პროგრამირება

რუსეთის უშიშროების საბჭო: ყველა კიბერშეტევის 75%-ს აშშ ასრულებს

99
(განახლებულია 18:35 25.08.2020)
რუსეთის უშიშროების საბჭოში მიაჩნიათ, რომ შექმნილი მდგომარეობა დამცველი ზომების საჭიროებაზე მიუთითებს რუსეთის ინფორმაციული უსაფრთხოების დოქტრინისა და რუსული კანონმდებლობის შესაბამისად.

თბილისი, 25 აგვისტო — Sputnik. შეერთებული შტატები და მისი მოკავშირეები აძლიერებენ სადაზვერვო და დესტრუქციულ მოქმედებებს სხვა ქვეყნების კიბერსივრცეში, იუწყება РИА Новости რუსეთის უშიშროების საბჭოს მდივნის მოადგილის ოლეგ ხრამოვის განცხადებაზე დაყრდნობით.

„ამასთან, რუსეთს, ჩინეთს, ჩრდილოეთ კორეასა და ირანს კიბერსაფრთხეების მთავარ წყაროდ ასახელებენ“, — აღნიშნა მან.

მისივე თქმით, ამ გზით შეერთებული შტატები „მიზანმიმართულად ახდენს მედიასურათის ფორმირებას“, რაც მიზნად ისახავს მსოფლიო საზოგადოების თვალში ნებისმიერი შემდგომი ქმედების, მათ შორის, ძალისმიერი ხასიათის ნაბიჯების გამართლებას.

ხრამოვმა ასევე აღნიშნა, რომ „ინფორმაციის სფეროში ხელოვნური დაპირისპირების“ შედეგია საერთაშორისო ურთიერთობებში დაძაბულობა, სანქციების გამო მსოფლიო ეკონომიკის განვითარების შეფერხება, ასევე მთლიანად ციფრული მუშაობის პროცესებისადმი ნდობის არარსებობა.

„ასეთ პირობებში გასაკვირი არაა სახელმწიფოების ხაზი ციფრული თვითკმარობის მისაღწევად. ეს პირდაპირ გამომდინარეობს ციფრულ ეპოქაში სახელმწიფო სუვერენიტეტის უზრუნველყოფის მოთხოვნილებიდან”, — თქვა ხრამოვმა.

მისი თქმით, მსოფლიოში კიბერშეტევების უმეტესი ნაწილის უკან სწორედ შეერთებული შტატები დგას და სწორედ ისინი ლიდერობენ „მავნე ქმედების სტატისტიკაში: 2016-2019 წლებში — 40%-დან 75%-მდე“.

რაც შეეხება რუსეთს, ხრამოვის განცხადებით, ეს მაჩვენებელი 2%-დან 7%-მდეა.

„ეს მონაცემები, რომელიც არ არის აფიშირებული დასავლეთში, მაგრამ საჯაროდ ხელმისაწვდომია, ნებისმიერ საღად მოაზროვნე ადამიანს აშკარად აჩვენებს კიბერსივრცეში რუსეთის ტოტალური საფრთხის შესახებ თეზისის უმართებულობას“, — თქვა ხრამოვმა.

ხრამოვს მიაჩნია, რომ შეერთებული შტატების მიერ გამოგონილი საბაბით რუსეთზე კიბერშეტევის შესაძლებლობების ზრდა მოსკოვისგან დამცველი ზომების მიღებას მოითხოვს.

„ბოლო მსგავსი აქციებიდან შეგვიძლია აღვნიშნოთ ფაქტი, როდესაც 2019 წლის ოქტომბერში საქართველოს სახელმწიფო ორგანოებსა და მასმედიაზე განხორციელებულ კიბერთავდასხმებში რუსეთს წაუყენეს დაუსაბუთებელი ბრალდება“, — თქვა მან.

ხრამოვის თქმით, ანალოგიურად „ატყდა ხმაური“ ჩეხეთის ჯანდაცვის იმ ობიექტებზე „არაადამიანური“ თავდასხმების შესახებაც“, რომლებიც კორონავირუსის წინააღმდეგ ბრძოლაში მონაწილეობდნენ.

„ისინი ცდილობენ რუს ჰაკერებს მიაწერონ აშშ-ში, დიდ ბრიტანეთსა და კანადაში COVID-19-ის საწინააღმდეგო ვაქცინის შემქმნელთა ქსელებთან წვდომის მცდელობა“, — დასძინა მან.

