სტუდენტები ლექციაზე

უცხოელ სტუდენტებს რუსეთში მუშაობა გაუმარტივდათ ახალი კანონის დეტალები

176
(განახლებულია 14:29 13.08.2020)
„როსსოტრუდნიჩესტვოში“ საუბრობენ ახალ ონლაინ-სერვისზე, რომელიც დსთ-ის ქვეყნებიდან სტუდენტების არალეგალურ დასაქმებასთან ბრძოლას შეუწყობს ხელს.

თბილისი, 13 აგვისტო – Sputnik. ამიერიდან რუსეთში უცხოელი სტუდენტები მუშაობის დაწყებას შეძლებენ სპეციალობით ყოველგვარი ზედმეტი დოკუმენტების გაფორმების გარეშე. მათ აღარ დასჭირდებათ არც ნებართვები, არც პატენტები. „რუსეთში უცხოელ მოქალაქეთა სამართლებრივი მდგომარეობის შესახებ“ კანონში შეტანილი ცვლილებების წყალობით უცხოელი სტუდენტისთვის საკმარისი იქნება გასაუბრებაზე მისვლა და უნივერსიტეტიდან ცნობის წარდგენა.

აღნიშნული სიახლეები ძალაში 5 აგვისტოდან შევიდა. ზუსტად ერთ კვირაში სააგენტო „როსსოტრუდნიჩესტვოში“ განაცხადეს, რა დამატებითი პროექტები მოჰყვა განახლებულ კანონს. Sputnik-მა გაარკვია, როგორ დაეხმარება უწყება სტუდენტებს სპეციალობით სამსახურის მოძიებაში.

პრაქტიკა სწავლის პარალელურად

რა დადებითი შედეგები მოჰყვება შესწორებებს? უცხოელ სტუდენტს, რომელიც რუსეთში სწავლობს, კარიერაზე ზრუნვა პირველივე კურსიდან შეუძლია. „უცხოელი სტუდენტებისთვის ხელმისაწვდომი გახდა რუსეთის შრომის ბაზარი“, – განუმარტა Sputnik-ს უწყების ხელმძღვანელმა ევგენი პრიმაკოვმა.

მისი აზრით, სპეციალობით მუშაობის შესაძლებლობა სტუდენტს აშორებს შემთხვევითი სამუშაოსგან, რომელიც არ უკავშირდება მომავალ პროფესიულ საქმიანობას. თუ სპეციალობით მუშაობა ახალგაზრდობას პრაქტიკულ გამოცდილებას აძლევს და სამეცნიერო კვლევებისთვის ბაზას უქმნის, მომსახურების სფერო, რომელშიც სტუდენტები ყველაზე ხშირად არიან დასაქმებული, პირიქით, ხარისხიანი განათლების მიღებას ხელს უშლის.

„ჩნდება კითხვა: რისთვისაა მთელი ეს ისტორია? სტუდენტი ჩამოვიდა სასწავლებლად, ნახევარ წელიწადში კი ჯიბის ფულის საშოვნელად ტაქსისტად მიდის“, – ამბობს პრიმაკოვი და აღნიშნავს: ასეთ პირობებში მეცადინეობისთვის აღარავის სცალია.

რისკები მაინც არსებობს

სწავლის პერიოდში მუშაობა – ნორმალური პრაქტიკაა სტუდენტისთვის, განსაკუთრებით, თუ ის მომავალი პროფესიის უკეთ გაცნობაში ეხმარება. პრაქტიკული ჩვევები ახალგაზრდას ხელს უწყობს პრობლემების დაძლევაში დასაქმებისას უნივერსიტეტის დამთავრების შემდეგ, რადგან ბევრი კომპანია ეძებს სპეციალისტებს თუნდაც მცირეოდენი გამოცდილებით. თუმცა ახალი ცვლილებები გარკვეულ რისკსაც შეიცავს – ესაა არალეგალური დასაქმება, ფიქრობს ევრაზიის ანალიტიკური კლუბის ხელმძღვანელი ნიკიტა მენდკოვიჩი.

„სტუდენტების სამსახურში მიღებისას მნიშვნელოვანია სამუშაოს ლეგალურად გაფორმება, შრომისა და ტექნიკის უსაფრთხოების შესახებ კანონების დაცვა, ასევე სოციალური გადარიცხვების წარმოება. ამ ყველაფრის უზრუნველყოფა შესაძლებელია ბიზნესისა და ფაკულტეტების თანამშრომლობის გზით სამსახურის ძიებისა და დასაქმების ცენტრალიზებული პროცესების ორგანიზებით“, – ამბობს მენდკოვიჩი.

როგორც „როსსოტრუდნიჩესტვოში“ აღნიშნავენ, სააგენტო უკვე იხილავს მსხვილ უნივერსიტეტებთან სამსახურის მოძიებაში სტუდენტების დახმარების ვარიანტებს.

