კორონავირუსის პირველი ვაქცინა

ცდები ადამიანებზე: რუსეთში კორონავირუსის მეორე ვაქცინას ცდიან

431
(განახლებულია 16:57 17.08.2020)
„ვექტორის“ პრეპარატის ადამიანებზე გამოცდა 27 ივლისს დაიწყო, მასში 18-დან 60 წლამდე ასაკის 300 მოხალისე მონაწილეობს.

თბილისი, 17 აგვისტო – Sputnik. ვირუსოლოგიისა და ბიოტექნოლოგიების სახელმწიფო სამეცნიერო ცენტრი „ვექტორი“ (ნოვოსიბირსკი) შეუდგა კორონავირუსის ვაქცინის გამოცდის მეორე ეტაპს – კლინიკურ ცდებს ადამიანებზე. ამის შესახებ ჟურნალისტებს „როსპოტრებნადზორის“ ხელმძღვანელმა ანა პოპოვამ განუცხადა, იუწყება РИА Новости.

როგორია COVID-19-ის რუსული ვაქცინით დაინტერესება მსოფლიოში – ქვეყნის ჯანდაცვა>>

„ვექტორმა“ ვაქცინის კლინიკური ცდების ჩატარება 27 ივლისს დაიწყო. ცდებში მონაწილეობს 18-დან 60 წლამდე ასაკის 300 მოხალისე, მათ შორის, „ვექტორის“ 60 თანამშრომელი.

„ყველა მოხალისე, რომელიც სპეციალური წესით შეირჩა, თავს კარგად გრძნობს. იმათ, ვისაც ვაქცინა უკვე შეუყვანეს, აბსოლუტურად არანაირი გვერდითი რეაქციები არ გამოვლენიათ. უმნიშვნელო სიწითლეც კი არ აღენიშნებათ ნანემსარზე. ტემპერატურა ყველას ნორმალური აქვს“, – განაცხადა პოპოვამ.

კითხვას, რომელი სჯობს – „ვექტორის“ პრეპარატი, რომელიც ახლა იცდება, თუ გამალეის სახელობის ცენტრის უკვე დარეგისტრირებული ვაქცინა, „როსპოტრებნადზორის“ ხელმძღვანელმა განმარტა, რომ მნიშვნელოვანია, ყველა ქვეყანას ჰქონდეს რამდენიმე ვაქცინა.

„აბსოლუტურად ერთმნიშვნელოვანია, რომ ყველა ქვეყანაში, მათ შორის რუსეთის ფედერაციაშიც, პირველ რიგში, უნდა იყოს რამდენიმე სხვადასხვანაირი ვაქცინა. სწორედ ამით ვართ დღეს დაკავებული“, – განაცხადა მან.

გასულ კვირაში რუსეთის ჯანდაცვის სამინისტრომ დაარეგისტრირა კორონავირუსის მსოფლიოში პირველი ვაქცინა, შემუშავებული გამალეის სახელობის ცენტრის მიერ რუსეთის პირდაპირი ინვესტიციების ფონდთან ერთად. ვაქცინის სახელწოდებაა „სპუტნიკ V“. ესაა კუნთში შესაყვანი ხსნარი. ვაქცინაცია იგეგმება ორ ეტაპად სამკვირიანი შუალედით. ასეთი სქემა, როგორც ჯანდაცვის სამინისტროში აღნიშნეს, ორ წლამდე იმუნიტეტის ჩამოყალიბებას უწყობს ხელს.

431
თემები:
რუსეთი დღეს (606)
ფარმაკოლოგიური ლაბორატორია

რევოლუციური გარღვევა: აღმოჩენილია ბუნებრივი ანტიბიოტიკი

107
(განახლებულია 18:56 23.09.2020)
ახლად აღმოჩენილი ანტიბიოტიკი პერსპექტიულია როგორც დამოუკიდებელი სამკურნალო საშუალება და ასევე როგორც კომპლექსური პრეპარატების ელემენტი.