ხრამოვმა ცალკე თემად დაასახელა რუსეთის სავარაუდო გავლენა შეერთებულ შტატებში არჩევნების შედეგებზე ინფორმაციული ტექნოლოგიების გამოყენებით, რაც „ამერიკულ პოლიტიკურ ელიტებს შორის გაცხარებულ დაპირისპირებაში ერთგვარ საჯილდაო ქვად იქცა“.

უშიშროების საბჭოს მდივნის მოადგილემ ასევე გაიხსენა, რომ აშშ-ის პრეზიდენტმა დონალდ ტრამპმა ბრძანება გასცა რუსეთის ინტერნეტ-კვლევის სააგენტოს წინააღმდეგ ფარული კიბერშეტევის წამოწყების შესახებ, რომელსაც ამერიკული სადაზვერვო სამსახურები, მტკიცებულებების წარდგენის გარეშე, ინფორმაციის გამავრცელებელს უწოდებენ — ჩარევის კვალიფიკაციით.

„ამ თავდასხმის ფაქტი დონალდ ტრამპმა საჯაროდ აღიარა „ვაშინგტონ პოსტთან“ ბოლო ინტერვიუში“, — აღნიშნა ხრამოვმა.

ამავე დროს ხრამოვი აღნიშნავს, რომ ახალი მონაცემების თანახმად, 2018 წელს აშშ-ის პრეზიდენტმა ცენტრალურ სადაზვერვო სააგენტოს კიბერსივრცეში შეტევითი ოპერაციების განხორციელებაში გაფართოებული უფლებამოსილებები მიანიჭა, მათ შორის, მოწინააღმდეგის ინფრასტრუქტურის მწყობრიდან გამოყვანის.

ეს ყველაფერი, მისი აზრით, დამცველი ზომების საჭიროებაზე მიუთითებს რუსეთის ფედერაციის ინფორმაციული უსაფრთხოების დოქტრინისა და რუსული კანონმდებლობის შესაბამისად.

99
თემები:
რუსეთი დღეს (602)
კომპანია „აეროფლოტის“ თვითმფრინავი

რუსეთი ავიამიმოსვლის გახსნას განაგრძობს

95
შვიდი ქვეყნის სიას, სადაც რუსეთის მოქალაქეებს უკვე შეუძლიათ გამგზავრება, სექტემბრის ბოლომდე კიდევ ოთხი ქვეყანა შეემატება

თბილისი, 20 სექტემბერი — Sputnik. რუსეთიდან პირდაპირი რეისები ბელარუსის, ყაზახეთისა და ყირგიზეთის მიმართულებით შესრულდება 21 სექტემბრიდან, სამხრეთ კორეაში - 27 სექტემბრიდან, იუწყება РИА Новости ქვეყნის მთავრობის პრესსამსახურზე დაყრდნობით.

„კიდევ ოთხი ქვეყნის - ბელარუსის, ყაზახეთის, ყირგიზეთისა და კორეის მოქალაქეებისთვის რუსეთში შესვლაზე შეზღუდვები უქმდება. შესაბამისი განკარგულება მთავრობამ დაამტკიცა“, - ნათქვამია განცხადებაში.

რუსეთის მოქალაქეები, თავის მხრივ, შეუფერხებლად შეძლებენ ამ ქვეყნებში გამგზავრებას.

ფრენები კვირაში ერთხელ შესრულდება.

კორონავირუსის პანდემიის გამო რუსეთმა 22 აგვისტოდან საერთაშორისო ავიამიმოსვლა შეწყვიტა. გამონაკლისს შეადგენდა მხოლოდ გამყვანი რეისები, რომლითაც რუსეთის მოქალაქეებს სამშობლოში აბრუნდებდნენ, ხოლო უცხოელები რუსეთიდან  თავიანთ ქვეყნებში ბრუნდებოდნენ), ასევე სატვირთო, საფოსტო, სანიტარული და ზოგიერთი სხვა ფრენა. ამასთან რუსეთის ხელისუფლების წარმომადგენლები არაერთხელ აცხადებდნენ, რომ საზღვრების გახსნა ეპიდემიოლოგიურ სიტუაციაზე იქნება დამოკიდებული.