ქაღალდები საჭირო აღარ არის

პრიმაკოვის პოზიციას ეთანხმება ბეხბუდი რაფიკოვი, ქირურგი-ორდინატორი უზბეკეთიდან. სამშობლოში, სამარყანდში ბეხბუდი ერთ-ერთ ყველაზე პერსპექტიულ სტუდენტად ითვლებოდა – იყო სტუდენტური სამეცნიერო საზოგადოების ხელმძღვანელი, მისი კვლევებით დაინტერესდნენ საერთაშორისო სამედიცინო ჟურნალები. ორდინატურაში სწავლა ბეხბუდმა საზღვარგარეთ გადაწყვიტა და არჩევანი რუსეთის ექსტრემალური და რადიაციული მედიცინის ცენტრზე შეაჩერა.

Бехбуди Рафиков
© photo : photo: courtesy of Behbudi Rafikov
ბეხბუდი რაფიკოვი

„რუსული განათლების უპირატესობები ნათელია: ესაა მაღალი ხარისხი მისაღებ ფასად და, ზოგადად, მისი ისტორია, – ასაბუთებს არჩევანს ახალგაზრდა სპეციალისტი. – მაგრამ მე მუშაობაც მინდოდა. პანდემიის დროს ჩვენს ცენტრს საქმე მოემატა. ჯანდაცვის სამინისტრომ ორდინატორებს სტაჟიორების სახით უფროსი ქირურგების ხელმძღვანელობით მუშაობის უფლება მისცა და ჩვენ კოლოსალური გამოცდილება მივიღეთ. ექიმისთვის პრაქტიკა ფასდაუდებელია“.

ასე დაიწყო ფიქრი სამსახურზე ბეხბუდი რაფიკოვმა, მაგრამ მას მხოლოდ ერთი დეტალი აფერხებდა – დოკუმენტების მთელი დასტის შეგროვების აუცილებლობა. „მივხვდი, რომ სწავლისთვის დრო აღარ დამრჩებოდა, თუ ამ ქაღალდების გაფორმებას დავიწყებდი, – ამბობს იგი. – ახლა კი, როდესაც ახალი კანონის შესახებ შევიტყვე, გახარებული ვარ. მუშაობის შესაძლებლობა მომეცა. დარწმუნებული ვარ, ასე მხოლოდ მე არ ვფიქრობ, რადგან რუსეთს უცხოელი სტუდენტების მოზღვავება ელის“.

ყველას დაეხმარება სუპერსერვისი

უცხოელი სტუდენტების დასახმარებლად სამუშაოს მოძიებაში „როსსოტრუდნიჩესტვო“ კიდევ ერთ საგანმანათლებლო სუპერსერვისს აამოქმედებს სახელმწიფო სერვისების პორტალზე. ამის შესახებ Sputnik-ს უწყების ხელმძღვანელის მოადგილემ პაველ შევცოვმა განუცხადა.

სააგენტოს დიდი ცვლილებები ელის - „როსსოტრუდნიჩესტვო“ უფრო ეფექტური გახდება>>

განათლების სფეროს ერთ-ერთი სერვისი, სახელწოდებით „უმაღლესში მოწყობა ქსელის მეშვეობით“, 2020 წლის 20 ივნისიდან მოქმედებს. ამ მომსახურების წყალობით აბიტურიენტს შეუძლია დოკუმენტების შეტანა რუსეთის ნებისმიერ უნივერსიტეტში სახლიდან გაუსვლელად. ახალი სუპერსერვისი კი გათვლილი იქნება უცხოელ სტუდენტებზე, რომლებიც უკვე სწავლობენ რუსეთის უმაღლეს სასწავლებლებში.

„სრულად მისი ამუშავება მომდევნო წლის ბოლომდე იგეგმება. სერვისის წყალობით ჩვენ დავინახავთ ყველა სტუდენტს – არა მხოლოდ იმათ, ვინც რუსეთში კვოტით სწავლობს, არამედ იმათაც, ვინც კონტრაქტით მოხვდა, – ამბობს შევცოვი. – სერვისი ასახავს ასევე სწავლის ადგილსა და სტუდენტის აკადემიურ მოსწრებას“.

მნიშვნელოვანია, სტუდენტებს ესმოდეთ, რომ არავინ აპირებს მათ თვალთვალს სერვისის მეშვეობით, აზუსტებს შევცოვი. ინფორმაცია აკადემიური მოსწრების შესახებ გამოადგება შრომის სამინისტროსა და კომპანიებს სამსახურისთვის ნიჭიერი სტუდენტების შერჩევისას. გარდა ამისა, სერვისის მონაცემები „როსსოტრუდნიჩესტვოს“ ხელს შეუწყობს იმის გაანალიზებაში, რომელი ქალაქები და უნივერსიტეტებია უფრო პოპულარული უცხოელთა შორის.

