია ამუხრუჭებს რუსი მედიკოსების დიალოგს გერმანელ კოლეგებთან „ნავალნის საქმეზე“.

„აღვნიშნავთ, რომ რუს მედიკოსებს სურთ მჭიდრო დიალოგის დაწყება გერმანელ კოლეგებთან რუსეთსა და გერმანიაში არსებული მონაცემების განსახილველად ნავალნის მდგომარეობის თაობაზე. სამწუხაროდ, გერმანული მხარე ამ პროცესს აყოვნებს“, — ნათქვამია კომენტარში.

ალექსანდრ ნავალნი მიმდინარე წლის 20 აგვისტოს გადაიყვანეს ომსკის ჰოსპიტალში მას შემდეგ, რაც ის შეუძლოდ გახდა თვითმფრინავში. გამოკვლევის შემდეგ ომსკელმა ექიმებმა პაციენტის ცუდად გახდომის ძირითად მიზეზად ნივთიერებათა ცვლის დარღვევა დაასახელს, რამაც სისხლში შაქრის დონის მკვეთრი ცვლილება გამოიწვია. ომსკელ მედიკოსებს ნავალნის სისხლსა და შარდში საწამლავის ნიშნები არ აღმოუჩენიათ.

მოგვიანებით ბლოგერი გერმანიაში გადააფრინეს. გერმანიის მთავრობამ სამხედრო ექიმებზე დაყრდნობით განაცხადა, რომ ნავალნი „ნოვიჩოკის“ ჯგუფის სუბსტანციითაა მოწამლული. კრემლში ამასთან დაკავშირებით ითქვა, რომ ბერლინს არ უცნობებია მოსკოვისთვის თავისი დასკვნები, ხოლო რუსეთის საგარეო საქმეთა სამინისტრომ აღნიშნა, რომ რუსეთი გერმანიისგან პასუხს ელოდება ამ საქმესთან დაკავშირებულ ოფიციალურ მოთხოვნაზე.

პროკურატურამ და პოლიციამ ალექსეი ნავალნის ჰოსპიტალიზაციის დღესვე დაიწყო შემოწმებები. ბერლინში მდებარე რუსეთის საელჩოში ამბობდნენ, რომ მაქსიმალურად ოპერატიულ პასუხს ელოდებოდნენ რუსეთის გენპროკურატურის 27 აგვისტოს მოთხოვნაზე, რაც ნავალნის საქმეზე სამართლებრივი დახმარების გაწევას შეეხებოდა.

რუსეთის პრეზიდენტის პრეს-მდივნის დმიტრი პესკოვის თქმით, რუსეთი დაინტერესებულია და სურს გაერკვეს ვითარებაში, რისთვისაც გერმანიიდან ინფორმაცია ესაჭიროება, მაგრამ ჯერჯერობით ის არ მიუღია.

ორშაბათს ბერლინის კლინიკამ Charite გაავრცელა ინფორმაცია, რომ მათთან მოთავსებული ნავალნის მდგომარეობა გაუმჯობესდა და პაციენტი კომიდან გამოიყვანეს.

49
თემები:
რუსეთი დღეს (609)
ხაჭო

ხაჭო მამაკაცურ პოტენციას ამაღლებს: რეკომენდაციები ცნობილი პროფესორისგან

13
(განახლებულია 11:58 28.09.2020)
პროფესორი განმარტავს, რა სარგებლობა მოაქვს ხაჭოს და რატომაა მავნებელი ცხიმგამოცლილი რძის პროდუქტები

თბილისი, 29 სექტემბერი — Sputnik. ხაჭო დადებითად მოქმედებს მამაკაცურ ჯანმრთელობაზე, ებრძვის შემოდგომის დეპრესიას და აუმჯობესებს განწყობას, აცხადებს პროფესორი ალექსეი ბუევეროვი.

„არსებობს მონაცემები, რომ ხაჭოს, მასში შემავალი მიკროელემენტების წყალობით, შეუძლია პოზიტიური გავლენა მოახდინოს მამაკაცის პოტენციაზე. ამასთან არსებობს მციფრე კვლევა, რომ რეგულარული მიღების შემთხვევაში, ხაჭოს შეუძლია აამაღლოს განწყობა და დაგეხმაროთ შემოდგომის დეპრესიასთან ბრძოლაში“, — აღნიშნა პროფესორმა.

მისი თქმით, ხაჭო მდიდარია სასარგებლო ნივთიეწრებებით , ცილებითა და ცხიმებით და მცირე რაოდენობით შეიცავს ნახშირწყლებს. გარდა ამისა, მასში შედის ისეთი მიკროელემენტები, როგორებიცაა: კალციუმი, მაგნიუმი და თუთია.

ამასთან ბუევეროვი განმარტავს, რომ ცხიმგამოცლილი რძის პროდუქტების მავნებლობა უფრო მეტია, ვიდრე სარგებელი.