1 აგვისტოდან საერთაშორისო ფრენების ეტაპობრივი აღდგენა დაიწყო. რუსეთის მოქალაქეებისთვის პირველმა გახსნეს საზრები თურქეთმა, დიდმა ბრიტანეთმა და ტანზანიამ (რომლის მიმართულებით პირდაპირი რეისი არ სრულდება). 15 აგვისტოდან დაიწყო ფრენები შვეიცარიაში, ხოლო 8 სექტემბრიდან აღდგა ავიამიმოსვლა ეგვიპტესთან, არაბეთის გაერთიანებულ საამიროებთან და მალდივებთან.

95
თემები:
COVID-19-ის პანდემია მსოფლიოში
მოკოვის მეტროში

კორონავირუსით ინფიცირების შემთხვევების რაოდენობა რუსეთში 1,1 მილიონს აჭარბებს

54
ქვეყანაში ექიმების მეთვალყურეობის ქვეშ დაახლოებით 241 ათასი ადამიანი იმყოფება, COVID-19 უკვე 909 357-მა პაციენტმა დაამარცხა

თბილისი, 20 სექტემბერი — Sputnik. რუსეთში კორონავირუსით ინფიცირების გამოვლენილი შემთხვევების რაოდენობამ 1,1 მილიონს გადააჭარბა, ერთ დღე-ღამეში 6 148 ახალი შემთხვევა დადასტურდა, იუწყება კორონავირუსული ინფექციის პრევენციისა და ბრძოლის ოპერატიული შტაბი.

„ბოლო დღე-ღამეში რუსეთის 84 რეგიონში კორონავირუსით დაავადებული 6 148 პირი გამოვლინდა, აქედან 1 397 შემთხვევა (25,2%) - კონტაქტურ პირებში დაავადების კლინიკური გამოვლინებების გარეშე“, - ნათქვამია განცხადებაში.

ქვეყნის 85 რეგიონში დღეისათვის რეგისტრირებულია სულ 1 103 399 შემთხვევა. პანდემიის დაწყებიდან რუსეთში დაფიქსირდა 19 418 ლეტალური შემთხვევა (+79 ბოლო დღე-ღამეში), ხოლო გამოჯანმრთელდა 909 357 ადამიანი (+2 895). COVID-19-ის ყველაზე მეტი შემთხვევა გამოვლინდა მოსკოვში - კორონავირუსის გავრცელების დაწყებიდან დაინფიცირდა 276 493 ადამიანი (5 057) გარდაიცვალა.

კორონავირუსით ინფიცირების შემთხვევების რაოდენობით რუსეთი მსოფლიოში აშშ-ის (6,7 მლნ), ბრაზილიის (5,4 მლნ) და ინდოეთის (4,5 მლნ) შემდეგ მეოთხე ადგილს იკავებს.

რუსეთში კორონავირუსის გამოსავლენად უკვე 42,8 მილიონზე მეტი ტესტი გაკეთდა.

ჯანდაცვის მსოფლიო ორგანიზაციამ კორონავირუსის აფეთქება 11 მარტს პანდემიად გამოაცხადა. ჯონს ჰოპკინსის უნივერსიტეტის ბოლო მონაცემებით, მსოფლიოში კორონავირუსით ინფიცირების 30,7 მილიონზე მეტი შემთხვევა გამოვლინდა. გარდაცვლილთა რაოდენობა 957 ათასს აჭარბებს, გამოჯანმრთელდა 21 მილიონზე მეტი ადამიანი.

54
თემები:
COVID-19-ის პანდემია მსოფლიოში
პეიზაჟი

კვირის ასტროპროგნოზი: სიყვარული, ფინანსები, სამუშაო 21–27 სექტემბერი

0
(განახლებულია 22:47 19.09.2020)
სექტემბერიც მალე მიილევა. ასტროლოგები მოგვითხრობენ, როგორ იმოქმედებენ ღამის მანათობლები ამ პერიოდში და როგორ უნდა ვიმოქმედოთ ჩვენ.

ამ კვირაში, სავარაუდოდ, ზოდიაქოს ბევრ ნიშანს ჩვეულებრივზე ნაკლები ძალა და მოტივაცია ექნება, მაგრამ ამის გამოსწორება შეიძლება. თითოეულ ნიშანს ძალისა და ენერგიის თავისი წყარო აქვს. ასტროლოგები გვირჩევენ, გამოვიყენოთ ჩვენი ფარული რეზერვები, რათა მანათობლების ნეგატიურ ზემოქმედებას გავუმკლავდეთ.