„ჩვენ ჩავტვირთავთ სერვისში ინფორმაციას რეგიონების შესახებ, რადგან, ჩვეულებრივ, აბიტურიენტებს ბევრი რამ აქვთ გაგებული მოსკოვისა და სანქტ-პეტერბურგის უნივერსიტეტებზე, მაგრამ თითქმის არაფერი – პატარა ქალაქებზე, სადაც ასევე ხარისხიანი განათლების მიღებაა შესაძლებელი. ამიტომ ეს ხარვეზი უნდა გამოსწორდეს“, – აღნიშნა შევცოვმა.

სტიპენდიების პროგრამა

არ არის აუცილებელი, ყველა სტუდენტმა იმუშაოს. ვიღაც მეტისმეტადაა ჩაფლული მეცნიერებაში და ამ შემთხვევაში სტუდენტებს მუშაობის ბანალური აუცილებლობა უჩნდებათ, რათა თავი ირჩინონ. გამოცდილების მიღებასთან ასეთ შემოსავალს არაფერი საერთო არ აქვს, ფიქრობს შევცოვი.

„ჩვენ უკვე ვმსჯელობთ იმაზე, რომ „როსსოტრუდნიჩესტვოს“ სჭირდება არა მხოლოდ კვოტები, არამედ ფორმატი, როდესაც აბიტურიენტს განათლების მისაღებად შეუძლია სტიპენდიის მოგება, რომელიც ანაზღაურებს მგზავრობის საფასურსაც და მინიმალურ საცხოვრებელ ხარჯსაც“, – ამბობს იგი.

რუსეთის ბევრ უნივერსიტეტში ახლა მოქმედებს გამოსაშვები კურსების სტუდენტების დასაქმების დეპარტამენტები. მომავალი დიპლომატი, სომეხი სტუდენტი ედიტა სტეპანიანი დახმარების წყალობით ჯერ მოეწყო პრაქტიკანტად სახელმწიფო დუმის ენერგეტიკის კომიტეტში, შემდეგ კი მას ასისტენტის თანამდებობა შესთავაზეს.

Эдита Степанян
© photo : photo: courtesy of Edita Stepanyan
ედიტა სტეპანიანი

„რასაკვირველია, სამსახურისა და სწავლის შეთავსებაში გარემოებები მეხმარება, – ამბობს ედიტა. – მარტში ყველა ორგანიზაცია დაიხურა პანდემიის გამო. შედეგად – ჩვენ ამ დრომდე ვსწავლობთ და ვმუშაობთ დისტანციურად. მაგრამ ამგვარი პირობების გარეშეც ვასწრებდი ყველაფერს, რადგან ამ დაწესებულებაში მუშაობა ჩემი ოცნება იყო. ასე რომ, საკანონმდებლო ცვლილებები უცხოელ სტუდენტებს სწავლის მეტ მოტივაციას აძლევს“.

176
თემები:
რუსეთი დღეს (676)

ამერიკელმა სამხედროებმა ყირიმთან ახლოს სარაკეტო სროლები განახორციელეს

7
(განახლებულია 23:18 26.11.2020)
აშშ-ისა და რუმინეთის სამხედროებმა სარაკეტო სროლები მოაწყვეს ყირიმის სიახლოვეს. სასწავლო სროლები შავ ზღვაზე ერთობლივი სწავლება Rapid Falcon-ის („სწრაფი მიმინო“) ფარგლებში განხორციელდა

სამხედროები შორი მოქმედების ზალპური ცეცხლის ორი რეაქტიული სისტემის დანადგარ M142 HIMARS-იდან ისროდნენ. ისინი სპეციალურად რამდენიმე საათით გადაისროლეს გერმანიიდან რუმინეთის პოლიგონზე. დასავლურ მედიაში მანევრებს რუსი სამხედროებისთვის „სარაკეტო სიურპრიზი“ უწოდეს, მაგრამ მოსკოვში ამ ფორმულირებას არ ეთანხმებიან. ექსპერტებს მიაჩნიათ,რომ არანაირ სიურპრიზზე ლაპარაკიც კი არ არის: სამხედრო ტექნიკის გადასროლას ყოველთვის თვალს ადევნებენ. თანაც შავი ზღვის რეგიონში რუსეთს რადიოტექნიკური დაზვერვის სადგურები აქვს. ჩატარებული მანევრები სხვა არაფერია, თუ არა ამერიკელი სამხედროების მორიგი პროვოკაცია, რომელიც ფაქტობრივად რუსეთს კი არ უქმნის საფრთხეს, არამედ თავად აშშ-სა და მის მოკავშირეებს.  