თბილისი, 23 სექტემბერი — Sputnik. ტიუმენის სახელმწიფო უნივერსიტეტის მეცნიერებმა აღმოაჩინეს უნივერსალური ბუნებრივი ანტიბიოტიკი, რომელიც წამლის მიმართ პათოგენების რეზისტენტობას (გამძლეობას) ძლევს. კვლევის ტექსტი გამოქვეყნდა ჟურნალში Applied Biochemistry and Microbiology.

ავტორები ირწმუნებიან, რომ აღმოჩენილი ნივთიერება ემერიცილიფსინ A ხელს შეუწყობს ბაქტერიებითა და სოკოებით გამოწვეულ ინფექციურ დაავადებათა უმრავლესობასთან ეფექტურ ბრძოლას როგორც ადამიანებში, ისე ცხოველებში.

როგორც ნაშრომის ავტორებმა განმარტეს, შესწავლილი ნივთიერების მთავარი თერაპიული მახასიათებელია ზემოქმედების უნივერსალობა. ემერიცილიფსინ A-სგან დაუცველია ბაქტერიების არა მხოლოდ MDR და XDR ფორმები, არამედ პრაქტიკულად ნებისმიერი პათოგენური ეუკარიოტი, მაგალითად, მიცელარული სოკოები და საფუარი.

მეცნიერების თქმით, პათოლოგიებს შორის, რომლებიც ემერიცილიფსინ A-ს ბრძოლის საშუალებას მისცემს, არის სიმსივნეები, ასევე ყველა სახის ბაქტერიული და სოკოვანი ინფექციები.

ემერიცილიფსინი A, ტიუმენის სახელმწიფო უნივერსიტეტის სპეციალისტების აზრით, პერსპექტიულია როგორც დამოუკიდებელი სამკურნალო საშუალება, ისე როგორც კომპლექსური პრეპარატების ელემენტი. თერაპია შეიძლება ჩატარდეს ან ინექციების საშუალებით, ან ადგილობრივად — დაზიანებული ქსოვილის პირდაპირი დამუშავების გზით.

მომავალში მეცნიერთა გუნდი უჯრედულ მოდელებთან მუშაობიდან პრეპარატის ლაბორატორიულ გამოკვლევებზე გადასვლას აპირებს.

107
თემები:
მსოფლიო და მეცნიერება

აშშ „ჩრდილოეთის ნაკადი-2“-ის წინააღმდეგ კოალიციას შექმნის: შეჩერდება თუ არა მშენებლობა?

46
(განახლებულია 17:17 23.09.2020)
აშშ-ში მოიფიქრეს ახალი მეთოდი, როგორ შეაჩერონ გაზსადენი „ჩრდილოეთის ნაკადი-2“-ის მშენებლობა. სახელმწიფო დეპარტამენტის ხელმძღვანელმა მაიკ პომპეომ განაცხადა, რომ ამერიკელები კოალიციის შექმნას აპირებენ.

რუსეთში ამ იდეაში კიდევ ერთი სამხედრო ოპერაციის ჩატარების მცდელობა დაინახეს. იქ, სადაც აშშ-თან კოალიციაა, ყოველთვის ომია, აღნიშნა ფედერაციის საბჭოს საერთაშორისო ურთიერთობების კომიტეტის ხელმძღვანელმა კონსტანტინ კოსაჩოვმა. რატომ გააკეთა მან ასეთი დასკვნები და შეძლებს თუ არა აშშ ევროპისთვის რუსული საწვავის ნაცვლად საკუთარი გაზის მიწოდებას – იხილეთ ვიდეოში.

46
ნახევარმთვარე

მთვარის კალენდარი: 24 სექტემბერი რისი გაკეთება შეიძლება და რისი არა

0
(განახლებულია 12:24 22.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

24 სექტემბერი, ხუთშაბათი. ამ დღეს იუპიტერი მართავს. მზარდი მთვარე თხის რქის ნიშანშია.