ვერძი

ვერძებს არცთუ მარტივი კვირა გელოდებათ, რადგან საქმე ბევრი გექნებათ და ხშირად მათი კონტროლი გაგიჭირდებათ. რაღაც მომენტებში შეიძლება დაიბნეთ კიდეც.

მოგიწევთ მოთმინებით აღჭურვა და ამასთან ფრთხილად მოქმედება. ასეთ რიტმში მუშაობა გიჭირთ, რადგან სწრაფად გინდათ წარმატების მიღწევა ყველაფერში, მაგრამ ახლა არ უნდა იჩქაროთ გადაწყვეტილებების მიღება, არ უნდა თქვათ დაუფიქრებელი ფრაზები. ამან, შესაძლოა, თქვენი გეგმებიდან ყველაფერი გააცამტვეროს. განსაკუთრებული სიფრთხილე გმართებთ 23 და 24 სექტემბერს.

ტიბეტური ჰოროსკოპი და ცხრილი – რომელი ცხოველია თქვენი მფარველი დაბადების წლის მიხედვით>>

კურო

კუროებს ტოქსიკურ ადამიანებთან გელოდებათ შეხვედრები, ასევე უსიამოვნებები სამსახურში ან საქმიანობაში. კარგი იქნება, თუ დროდადრო საკუთარ აურას გაასუფთავებთ. საუკეთესო ხერხია, არ „ჩაიციკლოთ“ უსიამოვნებებზე, რადგან ფიქრი ცუდ რამეებზე ცნობიერებას აბინძურებს და იღბალს დევნის. თუ შინაგანად მისცემთ თავს ბედნიერების უფლებას, ფორტუნაც არ დააყოვნებს.

კვირის ყველაზე ხელსაყრელი დღეები იქნება პარასკევი და უქმეები. ამ დღეებში ვარსკვლავები და პლანეტები სრულ ჰარმონიაში იქნებიან. შაბათ–კვირას გააკეთეთ ის, რაც მოგესურვებათ, ან სულაც არაფერი გააკეთოთ – ეს თქვენს ნება–სურვილზეა დამოკიდებული.

ტყუპი

სექტემბრის ბოლოს ჩვეულებრივზე მეტი მუშაობა და ძალისხმევის გამოჩენა მოგიწევთ. მნიშვნელოვანი მომენტი იქნება მეტოქეებისა და კონკურენტების ფხიზლად შეფასება. არ ღირს არაკეთილმოსურნეების არასათანადოდ შეფასება – მათ შორის, შესაძლოა, ძალზე ეშმაკი ადამიანები აღმოჩნდნენ.

რაც შეეხება სასიყვარულო სფეროს, მნიშვნელობის მხრივ ის ფინანსურ სფეროს არ ჩამორჩება. მარტოხელა ტყუპებმა სიყვარულის მიზიდულობის ოქროს წესებს უნდა მისდიოთ. ვისაც ჰყავს პარტნიორი, გამოიჩინეთ მის მიმართ მეტი ყურადღება და სიკეთე.

ხართ თუ არა ოხუნჯი, როგორ რეაგირებთ სხვის ხუმრობაზე - ნახეთ, ზუსტია თუ არა ჩვენი ჰოროსკოპი>>

კირჩხიბი

კვირის პირველი ორი დღე ძალზე დაძაბული და რთული იქნება. თუნდაც არაფერი ცხოვრებისეული გაუგებრობა და უსიამოვნება არ გელოდებოდეთ, მაინც მოსალოდნელია, რომ დათრგუნული განწყობა და აპათია დაგეუფლოთ. ოთხშაბათს ვარსკვლავების განწყობა აღდგება და კვირის ბოლომდე პოზიტიური დარჩება.

ეს იქნება შესანიშნავი პერიოდი დასვენების, გარემოს გამოცვლის, მოგზაურობისა და შოპინგისთვის. შეგიძლიათ ფულის თამამად დახარჯვა გართობაზე, თვითგანათლებაზე. კვირის ბოლოს დიდი წარმატებები გელოდებათ სასიყვარულო სარბიელზე. მარტოხელებს სიყვარულის პოვნის დიდი შანსი გაქვთ – მოიმატებს თქვენი ქარიზმა. ვისაც ჰყავს პარტნიორი, ისინი ურთიერთობებში არსებული პრობლემებისა და უსიამოვნებების მოგვარებას შეძლებენ.