7
კორონავირუსით ინფიცირებული ბავშვი

დასახელდა კორონავირუსის ყველაზე ადრეული სიმპტომები ბავშვებში

217
(განახლებულია 14:54 26.11.2020)
მანამდე აშშ-ის დაავადებათა პროფილაქტიკისა და კონტროლის ცენტრმა (CDC) გაავრცელა ინფორმაცია, რომ კორონავირუსით ინფიცირებულ ბავშვებში იშვიათი, მაგრამ მძიმე გართულება შეინიშნება.

თბილისი, 26 ნოემბერი — Sputnik. ბავშვებში კორონავირუსის ყველაზე ხშირი სიმპტომები — ტემპერატურა და ხველებაა, განაცხადა „როსპოტრებნადზორის“ ეპიდემიოლოგიის ცენტრალური სამეცნიერო-კვლევითი ინსტიტუტის ხელმძღვანელმა ალექსანდრ გორელოვმა.

მისი თქმით, ზოგ არასრულწლოვან პაციენტს ასევე აღენიშნება კუჭ-ნაწლავის პრობლემები — სხვა რესპირატორული ინფექციებისთვის დამახასიათებელი სიმპტომების გარეშე.

ამასთან, გორელოვმა დააზუსტა, რომ კუჭ-ნაწლავის სისტემის პრობლემები ინფიცირებული ბავშვების მხოლოდ ორ პროცენტში შეინიშნება.

რაც შეეხება ყნოსვის დაკარგვას, სპეციალისტის თქმით, ეს არც ისე სახასიათოა სიმპტომია, ვინაიდან ადრეული ასაკის ბავშვებში რთულია დადგინდეს, აქვს თუ არა პატარას იგი.

მანამდე აშშ-ის დაავადებათა პროფილაქტიკისა და კონტროლის ცენტრმა (CDC) გაავრცელა ინფორმაცია, რომ კორონავირუსით ინფიცირებულ ბავშვებში იშვიათი, მაგრამ მძიმე გართულება შეინიშნება. საუბარია ბავშვთა სისტემურ ანთებით სინდრომზე, ანუ კავასაკის სინდრომზე. აღნიშნული გართულება ხასიათდება სიცხით, გამონაყარით, მუცლის ტკივილით, პირღებინებით. გარდა ამისა, შესაძლო სიმპტომებს შორისაა ზედმეტი გაღიზიანება, მოდუნება, დიარეა, კონიუნქტივიტი, კისერზე ლიმფური კვანძების გადიდება, დამსკდარი ტუჩები ან გაწითლებული ენა, ხელებისა და ფეხების დასივება.

217
თემები:
COVID-19-ის პანდემია მსოფლიოში
ფეხბურთის ნაკრები

საქართველოს ქალთა საფეხბურთო ნაკრები კიდევ ერთხელ დამარცხდა

0
(განახლებულია 10:50 27.11.2020)
საქართველოს ქალთა საფეხბურთო ნაკრებმა ევროპის ჩემპიონატის შესარჩევ ეტაპზე ცხრა ჩატარებული მატჩში სამი გოლის გაიტანა, 42 კი გაუშვა

 

თბილისი, 27 ნოემბერი - Sputnik. საქართველოს ქალთა საფეხბურთო ნაკრებმა ევროპის 2022 წლის ჩემპიონატის შესარჩევ ეტაპზე მალტას უმასპინძლა და კიდევ ერთხელ დამარცხდა. 

შეხვედრა სტუმართა დიდი უპირატესობით წარიმართა. მატჩის პირველ ნახევარში ზამიტისა და ბუგეჯას გატანილი გოლებით მალტის გუნდმა  ორბურთიანი უპირატესობა მოიპოვა.

მეორე ტაიმი მალტელთა შეტევებით დაიწყო და 58-ე წუთზე ბუგეჯას შესრულებული დუბლის წყალობით საბოლოო ანგარიში, 0-4 დაფიქსირდა. აღსანიშნავია, რომ ქართველ გოგონებს შეხვედრის მიმდინარეობისას რეალური საგოლე მომენტი თითქმის არ შეუქმნიათ.

ლევან ბაჯელიძის გოგონებმა აღნიშნულ ჯგუფში ცხრა მატჩი ჩაატარეს და ყველა წააგეს. საქართველოს ნაკრები შესარჩევი ციკლის B ჯგუფში 0 ქულით ბოლო, მეექვსე პოზიციას იკავებს – მათ ანგარიშზე 42 გაშვებული და სამი გატანილი გოლია.

ქალთა ნაკრები ჯგუფის ბოლო შეხვედრაში, რომელიც 1 დეკემბერს გაიმართება, ბოსნიის ნაკრებს დაუპირისპირდება.

0
თემები:
სპორტის ამბები