თხის რქის დღეს კარგად გამოდის მნიშვნელოვანი საქმეების დაგეგმვა და დაწყება. ხელსაყრელი დროა ისეთი სამუშაოს შესრულებისთვის, რომელიც სიზუსტეს, მკაცრ მათემატიკურ გამოთვლებსა და ინსტრუქციების მკაფიო შესრულებას მოითხოვს.

კარგად მიმდინარეობს უძრავ ქონებასთან დაკავშირებული ოპერაციები, ფინანსური ოპერაციებისგან კი სჯობს, თავი შეიკავოთ. არახელსაყრელია ვალის აღება და გაცემა. არასასურველია ახალ სამუშაოზე გადასვლა. ამ დღეებში შესანიშნავად მუშაობს ლოგიკა, ამიტომ ასეთი პერიოდი არცთუ იღბლიანია შემოქმედებითი ადამიანებისთვის. ჩნდება პასუხისმგებლობის, პრაქტიკულობის, ვალდებულების გრძნობები.

ურთიერთობების გამორკვევა, რომანტიკული პაემანი და ზეიმი, სჯობს, სხვა დროისთვის გადადოთ. როდესაც მთვარე თხის რქის ნიშანშია, ურთიერთობებში ჭარბობს საქმიანი მხარე, ლაკონურობა, სიახლე და უჩვეულო რამ რთულად მიიღება, მეტად ფასობს საიმედოობა და წესრიგი. ურთიერთობებში ხშირად ჩნდება დაბრკოლებები, შესაძლებელია მცირე უსიამოვნებები, დასანანი შეცდომები, დაყოვნებები. ასეთ დღეებში ურთიერთობები უფრო ასაკოვან ადამიანებს შორის ეწყობა. თხის რქის დღეს დაწყებული სასიყვარულო ურთიერთობები თანდათანობით ვითარდება და პრაქტიკულობა ახასიათებს.

ხშირად ეს ურთიერთობები გრძელვადიანი და სტაბილური ხდება, გვირგვინდება ქორწინებით, მაგრამ აქეთ მოვლენები ძალიან ნელა ვითარდება.

რეკომენდებულია მოლაპარაკებების წარმოება, ხელმძღვანელების მხრიდან თანამშრომლებისთვის მადლობის გადახდა, წახალისება, ხოლო ქვეშევრდომებს შეუძლიათ მიმართონ თხოვნით ხელმძღვანელობას, ხელოვნების სფეროს წარმომადგენლების მხარდაჭერა, ახალი პარტნიორების ძებნა, უფრო ინდივიდუალურად მუშაობა, ვიდრე გუნდურად.

არარეკომენდებულია გაძლიერებული მუშაობა, რომელსაც ჯანმრთელობისთვის ზიანის მიყენება შეუძლია.

არცთუ ხელსაყრელი დღეა მგზავრობისთვის.

თმის შეჭრა, შეღებვა: ამ დღეს შეიძლება თმის შეჭრა და შეღებვა. თმის სტრუქტურა გაუმჯობესდება, ბოლოები ნაკლებად გაიყოფა. ძალზე ხელსაყრელი დღეა მანიკურისთვის.

მებაღეობა: კარგი დღეა ბოლქვიანი მცენარეებისა და ზამთრის ბოსტნეულის დარგვისთვის, სარეველისგან გაწმენდისთვის, მავნებლებთან ბრძოლისთვის, რომლებიც მიწაში ცხოვრობენ, იმ ყვავილების მორწყვისა და მათთვის სასუქის მიცემისთვის, რომლებსაც სუსტი ფესვები აქვთ, პიკირებისთვის, ნაყოფიანი ხეების შეწამვლისთვის, გასხვლისთვის, გადარგვისთვის, მოსავლის აღებისთვის.

0