ლომი
გააკეთეთ ის, რაც ყველაზე კარგად გამოგდით, იყავით ის, ვინც ხართ. ასტროლოგები გირჩევენ, არ შეასრულოთ სხვისი როლი იმისთვის, რომ საწინააღმდეგო სქესის წარმომადგენელზე, ხელმძღვანელობაზე ან მეგობრებზე შთაბეჭდილება მოახდინოთ. ბევრად მნიშვნელოვანია, დარჩეთ პატიოსანი, გულღია და გაჭირვებაში ჩავარდნილი ახლობლის დახმარებისთვის მზადმყოფი. ასეთ ლომს გარშემომყოფები ნამდვილად დააფასებენ.

ფინანსურ სფეროში ხელსაყრელი პერიოდი გელოდებათ. იღბლიანი იქნება კვირა მომსახურების სფეროში მომუშავე ლომებისთვის. გაითვალისწინეთ გარშემომყოფი ადამიანების ინტერესები. კვირის ყველაზე პროდუქტიული დღეებია 23, 24 და 25 სექტემბერი.

რამდენად გულწრფელი ხართ სიყვარულში – ამას ინდური ჰოროსკოპის მეშვეობით შეიტყობთ>>

ქალწული

21 სექტემბერს, სჯობს, სამუშაოზე თუ სახლში მოერიდოთ გაუგებრობებსა და პრობლემებს. ვარსკვლავები და პლანეტები მცირე დისონანსში იქნებიან, ამიტომ არ ღირს მნიშვნელოვანი გადაწყვეტილებების მიღება ცხელ გულზე. ეს შემდეგ სანანებელი გაგიხდებათ.

არ ღირს იმის დანგრევა, რასაც უკვე მიაღწიეთ. არ იჩხუბოთ მეგობრებთან, არ გაწყვიტოთ საქმიანი ან სასიყვარულო ურთიერთობები. ეს ეხება არა მხოლოდ ორშაბათს, არამედ კვირის ნებისმიერ დღეს. სჯობს, მოიცადოთ, კარგად დაფიქრდეთ და ვნებები რომ ჩაცხრება, შემდეგ ობიექტურად შეაფასოთ არსებული ვითარება.

სასწორი

სასწორებს ამ კვირაში, შესაძლოა, ისეთი უარყოფითი გრძნობები მოგეძალოთ, როგორიცაა შური, ბრაზი, წყენა ან ეჭვიანობა. ახლა მთავარია, საკუთარ თავს გვერდიდან შეხედოთ, გააანალიზოთ თითოეული აზრი და ნებისმიერი მოქმედება.

არა აქვს აზრი აჩქარებას. ვარსკვლავები და პლანეტები მშვიდი სასწორების მხარეს არიან, ვისაც გადაწყვეტილებების მიღება ორომტრიალის გარეშე შეუძლია. ეს ის დროა, როცა საჭიროა გარშემომყოფების, განსაკუთრებით ყველაზე ახლობელი ადამიანების რჩევების მოსმენა. ეს სასურველია მას მერეც, რაც ხელსაყრელი პერიოდი დადგება თქვენთვის – 25 სექტემბრიდან.

სამართლიანი, გონიერი, შემწყნარებელი - ზოდიაქოს სამი ყველაზე ბრძენი ნიშანი>>

მორიელი

მორიელებისთვის ეს კვირა პოზიტიური და იღბლიანი იქნება, რადგან ვარსკვლავები და პლანეტები საკმაოდ ხელსაყრელ მდგომარეობაში არიან. შეგიძლიათ თქვენი კომფორტის ზონის დატოვება, ახალი საქმეების დაწყება, ახალი იდეების განვითარება ბიზნესში, ძვირადღირებული ნივთების შეძენა, მივლინებაში წასვლა.

სიყვარულში დიდი წარმატებები ელოდება თამამ და გაბედულ მორიელებს, რომლებიც მიჩვეული არ არიან ლოდინს. საჭიროა ადამიანების დამოუკიდებლად გაცნობა, სიმორცხვის ან მერყეობის დაძლევა. ეს ის დროა, როცა ინიციატივისა და სითამამის წყალობით ცხოვრების სიყვარული შეიძლება იპოვოთ. ვისაც ჰყავს საყვარელი ადამიანი, მათთვის რეკომენდებულია ერთობლივი საქმიანობა.