„სჯობს, მიირთვათ ნაკლები და ნორმალური ცხიმიანობის ხაჭო — 5 ან 9 პროცენტიანი. ცხიმგამოცლილი რძის პროდუქტებისგან მავნებლობა უფრო მეტია, ვიდრე სარგებელი. როდესაც ადამიანი ცხიმებს საკმარისი რაოდენობით არ იღებს, ორგანიზმში ნივთიერებათა ცვლის პროცესი ირღვევა და იწყება ცხიმების დაგროვება. მეორეც: ცხიმგამოცლილი პროდუქტები უგემურია და ამიტომ მწარმოებელი მათში შაქარს ან შაქრის შემცვლელს ამატებს. ეს კი მავნებელია როგორც ნახშირწყების ცვლის, ისე სხეულის მასის მატების კუთხით. შეუძლია დიაბეტის განვითარებაც კი გამოიწვიოს, თუ ადამიანი ამისადმი გენეტიკურადაა მიდრეკილი“, — დააზუსტა პროფესორმა.

მისი თქმით, ხაჭოს დღიური ნორმა არ უნდა აღემატებოდეს 200 გრამს.

 

13
თემები:
სასარგებლო რჩევები
სტუდენტები ლექციაზე

იმ მოქალაქეთა საყურადღებოდ, რომლებიც პანდემიის გამო რუსეთში სასწავლებლად ვერ მიდიან

1076
(განახლებულია 20:59 25.09.2020)
წელს ქართველი ახალგაზრდობისთვის დაახლოებით 120 ადგილი გამოიყო რუსეთში უფასო განათლების მისაღებად, მაგრამ სტუდენტები პანდემიის გამო გამგზავრებას ვერ ახერხებენ

თბილისი, 25 სექტემბერი - Sputnik. სტუდენტები, რომლებმაც წელს რუსეთის უმაღლეს სასწავლებლებში თანამემამულეთა პროგრამის ფარგლებში ჩააბარეს, მაგრამ პანდემიის გამო სასწავლებლად გამგზავრებას ვერ ახერხებენ, თავიანთ უნივერსიტეტებს უნდა დაუკავშირდნენ. ამის შესახებ Sputnik-საქართველოს საქართველოს რუს თანამემამულეთა ორგანიზაციის საკოორდინაციო საბჭოს თავმჯდომარე ნიკოლაი სვენტიცკიმ განუცხადა.

მარტის შუა რიცხვებიდან საქართველოს საზღვრები პანდემიის გამო ჩაიკეტა. შედეგად საქართველოს მოქალაქეები, რომლებმაც წელს რუსეთის უმაღლეს სასწავლებლებში ჩააბარეს ან არდადეგებზე სახლში იმყოფებოდნენ, ვერ ახერხებენ სასწავლებლად რუსეთში გამგზავრებას.

„პირველი და უმთავრესია, არავინ ინერვიულოს, ყველაფერი ძალაში რჩება, ისინი ისწავლიან. ყველა სტუდენტს, ასპირანტს ვურჩევდი, რაც შეიძლება სწრაფად დაუკავშირდეს ტელეფონით ან ინტერნეტით უმაღლესი სასწავლებლების დეკანატებს, რომლებიც უცხოელ მოქალაქეებთან მუშაობაზე არიან პასუხისმგებელი, და სთხოვონ სიტუაციის დეტალურად განმარტება“, - განაცხადა სვეტნიცკიმ. 

სვენტიცკის თქმით, ეს პრობლემა შეეხო არა მხოლოდ საქართველოს მოქალაქეებს, არამედ სხვა ქვეყნების მოქალაქეებსაც, რომლებმაც წელს პროგრამით რუსეთის უმაღლეს სასწავლებლებში ჩააბარეს. როგორც მან აღნიშნა, ბევრი ასეთი მოქალაქეა, რომელთა ქვეყანაში შეშვება და საერთო საცხოვრებლებში განთავსებაა საჭირო.

„ამ მიმართულებით მუშაობა მიმდინარეობს, ეს ზუსტად ვიცი. მთავარია, ხელი არ ჩაიქნიონ, რადგან ეს ბავშვები უკვე ჩარიცხული არიან უმაღლესებში“, - აღნიშნა სვენტიცკიმ.

ამასთან, ზოგიერთი სტუდენტი საქართველოდან უკვე შეუდგა დისტანციურ სწავლას რუსეთის უმაღლესებში.

„მე ბაუმანის სახელობის უნივერსიტეტში ჩავაბარე, ამჟამად დისტანციურად ვსწავლობ. უმაღლესთან კონტაქტს ვინარჩუნებ, დაუსწრებლად საერთო საცხოვრებელში ადგილიც კი გამომიყვეს. მაგრამ რუსეთში მოხვედრას ვერ ვახერხებ - საჭიროა სპეციალური მოსაწვევი, რომლის მიღებასაც მხოლოდ მაშინ შევძლებ, როდესაც საზღვრები გაიხსნება და ეპიდემიოლოგიური ვითარება მოგვარდება“, - განუცხადა Sputnik-საქართველოს ერნესტ შადინოვმა, რომელმაც უმაღლესში წელს პროგრამის ფარგლებში ჩააბარა.

საქართველოში შვეიცარიის საელჩოსთან მოქმედი რუსეთის ინტერესების სექცია ყოველწლიურად კონკურსის წესით არჩევს საქართველოს მოქალაქეთა შორის რუსეთის უმაღლესებში ჩაბარების მსურველებს. რუსეთში სხვადასხვა ქვეყნიდან სტუდენტების სწავლების პროგრამა უკვე 15 წელია მოქმედებს. მთელი ამ წლების განმავლობაში მხოლოდ საქართველოდან რუსეთში განათლების მისაღებად ყოველწლიურად დაახლოებით 120 სტუდენტი მიემგზავრება.

1076