მშვილდოსანი

ვარსკვლავები ორშაბათსა და შაბათს ცუდ განწყობაზე იქნებიან. მოგიწევთ შიშებთან, განგაშთან და აკვიატებულ აზრებთან ბრძოლა. დანარჩენ დღეებში ყველაფერი კარგად იქნება. განსაკუთრებით უნდა აღინიშნოს კვირა დღე, რომელიც კვირის ყველაზე ხელსაყრელი დღე გახდება.

ამ დღეს შეგიძლიათ შეიცვალოთ გარემო, წახვიდეთ საყიდლებზე. იყავით გულღია ახლობლებთან, ესაუბრეთ მათ საკუთარ გრძნობებზე, გაუზიარეთ მათ თქვენი სამომავლო გეგმები. ისინი მიხვდებიან, რომ მათ ენდობიან და აფასებენ მათ აზრს.

ზოდიაქოს ყველაზე ქარიზმატული ნიშნები>>

თხის რქა

თხის რქებმა განსაკუთრებული ყურადღება უნდა დაუთმოთ სიყვარულსა და ურთიერთობებს. ასტროლოგები აღნიშნავენ, რომ 21–25 სექტემბერს ვარსკვლავები ძალზე აღმშენებლობითი იქნებიან და დაგეხმარებიან მეორე ნახევრის პოვნაში. ძალზე მნიშვნელოვანია, რომ უკეთესობისთვის განეწყოთ.

სამუშაო დღეებში ასევე სასურველია, მეტი ურთიერთობები გქონდეთ მეგობრებთან და ნათესავებთან. შეგიძლიათ მოიწვიოთ სტუმრები, მოაწყოთ მცირე ზეიმი–დღესასწაული. უქმეებზე ასტროლოგები გირჩევენ, საოჯახო საქმეებს მიხედოთ და დრო სიმშვიდეში გაატაროთ; არ იფიქროთ სამუშაოზე, პრობლემებზე და კვირის სასიამოვნო დღეები არ დაამძიმოთ.

მერწყული

მერწყულებმა ეს კვირა სულიერ განვითარებასა და ახალი ცხოვრებისეული მიზნების დასახვას უნდა მიუძღვნათ. არ ღირს ბრძნული რჩევების უგულებელყოფა. შეგიძლიათ იზრუნოთ თვითგანვითარებაზე, ცოდნის მიღებაზე, ასევე წაიკითხოთ წიგნი ან უყუროთ შემეცნებით გადაცემებს.

ვისაც ამ კვირის მსუბუქად და მოდუნებულად გატარება სურს, ისინი მომავალში, სავარაუდოდ, სირთულეებს წააწყდებიან. ყველაზე რთული დღეებია 22 და 23 სექტემბერი. სამშაბათსა და ოთხშაბათს აჯობებს, თუ არ გადაიღლებით და არ გექნებათ სხვების დახმარების იმედი. პარასკევსა და შაბათს ფორტუნა გაგიღიმებთ – ამ დღეებში შეიძლება ახალი საქმის დაწყება.

ვის შეიძლება ვანდოთ საიდუმლო და ვის - არა, ანუ ზოდიაქოს ყველაზე „ლაქლაქა" ნიშნები>>

თევზები

ვარსკვლავები და პლანეტები შესანიშნავ განწყობაზე არიან, რაც თქვენს იღბალსა და მოტივაციაზე აისახება. ამ კვირაში შესაძლებელია ყველაზე სანუკვარი ოცნებების ასრულება. კარგი იქნება, თუ საკუთარ ძალებს ერთი მიზნის მიღწევისკენ მიმართავთ, რადგან სხვადასხვა მიზანზე გამოდევნება პროდუქტიულობაზე ნეგატიურად აისახება.

სიყვარულსა და ურთიერთობებში მნიშვნელოვანია, რომ ტყუილუბრალოდ კონფლიქტი არ დაიწყოთ. ასტროლოგები გირჩევენ, აპატიოთ გარშემომყოფებს. კვირის დასაწყისი ძალიან კარგი დროა მივლინებისთვის, ხოლო კვირის ბოლო – სახლის დასუფთავებისა და უსარგებლო ნივთებისგან გათავისუფლებისთვის.

0